ပန်းတော်ဝင်ဟိုတယ်၏ဥယျာဥ်၌ ဖျင်ခြုံအမိုးပုအောက်ရှိ စားပွဲဝိုင်းတွင် အန်တီဝင်း ၊ အိမ့် ၊ မမဆွေးညို့မိုရ်နှင့် ခတို့ထိုင်နေသည် ။ အိမ့်က အန်တီဝင်းခေါ်ခိုင်းသည်ဟုဆိုကာ သော်ကမြိုင်သို့ ရောက်လာသဖြင့် ခတို့ လိုက်လာခဲ့သည် ။ ဒီရောက်တော့ အန်တီဝင်းက ဒေသထွက်အစားစာ ဧည့်ခံကာ ထွေရာလေးပါး စကားပြောကြသည် ။
"သင်္ကြန်တရားစခန်းဝင်မလို့ဆိုကွယ် ၊ အိမ့်ဆီက ကြားပါရဲ့ ၊ ဘယ်ကျောင်းမှာ ဝင်မှာတုန်းကွယ်”
"ငြိမ်းရိပ်ချောင်ပါ”
မမက အန်တီဝင်းကို ပြုံးပြုံးလေးပြောသည် ။
"ဒီကျောင်းရဲ့ကျောင်းထိုင်ဆရာတော်က အန်တီ့ရဲ့ဘထွေးလေကွယ် ၊ အန်တီတို့လည်း ကျောင်းမရောက်တာကြာပြီ ၊ ညို့တို့သွားရင် တွေ့ကြမှာပါ ၊ အန်တီ ပြောပြထားလိုက်မယ်”
"ကျေးဇူးပါရှင်”
"အေးကွယ် ၊ ငယ်ငယ်ရွယ်ရွယ်နဲ့ ဒီလိုတွေ လုပ်နိုင်တာကောင်းတယ် ၊ အိမ့် သမီးလည်း ဝင်ပါလားကွယ် ၊ ခတို့နဲ့ဆိုတော့ အဖော်လည်းရတယ်”
"ဟာ မာမီကလည်း အရောက်ပို့နေပြန်ပါပြီ ၊ အိမ့် ငယ်ငယ်ရွယ်ရွယ်နဲ့ မရူးချင်သေးပါဘူး”
"တယ် ဒီကောင်မလေး ဒါဖြင့် ကျောင်းမှာ ဝေယာဝစ္စသွားလုပ်ရမယ်ကြားလား”
"ဟုတ်ကဲ့”
အိမ့်က စူပုပ်ပုပ်ဖြင့် ခေါင်းညိတ်သည် ။ ခဏကြာတော့ အန်တီဝင်းက ခတို့ကို အေးအေးဆေးဆေး စကားပြောကြဟုဆိုကာ ထွက်သွားလေသည် ။ ထိုအခါမှ ခလည်း သိချင်တာ မေးလိုက်သည် ။
"မရူးချင်ဘူးဆိုတာ ဘာအဓိပ္ပါယ်လဲ”
"နင်မသိပါဘူးခယောင်းရယ် ၊ ငြိမ်းရိပ်ချောင်က သိပ်စည်းကပ်တင်းကြပ်တာ ၊ သွားသတိ လာသတိ စားသတိ အိပ်ရင်တောင် တရားမှတ်အိပ်ရတယ်ဆိုပဲ ၊ တစ်ခါကဆို အမျိုးသမီးတစ်ယောက် တရားထိုင်ရင်းနဲ့ တရားရူးရူးသွားတာ ခုထိအရူးတစ်ပိုင်းဖြစ်သွားတယ် ၊ မနိုင်လို့ ထထဖောက်ပြီး ရူးကြတာ တစ်ယောက်နှစ်ယောက်မကဘူး ၊ မမညို့ကတော့ ကျင့်သားရနေတော့ တရားထိုင်နိုင်မယ်လို့ ငါယုံတယ် ၊ နင်ကတော့ ရူးပြီး ပြန်ရောက်လာမှာ ငါမြင်ယောင်တယ် ၊ ခုထိ အချိန်မီသေးလို့ စဥ်းစားပါဦး”
![](https://img.wattpad.com/cover/273756645-288-k600619.jpg)
YOU ARE READING
This is my prayer
Romanceကာမပိုင်လင်ယောက်ျားရှိ ဣတ္ထိယအမျိုးသမီးတစ်ဦးကို အရူးအမူး စွဲလမ်းမိသော မိန်းမငယ်လေးတစ်ဦး၏ အဆုံးသတ်သည်... ကာမပိုင္လင္ေယာက္်ားရွိ ဣတၳိယအမ်ိဳးသမီးတစ္ဦးကို အ႐ူးအမူး စြဲလမ္းမိေသာ မိန္းမငယ္ေလးတစ္ဦး၏ အဆုံးသတ္သည္...