إمبراطورية الأسود

البارت 72

ملاحظة خفيفة ظريفة : انا ماقلتش نهائيا بلي هو لي قتل واليديها ولكن قلت بلي واليديها ماتو بسبب الإسرائيليين باش مايمشيش بالكم فأنه هو لي قتل واليديها

أبراهام : ( بغضب ) ابسط عقاب غانديرو لها باش نشفي غليلي هو نمشي نقتل دوك البراهش ديال خوتها ... بغا يمشي و شداتو يد مالك
مالك : الحساب ماشي مع خوتها الحساب معاها هي لي تجاوزات حدودها فإيلا كان شي شخص خاصنا نقتلوه غايكون هو
أبراهام : خوتها نقطة ضعفها ايلا قتلناهم و سيفطنا لها راسهم عاد قتلناها غايكون هدا هو العقاب الأنسب ليها غاتموت تموت اللهم تموت و قلبها محروق حتى فالقبر ماترتاحش
مالك : أبراهام صافي هضرنا خوتها خليهم بعاد على المشاكل لي سبباتها ختهم غايبقاو تحت حمايتنا
أبراهام : شفت قلبك بحالا بدا كايحن
مالك : ماكايحنش ولكن ماغانقتلش قاصرين مادارو لا بيديهم لا برجليهم
أبراهام : ولكن ختهم دااارت
مالك : ها نتا قلتيها ريماس لي دارت ماشي هما
ابراهام : غانقتلها و ماتمنعنيش
مالك : غاتتحدا ميستر أرسلان؟؟؟
أبراهام : و غادي نخليو هاد الضربة تمشي و هاد تجاوزات هكاك؟؟؟؟؟
مالك : شكون قالك غاتمشي غير هكاك؟؟؟ احتمال كبير يقتلها ميستر ارسلان بيديه
أبراهام : ميستر أرسلان ماغايقتلهاش حيت الحقيرة بدات كاتلعب لعبتها الخبيثة باش تخليه يميل لجهتها داكشي لاش خاصنا نديرو حد لهادشي
مالك : دير لي بغيتي ولكن حط فبالك ميستر أرسلان مايمكنش يتحدا جدو ولكن ايلا عرفك وليتي فصف جدو فحرب بينو و بين سي أصلان غاتكون نتا اول واحد غايقتلك حيت ميستر أرسلام ماكايحملش الغدر
أبراهام : و شكون قالك انا غانغدرو؟؟؟؟ نفديه بروحي و مانغدروش
مالك : شنو المعنى ديال تبغي تقتلها من مور ضهرو؟
أبراهام : صافي صافي باراكا
♜ فالقصر ♜
الدنيا مقلوبة لداخل و سي أصلان و سي إيتان غير كايغوتو .. تيليفونات خدامين و رجال كايتجمعو .. العيالات غابر لهم الأثر حيت ممنوع عليهم يبانو فالقصر فاش يكونو رجال العائلة مجموعين على شي حاجة بحال هادي سواء تكون كاتهم ولادهم ولا لا .. لي خرجات كاتعاقب من طرف راجلها حيت كاتتسما زوجة غير مطيعة و كادخل فسوق الرجال و تجمع فمجامع الرجال
سي إيتان : هادشي كاااااامل واقع و انا مافخباري والو؟؟؟؟؟ ايمتا كنتو ناويية تقولوها لي؟؟؟؟؟ حتى يموت ولدي؟؟؟؟؟ واقيلا راك نسيتي بلي هاداك ولدي اناااا ماشي ولدك
سي أصلان : إيتااااان حتارم راسك راك كاتهضر مع بااااك
سي إيتان : بااا؟؟؟؟ واش نتا واخد لي ولدي و مربيه بطريقتك و حتى واحد مامنعك مابقاش كايعرف لا باه لا مو و كاتقوليا با؟؟؟
سي أصلان : إيتااااااااان
سي إيتان : ايلا وقعات شي حاجة لأرسلان ماغااانسمحش لكم غانقلب القصر سفاه على علاه
اسوار : بابا تهدن
سي إيتان : كيفاش بغيتيني نتهدن؟؟؟؟ خوك تضرب بالقرطاس و ماعندي عليه حتى خبار؟؟؟؟ علاش هادو مزال ماجاو لدابا ... ما هي الا لحظات دخل 40 راجل صحاح نيت تستفو قدام سي أصلان
سي أصلان : اش هاد تعطيييلا؟؟؟؟؟
سي إيتان : فين الباقي؟؟؟؟
سي أصلان : فاش نكون كانهضر مايزيد حد يهضر مورايا
أسوار : بابا جدي ماعندنا لاش نوصلو لهاد المواصيل ارسلان شوية و غايجي
سي أصلان : هاداك ولدي و عارفو سبع قرطاسة ماغاديش تأثر عليه ولكن ديك العاااهرة لي تطاولات على حفييدي و خليفتي اليوم اللخر ليها فهاد الدنيا لا هي لا عائلتها فرد بفرد غانمسح لها و لعائلتها الأثر وصلات بيها الجرأة تبغي تقتل حفيييييدي
أسوار : ماكانظنش أرسلان غايخليكم تقربو لريماس
سي أصلان : لا مزياااااااااان حافض حتى سميتها
أسوار : حيت كانت جندية عندنا و صافي
سي أصلان : قد قرانك انا باش تكدب عليا فوجهي حسابي معاك من بعد ماشي دابا