معشوقة النجم - الجُزء الرابع

تعالى خمسة 😘😂

شباب الواتباد معزتكم غالية عندي وخاصة جدًّا لأني عرفت أغلبكم من الابلكيشن ده
وحقيقي اللي مخليني مكملة فيه معزتكم عندي، بغض النظر عن إن ساعات الناس بتختلف معايا وبيضايقوا مني لكن ميبعدش عن إن الشريحة الكبري منكم غاليين عليا

وعشان بقالي كتير منزلتش تنوية بيني وبينكم ندردش فيها في كام نقطة كده أفهمكم عنها

من بداية الجُزء وأنا قولت إني الجزء ده مالوش مواعيد ثابتـة، لأني فعلًا عارفة نفسي مقدرش أدي مواعيد وأخلف بيها، أيوة تأخيري زاد في فترة واعتذراتي اتكررت وساعات غبت تمامًا، لكن لمَّا شوفت كل النقد عن التأخير منكم تداركت ده وبقدر المستطاع حاولت متأخرش آخر فترة وبدليل إن آخر شهر مواعيدي مظبوطة الحمدلله

وعلشان كده أنا قررت إني لمَّا أنزل رواية بعد كده هكون كتبت جزء كبير جدًّا منها عشان متأخرش عليكم، لكن مافيش داعي لصيغة التهديد، اللي هو آخر مرة هقرألك وهتابعك
أنا معنديش مشكلة إن حد يشوفني مش منضبطة أو أنه بيجُهد من انتظار فصل بكتبه بالأسابيع ومبلاقيش منه غير نقد سلبي عمتًا أنا مش بهتم بالنقد الغرض منه التنظير، ماحدش يعرف الظروف عاملة إزاي وإن ساعات موقف واحد بيغير المسار تمامًـا اللي كنت مخطط ليه، أنا انسانة عادية بتعرض لأولايات وبالتالي بختار على أساسه

الفصل مش هيجراله حاجة لمَّا يتأخر في حيث إني عندي امتحانات مثلًا أو والدتي تعبانة واللي هي دايمًا بيحصلها وعكات صحية، أصل الفصل مش هيعوضني عن لحظة ممكن تضيع مني في حاجة أهم وده مش معناه إني مش فخورة وسعيدة باللي بعمله
بالعكس مبسوطة جدًّا إني لقيت هواية اقدر أوصل منها حاجة كويسة تنفع غيري، وفخورة بأني طول الروايات اللي كتبتها مافيهاش مشهد واحد أخجل منه أو اتكسف من حد قريب مني لما يقرأه ولكن لو اتحطيت في مقارنة بين الكتابة والدراسة هختار الدراسة
ببساطة ديه أولوية بالنسبالي، فلما اتأخر أعذروني ساعات بعجز عن إني أقدم مبرر
ولكن ده مش معناه إني مش هاخد الملاحظة في عين الاعتبار، ديه أول حاجة.

تاني حاجة وبخصوص الرواية ويمكن في البعض منكم على جروب الفيس من شهرين تقريبًا عملت لايف وقولت فيه إن الجزء ده مكملة للأحداث بس نَّجم الدين ليه حتـة زيادة شوية يمكن مظهرتش حاليًا بس حطاها قدام في سير الأحداث، الجزء ده مختلف بحثـة اللايت شوية يعني مش مماثل للأجزاء السابقة هو "متمم" بوريكم شخصيات عشنا معاها على مدار مايقارب أربع سنين حياتهم لمَّا بقوا أباء وأمهات وستار لمَّا لقى اللي بيحبها.

فكرة إن الرواية من وجهة نظر البعض ضعيفة رأي ويُحترم وأنا بقدر أي نقد باخده، لأن أنا ببساطة شديدة بقيت متداركة إني مش هرضي كل الأذواق، البشر نفسهم لحد اللحظة ديه مختلفين في إدراك مفهومية الإله، أنا اللي عبد هعرف أرضي كل الناس؟

مش منطقيّة وأنا مبسعاش ليها، بس بطلب بالتقدير على عيني نقد أي أحد بس بفضل التوازن يعني أكتر من شخص مش بشوفه
غير في الفصول بصيغة نقدية وده مش شخص ولا اتنين ده كتير الحقيقة حتى على الفيس والله 😂

مبيظهروش غير لمَّا بيبقى عندهم نقد بس
ولو إن أحنا عملنا توازن هيكون أفضل يمكن تتكلم بنفس صيغة النقد برضو بس بطريقة
"بناءة" هحطها في عين الاعتبار وهقدرها جدًّا
عشان النقد بيجي من القاريء، مبقولش إني روايتي مافيش منها اتنين ولا اللي مش هيتعمل زيها بالعكس يمكن هي متنالش اعجاب ناس كتيرة وعندهم اختلاف في وجهات النظر معايا لمجرد كلام بيوصل على لسان الأبطال، لكن بالنسبالي أنا مقدرة جدًّا الكل وبكامل الإحترام لأي حد بيقرأ ليّا حتى لو البعض منهم تجاوز حدود الأدب بالسُباب
وده يأكد إن كلامي مش موجه لشخص بعينه بالمناسبة، أنا بس جمعت كل السلبيات اللي اتقالت ليا طول الجزء وقولت ارد عليها مرة واحدة.

لكن وبالرغم كل ده أنا راضية جدًّا عن كل حرف كتبته في الرواية ديه، حروف طلعت مني بسماحة وحبيت الجو العائلي في الجزء ده بالتحديد

فلو حد مضايق من أي حاجة في الجزء ده وشايفني ضيعت جمالية الرواية، عفوًا منك /منكِ هتدارك بعض الملاحظات السلبية منكم
عشان مكررهاش في أي عمل جاي تاني واللي شيفاها من وجهة نظري أنها هتضيف.

بعتذر لو طولت عليكم بس أنا حقيقي بتبسط لمَّا بتكلم مع حد منكم هنا، في بالمناسبة لايف في آخر فصل في الرواية بنتكلم فيه وبنهزر وهقولكم الرواية في الخطة الجاية هتكون إيه واللي بالمناسبة كتبت جزء منها يعني مش هيكون فيه تأخير لو أراد الله.