إمبراطورية الأسود

البارت 163

ﺃﺭﺳﻼﻥ : ‏( ﺑﻬﺪﻭﺀ ‏) ﺃﻧﺎ ... ﻛﺎﻥ ﺍﻟﺠﻮﺍﺏ ﻟﻲ ﺻﺪﻡ ﺍﻟﺠﻤﻴﻊ ﻭ ﺻﺪﻣﻬﻢ ﺑﺎﻟﺒﻴﺎﻥ ... ﻭ ﺧﺎﺻﺔ ﺍﻥ ﺩﻭﻙ ﻟﻲ ﻓﺎﻟﻜﻠﻴﻨﻴﻚ ﻣﺎﺷﻲ ﺍﻱ ﻭﺣﺪﻳﻦ ﻭ ﻣﺎﺷﻲ ﻣﻘﻄﻮﻋﻴﻦ ﻣﻦ ﺍﻟﺸﺠﺮﺓ .. ﻋﺘﺎﺭﻑ ﺑﻠﻲ ﻫﻮ ﻟﻲ ﻭﺻﻠﻬﻢ ﻟﺪﻳﻚ ﺍﻟﺤﺎﻟﺔ ﻗﺪﺍﻡ ﻭﻻﺩﻫﻢ ﻭ ﺣﻔﺎﻳﺪﻫﻢ ﻭ ﻋﻴﺎﻻﺗﻬﻢ ﺏ 3 .. ﺳﺎﺩ ﺍﻟﺼﻤﺖ ﻟﻮﺍﺣﺪ ﺍﻟﻠﺤﻈﺔ ﻭ ﻣﺎ ﻛﺎﻥ ﻏﻴﺮ ﺻﻤﺖ ﺍﻟﺼﺪﻣﺔ ﻟﻲ ﻣﺰﺍﻝ ﻣﺎﺳﺘﻮﻋﺒﻮﻫﺎﺵ ﺩﺍﺯﻭ ﻟﺤﻈﺎﺕ ﻗﻠﻴﻠﺔ ﻭ ﺑﺪﺍ ﻛﺎﻳﺘﺴﻤﻊ ﺍﻟﺸﻬﻴﻖ .. ﺗﻜﺎ ﻋﻠﻰ ﺍﻟﻜﺮﺳﻲ ﻭ ﺣﻂ 2 ﺻﺒﻌﺎﻥ ﻋﻠﻰ ﻓﻤﻮ ﻭ ﺷﺎﻑ ﻓﻤﺼﺪﺭ ﺍﻟﺼﻮﺕ ﻛﺎﻧﺖ ﻭﺣﺪﺓ ﻣﻦ ﻋﻴﺎﻻﺕ ﺃﺭﻭﻥ ﻫﻲ ﻟﻲ ﻛﺎﺗﺒﻜﻲ ﻓﺤﻴﻦ ﺃﻥ ﺭﻳﻤﺎﺱ ﺗﺰﻳﺮﺍﺕ ﻭ ﻭﻻﺕ ﻋﺎﺭﻓﺔ ﻣﺰﻳﺎﻥ ﻫﺎﺩ ﺍﻟﻔﻌﻠﺔ ﻟﻲ ﺩﺍﺭ ﺃﺭﺳﻼﻥ ﻫﺎﺩ ﺍﻟﻤﺮﺓ ﺍﻳﻼ ﻣﺎﺩﺍﺭﺵ ﻟﻴﻬﺎ ﺍﻟﺤﻞ ﻭﺣﺪﺓ ﻣﻦ ﺍﻟﺠﻮﺝ ﻳﺎ ﻏﺎﺗﻮﻗﻊ ﻣﺠﺰﺭﺓ ﻛﺒﻴﺮﺓ ﻳﺎ ﻏﺎﺩﻱ ﻳﻐﺪﺭﻭﻩ ﻭ ﻳﻘﺘﻠﻮﻩ ﻓﺎﻟﻀﻬﺮ
ﺃﺭﺳﻼﻥ : ﻋﻼﺵ ﻫﺎﺩ ﺍﻟﺠﻨﺎﺯﺓ ﻟﻲ ﺩﺍﻳﺮﻳﻦ ﻭ ﻫﻤﺎ ﺑﺎﻗﻴﻴﻦ ﺣﻴﻴﻦ !!.
ﺇﺑﻦ ﺃﺭﻭﻥ : ‏( ﺑﻐﻀﺐ ﻣﺨﻔﻲ ‏) ﻓﺈﻳﻨﺎ ﻛﻠﻴﻨﻴﻚ ﻫﻤﺎ ﺍ ﺃﺭﺳﻼﻥ
ﺃﺭﺳﻼﻥ : ‏( ﺷﺎﻑ ﻓﺴﺎﻋﺘﻮ ‏) ﻣﺸﺎ ﺍﻟﺤﺎﻝ
ﺃﺳﻮﺍﺭ : ﻛﺎﻳﻨﻴﻦ ﻓﺎﻟﻜﻠﻴﻨﻴﻚ ***********
ﺃﺭﺳﻼﻥ : ‏( ﺷﺎﻑ ﻓﻴﻬﻢ ﺑﻨﻈﺮﺓ ﺧﺎﻟﻴﺔ ﻣﻦ ﺍﻟﺘﻌﺎﺑﻴﺮ ﻣﻊ ﺇﺑﺘﺴﺎﻣﺔ ﺑﺎﺭﺩﺓ ‏) ﻣﺎﻏﺎﺗﺴﻮﻟﻮﻧﻴﺶ ﻋﻼﺵ !. ... ﺯﺍﺩﺕ ﺗﺰﻳﺮﺍﺕ ﻣﻦ ﺇﺳﺘﻔﺰﺍﺯﻭ ﻟﻴﻬﻢ ﻭ ﺣﻄﺎﺕ ﺑﻼﺻﺘﻬﺎ ﻓﺒﻼﺻﺔ ﻣﺮﺍﺕ ﺃﺭﻭﻥ ﻭ ﻋﻴﺎﻻﺕ ﻋﻤﺎﻣﻮ ﻛﻮﻥ ﻭﻗﻌﺎﺕ ﻷﺭﺳﻼﻥ ﺷﻲ ﺣﺎﺟﺔ ﺍﺵ ﻛﺎﻥ ﻏﺎﻳﻮﻗﻊ؟ ﻛﻮﻥ ﻗﺘﻠﻮﻩ ﻭﻻ ﺟﺮﺣﻮﻩ؟؟ ﻣﺎﻋﺮﻓﺎﺗﺶ ﻛﻴﻔﺎﺵ ﻏﺎﻳﻜﻮﻥ ﺭﺩ ﺍﻟﻔﻌﻞ ﺩﻳﺎﻟﻬﺎ ﻭﻟﻜﻦ ﻟﻲ ﻣﺆﻛﺪ ﻣﻨﻮ ﻣﺎﻏﺎﺩﻳﺶ ﺗﻨﺪﺏ ﻋﻠﻴﻪ ﻭ ﺇﻧﻤﺎ ﻏﺎﺗﺤﺮﻕ ﺍﻟﺨﻀﺮ ﻭ ﺍﻟﻴﺎﺑﺲ
ﺭﻳﻤﺎﺱ : ‏( ﺑﺼﻮﺕ ﺳﻤﻌﻮ ﻏﻴﺮ ﺍﺭﺳﻼﻥ ‏) ﺃﺭﺳﻼﻥ ﺑﺎﺭﺍﻛﺎ ﻣﺎﺗﺴﺘﺎﻓﺰﻫﻢ ﻣﺎﺷﻔﺘﻴﺶ ﺣﺎﻟﺘﻬﻢ ... ﺑﺪﺍ ﻛﺎﻳﻀﺤﻚ ﻭ ﺟﺒﺪ ﺍﻟﻔﺮﺩﻱ ﺩﻳﺎﻟﻮ ﺧﻮﺍﻩ ﻭ ﺣﻄﻮ ﻓﻮﻕ ﺍﻟﻄﺒﻠﺔ ﺑﻤﻌﻨﻰ ﻫﺎﺩ ﺍﻟﻤﺮﺓ ﻣﺎﻏﺎﻳﻌﺘﺎﻣﺪﺵ ﻋﻠﻰ ﺍﻟﺴﻼﺡ ... ﻋﺎﻭﺩ ﺷﺎﻑ ﻓﻴﻬﻢ
ﻭﻟﺪ ﻏﺎﺑﺮﻳﺎﻝ : ‏( ﺑﻐﻀﺐ ‏) ﻋﻼﺵ ﺩﺭﺗﻴﻬﺎ؟؟؟؟
ﺃﺭﺳﻼﻥ : ﺳﻮﻝ ﺑﺎﻙ ﻭ ﺩﻳﻚ ﺍﻟﻐﺪﺍﺭﺓ ﺩﻣﻚ
ﺭﻳﻤﺎﺱ : ‏( ﺑﺼﻮﺕ ﺧﺎﻓﺖ ‏) ﺃﺭﺳﻼﻥ ﺑﺎﺭﺍﻛﺎ ﻣﺎﺑﻐﻴﻨﺎ ﺻﺪﺍﻋﺎﺕ ﺟﺪﺍﺩ ﺧﻠﻴﻨﺎ ﺑﻌﺎﺩ ﻋﻠﻴﻬﻢ
ﺃﺭﺳﻼﻥ : ﻣﺎﻛﺎﻧﻜﺮﻫﺶ ﺍﻟﺼﺪﺍﻋﺎﺕ ‏( ﺷﺎﻑ ﻓﻴﻬﻢ ﻭ ﻫﻀﺮ ﺑﺼﻮﺕ ﻋﺎﻟﻲ ‏) ﻭﺍﺵ ﻫﻤﺎ ﻓﻜﺮﻭ ﻓﺤﺎﻟﺘﻚ ﻓﺎﺵ ﺧﻄﻔﻮ ﺍﻟﺸﺒﻞ ﺍﻟﺼﻐﻴﺮ ﺩﻳﺎﻟﻚ ﺍ ﻟﺒﺆﺗﻲ !.
