🌛رمضان كريم 🌜
💞 💎 ياقوت 💎 💞
المساعدات لي تما كلهم بداو كيشوفو فبعضياتهم ويتغامزو عليها ويضحكو واش هادي غبية علاش لي كيقرا فمدرسة التجارة والتسيير وفهاديك المدرسة بالضبط بحال هاديك يحتاج هاد الخدمة غايكون غير جالس والخدم والحشم غاديين جايين عليه ياقوت بان ليها حتى حد مامتيقها وهي توجه عند الحاجة
ياقوت: شوفي ا لالة انا والله ما كانكدب عليك انا كنقرا مع فاتي هاد العام غادي ناخد الماستر ديالي وانا محتاجة الخدمة انا اصلا خدامة ف...
الحاجة شافت كلشي كيتفرج فيها وهي ضور فيهم: يالاه ا بنياتي كلها تديها فشغلها ونتي ا ياقوت أجي معايا نشوفو هاد فاتي مالها ثاني
مشات هي وياها وجلسو فصالون من الصالونات العصريين وجالت ليها تكمل ليها
ياقوت:انا ا لالة خدامة فوزين ** ديال الخياطة وكنخرج نخدم حتى فديور ومرات كندير السوايع للوليدات
ح.زينب: علاش ا بنتي علاش ياك هاديك المدرسة كيقراو فيها غير الناس لي لاباس عليهم هادشي باش كتفرع لينا فاتي وامها وخالتها راسنا
ياقوت: نعم فعلا ا لالة هي كيقراو فيها غير لي لاباس عليهم ولكن انا الدولة عطاتني منحة وعطاتني الاختيار بين 3 المدارس وانا ختاريت هادي حيت فنفس المدينة
ح.زينب فرحات ليها حسات بلي ما كاتكدبش عليها: ايوة مزيان الحمد لله لي باقين بنات كيديوها فقرايتهم حتى يحصلو على المراتب العليا ولكن اا بنتي بيني وبينك فاتي ما غاديش دير فيك هاد الخير لله في سبيل الله
ياقوت: هي فعلا كتشد فيا وتحتاقرني وتقلل مني ماشي غير هي عدااااد هما ولكن هضرتهم ما كاضرنيش كنسمعها من أقرب الناس ليا وماكاتزيدني غير إصرار باش نوصل لأهدافي هي فالصراحة كانت غير بغات تهيني بالخدامة فالديور ولكن انا لا كاتجيني عادي خدمة حلال وكتعطيني شوية الفلوس لي كيعاونوني نحل مشاكيلي بحال أي خدمة أخرى
ح.زينب: أولا ماسميتهومش خدامات هما مساعدات كينقيو وسخنا ويسترو عيبنا كن كنا لالياتي كن راه حنا نيت مقابلين ديورنا ولكن الصحة قلالت والدار كبيرة ثانيا نتي ا بنتي مثال ديال المرأة المغربية الحرة شقا ونقا والقراية والتفوق والكلام الموزون بحالك ا بنتي توزن بالذهب
ياقوت: ربي يخليك ا لالة
ح.زينب: دبا ا بنتي قولي ليا شحال عطاتك ديك الممسوخة انا عارفاها غاتاكل ليك عرق كتافك
ياقوت: علاش ا لالة واش هي لي غادي تخلصني
ح.زينب هنا عرفات بلي فاتي بلعاني صيفطاتها بلا خلاص حيت هما ديما كيخلصو البنات قبل ما يجيو يعني كانت غاتخليها تخدم ب 0 درهم:لا لا ا بنتي انا لي غادي نخلصك ولكن قبل قولي ليا مالك ا بنتي شكون ضربك وجهك كلو مضروب
💞💎💞💎💞💎💞💎💞💎💞💎💞💎💞
فنظركم واش ياقوت واضحة فكلشي وتقدر تقول شنو عايشة ولا لا
VOCÊ ESTÁ LENDO
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
