ဒါဟာ ကျွန်မရဲ့ဆုတောင်း
===================မှိန်ဖျော့ဖျော့နေ့တစ်နေ့ရဲ့အဆုံးမှာ နေမင်းကြီးက သူ့ရဲ့နောက်ဆုံးနှုတ်ဆက်ပွဲအဖြစ်
ကျွန်မကို နှုတ်ဆက်သွားမှာ ကျွန်မကြိုသိနေတယ်လေ ။ကျွန်မစွန့်ခွာမသွားခင်
ကမ္ဘာမြေကြီးက ကျွန်မကို
သူ့ရဲ့လက်တွေနဲ့
ဘာကြောင့် ပွေ့ဖက်ဖို့ ခေါ်ရလဲ ။ညရဲ့တိတ်ဆိတ်မှုဟာ
ကြယ်တွေရဲ့အကြောင်း
ကျွန်မကို ဘာကြောင့်လာပြောပြလဲ ။ကျွန်မရဲ့ကဗျာတစ်ပုဒ်ကို
ပြီးပြည့်စုံစေဖို့
နောက်ဆုံး ကာရံနဘေစာသားကို
ကျွန်မလက်စသတ်ပါရစေ ။သူမမျက်နှာကို တွေ့မြင်ဖို့အတွက်
မီးအိမ်လည်း ထွန်းညှိပါရစေ ။ကျွန်မ သီခဲ့တဲ့ပန်းကုံးကိုလည်း
သူမခေါင်းမှာ ပန်ဆင်ပေးခဲ့ပါရစေ ။ဒါဟာ...
ကျွန်မရဲ့ဆုတောင်းတွေပါပဲ ။~
ကျွန်းတံခါးမကြီးကို ကျောခိုင်းရပ်ပြီး သေခါနီးလူတစ်ဦး၏ ဆုတောင်းအကြောင်း စာအုပ်လှန်လျောဖတ်နေသည့် မိန်းမပျို၏လှပသော မျက်နှာသည် စိတ်ဝင်စားမှုများ ပြည့်နှက်နေသည် ။ သူမသည် အခြားသူမဟုတ် ။ ဤသော်ကမြိုင်စံအိမ်ကြီး၏ သခင်မလေးခယောင်းထွဋ်ခေါင်ဖြစ်သည် ။
"ဇဝါထွဋ်ခေါင်နဲ့ပိုးဥလေးရောက်လာပါပြီခ”
ခ၏ တိုစိပ်စိပ်မျက်တောင်မှာ ဖျတ်ခနဲ လှုပ်ခတ်လာပြီး စာအုပ်ကို ပိတ်ကာ အသံလာရာဘက်သို့ လှည့်ကြည့်လိုက်သည် ။ သော်ကမြိုင်စံအိမ်၏ အိမ်တော်ထိန်းဦးစိုင်းလုံသည် တံခါးဝ၌ ရို့ကျိုးစွာ ရပ်နေ၏ ။ အသားအရောင်နီနီ ၊ နှုတ်ခမ်းမွှေးကားကားနှင့် ခပ်ဝဝပုံပန်းရှိကာ ရှမ်းဝတ်စုံ အမြဲဝတ်ဆင်တတ်သော ဦးစိုင်းလုံသည် ခအတွက် လူယုံလည်း ဖြစ်သည် ။ ခေါင်းတစ်ချက်ညိတ်၍ လက်နှောင်းကာ ကျွန်းတံခါးအဆင့်ဆင့်ကျော်ဖြတ်ပြီး အိမ်ရှေ့ထွက်လာတော့ ဦးလုံလည်း နောက်မှ လိုက်လာ၏ ။
"နေပူတယ်ခ ၊ ဦးလုံထီးလိုက်မိုးပေးပါ့မယ်''
"ရတယ် ၊ ဦးလုံက ခွန်လေးဆေးကြိုတာကူညီပေးလိုက်ပါ ၊ ခကို ထီးပေး''
![](https://img.wattpad.com/cover/273756645-288-k600619.jpg)
YOU ARE READING
This is my prayer
Romanceကာမပိုင်လင်ယောက်ျားရှိ ဣတ္ထိယအမျိုးသမီးတစ်ဦးကို အရူးအမူး စွဲလမ်းမိသော မိန်းမငယ်လေးတစ်ဦး၏ အဆုံးသတ်သည်... ကာမပိုင္လင္ေယာက္်ားရွိ ဣတၳိယအမ်ိဳးသမီးတစ္ဦးကို အ႐ူးအမူး စြဲလမ္းမိေသာ မိန္းမငယ္ေလးတစ္ဦး၏ အဆုံးသတ္သည္...