ﻭﻟﺪ ﺃﺭﻭﻥ : ﻛﻨﺎ ﻧﻘﺪﺭﻭ ﻧﺤﻠﻮ ﺍﻟﻤﺸﻜﻞ ﺑﻼ ﻣﺎﻧﺴﻴﻠﻮ ﺍﻟﺪﻡ ... ﻓﻴﻦ ﺍﻟﻘﻮﺍﻋﺪ ﻟﻲ ﺣﻄﻴﺘﻲ؟؟ ﻭﻻ ﺻﺎﻓﻲ ﻛﻨﺘﻲ ﻧﺘﺎ ﺍﻭﻝ ﻭﺍﺣﺪ ﻛﺴﺮﻫﻢ
ﺃﺭﺳﻼﻥ : ‏( ﺣﻂ ﺻﺒﺎﻋﻮ ﻋﻠﻰ ﻓﻤﻮ ‏) ﻭﺻﻠﻮ ﻟﻠﻄﺎﺑﻖ ﻟﻲ ﻋﻄﻴﺖ ﺗﻨﺒﻴﻪ ﻭﺍﺿﺢ ﺣﺘﻰ ﻭﺍﺣﺪ ﻣﺎﻳﻮﺻﻞ ﻟﻴﻪ .. ﺩﺧﻠﻮ ﻟﺠﻨﺎﺣﻲ ﻟﻲ ﻛﻨﺖ ﻣﺎﻧﻊ ﺷﻲ ﺣﺪ ﻳﺤﻂ ﻓﻴﻪ ﺭﺟﻠﻴﻪ .. ﺧﻄﻔﻮ ﻭﻟﺪﻱ ﻣﻦ ﻭﺳﻂ ﺟﻨﺎﺣﻲ ... ﻭ ﺃﻫﻢ 2 ﺣﻮﺍﻳﺞ ﻟﻲ ﻳﺴﺘﺎﻫﻠﻮ ﺍﻟﺬﺑﻴﺤﺔ ﻋﻠﻴﻬﻢ ... ﺣﻄﻮ ﺑﻼﺻﺘﻬﻢ ﻓﺒﻼﺻﺘﻲ ﻭ ﻋﻄﺎﻭ ﻟﺮﺍﺳﻬﻢ ﺍﻟﺤﻖ ﻳﻘﺮﺭﻭ ﻗﺮﺍﺭ ﻣﺼﻴﺮﻱ ﻟﻮﻟﺪﻱ ... ﺷﺎﻓﻮ ﻣﺮﺗﻲ ﻭ ﻫﻲ ﻧﺎﻋﺴﺔ ‏( ﻋﺎﻭﺩ ﻫﺰ ﺭﺍﺳﻮ ﺷﺎﻑ ﻓﻴﻬﻢ ‏) ﻛﻲ ﻛﺎﻧﺒﺎﻥ ﻟﻜﻢ ﺍﻧﺎ !.
ﺃﺳﻮﺍﺭ : ﺧﻮﻳﺎ ﺍﻟﻠﻪ ﻳﺴﺎﻣﺢ ﺣﻨﺎ ﻋﺎﺋﻠﺔ
ﺃﺭﺳﻼﻥ : ﺩﻳﻮﺛﻲ ﺣﻴﺖ ﺩﺧﻠﻮ ﻋﻠﻴﻬﺎ ﻭ ﺷﺎﻓﻮﻫﺎ ﻭ ﻫﻲ ﻧﺎﻋﺴﺔ . ؟ ! .. ﻫﺒﻴﻞ ﻭ ﻣﺎﻧﻘﺪﺭﺵ ﻧﻘﺮﺭ ﻓﺤﻴﺎﺓ ﻭﻟﺪﻱ؟ ! .. ﺟﻨﺎﺣﻲ ﻛﻮﺭﻱ ﻭ ﻟﻲ ﺟﺎ ﻳﺪﺧﻞ ﻟﻴﻪ !. ﺷﻨﻮ ﺑﺎﻟﻀﺒﻂ ... ﻣﺎﺑﻘﺎﺕ ﻋﻨﺪﻱ ﻛﻠﻤﺔ ﻓﻬﺎﺩ ﺍﻟﻘﺼﺮ !. ... ﻋﺎﻭﺩﻭ ﺳﻜﺘﻮ ﻭ ﻫﺎﺩ ﺍﻟﻤﺮﺓ ﻣﺎﺷﻲ ﺑﺎﻟﺼﺪﻣﺔ .. ﻫﺎﺩ ﺍﻟﻤﺮﺓ ﻋﻠﻰ ﻫﻀﺮﺗﻮ ﺣﻴﺖ ﻛﻠﺸﻲ ﻋﺎﺭﻑ 2 ﺣﻮﺍﻳﺞ ﻣﺎﻛﺎﻳﺘﺰﺍﻛﻠﺶ ﻓﻴﻬﻢ ﻟﻲ ﻳﻘﻴﺲ ﻟﻮ ﺣﺎﺟﺘﻮ ﻭ ﻟﻲ ﻳﻌﺎﺭﺽ ﺷﻲ ﺣﺎﺟﺔ ﻗﺎﻟﻬﺎ .. ﻭ ﻫﻤﺎ ﻣﺎﺩﺍﺭﻭﺵ ﻏﻴﺮ ﻫﺎﺩ ﺍﻟﺠﻮﺝ ، ﺩﺍﺭﻭ ﻛﺘﺮ
ﻭﻟﺪ ﺃﺭﻭﻥ : ﻛﻨﺎ ﻧﻘﺪﺭﻭ ﻧﺤﻠﻮ ﺍﻟﻤﺸﻜﻞ ﺑﻬﺪﺍﻧﺔ ﺑﻼ ﻣﺎﻧﺴﻴﻠﻮ ﺍﻟﺪﻡ
ﺃﺭﺳﻼﻥ : ‏( ﺍﺷﺎﺭ ﻟﻮ ﺑﺼﺒﻌﻮ ‏) ﻧﺘﺎ ﺗﻘﺪﺭ ﺗﺤﻠﻮ ﺑﻬﺪﺍﻧﺔ ﺍﻳﻼ ﻣﺎﻛﺎﻧﺖ ﻓﻴﻚ ﻧﻔﺲ ... ﺳﺎﻃﺖ ﺑﻌﺼﺒﻴﺔ ﻭ ﻧﺎﺿﺖ ﻣﻦ ﺑﻼﺻﺘﻬﺎ ﺑﺎﺵ ﺗﻄﻠﻊ ﻭﻟﻜﻦ ﻗﺒﻞ ﻣﺎﺗﻤﺸﻲ ﺷﺪ ﻟﻬﺎ ﻳﺪﻳﻬﺎ ﺑﻐﺎﺕ ﺿﻮﺭ ﻓﻴﻪ ﻋﻠﻰ ﻫﺎﺩ ﺍﻻﺳﻠﻮﺏ ﺑﺎﺵ ﺗﻌﺎﻣﻞ ﻣﻊ ﻋﺎﺋﻠﺘﻮ ﻭﻟﻜﻦ ﻣﺎﺟﺎﺗﺶ ﻗﺪﺍﻡ ﺍﻟﻌﺎﺋﻠﺔ ﺣﻴﺖ ﺍﻳﻼ ﺩﺍﺭﺗﻬﺎ ﺍﻭﻝ ﺣﺎﺟﺔ ﻣﻤﻜﻦ ﻳﻘﻮﻟﻮ ﻫﺪﺍ ﻣﺮﺗﻮ ﻟﻲ ﻛﺎﺗﺤﻜﻢ ﻓﻴﻪ ﻭ ﺛﺎﻧﻲ ﺣﺎﺟﺔ ﻏﺎﺗﻮﺻﻞ ﻣﻌﺎﻩ ﻟﺼﺪﺍﻋﺎﺕ ﻛﺒﻴﻴﺮﺓ
ﺭﻳﻤﺎﺱ : ﺑﺎﻏﺎ ﻧﻨﻌﺲ
ﺃﺭﺳﻼﻥ : ‏( ﺷﺎﻑ ﻓﻮﻟﺪ ﺃﺭﻭﻥ ‏) ﻳﺤﻤﺪﻭ ﺭﺑﻬﻢ ﻣﺎﺷﻔﺘﺶ ﺩﻣﻮﻋﻬﺎ
ﻭﻟﺪ ﺃﺭﻭﻥ : ﻭﺍﺵ ﻫﻤﺎ ﺑﻴﺨﻴﺮ؟؟؟
ﺃﺭﺳﻼﻥ : ﺭﺍﻧﻲ ﻗﺪﺍﻣﻚ ﻣﺎﺷﻲ ﺣﺪﺍﻫﻢ
ﺃﺳﻮﺍﺭ : ﻭﻱ ﺭﺍﻫﻢ ﺑﻴﺨﻴﺮ ﻋﺎﺩ ﺳﻮﻟﺖ ﻗﺒﻞ ﺍﻟﻌﺸﺎ
ﻭﻟﺪ ﺇﻳﻼﻡ : ﻭ ﻋﻼﺵ ﻣﺎﺗﻴﺮﻳﺘﻴﺶ ﻓﺒﺎﺑﺎﻙ ﺣﺘﻰ ﻫﻮ؟؟؟؟
ﺃﺭﺳﻼﻥ : ﻛﺎﺗﺴﻨﺎﻧﻲ ﻧﺒﺮﺭ ﻟﻚ !.
