.........
၆လပိုင်း ၁ရက် နေ့မို့ ဒီနေ့ဟာ ကျွန်တော့်ရဲ့ နဝမတန်း စာသင်နှစ်တစ်နှစ်ကို စတင်သည့်ရက်။
ကိုကြီးဆိုင်ဟန်မှ သူ့ညီလေး ဟန်လျှမ်းနှင့် ကျွန်တော့်အတွက်ဆိုပြီး ကျောင်းယူနီဖောင်း၊ ဖိနပ်၊ လွယ်အိတ် စာအုပ် ကိရိယာ အပြည့်အစုံ ဝယ်ဆင်ပေးထားတာမို့
ကျောင်းဖွင့်စ ရက်လေးမှာ ကျွန်တော်ဟာ ခေါင်းအစ ခြေအဆုံး အသစ်လေးများဖြင့် ။
ဒေသအသစ်၊ နေရာအသစ်၊ ကျောင်းအသစ်ကို အသစ် အသစ်တွေတွေနဲ့သာ စတင်စေချင်သည်ဟု ဆိုလာသော ကိုကြီးကြောင့် ကျေးဇူးတင်စကားသာ ထပ်ခါ ထပ်ခါ ဆိုနိုင်ပါတော့သည်။
ကျောင်းစတက်ရမယ့်နေ့မို့ အစောကြီးထကာ ရင်ခုန်မှုပေါင်းများစွာနဲ့ ပြင်ဆင်နေမိတာကြောင့် အမေက တပြုံးပြုံးနှင့် ကျောင်းကထွက်မပြေးပါဘူး သားရယ် လို့ ပြောရတဲ့အထိ။
အိုက်လျှမ်းကလဲ 7နာရီထိုးရင် လာခေါ်မယ် ကျောင်းမှာ ခုံကောင်းကောင်းလေးတွေနဲ့ ထိပ်ဆုံးနေရာ အရင်သွားဦးရမယ်
ဆိုတာကြောင့်လဲ စောစော ပြင်ဆင်ထားနှင့်ခြင်းဖြစ်၏။
~~~~~~~~
"အိုက်သာ! အိုက်လမင်းသာ !"
ထုံးစံအတိုင်း လူမမြင်ရသေးခင် အသံကြားနေပြီ။
စားပွဲပေါ်တင်ထားသော လွယ်အိတ်နှင့် ထမင်းချိုင့်အား အဆင်သင့် ယူလိုက်သည်။ ပြီးနောက်
"အေး ငါလာပြီ "
"အမေ သား ေကျာင်းသွားတော့မယ်နော်"
"မုန့်ဖိုး စာအုပ် အကုန်ပါပြီလားသား"
"ဟုတ် ပါပြီ အမေ "
"အေအေ သေချာသွားကြ အမေလိုက်မပို့တော့ဘူးနော် "
"ဟုတ် ရတယ် အမေ "
အမေ့အားနုတ်ဆက်လို့ အိမ်ထဲတောင်မဝင်နိုင်ပဲ ကျောင်းစိမ်းပုဆိုးအား ဖြန့်လိုက် ပြန်ဝတ်လိုက် လုပ်နေသော အိုက်လျှမ်းနား ပြေးရသေးသည်။ ကျောင်းက အပ်ပြီးသားမို့ အမေတို့အား လိုက်မပို့ခိုင်းချင်တော့ပါ။ အလုပ်ပိုနေမည် ဆိုးတာလဲပါသည်မို့ မပို့ခိုင်းတော့ပါ။
YOU ARE READING
ချစ်ချင်လို့ ချစ်တာ ( Complete)
Romanceခဏခဏ ရည်းစားစကားအပြောခံနေရရင် အဖြေပေးဖို့ စဉ်းစားတော့လေ အကြောင်းပြချက်ပဲ မေးနေတာ မမောဘူးလား ခင်များ ဦးနှောက်သေးသေးလေးထဲ သေချာမှတ်သွား ကျုပ်''ချစ်ချင်လို့ ချစ်တာ'' (ခန့်စေထွဋ်နောင်)
