ဝါးအိမ်နှင့် ပေနှစ်ဆယ်ခန့်ဝေးသော ရေတွင်းသည် အင်္ဂတေဖြင့် ဘောင်ခတ်ပြီး သွပ်အမိုးဖြင့် တည်ဆောက်ထားသည် ။ ရေပုံးကို စက်သီးဘီးကြိုးတပ်ထားသဖြင့် အလွယ်တကူ ဆွဲတင်နိုင်၏ ။ အကာမရှိသော်လည်း ပတ်ဝန်းကျင်၌ ခရေပင် ၊ ဇီဇဝါပန်းပင် ၊ သံပရာပင်တစ်ချို့ ဝန်းရံထားသောကြောင့် လုံခြုံမှု ရှိနေသည် ။
မနက်ဝေလီဝေလင်းချိန် နှင်းကျထားသောကြောင့် သစ်ရွက်များပေါ်၌ ရေစက်များ ခိုတွဲကာ မြူခိုးဝေဝေဖြင့် ချမ်းစိမ့်စိမ့် ။ ခိုက်ခိုက်တုန်အောင် ချမ်းနေသော်လည်း ညို့ကတော့ အေးစိမ့်နေသော ရေကို အံတု၍ အဝတ်အစားများ လျှော်ဖွပ်ကာ ရေသွက်သွက်လက်လက် ခပ်ချိုးသည် ။
ရွှင်ရွှင်မှာမူ ရေမချိုးသေးဘဲ ထဘီရင်လျှားနှင့် ခရေပင်အောက် ခရေပန်းကြွေများကောက်နေသည် ။ ညို့လည်း ရေချိုးပြီးလျှင် ခရေပန်းများ ကောက်ယူရန် တွေးမိ၏ ။ ညို့တို့ ရေချိုးနေစဥ် တီးတိုးတီးတိုးအသံကြားရ၍ နောက်လှည့်ကြည့်တော့ ရေလဲပိုင်းပတ်ထားသော အပေါ်ပိုင်းအဝတ်ဗလာယောက်ျားနှစ်ဦး ရေတွင်းသို့ လျှောက်လာကြသဖြင့် ညို့ လန့်သွားသည် ။ ခပ်ထားပြီးသော ရေကို အမြန်လောင်းချိုးလိုက်ပြီး မျက်နှာသုတ်ပဝါကို လွှမ်းခြုံရစ်ပတ်ကာ လျှော်ပြီးသည့် အဝတ်ပုံးယူ၍ ဖိနပ်ထိုးစီးလိုက်သည် ။
"ရေတွင်းက ကျားမ,မခွဲခြားထားဘူးလားရွှင်ရွှင်ရယ် ၊ ယောက်ျားတွေ လာနေပြီ ''
"အလုပ်သမားအချင်းချင်း နေ့တိုင်းမြင်နေရတာ မိသားစုဖြစ်နေပြီပဲ ၊ ဒီလိုမခွဲခြားထားပါဘူးတော် ၊ မောင်မြင့် ဒီနေ့ကျမှ နင်တို့ စောလှချည်လားဟယ် ၊ အရင်ဆို ရေချိုးသောက်ပျင်းထူတဲ့ဟာတွေ ဇွဲကောင်းနေကြတာ''
ရွှင်ရွှင်က ညို့အမေးကို ပြန်ဖြေပြီး ထိုယောက်ျားနှစ်ဦးကို ထဘီစဆွဲ၍ အော်ဟစ်နှုတ်ဆက်နေသေး၏ ။
"ညက မချိုးလို့ အခုလာချိုးတော့ပေါ့ဟ ၊ အလို သူလေးက ဘယ်သူတုန်းဗျ ၊ ရွှင်ရွှင် အလှလေးနဲ့ ငါတို့ကို မိတ်ဆက်ပေးဦးလေဟာ''
"ဘာပြောတယ်ငနာလေး ၊ ကျုပ် ရေပုံးနဲ့ လာထုလိုက်ရ''
"ဟို...ညို့ အရင်ပြန်နှင့်ပြီရွှင်ရွှင် ၊ လိုက်လာခဲ့တော့နော်"
![](https://img.wattpad.com/cover/273756645-288-k600619.jpg)
ESTÁS LEYENDO
This is my prayer
Romanceကာမပိုင်လင်ယောက်ျားရှိ ဣတ္ထိယအမျိုးသမီးတစ်ဦးကို အရူးအမူး စွဲလမ်းမိသော မိန်းမငယ်လေးတစ်ဦး၏ အဆုံးသတ်သည်... ကာမပိုင္လင္ေယာက္်ားရွိ ဣတၳိယအမ်ိဳးသမီးတစ္ဦးကို အ႐ူးအမူး စြဲလမ္းမိေသာ မိန္းမငယ္ေလးတစ္ဦး၏ အဆုံးသတ္သည္...