ﺃﺳﻮﺍﺭ : ﺩﺍﺑﺎ ﺩﻳﺮﻭ ﺑﺤﺎﻻ ﻣﺎﻭﻗﻊ ﻭﺍﻟﻮ ﺭﺍﻩ ﺑﺎﻗﻴﻴﻦ ﺣﻴﻴﻦ ﻭ ﺷﻮﻓﻮ ﺍﻟﻤﻮﺿﻮﻉ ﻣﻦ ﺟﻬﺔ ﺧﺮﺍ .. ﺣﺘﻰ ﻧﺘﻮﻣﺎ ﻛﻮﻥ ﺷﻲ ﺣﺪ ﺷﺎﻑ ﺍﻟﻤﺮﺍ ﺩﻳﺎﻝ ﺷﻲ ﻭﺍﺣﺪ ﻓﻴﻜﻢ ﻭ ﻫﻲ ﻧﺎﻋﺴﺔ ﻳﺎ ﺑﺸﻮﻣﻴﺰ ﻳﺎ ﺑﺤﻮﺍﻳﺞ ﺩﻳﺎﻝ ﺍﻟﻨﻌﺎﺱ ﺭﺍﻩ ﻛﻨﺘﻮ ﻏﺎﺗﻨﺤﺮﻭﻩ ... ﺷﺎﻑ ﺃﺭﺳﻼﻥ ﻓﺮﻳﻤﺎﺱ ﺑﻨﻈﺮﺍﺕ ﻏﺮﻳﺒﺔ ﺣﻴﺖ ﺣﺘﻰ ﻫﻲ ﻛﺎﻧﺖ ﻻﺑﺴﺔ ﺑﻴﺠﺎﻣﺔ ﻗﺼﻴﺮﺓ
ﺭﻳﻤﺎﺱ : ﻣﺎﺗﺸﻮﻓﺶ ﻓﻴﺎ ﻫﺎﻛﺎ .. ﺭﺍﻩ ﻛﻨﺖ ﻣﻐﻄﻴﺔ ... ﻣﺴﺢ ﻓﻤﻮ ﻭ ﻫﺰ ﺳﻼﺣﻮ ﻭ ﻧﺎﺽ ﻫﻮ ﻭ ﺭﻳﻤﺎﺱ ﻭﻟﻜﻦ ﻗﺒﻞ ﻣﺎﻳﻄﻠﻊ ﻻﺡ ﻟﻜﻢ ﻛﻠﻤﺔ ﻭ ﺯﺍﺩ
ﺃﺭﺳﻼﻥ : ﻭﺻﻠﻮ ﻟﻬﻢ ﺳﻼﻣﻲ .. ﻃﻠﻌﻮ ﻟﻠﺠﻨﺎﺡ ﻭ ﺧﻼﻭ ﺍﻓﺮﺍﺩ ﻃﺎﻟﻊ ﻟﻬﻢ ﺍﻟﺪﻡ ﻭ ﻧﺴﺎﺀ ﻣﺨﻠﻮﻋﻴﻦ ﻋﻠﻰ ﺭﺟﺎﻻﺗﻬﻢ
ﻭﻟﺪ ﺇﻳﻼﻡ : ﺗﺠﺎﻭﺯ ﺟﻤﻴﻴﻴﻊ ﺍﻟﺤﺪﻭﺩ
ﻭﻟﺪ ﺇﻳﻼﻡ ﺍﻷﻛﺒﺮ : ﺩﺍﺑﺎ ﺍﻟﻤﻬﻢ ﻫﻮ ﻧﻤﺸﻴﻮ ﻧﻄﻤﺄﻧﻮ ﺑﻠﻲ ﻣﺎﻛﺎﻳﻨﺶ ﺧﻄﺮ ﻋﻠﻰ ﺣﻴﺎﺗﻬﻢ
ﺃﺳﻮﺍﺭ : ﻏﻴﺮ ﺗﻬﻨﺎﻭ ﻣﻦ ﻫﺎﺩ ﺍﻟﻨﺎﺣﻴﺔ ﻣﺎﻛﺎﻳﻦ ﺣﺘﻰ ﺧﻄﺮ ﻋﻠﻴﻬﻢ ﻟﻲ ﻛﺎﻳﻦ ﻫﻮ ﻋﻨﺪﻫﻢ 4 ﻛﺴﻮﺭ ﻋﻠﻰ ﻣﺴﺘﻮﻯ ﺍﻟﻴﺪﻳﻦ ﻭ ﺍﻟﺮﺟﻠﻴﻦ .. ﻓﺎﺵ ﺗﻴﺮﺍ ﻓﻴﻬﻢ ﻋﻠﻰ ﻣﺎﺑﺎﻥ ﻟﻴﺎ ﻣﺎﻛﺎﻧﺶ ﻧﺎﻭﻱ ﻳﻘﺘﻠﻬﻢ ﺑﺤﺎﻝ ﻟﻲ ﻛﺎﻳﺪﻳﺮ ﻣﻊ ﻛﻠﺸﻲ ﻏﻴﺮ ﻋﻄﺎﻫﻢ ﺗﺤﺬﻳﺮ
ﻭﻟﺪ ﺇﻳﻼﻡ : ‏( ﻧﺎﺽ ‏) ﺍﻧﺎ ﻏﺎﻧﻤﺸﻲ ﻧﻄﻞ ﻋﻠﻴﻬﻢ ﺩﺍﺑﺎ ... ﺑﺪﺍﻭ ﻛﺎﻳﻨﻮﺿﻮ ﻭﺍﺣﺪ ﺑﻮﺍﺣﺪ ﻭ ﺑﻼ ﻣﺎﻧﺤﺘﺎﺝ ﻧﻔﻜﺮﻛﻢ ﻓﺎﻟﻌﺪﺩ ﺩﻳﺎﻟﻬﻢ .
ﻣﺸﺎ ﻛﻞ ﻭﺍﺣﺪ ﻟﻠﺸﻮﻣﺒﺮ ﺩﻳﺎﻟﻮ ﻣﺎ ﻋﺪﺍ ﺍﻻﺑﻨﺎﺀ ﻛﻠﻬﻢ ﻣﺸﺎﻭ ﻟﻠﻜﻠﻴﻨﻴﻚ ﻭ ﻣﻨﻬﻢ ﺃﺳﻮﺍﺭ .. ﺗﻤﺎ ﻓﻴﻦ ﺩﻭﺯﻭ ﺍﻟﻠﻴﻞ ﻛﺎﻣﻞ ﺣﺪﺍ ﺍﻻﺑﺎﺀ ﺩﻳﺎﻟﻬﻢ
♔ ﺻﺒﺢ ﺍﻟﺼﺒﺎﺡ ﺍﻓﺘﺘﺎﺡ ﻟﻴﻮﻡ ﺟﺪﻳﺪ .. ﻛﺎﻧﺖ ﺭﻳﻤﺎﺱ ﻧﺎﻋﺴﺔ ﻭ ﺍﺭﺳﻼﻥ ﺧﺎﺷﻴﻬﺎ ﻓﻴﻪ ﻛﺎﻥ ﺑﺎﻳﻦ ﻋﻠﻴﻬﺎ ﺍﻟﺘﻌﺐ ﺑﺴﺒﺐ ﺍﻟﺒﻜﺎ ﺩﻳﺎﻝ ﻓﺨﺮ ﻟﻲ ﻋﺪﺑﻬﺎ ﻓﺎﻟﻠﻴﻞ ﻛﻞ ﺷﻮﻳﺔ ﻛﺎﻳﻔﻴﻖ .. ﺿﺮﺑﺎﺗﻬﺎ ﺍﻟﻔﻴﻘﺔ ﻭ ﻟﻘﺎﺕ ﺃﺭﺳﻼﻥ ﻓﺎﻳﻖ ﻗﺒﻞ ﻣﻨﻬﺎ
ﺭﻳﻤﺎﺱ : ﺃﺭﺳﻼﻧﻲ ﻓﻘﺘﻲ ... ﻗﺮﺏ ﻟﻌﻨﺪﻫﺎ ﻭ ﻋﻄﺎﻫﺎ ﺑﻮﺳﺔ ﺻﺒﺎﺣﻴﺔ
ﺃﺭﺳﻼﻥ : ‏( ﻗﻄﺐ ﺣﺠﺒﺎﻧﻮ ‏) ﻋﻴﻨﻴﻚ ﻣﻨﻔﻮﺧﻴﻦ ﻣﺎﻧﻌﺴﺘﻴﺶ
ﺭﻳﻤﺎﺱ : ﺭﺍﻙ ﻋﺎﺭف ﺩﺭﺍﺭﻱ ﺻﻐﺎﺭ ﻛﺎﻳﻨﻮﺿﻮ ﺑﺎﻟﻠﻴﻞ ...
ﺭﺟﻌﻬﺎ ﻣﻦ ﻓﻮﻗﻮ ﻭ ﺩﻭﺯ ﻳﺪﻭ ﻋﻠﻰ ﺧﺪﻫﺎ
ﺃﺭﺳﻼﻥ : ﺟﺎﺕ ﻣﻌﺎﻙ ﺍﻷﻣﻮﻣﺔ ﺍ ﻟﺒﺆﺗﻲ
ﺭﻳﻤﺎﺱ : ﻣﺰﺍﻝ ﻏﺎﺗﺠﺮﺏ ﺍﻷﺑﻮﺓ ﻭ ﻏﺎﺗﻌﺠﺒﻚ
ﺃﺭﺳﻼﻥ : ﻭﻟﻴﺘﻲ ﻛﺎﺗﺴﻬﺮﻱ ﺑﺰﺍﻑ ﻣﻌﺎﻩ
ﺭﻳﻤﺎﺱ : ﺿﺮﻭﺭﻱ ﻭﺍﺵ ﺑﺎﻏﻴﻨﻲ ﻧﺨﻠﻴﻪ ﻳﺒﻘﺎ ﻛﺎﻳﺒﻜﻲ ﺭﺍﻙ ﺷﻔﺘﻲ ﻳﻼﻩ ﻛﻤﻞ ﺷﻬﺮ ... ﻟﻮﺍ ﻳﺪﻭ ﻋﻠﻰ ﺿﻬﺮﻫﺎ ﺑﺎﺵ ﺗﺒﻘﺎ ﺷﺎﺩﺓ ﺑﻼﺻﺘﻬﺎ
ﺃﺭﺳﻼﻥ : ﻋﺎﺭﻓﺔ ﺑﻠﻲ ﺗﻮﺣﺸﺘﻚ
ﺭﻳﻤﺎﺱ : ﻛﻮﻥ ﺻﺒﺎﺭ ﻣﺎﺑﻘﺎﺵ ﺑﺰﺍﻑ
ﺃﺭﺳﻼﻥ : ﺻﺒﺮﻱ ﺗﻘﺎﺿﺎ ﻣﻌﺎﻙ ﺍ ﻟﺒﺆﺗﻲ
ﺭﻳﻤﺎﺱ : ﻣﺎﻋﻨﺪﻱ ﻣﺎﻧﺪﻳﺮ ﻟﻚ ﺍ ﺃﺭﺳﻼﻧﻲ
ﺃﺭﺳﻼﻥ : ﻫﻤﻢ
ﺭﻳﻤﺎﺱ : ﺍﻳﻤﺘﺎ ﻏﺎﻳﺨﺮﺟﻮ ﻋﻤﺎﻣﻚ ﻣﻦ ﺍﻟﻜﻠﻴﻨﻴﻚ ﺭﺍﻩ ﺷﻬﺮ ﻭ ﻫﻤﺎ ﺗﻤﺎ ﺑﺰﺍﺍﺍﻑ
ﺃﺭﺳﻼﻥ : ﻫﻤﺎ ﻟﻲ ﻣﺎﺑﻐﺎﻭﺵ ﻳﺨﺮﺟﻮ
ﺭﻳﻤﺎﺱ : ﻋﻼﺵ
ﺃﺭﺳﻼﻥ : ﺭﻳﻤﺎﺱ
ﺭﻳﻤﺎﺱ : ﺍﻟﻤﻬﻢ .. ﺭﺍﻙ ﻋﺎﺭﻑ ﻏﺎﺗﺴﺎﻟﻲ 40 ﻳﻮﻡ ﻭ ﻏﺎﻧﺮﺟﻊ ﻟﺨﺪﻣﺘﻲ
ﺃﺭﺳﻼﻥ : ﻭ ﻓﻴﻦ ﻭﻗﺘﻲ ﺍﻧﺎ !.
ﺭﻳﻤﺎﺱ : ﻓﺎﺵ ﻛﺎﻧﻜﻮﻥ ﻓﺎﻟﺪﺍﺭ
ﺃﺭﺳﻼﻥ : ﻓﺎﺵ ﻛﺎﺗﻜﻮﻧﻲ ﻛﺎﺗﻌﻄﻴﻪ ﻟﻮﻟﺪﻧﺎ
ﺭﻳﻤﺎﺱ : ﻗﻠﻴﻴﻴﻞ .. ﻋﻼﺵ ﻧﺘﺎ ﻭﻟﻴﺘﻲ ﻛﺎﺗﺨﻠﻴﻨﻲ ﻧﻬﺰﻭ ﻳﺎﻙ ﺩﻳﻤﺎ ﻓﻴﺪﻙ
ﺃﺭﺳﻼﻥ : ﻏﺎﺗﺒﻘﺎﻱ ﺗﺪﻳﻪ ﻣﻌﺎﻙ !.
ﺭﻳﻤﺎﺱ : ﺑﻄﺒﻴﻌﺔ ﺍﻟﺤﺎﻝ
ﺃﺭﺳﻼﻥ : ﻣﺎﻏﺎﺗﺮﻛﺰﻳﺶ ﻓﺨﺪﻣﺘﻚ
ﺭﻳﻤﺎﺱ : ﻏﺎﻧﺮﻛﺰ ﻏﻴﺮ ﺗﻬﻨﺎ
ﺃﺭﺳﻼﻥ : ﻣﺎﺗﻮﺣﺸﺘﻴﻨﻴﺶ
ﺭﻳﻤﺎﺱ : ‏( ﻛﺎﺿﺤﻚ ‏) ﺗﻮﺣﺸﺘﻚ ... ﻳﻼﻩ ﻏﺎﻳﺨﺸﻲ ﺭﺍﺳﻮ ﻓﻌﻨﻘﻬﺎ ﻭ ﻫﻮ ﻳﺒﺪﺍ ﻓﺨﺮ ﻛﺎﻳﺒﻜﻲ .. ﺳﺨﻂ ﺑﺎﻟﻤﻌﻘﻮﻝ .. ﻫﺎﺩ ﺍﻟﺸﻬﺮ ﻛﺎﻣﻞ ﻟﻲ ﺩﺍﺯ ﻭ ﻫﻮ ﻓﻮﻗﻤﺎ ﻛﺎﻳﺒﻐﻲ ﻳﺎﺧﺪ ﻭﻗﺘﻮ ﻣﻊ ﺭﻳﻤﺎﺱ ﻛﺎﻳﻨﻮﺽ ﻓﺨﺮ ﻳﺒﻜﻲ ﻭ ﻳﺤﺮﻡ ﻋﻠﻴﻬﻢ ﺍﻟﻠﻌﺐ .. ‏( ﻣﺎﻛﺎﻧﻘﺼﺪﺵ ﺍﻟﻨﻌﺎﺱ ﺭﺍﻧﻲ ﻋﺎﺭﻓﺔ ﻗﻀﻴﺔ ﺍﻟﻨﻔﺎﺱ ‏)
ﺃﺭﺳﻼﻥ : ﺧﺎﺹ ﺗﺒﺪﻟﻲ ﻟﻴﻪ !.
