💞💎ياقوت💎💞 ( مكتملة )

الجزء 7

                                 🌛 رمضان كريم 🌜
                    
                               💞 💎 ياقوت 💎 💞
                                     

شروق: دبا فين غاتمشي ا زين نوصلك
ياقوت: غادي نمشي للوزين راه بعيد عليك غير سيري بيناتنا تيلي الاثنين ماكاينش مسيو الراضي فالحصة ديالو نراجعو فالبيبليو لي فسونطر
شروق: ما قلتي نضورو ما قلتي نتسركلو ديريكت لقراية لمهم نوضي نمشيو لاتعطلي
فعلا مشاو شروق خدات طموبيلتها ميني كوبر فالاسود وياقوت مشات لطوبيس تاني غير هاد لمرة نمرة مختلفة شروق متبعاها بعينيها بقات حتى تصاحبات معاها واخا ياقوت فالأول كانت كتبعدها ولكن هي ما ستسلماتش حتى عاودو لبعضياتهم كلشي ولكن ياقوت كترفض دائما مساعدات شروق المادية باش ماشي تسمى صداقة مصلحة بل وعلماتها حتى هي تعتمد على رأسها هادشي فرح واليدين شروق لي تعرفو عليها
وصلات ياقوت للوزين لبسات وزرة زرقاء جمعات شعرها شفنجة وتوجهات لماكينتها آلاف العاملات ممنوع عليهم الهضرة مع بعضياتهم دورهم يخيطو ويسكتو ماكاينش حتى حق عندهم ايلا طرات ليك شي حاجة يبدلوك ويجيبو وحدة أخرى لباشار موجود جلسات لقاتهم حاطين لهم الموديل لي غايخدمو بقات خدامة من 11 حتى ل 7
وناضت تاني خرجات لقات الشتاء بدأت تكبطات ومشات شي ساعة وهي كتسنا لبيس وهاد المرة عندها 2طوبيسات وصلات للبلاكة هبطات تسنا لي كيدوز على الحي لي كان جاي كيبان من البعد بلي عامر غادي يتقيا وقف هبطو شي 2 دناس وطلعات هي و4 دناس وقفات حدا لباب من بعد ما vاليدات لاكارط هادشي وعينين شاب عليها لي كيعرفها حق المعرفة إدريس ولد دربهم خدام فشركة ديال الدواء من ديما كتعجبو وكتبقا فيه وباغيها للزواج وقايلها لأمه لي فرحات حيت ختار ياقوت كيتسنا غير الوقت وبان ليه هو هدا وصل لبيس لبلاكة قاطع تفكيرو هي لي نزلات عاد عرف راه وصلو هبط تا هو تابعها من اللور ماقادش يهضر معاها مامضسرة عليها حد وصلات لقدام الحانوت وهو مازال تابعها تقول مبنجاه وقف تا هو تما
ياقوت: با محماااد ا باااا محماد(كان لداخل فدارو سمعها وجا)
محماد: أهلا ياقوت جيتي بكري ليوم
ياقوت: اه راه داكشي باش قلت ليك غانجي عند خالتي فاضمة
محماد عاد نتابه لادريس: إدريس سمح ليا ا ولدي تلاهيت مع ياقوت وخليتك تسنا
هي ما شافتش فيه gاع وهو عاد فاق اش باغي هو ما باغي والو كان غادي للدار ولكن مابغاش يتحاشم معاهم
حمحم نضف حلقو وعاد تكلم ادريس: ماشي مشكل الآنسة هي الأولى عطيني ليترو حليب وقرعة نيتيلا وشي 4الخبزات
محماد كان غادي مزيان غير قاليه الخبز عقد حواجبو: الخبز يالاه دازت شيماء(أخت ادريس) بالوصلة تاع الخبز(مول الحانوت هو لي كيعرف شادة والفادة على الحي)
إدريس تزنg بالحصلة لي حصل: أحححم أمم كانو قالو ماغايخبزوش العجب صافي بلاش من الخبز (خدا اغراضو وزاد خلفة)
محماد: واضوري نحل ليك الباب من لهيه

             💎💞💎💞💎💞💎💞💎💞💎💞💎💞💎
اش بان ليكم ف إدريس واش هو الحل الأول ليها