🌛 رمضان كريم 🌜
💞 💎 ياقوت 💎 💞
كلشي كيتغدى غير الأمكنة لي مختلفة مينة جابت ولادها هي وابراهيم للدار الطريق كلها وهي فالمعيار والسبان والشتائم النابية وهي ما قادراش حتى تجاوب ولا تهز الراس فيه ولا تعتارض وتقول شي حاجة كاين غير السمع والطاعة وحنيان الراس جابو ولادهم وداز للسناك خدا غداء من تما باش ياكلو
ياقوت وشروق كيتغداو وكيهضرو مع بعضياتهم ابيل فيديو بحال الى جالسين مع بعضياتهم حيت ياقوت فالمطعم الخاص بشركة رمزي وشروق فالمطعم الخاص بشركة الرايس لي هي ديال الاب ديالها كيهضرو فمختلف المواضيع وكلشي على الخدمة لي طاحت على ريوسهم وحدة عرض شراكة والثانية برم صفقة مع شركة اخرى
هلال وصل للدار ومع عائلته جالس وحتى المساعدات لي عيط عليهم هلال واخا ما بغاوش ما قدروش لكن اصر انهم يجلسو والكسكس كيبغي الجماعة جابتهم ح.زينب باش يجلسو وفعلا جاو وجلسو واخا ما كلاوش بخاطرهم كيدب فعروقهم الرعب واخا مامسوقش هو ليهم كاع كيشوف غير قدامه وكياكل بهدوء والانظار عليه
عثمان جالس كيتغدى وعينيه عليها وقدامه غيثة ملي جلسات وهي كتسولو عليه وهو طلعات ليه الدم نرفزاته مرة يجاوبها مرة يسبق الميم ويرتاح ويتهنى حتى كمل غداه ووقف مخليها مكملة الجماعة مع نرجس وباقي البنات لي خدامين ولي كانت هضرتهم كلها على العنصر الجديد فالخدمة ولي هو "ياقوت"
عائلة ح.عبد الجليل حتى هما كيتغداو بلا نفس غير كيخشيو ففمهم بلا ما يتبننو وكيشوفو فولدهم بشفقة ولكن مقصحين قلوبهم هذا احسن حل بالنسبة ليه باش ما يضيعش ويضيع مستقبله على شي حاجة لي هي مستحيلة ومعقدة نيت كانو مجموعين كاملين العائلة الاخوات برجالهم والاخوان والوالدين
**** ***** ***** **** *** ****** ***** ***** ***
امام شركة رمزي توقفات سيارة من نوع رونج روفر بالاسود كتبري بحال الى مدردرة بالسقلي تفتح الباب من جهة المقود وبان حذاء كلاص اسود لامع وجهك يبان فيه طالعين من حذائه كان لابس كوستار اسود مع شوميز بيضاء مونطو اسود كاشكول رمادي لاويه عليه كان شبيه ل عثمان حتى هو زعيعر غير هو مفورمي على عثمان بشرة بيضاء بملامح بنية لحية كثيفة كيبانه شنايفه الغوز متوسطينها نويف منقاد عيون خضراء برموش كثيفة ومرتبة حواجبه عاقدهم وكيبانو كثيفين
خلى الباب مفتوح للسيكيريتي باش يحيدها من الباب وتوجه للدخلة لي شافو كيحييه ويكمل الخدمة دياله وهو كيرعد اما هو عينيه غير كيضورو من قنت القنت وكينوطي فدماغه توجه للمصعد لقاه يالاه غادي يتسد حبسو وطلع بلا ما يشوف شكون لي معاه ما عاطيش للامر اهمية
وصل للطبقة السادسة بقا بوحدو فالمصعد خرج وتوجه للمكتب دياله لي فالباب مكتوب "مصعب رمزي" حل الباب ودخل كان المكتب دياله نظيف كانه ما غبرش عليه مدة شهرين حيد المونطو من الدخلة وعلقو فعلاق وفطريقه للبيرو حيد لا فيست دارها خلف الكرسي باقي واقف ضغط على زر فالهاتف الثابت وجاه الرد
مصعب للسكريتيرة: عثمان يكون عندي هنا
السكريتيرة: ضااكوغ مسيو مصعب دبا نعلم الكاتبة دياله
جلس بلاصته وتدق الباب دياله ودخلات ثاني السكريتيرة دياله فيديها عدة ملفات توجهات جنبه حطات ليه الملفات قدامه لي باقي ما تسناوش ولي خاص يراقبهم وبقات كتخطب عليه بالجديد والقديم شي نصف ساعة وهي كتبربر عليه حتى تفتح الباب بلا دقان وبان بابتسامته الجانبية المعهودة دخل وخلى الباب محلول باش تخرج السكريتيرة ملي تسالي مشا نيشان تلاح فوق الكرسي امامه وتسنى حتى خرجات الكاتبة عاد هز راسه فيه هو لي خاشيه فدوك الوراق
عثمان جاه الملل وهو جالس: كيصحاب ليا خويا عيط عليا حيت توحشني هاد المدة كاملة ولا باش يهنئني على الخدمة لي كنت شاد فغيابه ولا غير باش يسولني على المستجدات ديال الشركة بففففف ولكن صدقتي خاشي وجهك فالوراق مامسوقش ليا
مصعب هز راسه فيه مخنزر: الصفقة ديال شركة "كيووت مي" الى ما تربحاااتش غادي ننسا هاد المجهود كله لي درتي فغيابي غير باش تكون عارف
عثمان بلا ما يعطي للامر أهمية: صااافي قلت لييك غادي ناخدو هاد الصفقة
مصعب زاد فحدة نبرة صوته: شحال من مرة قلتي ليا هاد الهضرة فالصفقة لي قبل مع "نوار" هممم غيير قول شحاال فالاخير كنلقا العرض ديال الشركة ديالنا ما كاينش حتى فلائحة الانتظار وشركة اا عبااد الله سميتها ما كيناش حتى فالسوق هي لي داتها
عثمان دبل عويناته: هاااد المرة غييير والعرض غادي يتقدم وغادي يتهز واخا تجي شركة الادريسي قدامنا
مصعب غربلو بدوك الشوفات لي بحال القرطاس كيدير فيه شكوون غادي يقدم العرض همم علاش ثااايق فراسك فهاد الدرجة
عثمان باغي يحرق ليه اعصابه سطاااجير جديدة
ضرب مصعب بواحد الملف حتى تشتتو الوراق لي فيه وعثمان غير مبتاسم: وااااش بااغي تحمق *امل بوووياا هاا كيفاااش سطااجير وااش من نيتك بقااو لدينمنا غير لي سطاااجير
عثمان وقف كيقاد حوايجه مامسوقشش للبركان حتى تحل الباب ودخلات غيثة عينيها كيطلقو القلوبة: المهم لي غيقدم العرض هو نفسه لي خدا منا صفقة "نوار" مزيانين لي سطاجير دبا (غمزه) نخليك دبا لا تموت لينا غيثة (قلب ليها عينيه) غيثة صاافاا
حركات ليه غير راسها بعدم اكثرات وعينيها على مصعب لي معصب لاقصى درجة داكشي لي دار ليه عثمان غادي تكملو ليه هادي لي دخلات دبا وهو ما عنده فين تبات نملة
VOUS LISEZ
💞💎ياقوت💎💞 ( مكتملة )
Roman d'amourالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
