إمبراطورية الأسود

البارت 165

# After_8_Years
# ﺑﻌﺪ _8_ ﺳﻨﻮﺍﺕ
♔ ﻛﺎﻧﺖ ﻭﺍﻗﻔﺔ ﻗﺪﺍﻡ ﺍﻟﺒﺎﺏ ﺩﻳﺎﻝ ﺍﻟﻘﺼﺮ ﻭ ﻫﺎﺯﺓ ﺗﻴﻠﻴﻔﻮﻥ ﻓﻮﺩﻧﻴﻬﺎ ﻛﺎﺗﺴﻨﺎﻩ ﻳﺠﺎﻭﺏ
ﺭﻳﻤﺎﺱ : ﻓﻴﻨﻜﻢ؟؟؟
ﺃﺭﺳﻼﻥ : ﻗﺪﺍﻣﻚ ﺍ ﻟﺒﺆﺗﻲ .. ﻫﺰﺍﺕ ﻋﻴﻨﻴﻬﺎ ﻭ ﺑﺎﻧﺖ ﻟﻬﺎ ﺍﻟﻠﻮﻃﻮ ﺩﻳﺎﻟﻮ ﺟﺎﻳﺔ ... ﻭﻗﻔﻬﺎ ﻭ ﺧﺮﺝ ﺗﺤﺖ ﺃﻧﻈﺎﺭﻫﺎ ﻭ ﻋﻴﻨﻴﻬﺎ ﻟﻲ ﻛﺎﻳﺘﺴﻨﺎﻭ ﺷﺨﺺ ﺃﺧﺮ ﻳﺒﺎﻥ .. ﻣﺸﺎ ﺃﺭﺳﻼﻥ ﻟﺠﻬﺔ ﺍﻟﺒﺎﺏ ﺍﻟﺜﺎﻧﻴﺔ ﺩﻳﺎﻝ ﺍﻟﻠﻮﻃﻮ ﻭ ﺣﻠﻬﺎ ﺧﺮﺟﺎﺕ ﻣﻨﻬﺎ ﺑﻨﺖ ﺻﻐﻴﺮﺓ ﻓﺴﻦ 6 ﺳﻨﻮﺍﺕ ﻧﺴﺨﺔ ﻣﺼﻐﺮﺓ ﻋﻠﻰ ﺭﻳﻤﺎﺱ ﻻ ﻓﺎﻟﻌﻴﻨﻴﻦ ﻻ ﻓﺎﻟﺸﻌﺮ ﻻ ﻓﺎﻟﺒﺸﺮﺓ ﻣﺎﺩﺍﺕ ﻭﺍﻟﻮ ﻓﺎﻟﻤﻈﻬﺮ ﻣﻦ ﻋﻨﺪ ﺃﺭﺳﻼﻥ .. ﺣﺘﻰ ﺷﺎﻓﺘﻬﺎ ﻋﺎﺩ ﺭﺗﺎﺣﺖ ، ﺷﺪﺍﺕ ﻓﻴﺪﻳﻪ ﻭ ﻣﺸﺎﻭ ﻟﺠﻬﺔ ﺭﻳﻤﺎﺱ .. ﺳﻠﻤﺎﺕ ﻋﻠﻴﻪ ﻭ ﻫﺰﺍﺕ ﺍﻟﺒﻨﺖ ﺑﺎﺳﺘﻬﺎ
ﺭﻳﻤﺎﺱ : ﻳﺎﻙ ﻛﺎﻧﻘﻮﻟﻚ ﺍﻳﻼ ﻛﻨﺘﻲ ﻏﺎﺗﺼﻮﻙ ﻧﺘﺎ ﻣﺎﺗﺮﻛﺒﻬﺎﺵ ﻣﻌﺎﻙ ﻏﺎﺗﺨﻠﻌﻬﺎ
