"အားလုံးတိတ်ကြတော့..."
ညီလာခံခန်းမအတွင်းမှ တစ်ယောက်တစ်ပေါက်ပြောဆိုသံများသည် ဧကရာဇ် ဆူရာခန်၏ ဟန့်တားမှုအောက်တွင် တိတ်ဆိတ်လို့သွားရသည်။
မင်းသမီးနာရာခန် လုပ်ကြံခံရမှုနှင့်ပတ်သက်၍ ညီလာခံလုပ်နေတာဖြစ်ပြီး ဖြစ်နိုင်ချေရှိသည့်အဖွဲ့အစည်းများအကြောင်းပြောဆိုနေကြရင်း တစ်စထက်တစ်စဆူညံလာကာ ငြင်းခုံနေကြသည့် အဆင့်သို့ရောက်ရှိလာခြင်းဖြစ်သည်။
"ရှောင်း အကြီးအကဲအနေနဲ့ရော ဘယ်လိုမြင်လဲ..."
ဆူရာခန်က နန်းတွင်းမှ မူးကြီးမတ်ရာများကို ကျော်လွန်၍ သူအားထားရဆုံးဖြစ်သည့် ရှောင်းဟာရုဘက်သို့လှည့်၍မေးလိုက်သည်။ ရှောင်းဟာရုကလည်း ငြိမ်သက်စွာတွေးတောနေရာမှ...
"မင်းသမီးကို လုပ်ကြံတယ်ဆိုကတည်းက အင်ပါယာကြီးကို ပြိုကွဲအောင်လုပ်ဖို့ ကြံရွယ်နေတယ်ဆိုတဲ့သဘောပါ...ရိုးရိုးသာမန်လုပ်ကြံတာထက် ရည်ရွယ်ချက်ရှိရှိနဲ့ကို လုပ်ဆောင်ခြင်းသဘောမျိုးပါ..."
ရှောင်းဟာရု၏စကားကို ဆူရာခန်က ခေါင်းတညိတ်ညိတ်လုပ်၍နားထောင်နေသည်။ ရှောင်းဟာရုကဆက်ပြီး...
"ကိုယ်ရံတော် ခေါင်းဆောင် ရှောင်းကျန့် ပြောဆိုချက်အရ တစ်ဖက်က လူတွေက တိုက်ခိုက်စွမ်းရည်မြင့်မားပြီး နန်းတွင်းစစ်သည်သူရဲကောင်းတွေနီးနီးသို့မဟုတ် ပို၍သာလွန်တဲ့ စွမ်းရည်တွေရှိနေပါတယ်...အဲ့ဒီတော့ ကျွန်တော်တို့ စဉ်းစားရမှာ တစ်ခုပဲရှိပါတယ်...နန်းတွင်းထဲကစစ်သည်တွေထက် တိုက်ခိုက်စွမ်းရည်မြင့်မားချေရှိတာဘယ်သူတွေလဲ..."
"ခန်အင်ပါယာကြီးမှာ နန်းတွင်းစစ်သည်တွေကို ကျော်လွန်နိုင်တာ ဆာမူရိုင်းတွေပဲရှိတယ်..."
ဆူရာခန်၏ စကားကို ရှောင်းဟာရုခေါင်းညိတ်ပြလိုက်ပြီးနောက်...
"ပြီးတော့ရော..."
ရှောင်းဟာရု၏အမေးကို ဆူရာခန်စဉ်းစားလို့နေပြီးမှ မျက်နှာထက်တွင် တုန်လှုပ်မှုများဖြတ်ပြေးသွားကာ ရှောင်းဟာရုကို အဓိပ္ပာယ်ပါပါကြည့်လိုက်ပြီးနောက် ညီလာခံခန်းမအတွင်းမှ လူများအားလုံးကို အပြင်ထွက်သွားဖို့ အမိန့်ပေးလိုက်၏။ နှစ်ယောက်တည်းကျန်ခဲ့သည့် အခါမှ ဆူရာခန်က အရှေ့ကလက်ဖက်ရည်ကိုမော့လိုက်ပြီး...
YOU ARE READING
Bamboo Forest
Fanfictionအာဃာတနဲ့မေတ္တာ၊ ဦးနှောက်နဲ့ နှလုံးသား။ တိုင်းပြည်နဲ့လူမျိုး ၊ တာဝန်နဲ့ဝတ္တရား။ ဘယ်ကိုဆက်လျှောက် လမ်းပျောက်နေတဲ့အခါ... ဤနေရာမှာခြေစုံရပ်လို့။ အနောက်သို့... တစ်လှမ်း...နှစ်လှမ်း...သုံးလှမ်း။ Cover Photo Crd: