အရံဇာတ်ကောင်၏ လှည့်ဖြားခြင်း System [ဘာသာပြန်]

Arc 12.13

Ji Xiao လက်ထောက်က စင်ပေါ်ကနေ အောက်ကို သယ်လာတဲ့အခါ ရှေ့ပြေးလိုက် နောက်ပြေးလိုက် ဖြစ်နေသည်။ ဒါရိုက်တာကို Ji Xiao နှလုံးရောဂါဖောက်တဲ့အကြောင်း အကြောင်းကြားပြီး ဆေးရုံကိုချက်ချင်းပို့လိုက်ကြသည်။

နှလုံးရောဂါအကြောင်း ဒါရိုက်တာကြားတော့ သူ့ဘေးဝိုင်းနေတဲ့လူတွေကို ရပ်တန့်ဖို့ ညွှန်ကြား၏။ သူ့လက်ထောက်က ဆေးရုံကားခေါ်ထားပြီးပြီမို့ ခပ်မြန်မြန်ပဲရောက်လာသည်။

အရေးပေါ်ကားနဲ့ခေါ်သွားတဲ့ Ji Xiao ကြောင့် အစီအစဉ်ကို ပြောင်းလဲဖို့ရာ ဝန်ထမ်းအရေးပေါ်အစည်းအဝေးလုပ်ကြ၏။ စင်ပေါ်မှာ Ji Xiao က ရုတ်တရက်ကြီးလဲကျသွားပြီး တိုက်ရိုက်ထုတ်လွှင့်မှုက တိခနဲ ရပ်တန့်သွားခဲ့သည်။ တိုက်ရိုက်ထုတ်လွှင့်မှုကို စောင့်ကြည့်နေတဲ့ ပရိတ်သတ်တွေကလည်း ဘာဖြစ်သလဲဆိုတာ သိချင်စိတ်တဖွားဖွားဖြစ်နေကြမှာပင်။

ပွဲမှာရှိနေတဲ့ ပရိသတ်တွေရော အွန်လိုင်းပေါ်က လူတွေကိုပါ မဲတိုက်ရိုက်ပေးလိုက်ဖို့ Gu Mang က ဝန်ထမ်းတွေကို ညွှန်ကြားလိုက်သည်။ သူနဲ့ ကျန်တဲ့ဒိုင်နှစ်ယောက်ကတော့ သူတို့အတွေးတွေပေါ်မူတည်ပြီး ခပ်မြန်မြန်အမှတ်ပေးနေသည်။

Gu Mang ပြောသမျှ ဒါရိုက်တာ လိုက်လုပ်ရုံပင်။

အခုဘာဖြစ်နေမှန်း ပရိတ်သတ်တွေ နားမလည်ကြချေ။ တချို့ကတော့ မမျှော်လင့်ဘဲ ဖျားနာသွားတယ်လို့ ခန့်မှန်းကြပြီး တချို့ကကျ ပွဲအရှိန်မြင့်သွားအောင် ထုတ်လုပ်ရေးအဖွဲ့က ဟန်ဆောင်တယ်လို့ တွေးထင်ကြသည်။

ဒါပေမယ့် တရားဝင် ဝက်ဘ်ဆိုဒ်မှာ တစ်နာရီမဲပေးလို့ရတယ်ဆိုတာ ပရိတ်သတ်တွေ တွေ့တော့ ကိုယ်အားပေးတဲ့အဆိုတော်တွေကို မဲပေးရင်း ထုတ်လုပ်ရေးအဖွဲ့က ရှင်းပြလာမှာကို စောင့်ဆိုင်းနေကြသည်။

တစ်နာရီအပြီးမှာ မဲပေးခြင်းပြီးဆုံးသွားပြီး မဲတွေရေတွက်ပြီးတဲ့ ထုတ်လုပ်ရေးအဖွဲ့က အစီအစဉ်ကို ပြန်လည်စတင်လာ၏။ တိုက်ရိုက်ထုတ်လွှင့်မှုစတော့ စင်ပေါ်မှာ တင်ဆက်သူတစ်ဦးတည်းသာ ရပ်နေပါတယ်။