The Night in Tierra Fima | Acuzar Empire Series 1 | COMPLETED

Kabanata 67

Kabanata 67

Name

"Rae! What are you doing here? Akala ko ay naka-bed rest ka?" salubong sa'kin ni Rafa nang makapasok ako sa working place nila.

Hindi ko siya tiningnan at dire-diretso lang ako patungo sa dati kong upuan at naupo roon. Sa pagkakaalam ko ay lunch break nila ngayon kaya siya lang ang nadatnan ko ngayon dito. Yerim resigned a three months ago kaya si Rafa na lang ang tanging natitira dito.

"Maayos na ako. Na-miss ko lang pumunta rito," sambit ko sa kaniya at inilibot ang tingin sa buong lugar.

Walang pinagbago iyon. Gano'n pa rin ang itsura. Bigla kong na-miss pumasok dito araw-araw at mag-edit ng isang katerbang manuscript, mag-isip ng bagong ideas para sa susunod na librong ipapasa, at maghabol ng deadline. Matagal na panahon na rin mula nang tumigil ako sa pagsusulat. Ang nangyaring movie adaptation ng huling kuwentong isinulat ko ay masasabi kong successful. Masaya ako sa naging kinalabasan at kahit kailan ko gusto, mababalikan ko ang alaala na iyon sa Tierra Fima.

"Na-miss kong magsulat at mag-edit," natatawa ko pang dagdag at tumingin na kay Rafa.

Nakangiti rin ito nang malawak habang nakatitig sa'kin.

"You changed a lot, Rae. Sobrang laki ng pinagbago mo at lahat ng 'yon ay sobrang ganda, sobrang laking tulong para sa'yo. I'm so happy for you," seryosong sagot niya sa'kin.

Naramdaman ko ang paglundag ng puso ko nang marinig ko iyon. Ngayon lamang ito nagsabi sa akin ng ganito kaya hindi ko maiwasang maging emosyonal. Dumagdag pa ang pregnancy hormones ko na talaga namang pinahihirapan ang lahat lalo na ako at si Levi.

"I'm happy to go back here someday if I'm still allowed to," naiiyak na sinabi ko sa kaniya.

Tumawa ito saka tumayo at nilapitan ako.

"Nahahawa ako sa hormones mo! May gender na ba 'yan?" tanong niya sa'kin at niyakap ako saglit.

Umiling ako at hinawakan ang tiyan ko.

"Wala pa, Raf. Dalawang buwan pa bago malaman," sagot ko at tumayo na.

She guided me outside the work place at nagyayang kumain sa pinakamalapit na restaurant. Nang magsimula kaming kumain ay tinawagan na lang namin si Yerim dahil abala ito ngayon para sa kasal ng half-sister niya. Tumambad sa amin ang haggard niyang itsura kaya naman halos bumunghalit kami sa tawa.

Nang matapos kaming mag lunch ni Rafa ay nagdesisyon akong tumungo sa office ni Levi. Pagkapasok ko pa lamang ng building ay pansin ko na ang paninitig sa akin ng lahat hanggang sa makapasok ako sa lift. Nang makalabas ako sa floor ng opisina niya sumalubong sa'kin si Jaxon. Tila lalagpasan pa sana ako nito kaya tinapik ko siya sa braso.

"Still ignoring me, huh?" pang-aasar ko sa kaniya.