ﺭﻳﻤﺎﺱ : ﻭﻱ ﺩﺍﻛﺸﻲ ﻟﻲ ﺧﺎﺹ ﻟﻮﻟﺪﻱ ﺍﻟﺤﺒﻴﺐ ... ﺩﺧﻞ ﻟﻠﺪﻭﺵ ﻭ ﺧﻼﻫﺎ ﻛﺎﺗﺒﺪﻝ ﻟﻴﻪ .. ﻏﻴﺮ ﺧﺮﺝ ﻋﺎﻭﺩﺍﺕ ﺩﺧﻼﺕ ﻫﻲ .. ﻓﻬﺎﺩ ﺍﻟﻠﺤﻈﺔ ﻫﻮ ﺳﺘﻐﻞ ﺇﻧﺸﻐﺎﻟﻬﺎ ﻭ ﻣﺸﺎ ﻫﺰ ﻃﻴﻠﻲ ﻋﻴﻂ ﻟﻤﺎﻟﻚ
ﺃﺭﺳﻼﻥ : ﺟﺒﺘﻲ ﺩﺍﻛﺸﻲ
ﻣﺎﻟﻚ : ﻭﻱ ﻣﻴﺴﺘﺮ ﺃﺭﺳﻼﻥ ﻭﺍﺵ ﻧﻄﻠﻌﻮ ﻟﻚ ﺩﺍﺑﺎ
ﺃﺭﺳﻼﻥ : ﻣﺎﺗﺘﻌﻄﻠﺶ ... ﻗﻄﻊ ﻋﻠﻴﻪ ﻭ ﻣﺸﺎ ﻟﺒﺲ ﺣﻮﺍﻳﺠﻮ .. ﺷﺎﻑ ﺟﻬﺔ ﻓﺨﺮ ﻭ ﻗﺎﺩﻭﻩ ﺭﺟﻠﻴﻪ ﻟﻌﻨﺪﻭ ﻃﻞ ﻋﻠﻴﻪ ﻭ ﺑﻘﺎ ﻛﺎﻳﺸﻮﻑ ﻓﻴﻪ ﻭ ﻣﺎ ﻫﻲ ﺇﻻ ﺩﻗﺎﺋﻖ ﺣﺘﻰ ﺗﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ ﻭ ﻣﻮﺭﺍﻫﺎ ﺗﺤﻞ
ﻣﺎﻟﻚ : ﻫﺎ ﺍﻟﺴﺨﺮﺓ ﺍ ﻣﻴﺴﺘﺮ ﺍﺭﺳﻼﻥ
ﺃﺭﺳﻼﻥ : ﺣﻄﻬﺎ ﻭ ﺧﺮﺝ ... ﺍﺷﺎﺭ ﻟﻴﻪ ﻳﺤﻂ ﺍﻟﺴﺎﺷﻲ ﻓﺪﺍﻙ ﺍﻟﺒﺎﺭ ﺍﻟﺼﻐﻴﺮ ﻟﻲ ﻋﻨﺪﻭ ﻭ ﺩﺍﻛﺸﻲ ﻟﻲ ﺩﺍﺭ ﺣﻄﻬﺎ ﻭ ﺧﺮﺝ ﺑﻴﻨﻤﺎ ﺍﺭﺳﻼﻥ ﻣﺸﺎ ﻛﺎﻳﻘﻠﺐ .. ﻟﻘﺎﻩ ﺟﺎﻳﺐ 2 ﺑﻴﺒﻐﻮ ﻭﺍﺟﺪﻳﻦ ﺑﺤﻠﻴﺒﻬﻢ ﺷﻮﻳﺔ ﺳﻤﻊ ﺍﻟﺒﺎﺏ ﺩﻳﺎﻝ ﺍﻟﺪﻭﺵ ﺗﺤﻞ ﺧﺮﺟﺎﺕ ﺳﺎﺧﻄﺔ
ﺭﻳﻤﺎﺱ : ‏( ﺧﺎﺭﺟﺔ ﻛﺎﺗﻨﺸﻒ ﺷﻌﺮﻫﺎ ‏) ﺧﺎﺻﻨﻲ ﻧﺮﺟﻊ ﻟﻠﺤﺮﻛﺔ ﻭ ﺍﻟﺴﺒﻮﺭ ﺷﻔﺘﻲ ﻛﺮﺷﻲ ﻛﻲ ﻭﻻﺕ ... ﻣﺸﺎ ﻟﺠﻬﺘﻬﺎ ﺣﻴﺪ ﻟﻬﺎ ﺍﻟﻔﻮﻃﺔ ﻭ ﺑﺪﺍ ﻛﺎﻳﻨﺸﻔﻮ ﻟﻬﺎ ﻣﻦ ﺍﻟﻠﻮﺭ
ﺃﺭﺳﻼﻥ : ﻫﺎﺩﻱ ﺳﻴﻤﺎﻧﺔ ﻛﻨﺖ ﻏﺎﻧﻘﻮﻟﻬﺎ ﻟﻚ
ﺭﻳﻤﺎﺱ : ﻏﺪﺍ ﻧﺮﺟﻊ ﻟﻠﺴﺒﻮﺭ ﻭﻟﻜﻦ ﻓﺨﺮ ﻣﻌﺎﻣﻦ ﻏﺎﻧﺨﻠﻴﻪ ﻣﺎﻳﻤﻜﻨﺶ ﻧﺨﺮﺟﻮﻩ ﻣﻌﺎﻧﺎ ﻓﺎﻟﺼﺒﺎﺡ ﺍﻟﺒﺮﺩ ﻋﻠﻴﻪ
ﺃﺭﺳﻼﻥ : ﺧﻠﻴﻪ ﻣﻊ ﺟﺪﺍﺗﻮ
ﺭﻳﻤﺎﺱ : ﻻ ﺻﺎﻓﻲ ﺑﻼﺵ ﻏﺎﻧﺒﻘﺎ ﻧﻬﺒﻂ ﻏﻴﺮ ﻻﺻﺎﻝ ﻟﺘﺤﺖ
ﺃﺭﺳﻼﻥ : ﻏﺎﻳﺘﺨﻨﻖ ﻟﺘﺤﺖ ﺧﻠﻴﻪ ﻣﻊ ﺟﺪﺍﺗﻮ
ﺭﻳﻤﺎﺱ : ﻻ ﻣﺎﻏﺎﻧﺨﻠﻴﻬﺶ ﻣﺎﺷﻲ ﻣﺎﻛﺎﻧﺘﻴﻘﺶ ﻓﺤﻤﺎﺗﻲ ﻭﻟﻜﻦ ﺍﻧﺎ ﻋﺎﺭﻓﺔ ﻣﺰﻳﺎﻥ ﺑﻠﻲ ﻳﻘﺪﺭ ﻳﺒﻐﻴﻮ ﻳﺮﺟﻌﻮ ﻟﻚ ﺍﻟﻀﺮﺑﺔ ﻓﺠﻬﺔ ﻭﻟﺪﻱ
ﺃﺭﺳﻼﻥ : ﻣﺎﻏﺎﻳﺪﻳﺮﻭﻫﺎﺵ
ﺭﻳﻤﺎﺱ : ﻛﻠﺸﻲ ﻧﻘﺪﺭﻭ ﻧﻌﺮﻓﻮﻩ ﺍﻻ ﺍﺵ ﻛﺎﻳﻀﻮﺭ ﻓﺮﺍﺱ ﺑﻨﺎﺩﻡ ... ﻣﺎﺟﺎ ﻓﻴﻦ ﻳﺠﺎﻭﺏ ﺣﺘﻰ ﺑﺪﺍ ﻓﺨﺮ ﻛﺎﻳﺒﻜﻲ
ﺃﺭﺳﻼﻥ : ﻋﺎﺩ ﺑﺪﻟﺘﻲ ﻟﻴﻪ
ﺭﻳﻤﺎﺱ : ﻻ ﺭﺍﻩ ﺩﺍﺑﺎ ﻭﻗﺖ ﺍﻟﺮﺿﺎﻋﺔ ﺩﻳﺎﻟﻮ .. ﻣﺸﺎﺕ ﻟﺠﻬﺘﻮ ﺑﺎﺵ ﺗﻬﺰﻭ ﺗﺮﺿﻌﻮ ﻣﺎﺟﺎﺕ ﻓﻴﻦ ﺗﻌﻄﻴﻪ ﻳﺮﺿﻊ ﺣﺘﻰ ﻟﻘﺎﺕ ﺃﺭﺳﻼﻥ ﻣﺎﺩ ﻟﻴﻬﺎ ﺍﻟﺒﻴﺒﻐﻮ
ﺃﺭﺳﻼﻥ : ﻋﻄﻴﻪ ﻫﺎﺩﻱ
ﺭﻳﻤﺎﺱ : ﻭﺍﺵ ﻏﺎﻧﻌﺎﻭﺩﻭ ﻧﻬﻀﺮﻭ ﻓﻬﺎﺩ ﺍﻟﻤﻮﺿﻮﻉ؟؟؟ ﺑﺎﻗﻲ ﻛﺎﺗﻐﻴﺮ ﻣﻨﻮ
ﺃﺭﺳﻼﻥ : ‏( ﺑﺒﺮﻭﺩ ‏) ﻓﺎﺵ ﻏﺎﺗﻜﻮﻧﻲ ﻓﺎﻟﺨﺪﻣﺔ ﻫﺎﺩﻱ ﻟﻲ ﻏﺎﺗﻌﻮﺿﻮ
ﺭﻳﻤﺎﺱ : ﻓﺎﺵ ﻏﺎﻧﻜﻮﻥ ﻓﺎﻟﺨﺪﻣﺔ ﺍﻧﺎ ﻟﻲ ﻏﺎﻧﻌﻮﺿﻮ
ﺃﺭﺳﻼﻥ : ﻭ ﻓﺎﺵ ﻧﺒﻐﻲ ﻧﻬﺰ ﻭﻟﺪﻱ ﻭ ﻳﺒﻘﻰ ﻣﻌﺎﻳﺎ ﺷﻜﻮﻥ ﻏﺎﻳﻌﻮﺿﻮ !.
