مد لها يديه باش تبوسهم شافت فأرسلان لي كايشوف فيها ... مالك لي كايقولها بعينيه باش تبوس يديه .. و ابراهام لي كايتسناها و باغيها ليها باش تنقص من غرورها ... بتاسمات ليه ابتسامة خفيفة صفرا و مدات يديها ليه سلمات عليه الشيئ لي خلا مالك باغي يندب حناكو واش هو قالها بوسي ليه يديه ولا سلمي عليه .. شاف فيها اصلان بغضب
سي أصلان : ( بغضب ) ماكاتحشمش
ريماس : عفوا؟
أرسلان : ( بنبرة تحذيرية ) ريماس
ريماس : مالي اش قلت .. ماسمعتش اش قال هدا ما كان
سي أصلان : و باقا كاتزايدي فالهضرة مع سيادك؟؟؟؟؟
ريماس : شكو..
أرسلان : المهم دابا اش غا نديرو ... عاود طلعها و هبطها
سي أصلان : ( بتقزز ) خليهم يديوها عليا من هنا
أرسلان : ابراهام
ابراهام : حاضر ميستر أرسلان ... مشات معاهم و هي كاتسب فخاطرها داك الشيبة العاصية من اول مرة ماحملاتوش
سي أصلان : ماعندنا حتى شي حل اخر خاصك تزوج بيها باش مايكونش حفيد العائلة من كرش الحرام
أرسلان : متأكد من هاد القرار.!
سي أصلان : ( بصرامة ) ماغاديش نضحي بنقاوة دم العائلة و سمعتها على هادشي
أرسلان : اصلها ماشي من اصلنا
سي أصلان : واش كاتشوف هاد الموصيبة لي واقعين فيها و باقي كاتهضر ليا على الاصل غايبقا المشكل فالدين ديالها غادي تبدلو بزز عليها ... انا ماغانخليش مسلمة فداري وسط عائلتي و تكون ام حفيدي
أرسلان : همم
سي أصلان : فاش تولد حفيدي ديك الساعة غاتكون هضرة خرا ... جا مورغان و روكفلر لي خلاوهم يحبسو الهضرة فهاد الموضوع ، خلا جدو ملهي معاهم و مشا كايقلب بعينيه عليها دابا عاد غايتفاهم معاها مزيااان ... اصلان من عادتو كايدقق بزاااف فالامور قبل مايتاخد اي قرار ولكن فاش عطاه ارسلان ادلة على كلامو .. فكانت حاجة طبيعية غايتيق حيت من نهار بدا كايربي ارسلان عمرو كدب عليه فشي حاجة حتى لهاد المرة
♔ واقفة حدا واحد طبيلة و حداها أبراهام و مالك ... شوية جا أسوار و جوليانا لعندها
أسوار : علاش واقفة هنا بوحدك؟؟
ريماس : خووك عاوتاني
أسوار : قلقك؟؟
ريماس : اوووف
جوليانا : ( بمزاح ) سرقتي مني الأضواء هاد الليلة
ابراهام : ( من تحت نيفو ) الضو هو لي غايطفيه لها ميستر ارسلان هاد الليلة .. جات أديرة و سي إيتان و مرات اسوار لجهتهم
سي إيتان : اش كادير هادي هنا؟؟؟
مرات اسوار ( لينا ) : شكون هادي؟؟
أديرة : سمحو لك تهبطي لهنا؟؟؟
ريماس : وي ارسلان لي قاليا نهبط
سي إيتان : أرسلان؟؟؟؟
ريماس : وي ... شوية وصل لعندهم ماهضر ما سلم عليهم ... قرب لودنيها و هضر بالشوية
أرسلان : عندي شي حاجة باغي نعطيها لك تسنايني الفوق
ريماس : ( بعناد ) ماغانطلعش
أرسلان : ( بنرفزة ) ماتخلينيش ندير شرع يدي
ريماس : ( بتحدي ) غاديرها قدام الحضور و تخصر الحفلة؟؟ ماكانظنش
أرسلان : متأكدة؟ .. ماعنديش مشكل غانجرك قدامهم و نتي عارفاني قادر نديرها و نتعداها .. تأفأفات و سبقاتو و تبعها مخليين موراهم العائلة مافاهمة والو و اش واقع بين هاد جوج .. بقات غادا و هي حاسة بيه تابعها من اللور .. غير دخلات للداخل غبرو على البشر حسات بقبضة عنيفة جراتها لواحد القنت
ريماس : ( بعصبية ) قلت لك ماتعاودش تجرني
أرسلان : سكتي حسسك مانسمعوش .. قلت لك تجمعي شعرك ولا ماقلتهاش؟؟؟؟
YOU ARE READING
إمبراطورية الأسود
Teen Fiction♚♚♔🇯🇴🇲🇦 #حــــصــــريــــــــــــا 🇲🇦🇯🇴♔♚♚ ♚🔞 #العميل_صهيوني_والجاسوسة_المغربية 🔞 ♚ بقلم✍ : ♔♚ كاپيطوسة المغربية ♚♔ قصة حصرية و مختالفة على القصص لي قريتو فيها عناصر جداد __ أحداث جداد __ أبطال جداد __ كاتشمل من كل فن طرب ======= #الحقد...
