The Night in Tierra Fima | Acuzar Empire Series 1 | COMPLETED

Kabanata 39

Kabanata 39

History

One of my biggest insecurities after purpose in life is my importance. A lot made me feel worthless especially during my high school life. No one should follow.

And I am sure the word stupid would never describe me.

Earlier in five years...

Saktong 5 PM ay natapos ko na ang revision ng huling librong ipapasa ko sa Royale bago ako lumipat ng ibang department. It was a hard decision for me ngunit wala naman akong ibang choice dahil gusto ko rin ito. Isa pa, makakapagsulat pa rin naman ako kahit wala na ako sa editing department.

Nang makarating ako sa bahay ay sinalubong ako ng seryoso ngunit malungkot na ekspresyon ni mama. Nagmano lang ako sa kaniya at nagbihis pagkatapos ay lumabas nang muli para maghanda ng pagkain.

"Anak, nakilala mo na ba ang mga magulang ni Levi?"

Natigilan ako sa ginagawa ko nang marinig ko iyon. Kusang tumutok ang tingin ko kay mama na tila tulala dahil nanatili ang tingin nito sa labas.

"Na-meet ko na po sila, ma. Bakit po?" Takang tanong ko sa kaniya.

Dinig ko ang marahan nitong buntong-hininga. Hindi pa rin ako binabalingan ng tingin.

"Anak ba siya nila Saldy at Criselda Acuzar?" Tanong muli nito na imbes sagutin ang tanong ko.

Lalong nangunot ang noo ko dahil sa sinabi niya. Kilala niya ang mga ito? Paano? Wala pa naman akong binabanggit sa kaniya tungkol sa pamilya ni Levi. At paano niya nalaman ang mga pangalan nito?

"Opo..." ani ko at tuluyan nang umupo roon.

"Nagkatuluyan pa rin talaga sila. Masaya ako para sa kanila."

End

Iyon na ang huling narinig ko mula sa kaniya tungkol sa usapin sa pamilya ni Levi. Nang sinubukan kong itanong muli ang tungkol doon noong nabubuhay pa ito ay hindi na niya ako sinasagot. Madalas ay parang wala siyang naririnig.

"Totoo ba ito?" halos bulong ko sa sarili ko habang pinagmamasdan ang pictures na naka-frame pa sa bakanteng kwarto sa loob ng Casa.