Chapter 145
Imperial MeowJune 19, 2023
Chapter 145ပရိယာယ်များ
အလွန်အေးဆေးတည်ငြိမ်နေပြီး မည်သည်ကိုမှ ထူးထူးခြားခြားမတုံ့ပြန်သည့်ဝမ်ဟုန့်အား မြင်လိုက်ရသောအခါ ရန်မင်းတစ်ယောက် စိတ်ပျက်လက်ပျက်ဖြစ်သွားတော့သည်။
" သွားတော့ ... " ရန်မင်းက ချန်ရုံ့အား အထက်စီးဆန်သောလေသံဖြင့်ပြောလိုက်၏။
" ကောင်းပါပြီ ... "
ထိုအခါချန်ရုံက ခေါင်းငုံ့ကာ ဖြည်းညင်းစွာ နောက်ပြန်ဆုတ်သွားသည်။သူမသည် ရန်မင်း၏အနောက်သို့ဆုတ်ခွာသွားခဲ့ပြီး လှပသောရုပ်သွင်က မှောင်ရိပ်ထဲသို့ ဝင်လျိုးပျောက်ကွယ်သွားလေတော့၏။
ရန်မင်းက ချန်ရုံ့ကို အာရုံမစိုက်တော့ဘဲ ဝမ်ဟုန်အား စိုက်ကြည့်ရင်းပြုံးပြကာ ရုတ်တရက် မေးမြန်းလာခဲ့သည်။
" မေးလိုက်ပါဦးမယ် ... ကျုပ် ဒီညလာမယ်လို့ ဘယ်လိုသိတာလဲ ... ပြီးတော့ ညှိနှိုင်းမယ်ဆိုတာကိုရော ... "
ထိုအချိန်တွင် ဝမ်ဟုန်က သူ၏သွယ်လျသောလက်များကို ဆန့်ထုတ်ကာ ချန်ရုံငှဲ့ပေးထားသောဝိုင်ခွက်အား ယူလျက် တစ်ကျိုက်မော့လိုက်ပြီး အေးအေးလူလူပြန်လည်ဖြေကြားသည်။
" တပ်မှူးက ရည်မှန်းချက်ကြီးပြီးတော့ လိုက်ဖက်တဲ့အကြံအစည်တွေရှိတဲ့ တမူထူးတဲ့လူပါ ... လန်ယာဝမ်အိမ်တော်နဲ့ အပေးအယူလုပ်ဖို့ ဒီလောက်ကောင်းတဲ့အခွင့်အရေးကို လွယ်လွယ်နဲ့ လက်လွှတ်ခံမဲ့လူမျိုး မဟုတ်ဘူးလေ ... "
ဝမ်ဟုန် ထိုစကားများကို ပြောနေစဉ်တွင် ရန်မင်း၏မျက်ဝန်းများက အေးစက်စွာ မှေးမှိန်သွားသည်။
သူသည် လူ့အသက်တစ်ချောင်းအား တန်ဖိုးနည်းပါးစွာမြင်တတ်သောကောင်းကင်ဘုံမင်းသားဖြစ်ပြီး အစွမ်းအစကို ပြသချင်သောအခါမျိုးတွင် သူ၏အငွေ့အသက်မှာ အတော်လေးကြောက်စရာကောင်းသော အရာဖြစ်လာနိုင်လေ၏။
ဘေးတစ်ဖက်တစ်ချက်ရှိ အစေခံများခမျာ မရည်ရွယ်ပါဘဲ တုန်လှုပ်လာကြသည်။
ထိုအချိန်၌ပင် ဝမ်ဟုန်မှာ ပြုံးနေသေးပြီး သူ၏အမူအရာတိုင်းက ကျက်သရေရှိသောအဓိပ္ပါယ်သက်ရောက်နေခဲ့သည်။
![](https://img.wattpad.com/cover/341643955-288-k388154.jpg)
YOU ARE READING
မေကုန်းချင်
Historical FictionNew Normal တစ်ပတ် သုံးရက် update ပါရှင် ... Paid gp က နောက်အပတ်လောက်မှစပါမယ်ရှင် ... Title- Mei Gongchin သူမကိုယ္သူမ မီးရွို့၍ သတ်သေသွားပြီးသည့်နောက်တွင် ချန်ရုံသည် အတိတ်မှ ၁၄ နှစ်အရွယ်၌ ပြန်လည် နိုးထလာခဲ့သည်။ ဂုဏ်သရေကြီးမြင့်သော်လည်း သူတော်ကောင်းယ...