The Night in Tierra Fima | Acuzar Empire Series 1 | COMPLETED

Kabanata 9

Kabanata 9
Nice name

Maaga akong nagising dahil ito talaga ang natural na oras ng gising ko kapag nasa bahay ako. Idagdag mo pa na ngayon ang schedule ng interview ko kaya gumayak na ako. Maagap kong tiningnan ang oras and unfortunately, thirty minutes na lang ay male-late na ako sa interview ko.

I scratch my eyes and pop-out my cheeks while sitting on the edge of the bed. Bakit ba hindi ko maalis sa isip ko ang lalaking iyon at ang nasa huli ng text niya. L.A? Ano 'yon? Los Angeles? O initials ng pangalan niya. Whatever. I need to fix myself before I ran out of time.

Binuksan ko ang closet ko at nangunot ang noo ko nang wala na roon ang mga dati kong damit. Hindi ko ito napansin kagabi dahil sa sobrang pagod ko. Mabilis kong tinawag si Arthur dahil nahuhulaan ko na ang ginawa ng baklang 'yon.

"Arthur!" Sigaw ko mula sa kwarto ko.

Maya-maya, tumatakbo siyang pumasok sa kwarto ko nang nakasimangot.

"Oh my god, ate! That's so nakakadiri!" Naiiritang sabi nito sa 'kin ngunit hindi ko na pinansin 'yon.

Nanatili lang akong nakatingin sa kaniya na agad naman niyang naintindihan kung anong tinutukoy ko.

"Ate, I've been up to something saint, like you know. I donated all of your clothes sa Home for the Aged. Alam mo na, 'yong mga matatanda roon kailangan ng mga damit and your clothes fits to them perfectly!" Tuwang-tuwa nitong paliwanag at pumalakpak pa.

Napasapo ako sa noo ko at napakagat sa ibabang labi. Tiningnan kong muli ang closet ko na puno na ng mga bagong damit.

"'Di ba sabi ko sa'yo huwag mo nang pakialaman ang mga damit ko? At kanino galing ang mga 'to?" Sigaw ko sa kaniya.

"From ate Yerim. Binili raw nila 'yan ni ate Rafaella para sa'yo. Binigyan nga rin ako," ngiting-ngiti pa nitong sinabi kaya napakamot na lang ako sa ulo ko.

Inirapan ko siya na ginantihan naman niya. Wala na akong nagawa kaya pinaalis ko na siya sa kwarto ko.

Bumunot lang ako ng kahit na anong damit sa closet ko at mabilis na naligo. Nang matapos ako ay saka ko lang nakita ang suot ko.

Isa itong puting blouse na masyadong mababa ang neckline, skirt na pencil cut at pinatungan ko ng coat na black ang blouse ko nang sa gano'n ay hindi masyadong mahalay tingnan. Isa sa mga dahilan kung bakit malalaking damit ang mga sinusuot ko dahil malaki ang dibdib ko. Kapag nagsusuot ako ng mga fitted na damit ay nagiging mahalay tingnan lalo na't malaki rin ang balakang ko.

Mabilis akong nagpahid ng lotion at body spray.

Napangiwi ako nang makita ko ang itsura ko sa salamin. Sobrang plain ng mukha ko at basang-basa pa ang buhok ko kaya nag blow dry muna ako saka naglagay ng kaunting make-up. Nang matapos ako ay mabilis na akong nagpaalam kina Arthur at mama saka umalis na.

Nang makarating ako sa Acuzar Empire ay agad akong pinapunta sa office ng CEO dahil ito raw mismo ang mag-i-interview sa akin. Nang makalabas ako sa elevator ay napukaw agad ang tingin sa akin ng mga tao. Ramdam ko rin ang titig nila sa bawat kilos ko kaya naiilang ako.

Lumapit ako roon sa isang babae para magtanong.

"Hi, I'm Astraea. I'm here for my initial inter—"

"Oh yes! Kanina pa po kayo hinihintay ni Sir. Kayo raw po ang nag-apply bilang secretary niya?" She asked me and smiled softly. Napatango na lamang ako.

Sa floor na ito ay alam ko nang hindi lang nag-iisa ang office ng CEO. Kasama na rin dito ang ibang mga high graded employee kaya naman naiiipit ko unconsciously ang nakatakas na hibla ng buhok sa gilid ng tainga ko.