السلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜
رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
ياقوت: اش بغيتي ا ختي مالكي شروق: عندي خبر زي الزفت ياقوت: ا مالكي حتى نتي شروق: كيفاش هاد حتى نتي ادن نتي عندك مصيبة كثر مني ياقوت: خليك مني اش كاين ياك أودي لاباس غير قولي شروق: أودي ديك البرهوشة ديال ناهدة لقاتني كنوجد les CVs ايوة ومشات فضحاتني عند بابا بلي غنقلب على سطاج ياقوت: ايوة كان يصحاب ليا غادي يفرح حيت غادي تعتامدي على راسك شروق: اه بصح ولكن راه انا ا صاحبتي بغيت شركة روان (عضات على فمها حيت عارفة رأسها اش قالت) ياقوت لي كانت جالسة وقفات من الصدمة: واش نتي حماقيتي اويلي على شركة روان اويييييييلي شروق كطنز عليها: ماااالكي شركة روان لقيتيها الله يهديك اسميتك ياقوت ملي وقفات وقفات مشات تجيب داك العدس: واش الشركة المنافسة لباباك نيشان نتي اكيد تصطيتي شروق: شوفي ديك الشركة كتحمقني شركة صغيرة وخدامين بحب وضحك والنشاط والخدمة غادية مزيان بييييييس آند لووv ياقوت من بعد ما جلسات كتاكل فالعدس: كل شركة عندها سيستيم ديال الخدمة خاص بها، ايوة قولي ليه غا تشوفي شركة أخرى من غير روان شروق: واا تي شكون خلاك قاليا مانتيقش بيك قاليا من غدا نلقاك فالشركة وقولي لياقوت بابنا مفتوح دائما فوجهها ياقوت: عارفة شكرا بزاف المهم انا غدا غاندوز ندفع CV ديالي ونقد ندوز عندك منين نسالي نبريباريو شوية و نشرح ليك ديك لبارتي لي مفهمتيش شروق: اوكي الزين بون نوي حبي لي عطاني سيدي ربي ياقوت: بون نوي قطعو لبنات مع بعضياتهم كل وحدة مشات تنعس غير الفرق كل وحدة وفين غا تنعس شروق وسط غرفة أحلام كل بنت تكون فسنها فيه كل ما كتحتاج بنت فعمرها سواء كانت كتستعملو ولا لا اما ياقوت فكانت وسط غرفة لي بالنسبة ليها هي الدار ديالها شروق وسط عائلة لي كيبغيوها وكيحبوها وكيجريو فالسعادة ديالها وياقوت وسط عائلة لي ماكيحملوش فيها الزغبة والسبب ما عارفاهش gاع بالنسبة ليها ايلا كرات فشي قنت آخر غادي يتعاملو معاها مالين البيت احسن وأحسن من عائلتها ولكن واش هي قادرة يمكن هي فعلا ضعيفة ولا المحيط لي عايشين فيه والجرائم لي ولينا كنسمعو هما لي مخليينها تخاف حيت الفلوس لي عندها غادي يكريو ليها بيت فشي سطاح مع جيران وماشي أي جيران يعني غادي تغامر براسها
🌄🌄أصبحنا وأصبح الملك لله 🌄🌄كل صباح فحياة أي واحد كايكون مغاير واخا يقولك شي حد كل نهار عندي بحال بحال راه غير تعبير مجازي هداك ماكاين حتى صباح كيشبه لصباح آخر لي كيقول ديك الهضرة كايكون محاط بناس عندهم نفس الفكر هما لي كيخليوه يحس بتشابه الايام قصتنا كل واحد وكيف فاق شروق فايقة خاسرا واش هي لي كاينة تفيق فهاد لوقت ياك غير شركة باها هاديك ياك غير صطاج ملي فيقوها وهي كتنgر حتى وقفات قدام المرايا كتشوف رأسها كيف جات كانت لابسة كسوة فالاسود ديال الصوف مع بوط طالعين فنفس اللون شعرها بوكلاتو من لتحت دارت ماكياج يومي ديالها غير هاد المرة ختارت عكر أحمر كتبان بيه من الطيارة كيتماشا مع لون الصاك لي كان حتى هو فالاحمر وأسفل لي بوط ديالها خدات مع اكسسوارات لي كانو بين الأسود الأحمر والنقري هبطات لقلب الفيلا ديالهم كتبان ليها الأم والأب ديالها واخدين زينتهم حتى هما وناهدة ببيجاما سخونة ديال الدار جالسين كيفطرو شروق: ماما وبابا وانا طبعا عندنا الخدمة(كتشوف فماgانتها) والدراري صغار لاش فايقين فهاد الوقت ناهدة لي عرفات الهضرة عليها جات نايضة ليها: ياك شفتي ا ماما انا ما كنجبدهاش شروق: مالي دلو تجبديني ااا البعلوكة مريم:صافي ا لبنات جلسو شروق تبتي شوية ا بنتي ماشي حيت الشركة ديال باباك تكوني غير مسؤولة ونتي ا ناهدة فقتي باش تبريباري قلتي ايوة دبا نشوف شروق طلقات واحد الضحكة معنفجة: هخخععههعخححعاخمهههه هادي فايقة تحفظ شوفي يا مريمتي يا غادي تجي غادي تلقاي يديك والرحمة يعني نهودي ماكاينش يا غادي تجي وتلقايها كتحفظ بصح ولكن وجدي راسك يا غاتكون دايرة شي مصيبة وكتحاول تكسب العطف ديالك قبل ماتصيقي الخبار يا يالاه كتوجد دير شي مصيبة يا باغا تخرج فالويكاند.... محمد: ساليتي نوضي نشوفو خدمتك واش ماضية بحال لسانك
💞💎💞💎💞💎💞💎💞💎💞💎💞 الله عليك يا شروق حبيبتي
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
