Jing Yang နိုးလာပြီး ပြတင်းပေါက်ကို လှမ်းအကြည့်မှာ ပတ်ဝန်းကျင်တစ်ခုလုံးမှောင်မည်းနေပြီဆိုတော့ သူတစ်နေလုံး အိပ်ပျော်သွားတာပဲ။ အပြင်းအထန်အအေးမိခြင်းရဲ့ နောက်ဆက်တွဲဆိုးကျိုးဆိုတာ သိပ်တော့ အံ့ဩစရာမရှိပါဘူး။ တစ်ကိုယ်လုံး အနည်းငယ်နာကျင်နေဆဲဖြစ်ပြီး ဒါကအကြာကြီးအိပ်ပျော်သွားလို့ပဲ ဖြစ်ရမည်။
အိပ်ရာက ထပြီး ခုတင်ခေါင်းရင်းမှာ မှီရင်း အိပ်တုန်းက လှုပ်ရှားမှုကြောင့် နာကျင်နေတဲ့ လက်တွေကို ထိကြည့်နေမိသည်။
သူအိပ်မပျော်ခင်မှာဘဲ မူလကိုယ်ပိုင်ရှင်ရဲ့ အတွေ့အကြုံတွေနဲ့ အဆိုတော်ဖြစ်ချင်တဲ့ ဆန္ဒကို ဖမ်းဆုပ်ပြီးခဲ့ပြီ ဖြစ်သည်။ မသေခင် နာကျင်ဝမ်းနည်းတာတွေရှိခဲ့ပေမယ့် သူ့ကိုသတ်ခဲ့သူဟာ Ji Xiao ဆိုတာ မသိခဲ့သည့်အတွက် မည်သည့်ဒေါသကိုမှ မခံစားခဲ့ရပေ။ Jing Yang ကတော့ မူလပိုင်ရှင်ရဲ့ ကံကြမ္မာမှားယွင်းမှုနဲ့ သေဆုံးမှုတွေ အားလုံးကို ရှာဖွေတွေ့ရှိခဲ့သူလေ။
ဒီနှစ်တွေအတွင်း Ji Xiao မိသားစုဟာ သိသိသာသာ ကြီးပွားတိုးတက်လာခဲ့သည်။ မိသားစုစီးပွားရေးသာ တိုးတက်ကြီးပွားလာတာ မဟုတ်ဘဲ ဩဇာအာဏာပိုင်းမှာပါ ကြီးထွားလာတာ ဖြစ်သည်။ အဲ့လိုမှ မဟုတ်ရင် Ji Xiao တစ်ယောက်တည်း ဒီလောက်များတဲ့ အမှုကိစ္စတွေ လုပ်နိုင်ခဲ့မှာ မဟုတ်ဘူး။
Ji Xiao အတွက်တော့ သူနဲ့ထိုက်တန်တဲ့အတိုင်း အတိအကျခံစားရအောင် လုပ်တာရယ် သူဦးမော့လာမယ့် ဘယ်အရာကိုမှ လုပ်ခွင့်မပြုတာနဲ့ သူ့ကို ထောက်ပံ့ပေးနေတဲ့ နောက်ကွယ်ကလူတွေကို ဖျက်ဆီးပစ်တာဟာ အတိအကျလက်စားချေခြင်းမျိုးပဲ။ သူ့နောက်ကွယ်ကလူ ပြိုလဲသွားပြီဆိုရင် သူဘာကြီးဖြစ်နေနေ Jing Yang ဂရုစိုက်မှာ မဟုတ်တော့ဘူးလေ။
Jing Yang ကိုယ့်အားကို ကိုးနိုင်တယ်ဆိုဦးတော့ Ji Xiao နဲ့ သူ့မိသားစုကို ဖျက်ဆီးပစ်ဖို့ရာအထိတော့ မဖြစ်နိုင်ဘူးလေ။ ဒါပေမယ့် ဒါက ရေရှည်လုပ်ရမယ့် လုပ်ငန်းစဉ်တစ်ခုပဲ။ ပြီးတော့ သူ့အရင်ဘဝက ပျင်းရိပြီး ခက်ခက်ခဲခဲအလုပ်တွေမလုပ်ခဲ့ရတဲ့အတွက် ဘယ်ကဘယ်လို စလုပ်ရမလဲ မသိ ဖြစ်နေသည်။ ရွှေပေါင်လုံးကြီး Gu Mang သူ့အနားရောက်လာတော့ အရာအားလုံးဟာ လွယ်ကူလာခဲ့သည်။ အရာအားလုံးကို သူ့ဘာသာ စီစဉ်လုပ်ဆောင်နေစရာမလိုတော့ချေ။ ဒါအပြင် သန်မာသောလူကို မှီခိုနေရတော့ ကံကောင်းခြင်းနဲ့ စွမ်းရည်တွေကလည်း ပေါင်းစပ်ပြီးသား ဖြစ်သွားလေပြီ။
YOU ARE READING
အရံဇာတ်ကောင်၏ လှည့်ဖြားခြင်း System [ဘာသာပြန်]
Adventureကမ္ဘာပေါင်းများစွာရဲ့ အရံဇာတ်ကောင် Arc 1-7 link https://www.wattpad.com/story/187067914?utm_source=android&utm_medium=link&utm_content=story_info&wp_page=story_details_button&wp_uname=Ellis_Hsu&wp_originator=G1qI1N5r%2B6QAxdydc3AHHoItnfqZZMLgEFx3k4U...
![အရံဇာတ်ကောင်၏ လှည့်ဖြားခြင်း System [ဘာသာပြန်]](https://img.wattpad.com/cover/293131710-64-k152408.jpg)