Unicode
သဝဏ်သတိပြန်ကပ်မိတဲ့အချိန်ပထမဆုံးခံစားမိတာကခေါင်းတစ်ခုလုံးထိုးကိုက်နေတာပင်။ ခေါင်းကိုလက်တစ်ဖက်ဖြင့်အသာဖိနှိပ်ကာမျက်လုံးကိုအားယူဖွင့်ကြည့်မိတော့နို့နှစ်ရောင်မျက်နှာကြတ်ကိုမြင်လိုက်ရတာကြောင့်အိမ်ပြန်ရောက်နေပြီမှန်းသိလိုက်ပါသည်။ အိပ်နေမိတာဘယ်လောက်ကြာသွားမိလဲမသိ ၊ ကျောတွေပါပူလာသလိုဖြစ်လာတာကြောင့်ထထိုင်ဖို့ပြင်မိတော့ရင်ဘတ်ပေါ်မှာမှီအိပ်နေတဲ့ဒေါက်တာကြောက့်လူကကြောင်အစွာနှင့်ငေးကြည့်နေမိတယ်။
အတင်းဆွဲဖယ်လိုက်ရရင်ရပေမယ့်လို့ နှစ်နှစ်ခြိုက်ခြိုက်အိပ်ပျော်နေတဲ့ဒေါက်တာကြောင့်ငြိမ်နေပေးလိုက်တော့ အင်းအဲနဲ့ခါးကိုပါဖက်တွယ်လာတဲ့လက်တစ်ဖက်။
"ဒေါက်တာ……"
နိုးသွားမလားဆိုတဲ့အတွေးနှင့်ခေါ်မိပေမယ့်လို့အိပ်နေတဲ့သူကတုတ်တုတ်တောင်မလှုပ်။ လူကိုဖက်လုံးလို့များထင်နေသလားမှတ်ရတယ် ၊ ဖက်ထားလိုက်တာမှလေတောင်မတိုးတော့ဘူး။
"ချစ်တယ်……"
"ဟမ်……"
ခါးပေါ်ကလက်တစ်ဖက်ကိုဆွဲဖယ်ဖို့ကြိုးစားနေတုန်းကြားလိုက်ရတဲ့စကားသံသဲ့သဲ့။ အနည်းငယ်ဝါးနေပေမယ့်လို့ သဝဏ်ကြားရတဲ့အထိတော့အသံလေးကပီပြင်နေပါ၏။
"ချစ်တယ် ကိုကို့ကလေးလေး……"
"ဒေါက်တာဘာတွေပြောနေတာလဲ……"
"ကောင်လေးကိုအရမ်းချစ်တယ်……"
မသဲကွဲလို့မေးလိုက်မိတဲ့အမေးကိုမှပီပီသသပြန်ဖြေလာတဲ့ဒေါက်တာကြောင့်သဝဏ့်မှာခေါင်းကိုက်နေတာတောင်ဘယ်ပျောက်လို့ပျောက်သွားမှန်းမသိ။ အလိုလိုတံတွေးတစ်ချက်မြိုချမိရင်း ဘာများဆက်ပြောလာမလဲလို့ဆက်နားထောင်မိတော့ဘာအသံမှထပ်မထွက်လာတော့ပေ။
"ဒေါက်တာ……ဒေါက်တာ……"
ပခုံးလေးကိုခပ်ဖွဖွထိကိုင်ကာလှုပ်နှိုးမိတော့ဟောက်သံသေးသေးလေးပါထွက်နေသေးတဲ့သူကြောင့်သဝဏ့်မှာကိုယ့်နှဖူးသာကိုယ်ပြန်ရိုက်ချင်သွားရသည်။
အိပ်ရင်းနဲ့ယောင်ပြီးလျှောက်ပြောနေတာပဲ……သတိထားစမ်း မင်းဘာတွေတွေးနေတာလဲရဏသဝဏ်……။
YOU ARE READING
Second life ( အချို့သောချစ်ခြင်းတို့သည် )
RandomHydrangeaတွေနဲ့အတူ အမြဲနောင်တရနေလိုက်ပါအစ်ကို။ နောင်တတရားတွေ အားနာစိတ်တွေနဲ့နာနာကျင်ကျင်ရှင်သန်နေလိုက်ပေါ့။
