💞💎ياقوت💎💞 ( مكتملة )

الجزء 10

                                   🌛 رمضان كريم 🌜

                                💞 💎 ياقوت 💎 💞
                                       

مينة لي كانت فشرجم السيجور ملي سمعات صوت راجلها وملي عرفات اش كاين جات قاصداها نيشان لقات ياقوت واقفة كتسنا ومترقبة دخولها وحتى هي ماخيباتهاش
مينة طارت على شعر بنتها نزلاتها للارض:انا يا الق*** يا صوبيصة طيحي كلمتي للأرض قلت ليك عمر شي ز*** يجي عندي للدار قلتها ولا لا
كتنتف وتعض وتقمش وياقوت تغوت لربي لي خلقها خوتها واقفين فالباب خايفين ماشي عليها على رأسهم لا يطرا ليهم بحالها هربو لبيتهم كل واحد فين تخشى واحد تحت السرير واحد تحت البيرو وآخر دخل للبلاكار أما ياقوت تحت من أمها مجبدة كتبكي حتى تحبسات فيها النفس تغمضو عينيها ملي ما بقاتش كتحس ومشات لعالم آخر ومينة مزال جالسة فوق كرشها وكضرب وتنتف حتى دخل إبراهيم جا يدير حقو)
إبراهيم كيجبد الصمطة من سروالو: حيدي خليني نربي الكلبة
جات مينة نايضة عاد بانت ليهم بلي مغيبة تخلعو ولكن مامبينينش خايفينها لا تموت ليهم تما
ابراهيم"  ماااالها هادي
مينة كتفتف مخلوعة ما باغاش تمشي للحبس:غادي غير غغ غير غاتكون غير كاتبوحط
إبراهيم بغا يتأكد جبد معاها بديك الصمطة حتى خرجات ااااااه خفيفة من فمها وزاد ضربها لكرشها برجلو ووجه كلامو ل مينة: هزيييها لبيييييتها قبل لا قتلتها وتبعتك ليها يا العيفة نتي سبب هادشي الله يغرق ليك الشقف تفوووو(دفل عليها وسط وجهها)
ناضت مينة والدموع فعينيها غسلات وجهها وعينيها فبنتها فيهم غير الظلام ما كاين لا حب لا حنان كون كانت مرات باها كانت تحن فيها ولكن هيهات هادي راه ميييينة قربات ليها بغات تgعدها باش تهزها جراتها من شعرها حتى تgعدات ودارت يد تحت رأسها ولوخرى تحت رجليها هي كانت باغا تجرها ولكن بان ليها الدم كثير خافت لا تجلخ ليها الدنيا وتصدق مسيقة ااااخ
حلات البيت من بعد ما جبدات الساروت من جيب بيجامة ياقوت دخلات لبيت بنتها اول مرة من نهار استاقرات فيه شافتو كيفاش مرتب دخلاتها حطاتها لا عفوا لاحتها فوق الناموسية وجات وحطات الساروت فوق الكوافوز وجات خارجة كون كانت ضروف أخرى كن بقششات البيت حيت هما عارفين بلي غايكونو عندها الفلوس ولكن ماشي فحاله لي تقلب بيها دبا البيت
خرجات وسداتو ومشات لبيتها لي كان فيه الدوش دخلات حلات الرشاشة وجلسات تحت منها تبكي وتنوح تحلفي عليها مظلومة وففمها غير نتوما السباب نتوما لي بغيتو هاكا خرجات من داك الدوش من بعد ما دوشات مشات جبدات ملابس داخلية بيجامة سخونة سروال وتريكو وبينوار كاتلبس مزيان وتماكي واخا فالدار فين ما تمشي عندها تلقايها انتيكة خرجات من البيت قصدات بيت ولادها حلاتو بانو ليها الناموسيات مقادين(كان بيتهم فيه رسومات ديال أبطال الرسوم المتحركة وناموسياتهم على شكل سيارات كل سرير قدامو بلاكار ديالو بنفس التصميم عاد الجهة الأخرى فيها بيرو طويل ولكن هو 3 البيرويات ملاسقين كل واحد بالبيسي والكرسي ديالو بيتهم هو أكبر بيت فالدار هو وبيتها هي ملي مابانوش تما هي عارفة فين غاتلقاهم توجهات تحت السرير لقات رضا ناعس ويديه على ودينه هزاتو حطاتو فبلاصتو غطاتو قبلات جبينو توجهات تحت البيرو لقات أسامة بنفس الطريقة حطاتو عاد مشات كتقلب على حسام حيت هو كل مرة كيبدل البلاصة عاد لقاتو أخيرا فبلاكار أسامة مخبي وعرقان لقاتو كيهترس عرفاتو كيقول علاش كضربوها حطاتو بنفس الطريقة بقات كتامل فيه هو نسخة طبق الأصل على ياقوت شمات ريحتو مزيان وناضت لبيتها)
مينة هزات تيلي ديالها لي كان ايفون 8 دوزات نمرة إبراهيم كيقطع عليها

              💎💞💎💞💎💞💎💞💎💞💎💞💎💞💎💞💎
اش بان ليكم فهادو ثاني يا البنات