Arc 10.8

4.5K 659 20
                                        

Su Mo က သူ့အဘွားကို အင်တာဗျူးစီစဉ်ရုံတင်မကဘူး နိုင်ငံခြားရောက်နေတဲ့ သူ့အစ်ကိုအပြင် သူ့မိဘတွေကိုပါ အင်တာဗျူးစေခဲ့တယ်။ သူတို့တစ်မိသားစုလုံး အပျော်တွေနဲ့ ထုံလွှမ်းပြည့်နှက်လို့နေတယ်။

Su Mo ရုတ်တရက် နာမည်ကြီးလာတာကြောင့် အမျိုးတွေနဲ့ သူငယ်ချင်းတွေကလည်း Su မိသားစုကို ဂုဏ်ပြုစကားလာရောက်ပြောဆိုကြတယ်။ Su Mo အဘွားလည်းပျော်လွန်းလို့ အသက်တောင် ပြန်ငယ်သွားသလို ခံစားနေရတယ်။ သူမရဲ့ကျန်းမာရေးကြောင့် အိပ်ရာထဲနဲ့ Wheelchair ပေါ်မှာပဲ နေလေ့ရှိပေမယ့် အခုတော့ အပြင်ထွက်ပြီး မိတ်ဆွေတွေ အမျိုးတွေဆီ အလည်အပတ်သွားပြီး သူ့မြေးအကြောင်း ကြွားဝါတတ်လာတယ်။

Su Mo အဖေက အရင်က သူပန်းချီကို သင်တာ မထောက်ခံခဲ့ဘူး။ ဘာလို့ဆို ပန်းချီဆရာကောင်းတစ်ယောက်ဖြစ်ဖို့ အချိန်အများကြီးယူရပြီး မအောင်မြင်လာနိုင်တာမျိုးလည်း ဖြစ်တတ်တယ်လေ။ အခုတော့ Su Mo က ကျောင်းသားပဲဖြစ်နေသေးတဲ့အခါမှာတောင် ကျော်ကြားနေပြီ။ သူ့ပန်းချီကားတွေဆို ဈေးမြင့်မြင့်နဲ့ ရောင်းလို့ရနေပြီမို့ Su Mo အဖေက သိသိသာသာကြီးကို ပျော်ရွှင်နေတယ်။ Su Mo ကို ဆုလာဘ်တွေ အများကြီးပေးပြီး ကြိုးကြိုးစားစားနဲ့ ဒီထက်ပိုကောင်းတဲ့ လက်ရာတွေဆွဲဖို့တောင် ပြောပါသေးတယ်။

မကြာသေးခင်က Su Mo ကျောင်းပရဝုဏ်မှာ လမ်းလျှောက်နေရင် တခြားကျောင်းသားတွေရဲ့ မနာလို အားကျတဲ့အကြည့်တွေကို သူပျော်ပျော်ကြီး ခံစားမိနေတယ်။ ပြီးတော့ သူ့အနားမှာ လှည့်ပတ်နေတဲ့သူတွေရဲ့ ခံစားချက်ကိုရောပဲပေါ့။

တစ်ခါတလေ Jing Yang သူ့ကိုကျောင်းမှာ တွေ့ဖြစ်တယ်။ သူမျက်နှာမှာ ဂုဏ်ယူဝံ့ကြွားဟန်ကို ဖုံးကွယ်ထားတာ တွေ့မြင်ရတာ ရယ်စရာကြီး။ တခြားသူတစ်ယောက်ရဲ့ပန်းချီကို ကူးချပြီးမှ ရလာတဲ့အောင်မြင်မှုကိုများ ဘာကို ဂုဏ်ယူရမယ်ဆိုတာ သူမသိဘူးဘဲ။ အဲ့ဒါထက် နာမည်ကြီးနေတာတွေအကုန်လုံးက အတုတွေပဲကို။ ဒါ သူ့အတွက် Cui Yan ဖန်တီးပေးထားတဲ့ ထင်ယောင်ထင်မှား ပူဖောင်းသာသာတွေပဲ။ သူဆန္ဒရှိနေသရွေ့ သူဂုဏ်ယူနေခဲ့သမျှကို ပျောက်ကွယ်သွားအောင် လုပ်နိုင်တယ်။

အရံဇာတ်ကောင်၏ လှည့်ဖြားခြင်း System [ဘာသာပြန်]Donde viven las historias. Descúbrelo ahora