"ခ ၊ ဧည့်သည်လာပါတယ်''ခ လိမ္မော်ခြံ၌ ဂူဒေါင်ဘေးရှိ ယာယီကုလားထိုင်တွင် ငွေစာရင်းပေါင်းနေစဉ် ဒေါ်ကြီးမှတ်က လာပြောသည် ။ ခ,ကြည့်လိုက်တော့ ဒေါ်ကြီးမှတ်နှင့်အတူ သူငယ်ချင်းအိမ့်ရွှေစင်ဝင်းက အတူပါလာသည် ။
"ကျားသား မိုးကြိုး ၊ အိမ့် နင် ငါ့ဆီ မလာတာဖြင့် ဘယ်လောက်ကြာနေပြီလဲ''
အိမ့်က စားပွဲဝိုင်းတွင် ဝင်ထိုင်ပြီး သူမ၏ လက်ကိုင်အိတ်ကို စားပွဲပေါ်ချ၍ တရစပ်ပြောလာသည် ။
"နယ်ချဲ့အင်္ဂလိပ်တွေသာ မြန်မာပြည်က စွန့်ခွာထွက်ပြေးကုန်ကြတယ် ၊ ငါ့မှာတော့ အခုထိ လွပ်လပ်ရေးမရသေးပါဘူးခယောင်းရယ် ၊ အိမ်ရှေ့အိမ်နောက် သွားတာတောင် မျက်စိဒေါင့်ထောက် အကြည့်ခံနေရတဲ့ဘဝပါ ၊ နင့်ဆီ အားယားစွာလာနိုင်ပါ့မလားဟဲ့ နင်ကတော့ အခွင့်အရေးရှိရက်နဲ့ ငါ့ကို တစ်ကြိမ်တောင်လာမတွေ့ဘူးနော် ၊ အနည်းဆုံး သာကြောင်းမာကြောင်းမေးရင်း နင့်ရုပ်ကြီး ငါ့ကို လာပြသင့်ပါတယ်''
အိမ့်၏အပြောကြောင့် ခ,ခပ်ထေ့ထေ့ ရယ်လိုက်ရင်း စာရင်းစာအုပ်ကို ပိတ်လိုက်သည် ။
"ဒေါ်ကြီးမှတ်သွားလို့ရပါပြီ ၊ တစ်လက်စတည်း လိမ္မော်ရည်နှစ်ခွက်ယူလာပေးနော်”
"ဟုတ်ကဲ့''
ဒေါ်ကြီးမှတ်ထွက်သွားတော့ ခ,စူပုပ်ပုပ်ရုပ်ဖြစ်နေသည့် အိမ့်ကို ဘာလဲဟူသည့် သဘောဖြင့် မျက်ခုံးပစ်ပြလိုက်သည် ။
"မမညို့က ခြံမှာ အလုပ်လုပ်နေသေးတာလား”
"ပုံသေအလုပ်လုပ်တယ်လို့တော့ မဟုတ်ပါဘူး ၊ မမက အားတဲ့အချိန် ငါ့ကို ကူပေးတာပေါ့ ၊ မမ ဒီမှာရှိနေရင် ဦးလုံကို လက်ဖက်ခင်းဘက် လွဲထားလို့ ရတယ်လေ ၊ ငါလည်း မမကြောင့် တော်တော်သက်သာတယ်''
"ဟုတ်လား နင့်အတွက် မမညို့က အမေလို အစ်မလို အားကိုးချင်စရာကြီး ဖြစ်နေတော့မှာပဲ ၊ ငါလည်း မမညို့လို ဂရုစိုက်တတ်တဲ့ အစ်မတစ်ယောက် လိုချင်လိုက်တာ''
အိမ့်ပြောသည်မှာ အဟုတ်မို့ ခပြုံးလိုက်သည် ။ မမက ခအတွက် အမေလိုအစ်မလိုမျိုး အစစအရာရာ ကြင်နာအားဖြည့်ပေးသည်မဟုတ်လား ။
YOU ARE READING
This is my prayer
Romanceကာမပိုင်လင်ယောက်ျားရှိ ဣတ္ထိယအမျိုးသမီးတစ်ဦးကို အရူးအမူး စွဲလမ်းမိသော မိန်းမငယ်လေးတစ်ဦး၏ အဆုံးသတ်သည်... ကာမပိုင္လင္ေယာက္်ားရွိ ဣတၳိယအမ်ိဳးသမီးတစ္ဦးကို အ႐ူးအမူး စြဲလမ္းမိေသာ မိန္းမငယ္ေလးတစ္ဦး၏ အဆုံးသတ္သည္...