ﺃﺭﺳﻼﻥ : ﻣﻴﺎﺱ ﻭﺍﺵ ﺗﺨﻠﻌﺘﻲ ﺍ ﺃﻟﻤﺎﺳﺔ ﺑﺎﺑﺎﻫﺎ؟ ! ... ﺗﺴﻤﻊ ﺻﻮﺕ ﺭﻗﻴﻖ ﻃﻔﻮﻟﻲ
ﻣﻴﺎﺱ : ﻣﺎﻣﺎﺗﻲ ﺭﺍﻩ ﻣﺎﺗﺨﻠﻌﺘﺶ ﻋﺠﺒﻨﻲ ﺍﻟﺤﺎﻝ ﺑﺰﺍﻑ
ﺭﻳﻤﺎﺱ : ﺑﻨﺘﻲ ﻭﺍﺵ ﻓﻴﻚ ﺍﻟﺠﻮﻉ؟؟
ﻣﻴﺎﺱ : ‏( ﻫﺰﺍﺕ ﻓﻴﻬﺎ ﻋﻮﻳﻨﺎﺗﻬﺎ ﺍﻟﺨﻀﺮﻭﺗﺎﻥ ‏) ﻓﻴﺎ ﺍﻟﺠﻮﻉ ﺍ ﻣﺎﻣﺎﺗﻲ ﻭﻟﻜﻦ ﺑﻐﻴﺖ ﻣﺎﻛﻠﺘﻚ ﻧﺘﻴﺎ ... ﺷﺪﺍﺗﻬﺎ ﺭﻳﻤﺎﺱ ﻣﻦ ﻭﺟﻬﻬﺎ ﻭ ﺑﺎﺳﺘﻬﺎ
ﺭﻳﻤﺎﺱ : ﻧﻄﻴﺐ ﻟﺒﻨﻮﺗﺘﻲ ﻟﻲ ﺑﻐﺎﺕ .. ﺣﻂ ﻳﺪﻭ ﻋﻠﻰ ﺧﺼﺮ ﺭﻳﻤﺎﺱ
ﺃﺭﺳﻼﻥ : ﺩﻳﺮﻱ ﺑﺤﺴﺎﺑﻲ ﺍ ﻟﺒﺆﺗﻲ ‏( ﺷﺎﻑ ﻓﻤﻴﺎﺱ ‏) ﻫﺎﺩﻱ ﺣﺎﺟﺔ ﺯﻭﻳﻨﺔ ﻭﺍﻟﻔﺘﻴﻬﺎ ﻟﻴﻬﺎ
ﺭﻳﻤﺎﺱ : ‏( ﺑﻨﺒﺮﺓ ﻣﺎﺯﺣﺔ ‏) ﻛﺎﺩﻳﺮ ﺑﻴﻬﺎ ﺍﻟﺴﺒﺔ ﺑﺎﺵ ﺗﺘﻔﺸﺶ ﻋﻠﻴﺎ ﻳﺎﻙ ﻭﻟﻜﻦ ﻣﺎﺷﻲ ﻣﺸﻜﻴﻞ ﻣﺎﺍﺍﺍﺷﻲ ﻣﺸﻜﻴﻞ
ﺃﺭﺳﻼﻥ : ﺳﺘﻐﻼﻝ ﺍﻟﻔﺮﺹ ﺍ ﻟﺒﺆﺗﻲ ... ﻓﻴﻦ ﺩﺭﺍﺭﻱ؟ !
ﺭﻳﻤﺎﺱ : ﻓﺨﺮ ﺍﻹﺳﻼﻡ ﻋﺎﺩ ﻛﺎﻥ ﻣﻌﺎﻳﺎ ﻣﺎﻋﺮﻓﺘﺶ ﻓﻴﻦ ﻣﺸﺎ ﻏﺎﻳﻜﻮﻥ ﻏﻴﺮ ﻓﺎﻟﺠﻨﺎﺡ
ﺃﺭﺳﻼﻥ : ﻭﺻﻼﺕ ﺷﻲ ﺷﻜﻮﻯ ﺧﺮﺍ ﻋﻠﻴﻪ !.