ﺭﻳﻤﺎﺱ : ﻋﻴﻂ ﻟﻲ ﻭ ﺍﻧﺎ ﻧﻌﻮﺿﻮ
ﺃﺭﺳﻼﻥ : ﺑﻤﻌﻨﻰ؟ !
ﺭﻳﻤﺎﺱ : ﺑﻔﻔﻔﻔﻔﻒ ﺍﺭﺍ ﻟﻬﻨﺎ ﻭ ﻧﻘﻮﻟﻬﺎ ﻟﻚ ﻣﻦ ﺩﺍﺑﺎ ﻣﺎﻏﺎﻳﺒﻐﻴﻬﺎﺵ
ﺃﺭﺳﻼﻥ : ﺟﺮﺑﻲ ... ﺷﺪﺍﺗﻬﺎ ﻣﻦ ﻋﻨﺪﻭ ﻭ ﺩﺍﺭﺗﻬﺎ ﻓﻔﻢ ﻓﺨﺮ ﻭﻟﻜﻦ ﺑﻘﺎ ﻛﺎﻳﺒﻜﻲ ﻭ ﻣﺎﺑﻐﺎﻫﺎﺵ
ﺭﻳﻤﺎﺱ : ‏( ﺑﺜﻘﺔ ‏) ﻗﻠﺘﻬﺎ ﻟﻚ ﻭﻻ ﻣﺎﻗﻠﺘﻬﺎﺵ ﻟﻚ .. ﺭﺍﻙ ﻏﺎ ﻛﺎﺗﻌﺪﺏ ﺭﺍﺳﻚ ﻭﻟﺪﻱ ﻣﻮﺍﻟﻔﻨﻲ ﺍﻧﺎ ﻟﻲ ﻧﺮﺿﻌﻮ ﻏﺎﺗﻬﻨﺎ .. ﻧﻮ ﺑﻴﺒﻐﻮ ﻧﻮ ﻣﺮﺑﻴﺎﺕ
ﺃﺭﺳﻼﻥ : ﻭﻟﻔﺘﻴﻬﺎ ﻟﻴﻪ
ﺭﻳﻤﺎﺱ : ‏( ﺑﺪﺍﺕ ﻛﺎﺗﺮﺿﻌﻮ ‏) ﺣﺎﺟﺔ ﻃﺒﻴﻌﻴﺔ ﻳﻮﺍﻟﻒ ﻣﺎﻣﺎﻩ
ﺳﺎﻻﺕ ﻭ ﻧﺰﻟﻮ ﻓﻄﺮﻭ ﻣﻮﺭﺍﻫﺎ ﻛﻞ ﻭﺍﺣﺪ ﺗﻼﻫﺎ ﻣﻊ ﺷﻐﺎﻟﻮ
ﺭﻳﻤﺎﺱ : ﺃﺭﺳﻼﻧﻲ ﻣﺎﻋﻨﺪﻙ ﻣﺎﻳﺪﺍﺭ ﺍﻟﻴﻮﻡ
ﺍﺭﺳﻼﻥ : ﻣﺤﺘﺎﺟﺔ ﺷﻲ ﺣﺎﺟﺔ
ﺭﻳﻤﺎﺱ : ﻻ ﻣﺎﺷﻲ ﺷﻲ ﺣﺎﺟﺔ ﻛﻨﺖ ﺑﺎﻏﺎﻙ ﺗﺒﻘﻰ ﻣﻊ ﻓﺨﺮ ﻋﻠﻰ ﻣﺎﻧﺸﻮﻑ ﺷﻲ ﺣﻮﺍﻳﺞ
ﺍﺭﺳﻼﻥ : ﻓﻴﻦ ﻫﺎﺩ ﺍﻟﺤﻮﺍﻳﺞ
ﺭﻳﻤﺎﺱ : ﻏﻴﺮ ﻓﺎﻟﺨﺪﻣﺔ .. ﻏﺎﻧﻄﻞ ﻋﻠﻰ ﺍﻟﺨﺪﻣﺔ ﻛﻲ ﺩﺍﻳﺮﺓ ﻏﻴﺮ ﻣﻦ ﻫﻨﺎ ﺑﺎﺵ ﻓﺎﺵ ﻧﻤﺸﻲ ﻏﺪﺍ ﻧﻜﻮﻥ ﻓﺎﻫﻤﺔ ﺍﺵ ﻛﺎﻳﻦ ... ﺷﺪ ﻓﺨﺮ ﻣﻦ ﻋﻨﺪﻫﺎ
ﺍﺭﺳﻼﻥ : ﻫﺎ ﻫﻮ ﻣﻌﺎﻳﺎ
ﺭﻳﻤﺎﺱ : ﺭﺩ ﻟﻮ ﺍﻟﺒﺎﻝ
ﺍﺭﺳﻼﻥ : ﻣﺎﺗﺨﺎﻓﻴﺶ
ﺭﻳﻤﺎﺱ : ﻋﻨﺪﺍﻙ ﻳﻄﻴﺢ ﻟﻚ
ﺍﺭﺳﻼﻥ : ﻏﺎﺗﻮﺻﻴﻨﻲ ﻋﻠﻰ ﻭﻟﺪﻱ
ﺭﻳﻤﺎﺱ : ﻭﺍ ﺩﺍﺑﺎ ﻏﻴﺮ ﻗﻠﺖ ﻟﻚ ﻭ ﺍﻳﻼ ﺣﺘﺎﺝ ﻟﻠﺤﻠﻴﺐ ﻫﺎﻧﻲ ﻏﻴﺮ ﻓﺎﻟﺠﺮﺩﺓ ... ﺑﺎﺳﺘﻬﻢ ﺑﺠﻮﺝ ﻭ ﻣﺸﺎﺕ ﺧﻼﺕ ﺍﺭﺳﻼﻥ ﻛﺎﻳﺸﻮﻑ ﻓﺸﺮﻳﻜﻮ ﺍﻟﺠﺪﻳﺪ ﻓﺮﻳﻤﺎﺱ ﺩﺍﻩ ﻟﺒﻴﺘﻮ ﺣﻄﻮ ﻭ ﻫﺰ ﺗﻴﻠﻴﻔﻮﻥ ﻋﻴﻂ ﻻﺑﺮﺍﻫﺎﻡ ﺑﻘﺎ ﺷﺤﺎﻝ ﻛﺎﻳﺼﻮﻧﻲ ﻭ ﻭﺍﻟﻮ ﻣﺎﺟﺎﻭﺑﺶ ﻋﺎﻭﺩ ﻋﻴﻂ ﻟﻤﺎﻟﻚ
ﻣﺎﻟﻚ : ﻭﻱ ﻣﻴﺴﺘﺮ ﺍﺭﺳﻼﻥ
ﺍﺭﺳﻼﻥ : ﻓﻴﻦ ﺍﺑﺮﺍﻫﺎﻡ
