အရံဇာတ်ကောင်၏ လှည့်ဖြားခြင်း System [ဘာသာပြန်]

Arc 8.7

[Unicode]

Billiver နိုင်ငံခြားရေးရုံးရှေ့ လျှောက်လမ်းရှည်ကြီးကနေ ဆန့်ကျင်ဘက်အဖွဲ့နှစ်ဖွဲ့က မျက်နှာချင်းဆိုင် လျှောက်လာပါတယ်။ ဝင်ပေါက်မှာ သူတို့မျက်နှာချင်းဆိုင် ဆုံကြတဲ့အခါ လူတိုင်းက ရပ်တန့်လိုက်ပြီး တစ်ဖက်စီက လူတွေကို ကြည့်လိုက်ကြပါတယ်။

"General Kinlock မတွေ့တာကြာပြီနော်" John က ညာဘက်လက် ရှေ့ဆန့်လိုက်ပြီး Denanfry ဆီ ကမ်းလိုက်ပါတယ်။

Denanfry က ခဏလောက် လက်ဆွဲလိုက်ရင်း "ကျွန်တော် General Dottley နဲ့ နောက်တစ်ကြိမ်ဆုံတာက တိုက်ပွဲမှာ ဖြစ်လိမ့်မယ်လို့ တွေးထားတာ"

John က အသက်မပါတဲ့ အပြုံးတုတစ်ခု ပြုံးလိုက်ပြီး "ကျွန်တော်တို့ အကုန်လုံး အခုက ဖယ်ဒရေးရှင်းထဲကနိုင်ငံတွေဖြစ်နေပြီပဲ။ ကျွန်တော်တို့ သဘောထားမတိုက်ဆိုင်တာ တစ်ခုခုအဖုအထစ်ဖြစ်တာကို ဖယ်ဒ‌ရေးရှင်းနည်းလမ်းအတိုင်း ဖြေရှင်းလို့ရတာပဲ။ အဲ့လိုတိုက်ပွဲမှာဆုံဖို့ အခွင့်အရေးမရှိသလောက် နည်းမှာ"

"ခင်ဗျားနိုင်ငံက Mecha နည်းပညာက တခြားနိုင်ငံတွေထက်ကို အတော်လေးရှေ့‌ရောက်နေတယ်ကြားတယ်။ အသန်မာဆုံး Mecha နဲ့ ယှဉ်တိုက်ရမယ့် အတွေ့အကြုံကို အတော်လေး ခံစားကြည့်ချင်ပါတယ်" Denanfry က အမူအရာမဲ့စွာ ပြောလိုက်ပါတယ်။

"လွန်ခဲ့တဲ့နှစ်တွေအတွင်း General Kinlock နဲ့ ယှဉ်တိုက်ဖို့ အခွင့်အရေးမရခဲ့တာ အတော်လေး နှမြောနေခဲ့တာ" John က ပြောလိုက်ပါတယ် "အိုး ဟုတ်သားပဲ Jinming ကြယ်အစုအဝေးက အဖိုးတန်သတ္တုတွေ အောင်အောင်မြင်မြင်တူးဖော်နိုင်ခဲ့တဲ့အတွက် ခင်ဗျားကို ဂုဏ်ပြုစကားဆိုရဦးမှာပဲ။ ဒါပေမယ့် အခုတစ်ကြိမ်တော့ ကျွန်တော်တို့ အလျှော့ပေးမှာ မဟုတ်ဘူးနော်"

"ကျွန်တော်ထင်တာတော့ အခွင့်အရေးက သိပ်မကြာခင် ရောက်လာတော့မှာပဲ။ Jinming ကြယ်မှာ အဖိုးတန်သတ္တုတွေတူးနိုင်ခဲ့တယ်ဆိုတာ ကျွန်တော်တို့ စက်မှုအဖွဲ့က ပိုပြီးသန်မာအားကောင်းလာလို့ပါ။ ဒီတစ်ကြိမ် Haiyang စွမ်းအင်အရင်းအမြစ်တွေ တူးဖော်ခွင့်ကကျ ပိုလုပ်နိုင်တဲ့သူက အရယူနိုင်မှာပဲ"