အရံဇာတ်ကောင်၏ လှည့်ဖြားခြင်း System [ဘာသာပြန်]

Arc 11.3

Jing Yang နောက်နေ့မနက်ထိ အိပ်ခဲ့ပြီး နေ့လယ်ကျမှသာ နိုးလာခဲ့တယ်။ အားသွင်းထားတဲ့ ဖုန်းကို ပါဝါဖွင့်လိုက်တော့ missed call ပေါင်းများစွာကို တွေ့လိုက်ရတယ်။ Jing Yang ဖုန်းကို ပြန်ပိတ်လိုက်ပြီး ဘေးမှာ ပစ်ချထားလိုက်တယ်။

ကြမ်းပြင်ကနေ မျက်နှာကျက်အထိမြင့်တဲ့ ပြတင်းပေါက်ကြီးရှေ့မှာ ရပ်ပြီး အပြင်က ရှုခင်းတွေ ခံစားရင်း နောက်ဘာအကွက်တွေ ထပ်ရွှေ့ရမလဲလို့ အစီအစဉ် စချနေမိတယ်။

လက်ရှိကုမ္ပဏီကို လွှဲပြောင်းယူတဲ့အခါ အနှောင့်အယှက်တွေခံနေရမယ့်အစား Jing Yangက သူတို့ ဘာမှမဟုတ်တဲ့အရာအတွက် တိုက်ခိုက်စေဖို့ အဲ့ဒါကို လုံးဝဖျက်ဆီးပစ်လိုက်တာ ပိုကောင်းမယ်လို့ ယုံကြည်တယ်။ ဒါက ပိုပြီးလွယ်ကူတယ်လေ။

သူ့သည်းခံနိုင်စွမ်းတွေ လျော့ကျလာကတည်းက ဒီလိုလူမျိုးတွေအတွက်နဲ့ စိတ်မတိုချင်တော့ဘူးလေ။ အကောင်းဆုံးရွေးချယ်မှုက ဖြစ်နိုင်သမျှ မြန်မြန် နှုတ်ထွက်ဖို့ပဲ။

ဒါပေမယ့် သူတို့အားလုံးကို အပြုတ်ဖြုတ်ချဖို့ဆို အရင်ဆုံး ကုမ္ပဏီအသစ်တစ်ခု အရင်ထောင်မှ ဖြစ်မယ်။

သူ့အတွက် ဂိမ်းတီထွင်ဖို့ဆိုတာ မခက်ပါဘူး။ ဒါပေမယ့်အရာတိုင်းကို သူတစ်ယောက်တည်း မလုပ်နိုင်ဘူးလေ။ အခက်ဆုံးအပိုင်းက အဖွဲ့သစ်တစ်ခု ဖွဲ့ပြီး အားလုံးကို စလုံးရေ စပြီး သင်ကြားပျိုးထောင်ပေးရမှာပဲ။

Jing Yang ခဏလောက် တွန့်ဆုတ်နေပြီး ပွဲမှာ He Lang နဲ့ တွေ့ခဲ့တာကို ရုတ်တရက် သတိရသွားတယ်။ သူ့ကိုယ်ပိုင်ရည်မှန်းချက်ပန်းတိုင်တွေ အရယူဖို့ရာ သူ့ချစ်သူရဲ့ လက်ကို အငှားသုံးလိုက်တာ ပိုလွယ်မယ်ထင်ပါရဲ့။

Xi Guangshan ၊Wen Zhu ၊Xi Rui နဲ့ Du Jie ရဲ့အဆုံးသတ်ကို Jing Yang သူ့စိတ်ထဲမှာ စီစဉ်ပြီးတော့ အရာအားလုံးက သူ့အစီအစဉ်အတိုင်း ဖြစ်လာလိမ့်မယ်။

အိုး ဟုတ်သားပဲ Jing Yang အဲ့ဒီလူကို မေ့လုနီးပါးဖြစ်သွားတာ။ အဲ့ဒီလူကလည်း သူစီစဉ်ထားတဲ့ကိစ္စတွေကို ဖျက်ဆီးပစ်ချင်တဲ့သူပဲ။ အချိန်ကျလာတာနဲ့ အားလုံးကို အတူတူ သူ ဖြေရှင်းပစ်ရမယ်။