Itutula Ko

Para Sa'yo ( 29 )

kakalimutan lahat
mula sa sakit na idinulot
hanggang sa mga
pangakong napako

kakalimutan lahat
bawat luhang tumulo
pati mga umagang mata'y nagmumugto
at mga gabing sobrang hirap mairaos

kakalimutan lahat
magbibingi-bingihan
at magbubulag-bulagan
bumalik ka lamang

kakalimutan lahat
ang dignidad at kalayaan
ang katotohanan at nararapat
ako'y mahalin mo lamang