Unicode
အခန်း(၄၀) အန်ယွီထင်
ဒီနေ့ စုယာယာ အချိန်တွေ ပိုနေလေရဲ့။ သူမရဲ့သရုပ် ဆောင် သင်တန်းက နေ့ခင်း ၂:၃၀ မှဖြစ်တဲ့ အတွက်ကြောင့် တစ်မနက်ခင်းလုံး လုပ်စရာမရှိပေ။ သူမ အိမ်မှာ သူမရဲ့ ဇာတ်ညွှန်းကို ဖတ်ကြည့်ပြီးနောက် သူမ နားလည်သည့် အတိုင်း ပြင်ဆင်နေခဲ့သည်။
၁၁နာရီလောက်မှာတော့ သူမသည် ဟင်း သုံးပွဲနှင့် စွပ်ပြုတ်တစ်ပွဲ ပြင်ဆင်ချက်ပြုတ်ဖို့ မီးဖိုချောင်ဝင်သည်။ ထို့နောက် ချန်ရှုံချီ၏ကုမ္ပဏီသို့ မသွားခင် နေ့လည်စာဘူး ထဲမှာ သေသေချာချာလေး စီထည့်သည်။
စုယာယာ ရောက်သွားချိန်မှာတော့ သူမသည် ချန်ရှုံချီ ကို အသိပေးဖို့ သူ့ထံ အရင် ဖုန်းဆက်လိုက်သည်။ သူက ဧည့်ကြိုစားပွဲမှာ ပြောထားပြီးပြီဖြစ်တာကြောင့် သူမက ဧည့်ကြိုဝန်ထမ်းကို ပြောပြပြီး ဓာတ်လှေကားနဲ့ တန်းတက် လာရုံပဲလို့ ပြောတယ်။
"အင်း.. ယာယာ သိပြီ"
သူမ ဖုန်းချပြီး ချန်ရှုံချီ၏ကုမ္ပဏီဆီသို့ လျှောက်မသွား ခင် ကားထဲမှ နေ့လည်စာဘူးကို ယူသည်။
ကောင်တာရဲ့ရှေ့မှာတော့ မိက်ကပ်အထူကြီးလိမ်းထား ပြီး ဖက်ရှင်ကျကျ အဝတ်အစားတွေနှင့် ပိန်သွယ်သွယ် အမျိုးသမီးတစ်ဉီးက ဧည့်ကြိုဝန်ထမ်းမလေးကို စကားပြော နေခဲ့သည်။
"ငါက ရှုံချီကောကောဆီ လာခဲ့တာ ငါ့ကို ဓာတ်လှေ ကား တံခါး ဖွင့်ပေး"
ဟော်ရွိမ့်က အန်ယွီထင်ကို ကြည့်ပြီး အလုပ်သဘော အရ ယဉ်ကျေးမှုဖြင့် ပြောသည်။
"အားနာပါတယ် မစ်အန်.. ကြိုတင်ချိန်းဆိုထားခြင်း မရှိရင် ခွင့်ပြုပေးလို့မရပါဘူးရှင့်"
"အဲဒါဆိုလည်း ချုံရှီကောကောကို ခေါ်ပေး.. ငါရောက် နေတယ်ဆိုတာကို သူသိရင် သေချာပေါက် ငါ့ကို ဝင်ခွင့်ပေး မှာ"
အန်ယွီထင်က ဝင့်ကြွားစွာ ပြော၏။
ဟော်ရွိမ့်က သူမကို ကြည့်ပြီး သူမရဲ့စူးရဲသော အကြည့် ကို ရင်ဆိုင်လိုက်ရ၏။ သူမ ဒီကုမ္ပဏီမှာ တီးတိုးကြားထား သော ကောလဟာလတွေကို ပြန်သတိရမိပြီး ဉက္ကဌရုံးခန်း ကို ဖုန်းဆက်ဖို့ ဆုံးဖြတ်လိုက်သည်။
YOU ARE READING
အမျိုးသားဇာတ်လိုက်၏ အစားထိုးခံ ဇနီးကညာအမ်ိဳးသားဇာတ္လိုက္၏ အစားထိုးခံ ဇနီးကညာ
Romanceဇာတ်လမ်းအညွှန်း စုယာယာ သတိပြုမိချိန်မှာ သူမက ဝတ္ထုကမ္ဘာတစ်ခုထဲ ရောက်ရှိနေခဲ့ကာ CEOရဲ့ အစားထိုးခံ ဇနီးသည်-အမြှောက်စာသာသာဇာတ်ကောင်လေးထဲ ရောက်နေတယ်ဆိုတာကို သိလိုက်ရတယ်။သူမနဲ့အတော်လေးကိုဆင်တူတဲ့ CEOရဲ့ အချစ်ဦး ပြန်လာတဲ့အချိန်မှာ ကွာရှင်းခြင်းနဲ့ ဝမ်းန...
