🌛 رمضان كريم 🌜
💞 💎 ياقوت 💎 💞
كلشي تصدم من الجواب ديالها هي ديما كتصدمهم ولكن توقعوها تبكي تم داخل الأستاذ لي بدأ فالدرس وشروق غير كتنgر
شروق: هاد الأستاذ كيجيب ليا الغمة ا ختي مافهمتش لاش كندخلو عندو ياقوت ياقوت غيبتي تاني تقول الاساتدة دايرين ليك الطلاميس
بقات هاضرة بوحدها حتى سالات المحاضرة وخرجو لحديقة خلفية فالمدرسة كتكون خاوية جلسو فالgازون جبدات ياقوت الحليب وجوج ساشيات نسكافيه أما شروق جبدات كرواسون وجوج نصوصة باريزيان فيهم فروماج أحمر وكاشير وبداو كياكلو ويتعاودو
شروق:علاش ا ختي ما خليتينيش نتف ديك المعواقة لداخل وكاتقولي ليها اه غاتمشي
ياقوت: شروق الخدمة ماشي عيب وانا بصح خاصاني ديك الخدمة نتي عارفة شوية يقولك سطاج ما سطاج خاصني الحوايج وطرونسبور ضروري طاكسي ماشي البيس
شروق: ايلا كنتي كتهضري على سطاج غاندوزوه عند بابا اياقوت
ياقوت:ابدا ا شروق ونتي براسك خاصك دوزيه فشي شركة أخرى هاكا غايعرفوك كابابل
شروق: نمشي معاك ملي تكوني غادية عند طاااتي(كتعيب فاتي) ديال فاتي
باقوت:من نيتك
شروق: وي والله باش نساليو ضغيا نمشيو نتسركلو
ياقوت كتشوف فهاد الآفة لي قدامها: شفتي نتي على ديك الزربة لي فيك حتى تولدتي على 8شهور نسيتي عقلك تما وخرجتي زربانة
شروق بدات كتقيس فراسها: يا ختي بصح كنحس براسي خفيف بحال ايلا خاوي ههههه
ياقوت: ههههه الله يمسخك
شروق: أجي لوزين اش درتي معاهم
ياقوت: عطيتهم لومبلوا قادوه والمدير ثاني هنا حول ليا الحصة ديال مدام بوشتى غانولي ندخل مع section 2
شروق: ويلي غانولي ندخل عند ديك بوسكة بوحدي
ياقوت: شروق براكة من الفشوش
(أجي نوصف ليكم شروق طاي مانكان غير هي عندها فائض فالصدر والطرماحة ملامح سوداء متناقضين مع بشرتها القمحية شعر اسود مع حجبان فاللول الأسود عوينات لوزات بنيين لي شافهم كيهبل نيف مقاد وفيم صغير ومنفوخ شخصيتها مرحة ومتواضعة جدا جدا
💎💞💎💞💎💞💎💞💎💞💎💞💎
آرائكم تهمني فتيات
Oops! This image does not follow our content guidelines. To continue publishing, please remove it or upload a different image.
YOU ARE READING
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