ﻣﺎﻟﻚ . ﻣﻴﺴﺘﺮ ﺍﺭﺳﻼﻥ ﺍﺣﻢ ﺍﺣﻢ ﺭﺍﻩ ﻣﻊ ﺍﻻﺧﺖ ﺩﻳﺎﻟﻚ ﻣﺪﺍﻡ ﺟﻮﻟﻴﺎﻧﺎ
ﺍﺭﺳﻼﻥ : ﻓﺎﺵ ﻳﺒﺎﻥ ﻟﻚ ﺳﻴﻔﻄﻮ ﻟﻌﻨﺪﻱ
ﻣﺎﻟﻚ . ﻭﺍﺧﺎ ﺍ ﻣﻴﺴﺘﺮ ﺍﺭﺳﻼﻥ
♔ ﻛﺎﻧﺖ ﺟﺎﻟﺴﺔ ﻓﺎﻟﺠﺮﺩﺓ ﻭ ﺧﺪﺍﻣﺔ ﻓﺎﻟﻼﺏ ﺗﻮﺏ ﺩﻳﺎﻟﻬﺎ ﻛﺎﺗﺸﻮﻑ ﻭﺍﺵ ﻭﺻﻠﻬﺎ ﺷﻲ ﺟﺪﻳﺪ ﻋﻠﻰ ﺍﻟﺸﺮﻛﺔ ﻟﻘﺎﺕ ﺍﺭﺳﻼﻥ ﺣﺎﻁ ﻟﻲ ﻳﺸﺪ ﺑﻼﺻﺘﻬﺎ ﻣﺆﻗﺘﺎ .. ﺟﺎﺕ ﺟﻠﺴﺎﺕ ﺣﺪﺍﻫﺎ ﺟﻮﻟﻴﺎﻧﺎ ﻭ ﺗﺎﺑﻌﺎﻫﺎ ﺍﻟﺨﺪﺍﻣﺔ ﻫﺎﺯﺓ ﻓﻴﺪﻳﻬﺎ ﺑﻼﻃﻮ ﻓﻴﻪ 2 ﻓﻨﺎﺟﻦ ﺩﻳﺎﻝ ﺍﻟﻘﻬﻮﺓ
ﺟﻮﻟﻴﺎﻧﺎ : ‏( ﺑﺎﺑﺘﺴﺎﻣﺔ ‏) ﺷﺤﺎﻝ ﻣﺎﺑﻘﻴﻨﺎ ﺗﺠﻤﻌﻨﺎ ﻭ ﻫﻀﺮﻧﺎ
ﺭﻳﻤﺎﺱ : ﻧﺘﻲ ﻟﻲ ﻣﺎﺑﻘﻴﺘﻴﺶ ﻛﺎﻃﻠﻌﻲ ﻟﻌﻨﺪﻱ
ﺟﻮﻟﻴﺎﻧﺎ : ﻧﺘﻲ ﻋﺎﺭﻓﺔ ﻃﺒﻊ ﺧﻮﻳﺎ ﻣﺎﻛﺎﻳﺨﻠﻴﻨﺎﺵ ﻧﺪﺧﻠﻮ
ﺭﻳﻤﺎﺱ : ﻳﺎﻙ ﺷﺤﺎﻝ ﻣﻦ ﻣﺮﺓ ﻛﺎﻧﻜﻮﻥ ﻟﺘﺤﺖ
ﺟﻮﻟﻴﺎﻧﺎ : ﻫﻬﻬﻪ ﻋﻨﺪﻙ ﺍﻟﺤﻖ
ﺭﻳﻤﺎﺱ : ﻋﺎﺭﻓﺔ ﻟﻲ ﻛﺎﻳﻦ ﺍﺑﺮﺍﻫﺎﻡ ﻻﻫﺎﻙ ﻫﻬﻪ
ﺟﻮﻟﻴﺎﻧﺎ : ‏( ﺑﺘﺮﺩﺩ ‏) ﺑﻐﻴﺖ ﻧﺴﻮﻟﻚ
ﺭﻳﻤﺎﺱ : ﻭﻱ ﺳﻮﻟﻲ
ﺟﻮﻟﻴﺎ : ﻭﺍﺵ ﻛﺎﺗﺒﻐﻲ ﺧﻮﻳﺎ ﺍﺭﺳﻼﻥ
ﺭﻳﻤﺎﺱ : ‏( ﺿﺎﺭﺕ ﻟﻌﻨﺪﻫﺎ ‏) ﻋﻼﺵ ﻫﺎﺩ ﺍﻟﺴﺆﺍﻝ
ﺟﻮﻟﻴﺎﻧﺎ : ﺧﻮﻳﺎ ﺍﺳﻮﺍﺭ ﻋﻼﻗﺘﻮ ﻣﻊ ﺍﻳﻠﻴﻨﺎ ﻣﺘﺪﻫﻮﺭﺓ .. ﺍﻧﺎ ﻋﺎﺭﻓﺔﺑﺎﺵ ﻛﺎﻳﺤﺲ ﻣﻦ ﺟﻬﺘﻚ ﻭ ﺣﺘﻰ ﺍﻟﻌﺎﺋﻠﺔ ﻋﺎﺭﻓﻴﻦ ﻫﻮ ﻣﺎﻣﻘﺪﺭﺵ ﺧﻄﻮﺭﺓ ﻫﺎﺩﺷﻲ ﻟﻲ ﻛﺎﻳﺪﻳﺮ ﺍﻳﻼ ﻣﺎﺩﺍﺭﺵ ﻋﻘﻠﻮ ﻏﺎﺗﻮﻗﻊ ﻣﺠﺰﺭﺓ
ﺭﻳﻤﺎﺱ : ﻣﺎﻛﺎﻳﻦ ﻣﺎﻏﺎﻳﻮﻗﻊ ﺍﺭﺳﻼﻥ ﻣﺎﻳﻘﺪﺭﺵ ﻳﻘﺘﻞ ﺧﻮﻩ ﻭ ﺍﺳﻮﺍﺭ ﻣﺎﻛﺎﻳﺘﺠﺎﻭﺯﺵ ﺣﺪﻭﺩﻭ
ﺟﻮﻟﻴﺎﻧﺎ : ﻋﻨﺪﻱ ﻃﻠﺐ ﻭﻟﻜﻦ ﻣﺎﻋﺮﻓﺘﺶ ﻭﺍﺵ ﻏﺎﺗﻘﺒﻠﻲ
ﺭﻳﻤﺎﺱ : ﺍﻳﻼ ﻛﻨﺖ ﻧﻘﺪﺭ ﻋﻼﺵ ﻻ
ﺟﻮﻟﻴﺎﻧﺎ : ﺧﺎﺻﻚ ﺿﺮﻭﺭﻱ ﺗﻬﻀﺮﻱ ﻣﻊ ﺧﻮﻳﺎ ﺍﺳﻮﺍﺭ ﺑﺎﺵ ﻳﺪﻳﺮ ﻋﻘﻠﻮ ﻭ ..
