Unicode
" မောင့်ဘေဘီ "
"ဟင် ဘာလဲ"
"ဘာရယ်တော့မဟုတ်ပါဘူး။မောင်စဉ်းစား ထားတာလေးပြောပြချင်လို့"
ကျေးကိုမော့ကြည့်ရင်း ပြောလာတဲ့ဘုရင်က လူနာလား ကျေးကလူနာလားဝေခွဲမရတော့ချေ။ ကုတင်တစ်ခုလုံးကို သူကပဲအပိုင်သိမ်းထားကာ ထိုင်နေတဲ့ကျေးရဲ့ပေါင်ပေါ် ခေါင်းအုံးအိပ်နေပြန်၏။
"ဘေဘီ မောင်ပြောမလို့"
"ပြောပါဆို။ငါနားထောင်နေတယ်"
"အဟွန်း ! ဒီလိုမှပေါ့"
"ပြော ဘာလဲ"
"မနက်ဖြန်ဆို အိမ်ကိုရွေ့ရအောင်နော်။ ဟိုမှာ ဘေဘီအနားယူဖို့ ဆေးကိရိယာတွေရော အကုန်ပြင်ဆင်ထားပြီးပြီ"
"အင်း။နင့်သဘော"
"ဘေဘီနေကောင်းအောင်နေ။နေကောင်းရင် မောင်တို့ခရီးထွက်ကျရအောင်"
"နင့်သဘောလေ"
"ပြောပြန်ပြီ"
ဘေဘီအခုလိုပြောနေတာက သူ့ကိုရွဲ့နေတာပဲလို့ ခံစားရစေ၏။ ပုံမှန်ဆို မသွားချင်ပါဘူး ငြင်းရမှာလေ။ဘေဘီကငြင်း...သူက ဇွတ်ပြော ။ အဲ့လိုဖြစ်နေရတာမှာကို အကောင်ပေါက်လေးက ရုတ်တရက်ကြီးလိမ္မာနေတာ သူနေသားမကျ။
"ဘေဘီ့သဘောကိုပြော။မောင့်သဘောမလုပ်နဲ့ မောင်က ဘေဘီ့သဘောကျလုပ်ပေးမှာ"
သူ့ရင်ဘတ်ပေါ်တင်ထားတဲ့ ကျေးရဲ့လက်တွေကို နမ်းပြန်၏။မျက်ခုံးနှစ်ဖက်ထိစပ်လုသည်အထိ မျက်မှောင်ကျုံ့ထားပုံက တစ်ခုခုကိုအလိုမကျဟန် အထင်းသားပေါ်လွင်နေသည်။
"ပြောလေဘေဘီကလည်း ဘေဘီသွားချင်ရဲ့လား"
"သွားချင်ပါတယ်။ပြန်မရောက်တာ ကြာနေပြီဟာကို"
"ဘေဘီကဘယ်ကိုပြန်ချင်တာလဲ"
"မန္တလေးကိုပေါ့"
"အင်း ။ ဘေဘီ့သဘော ။ မောင်က ဘေဘီ့ဆန္ဒကို ဦးစားပေးတယ်နော် ။သိလား ...ဘေဘီ့ကို မောင်ကလွဲပြီး ဘယ်သူကမှပိုမချစ်ပေးနိုင်ဘူး"
"သိပါတယ်"
ကျေးရဲ့စကားကြောင့်ထင် သူက ငေါက်ခနဲထထိုင်၏။ပြီးမှ ကျေးရဲ့လက်တဖက်ကို ဆုပ်ကိုင်၍ ဆံနွယ်တို့ကိုဖွလာသည်။
YOU ARE READING
Daniel King
Romance"You're my lavender " Daniel King #Mafia#Possessive#Punishment #Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 5.5.2022 (8:00PM) End Date - 17.12.2022 ( 8:17PM) ...