Unicode
ကျောလည်ထိရှည်တဲ့ အဖြူရောင်ဆံပင်ရှည်တို့က လေတစ်ချက်တိုက်လိုက်တိုင်း လှုပ်ရှားသည်။ နားမှာဝတ်ဆင်ထားသည့် နီလာရောင်နားဆွဲကလည်း လှုပ်ခတ်လျက်။အနှီလူသားက ကြက်သွေးရောင်ရှပ်လက်ရှည်ကို ကြယ်သီးတစ်ဝက်သာတပ်ပြီးဝတ်ဆင်ထား၏။ အနက်ရောင်ကုတ်အင်္ကျီကို လက်တစ်ဖက်ကကိုင်၍ ပခုံးပေါ်လွှားတင်ကာ ပြုံးနေသည်က တစ်စုံတစ်ယောက်ကိုငေးကြည့်နေရင်းသာ။
ထိုလူသားမှာထူးဆန်းနေသည်က အဖြူတောင် မျက်တောင်မွေးတွေ။မျက်ကပ်မှန်ကြောင့် ခရမ်းရောင်ပြေပြေသန်းနေသည့် မျက်ဝန်းတို့မှာလည်း ယခုမှာတော့ ဖြူစွတ်နေပြန်သည်။
သူငေးကြည့်နေသည့်တစ်စုံတစ်ယောက်ကတော့ ယုန်ဖြူကလေးတွေကို အစာကျွေးရင်း ရယ်မောနေရှာ၏။
"King "
ခေါ်လိုက်ပေမယ့် ထိုလူကလှည့်မကြည့် သူ့အာရုံတွေက တစ်စုံတစ်ယောက်မှာသာ ရှိနေသည်။
" King "
ပခုံးကိုပုတ်ခေါ်တော့မှ လှည့်ကြည့်လာကာ...
"ဘာလဲ"
"သွားမတွေ့ဘူးလား"
"သူပျော်နေတာလေ။နေပါစေတော့...မသွားတော့ဘူး။၂နာရီပြည့်ရင်သာ သံကြိုးပြန်ခတ်ထားလိုက်"
"၂နာရီပြည့်ပြီလေ"
"မြန်လိုက်တာ။နောက်ထပ် ၁နာရီလောက် ပျော်ပါစေအုံး။အခုလိုပျော်နေတာလေး မမြင်ရတာကြာနေပြီ"
လက်မှာပတ်ထားတဲ့နာရီကိုငုံ့ကြည့်ရင်း ဘောင်းဘီအိတ်ကပ်ထဲက သော့ကိုထုတ်လိုက်၏။
"မင်းကိုအပ်ခဲ့မယ်"
"မင်းကဘယ်သွားမလို့လဲ"
"ငါ့ရဲ့ဒီပုံစံ...ဘေဘီ့ကိုမမြင်စေချင်ဘူး"
"မဟုတ်သေးပါဘူး။မင်းက ဘာတွေချို့ယွင်းနေတာမို့လို့လဲ"
"ဒီမျက်လုံးတွေကိုဖောက်ထုတ်ပစ်ချင်လိုက်တာ"
မြကျေးကဗျာနွယ်ပက်လိုက်သည့် ကယ်ရိုနစ် အရည်တွေကြောင့် အဖြူရောင်ပြောင်းသွားသည့် သူ့မျက်ဝန်းတွေနဲ့ မျက်တောင်မွေးတို့ကို မုန်းလွန်းလှသည်။
YOU ARE READING
Daniel King
Romance"You're my lavender " Daniel King #Mafia#Possessive#Punishment #Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 5.5.2022 (8:00PM) End Date - 17.12.2022 ( 8:17PM) ...