ﺭﻳﻤﺎﺱ : ﻻ
ﺟﻮﻟﻴﺎﻧﺎ : ‏( ﺷﺪﺍﺕ ﻟﻬﺎ ﻳﺪﻳﻬﺎ ‏) ﻛﺎﻧﻄﻠﺒﻚ ﺍ ﺭﻳﻤﺎﺱ
ﺭﻳﻤﺎﺱ : ﻫﺎﺩﺷﻲ ﻟﻲ ﻏﺎﻳﺠﺒﺪ ﺍﻟﺒﻼ ﻟﻴﻪ
ﺟﻮﻟﻴﺎﻧﺎ : ﻓﻬﻤﻴﻨﻲ ﺍﻳﻼ ﻣﺎﻗﻨﻌﺘﻴﻬﺶ ﺷﺤﺎﻝ ﻣﺎ ﺑﻘﺎ ﻏﺎﺗﺘﺪﻣﺮ ﺣﻴﺎﺗﻮ ﻭ ﺣﻴﺎﺓ ﻋﺎﺋﻠﺘﻨﺎ ﻣﻌﺎﻩ .. ﺯﻭﺍﺟﻮ ﺷﺤﺎﻝ ﻣﺎﺑﻘﺎ ﻳﺎ ﻏﺎﻳﺴﺎﻟﻲ ﺑﺎﻟﻄﻼﻕ ﻳﺎ ﺍﻳﻠﻴﻨﺎ ﻏﺎﺩﻳﺮ ﺷﻲ ﺣﺎﺟﺔ ﻓﺮﺍﺳﻬﺎ
ﺭﻳﻤﺎﺱ : ﺍﻳﻼ ﻛﺎﻧﺖ ﻏﻴﺮ ﻏﺎﺗﻜﻤﻞ ﻣﻌﺎﻩ ﺣﻴﺎﺗﻬﺎ ﺑﻬﺎﺩ ﺍﻟﻄﺮﻳﻘﺔ ﻏﺎﻳﻜﻮﻥ ﺣﺴﻦ ﻳﺘﻄﻠﻘﻮ ﻭ ﺗﺘﺰﻭﺝ ﺑﻮﺍﺣﺪ ﻣﻦ ﻫﺎﺩ ﺍﻟﻌﺎﺋﻠﺔ ﺍﻟﺴﻌﻴﺪﺓ ﻟﻲ ﻋﻠﻰ ﺍﻻﻗﻞ ﻳﻘﺪﺭ ﻗﻴﻤﺘﻬﺎ ﺣﻴﺖ ﻫﺎﺩﻱ ﻣﺎﺷﻲ ﻋﻴﺸﺔ
ﺟﻮﻟﻴﺎﻧﺎ : ﻣﺎﻳﻤﻜﻨﺶ ﻳﺘﻄﻠﻘﻮ ﺍ ﺭﻳﻤﺎﺱ ﻓﻬﻤﻴﻨﻲ .. ﺍﻟﻄﻼﻕ ﻣﺎﻋﻨﺪﻧﺎﺵ ﺣﻨﺎ ﻓﺎﻟﻌﺎﺋﻠﺔ ﻭﺍﺧﺎ ﻳﻮﻗﻊ ﻟﻲ ﻳﻮﻗﻊ
ﺭﻳﻤﺎﺱ : ﺗﻄﻠﺐ ﻣﻦ ﺍﺭﺳﻼﻥ ﻳﻌﺎﻭﻧﻬﺎ
ﺟﻮﻟﻴﺎﻧﺎ : ﺣﻨﺎ ﻣﺎﺑﻐﻴﻨﺎﺵ ﺯﻭﺍﺟﻬﻢ ﻳﺴﺎﻟﻲ ﺑﻬﺎﺩ ﺍﻟﻄﺮﻳﻘﺔ .. ﻫﻲ ﺭﺍﻫﺎ ﻛﺎﺗﺒﻐﻴﻪ ﻭ ﻫﻮ ﻣﺎﻏﺎﻳﻠﻘﺎﻫﺎﺵ ﻟﻲ ﺗﺒﻐﻴﻪ ﺑﺤﺎﻟﻬﺎ
ﺭﻳﻤﺎﺱ : ﺍﺫﺍ ﻫﻮ ﺍﻟﺨﺎﺳﺮ
ﺟﻮﻟﻴﺎﻧﺎ : ﺭﺍﻩ ﺣﻴﺎﺗﻮ ﻓﺨﻄﺮ ﺍ ﺭﻳﻤﺎﺱ ﻣﺪﺍﻡ ﻣﺰﺍﻝ ﻣﺎﻧﺴﺎﻙ
ﺭﻳﻤﺎﺱ : ﺍﺭﺳﻼﻥ ﻣﺎﻣﻬﺘﻤﺶ ﻟﻬﺎﺩ ﺍﻟﻤﻮﺿﻮﻉ ﺑﺰﺍﻑ .. ﺑﻌﺪﺍﺕ ﺟﻮﻟﻴﺎﻧﺎ ﻋﻠﻴﻬﺎ ﻭ ﺿﻮﺭﺍﺕ ﺭﺍﺳﻬﺎ ﻟﻠﺠﻬﺘﻴﻦ ﺑﻤﻌﻨﻰ ﻻ
ﺟﻮﻟﻴﺎﻧﺎ : ﻧﺘﻲ ﻣﺎﻋﺎﺭﻓﺎﻫﺶ ﻓﺎﺵ ﻛﺎﻳﺴﻜﺖ ﻫﺎﻛﺎ ﻋﻠﻰ ﺍﻟﻮﺍﺣﺪ ﻓﺎﺵ ﻛﺎﻳﻔﻜﺮ .. ﺧﻮﻳﺎ ﻣﺎﻛﺎﻳﺒﻐﻴﺶ ﻟﻲ ﻳﺤﻂ ﻋﻴﻨﻴﻪ ﻋﻠﻰ ﺣﺎﺟﺔ ﻛﺎﺗﺨﺼﻮ ﻭﺍﺧﺎ ﺗﻜﻮﻥ ﻏﻴﺮ ﺍﺑﺮﺓ .. ﻓﻤﺎ ﺑﺎﻟﻚ ﻳﻜﻮﻥ ﻋﺎﺭﻑ ﺷﻲ ﺣﻂ ﺣﺎﻁ ﻋﻴﻨﻴﻪ ﻋﻠﻰ ﻣﺮﺗﻮ ﻭ ﻣﺎﺷﻲ ﺍﻱ ﻭﺍﺣﺪ .. ﺧﻮﻩ ﻭ ﺳﺎﻛﻦ ﻣﻌﺎﻩ 24\24 ﻭ ﻳﻮﻣﻴﺎ ﻛﺎﻳﺸﻮﻑ ﻣﺮﺗﻮ .. ﻫﺎﺩ ﺍﻟﻬﺪﻭﺀ ﺩﻳﺎﻟﻮ ﻛﺎﻳﺨﻠﻌﻨﻲ
ﺭﻳﻤﺎﺱ : ﻣﺎﻋﻨﺪﻙ ﻋﻼﺵ ﺗﺨﺎﻓﻲ ﺣﻴﺖ ﻫﻮ ﻋﺎﺭﻑ ﻣﺰﻳﺎﻥ ﺑﻠﻲ ﺍﻳﻼ ﻗﺘﻞ ﺧﻮﻩ ﻫﺎﺩ ﺍﻟﻤﺮﺓ ﻏﺎﺩﻱ ﺗﺘﻘﻠﺐ ﻋﻠﻴﻪ ﺍﻟﻌﺎﺋﻠﺔ ﻭ ﻏﺎﺗﺒﻐﻲ ﺗﻘﺘﻠﻮ
ﺟﻮﻟﻴﺎﻧﺎ : ‏( ﺿﺤﻜﺎﺕ ‏) ﻫﺎﺩﺷﻲ ﺍﻳﻼ ﻋﺮﻓﻮﻩ ﻣﺎﺕ ﺑﻌﺪﺍ ‏( ﺗﻘﻠﺒﺎﺕ ﺿﺤﻜﺘﻬﺎ ﻟﻌﻼﻣﺔ ﺍﻟﺤﺰﻥ ‏) ﺭﻳﻤﺎﺱ ﻣﺎﺑﻐﻴﺘﺶ ﺧﻮﺗﻲ ﻳﻘﺘﻠﻮ ﺑﻌﻀﻴﺎﺗﻬﻢ ﻋﻠﻰ ﻭﺩ ﻣﺮﺍ ﺗﻴﻘﻲ ﺑﻴﺎ ﺍﻳﻼ ﻭﻗﻊ ﻫﺎﺩﺷﻲ ﻏﺎﺩﻱ ﺗﺘﻔﻜﻚ ﺍﻟﻌﺎﺋﻠﺔ ﻭ ﻏﺎﻳﻨﻮﺿﻮ ﺍﻟﻤﺠﺎﺯﺭ ﻓﺎﻟﻘﺼﺮ ﻭ ﻛﻠﺸﻲ ﻏﺎﻳﻜﺮﻫﻚ ﺑﻤﺎ ﻓﻴﻬﻢ ﺍﻧﺎ ... ﻧﺎﺿﺖ ﺭﻳﻤﺎﺱ ﻣﻦ ﺑﻼﺻﺘﻬﺎ ﻭ ﻫﺰﺍﺕ ﺍﻟﻼﺏ ﺗﻮﺏ
ﺭﻳﻤﺎﺱ : ﻏﺎﻧﺘﻜﻠﻒ ﺑﻬﺎﺩﺷﻲ ﻭﻟﻜﻦ ﻣﺎﺷﻲ ﺣﻴﺖ ﻛﺎﺗﻬﻤﻨﻲ ﻫﻀﺮﺓ ﻭ ﻣﺸﺎﻋﺮ ﺍﻟﻌﺎﺋﻠﺔ .. ﻏﺎﻧﺪﻳﺮ ﻫﺎﺩﺷﻲ ﺣﻴﺖ ﻣﺎﺑﻐﻴﺘﺶ ﻭﻻﺩﻱ ﻳﻜﺒﺮﻭ ﻓﺠﻮ ﺍﻟﻘﺘﻞ .. ﺧﻼﺗﻬﺎ ﻭ ﺑﺪﻻﺕ ﺍﻟﺒﻼﺻﺔ ﺑﺎﺵ ﺗﻜﻮﻧﺴﻮﻧﻄﺮﺍ ﻓﺨﺪﻣﺘﻬﺎ ﺳﺘﻔﺰﺍﺗﻬﺎ ﻫﻀﺮﺓ ﺟﻮﻟﻴﺎﻧﺎ ﻓﺎﺵ ﻗﺎﻟﺖ ﻟﻬﺎ ﻏﺎﻳﻜﺮﻫﻮﻫﺎ ﺍﻳﻼ ﻭﻗﻊ ﻫﺎﺩﺷﻲ ﺑﺤﺎﻻ ﺭﺍﻫﺎ ﻛﺎﺗﻬﺘﻢ ﻟﻨﻈﺮﺓ ﺍﻻﺧﺮﻳﻦ ﻓﻴﻬﺎ