ﺭﻳﻤﺎﺱ : ﻻ ﻣﺎﻭﺻﻞ ﻭﺍﻟﻮ ﺳﻮﻟﺖ ﻋﻠﻴﻪ ﺍﻷﺳﺎﺗﺬﺓ
ﺃﺭﺳﻼﻥ : ‏( ﺑﺒﺮﻭﺩ ‏) ﻋﻼﺵ ﻛﺎﺗﻐﻄﻲ ﻋﻠﻴﻪ !. ؟ ﻭﺻﻠﻨﻲ ﺍﺵ ﺩﺍﺭ ﺍﻟﻴﻮﻡ
ﺭﻳﻤﺎﺱ : ﺃﺭﺳﻼﻥ ﻣﺎﺗﺰﻳﺪﺵ ﻓﻴﻪ ﺭﺍﻩ ﺑﺎﻗﻲ ﻭﻟﺪ ﺻﻐﻴﺮ ﻭ ﺣﺎﺟﺔ ﻋﺎﺩﻳﺔ ﻳﺪﻳﺮ ﺍﻟﺒﺴﺎﻟﺔ ﻓﻬﺎﺩ ﺍﻟﺴﻦ ﺭﺍﻩ ﻳﻼﻩ ﻋﻨﺪﻭ 8 ﺳﻨﻴﻦ
ﺃﺭﺳﻼﻥ : ﻓﻴﻦ ﻛﺎﻳﻦ ﺩﺍﺑﺎ !. ؟
ﺭﻳﻤﺎﺱ : ‏( ﺑﺤﺪﺓ ‏) ﻣﺎﻏﺎﺗﻌﺎﻗﺒﻮﺵ ﻭ ﻣﺎﻏﺎﺗﻬﻀﺮﺵ ﻣﻌﺎﻩ ﺍﻧﺎ ﻟﻲ ﻛﺎﻧﻔﻬﻤﻮ ﻭ ﺍﻧﺎ ﻟﻲ ﻏﺎﻧﻬﻀﺮ ﻣﻌﺎﻩ ﺑﻄﺮﻳﻘﺘﻲ
ﺃﺭﺳﻼﻥ : ﻛﺎﺗﺰﻳﺪﻱ ﺗﻔﺸﺸﻴﻪ ﺩﻳﺮﻳﻬﺎ ﻓﺒﺎﻟﻚ
ﺭﻳﻤﺎﺱ : ﺍﻳﻼ ﻓﺸﺸﺘﻮ ﺭﺍﻩ ﻛﺎﻳﺒﻘﺎ ﻭﻟﺪﻧﺎ ﻣﺎﺷﻲ ﻭﻟﺪ ﺍﻟﻐﻴﺮ
ﺃﺭﺳﻼﻥ : ﻓﻴﻦ ﺭﻭﺳﻴﻞ ﻭ ﺭﻭﺳﻠﻴﻦ
ﺭﻳﻤﺎﺱ : ﻓﺎﻟﺸﻮﻣﺒﺮ ﺩﻳﺎﻟﻬﻢ .. ﺭﺍﻫﻢ ﻧﺎﻋﺴﻴﻦ
ﺃﺭﺳﻼﻥ : ﻫﻀﺮﺗﻲ ﻣﻊ ﺍﻟﻄﺒﻴﺒﺔ؟ !
ﺭﻳﻤﺎﺱ : ﻫﻀﺮﺕ ﻣﻌﺎﻫﺎ ﻭﻟﻜﻦ ﻗﺎﻟﺖ ﻟﻲ ﻣﺰﺍﻝ ﻣﺎﻧﻘﺪﺭﻭ ﻧﻌﺮﻓﻮ ﺍﻟﻤﺸﻜﻞ ﻟﻲ ﻛﺎﻳﻦ ﺩﺍﺑﺎ ﺣﺘﻰ ﺗﺰﻳﺪ ﻭﺍﺣﺪ ﺍﻟﻌﺎﻣﻴﻦ ﻭ ﻧﺸﻮﻓﻮ ﺍﺵ ﻛﺎﻳﻦ .. ﺍﻟﻤﻬﻢ ﺧﻠﻴﻨﺎ ﻧﺪﺧﻠﻮ ﻧﻮﺟﺪ ﻟﻜﻢ ﺍﻟﻜﻮﻃﻲ
ﻣﻴﺎﺱ : ﺑﺎﺑﺎ ﺑﻐﻴﺖ ﻧﻤﺸﻲ ﻧﺸﻮﻑ ﺧﻮﻳﺎ ﻓﺨﺮ
ﺃﺭﺳﻼﻥ : ﻛﻮﻟﻲ ﺍ ﺃﻟﻤﺎﺳﺔ ﺑﺎﺑﺎﻫﺎ ﻋﺎﺩ ﺳﻴﺮﻱ
ﺭﻳﻤﺎﺱ : ﺳﻴﺮﻱ ﺍ ﺑﻨﻮﺗﺘﻲ ﺣﺘﻰ ﻧﺴﺎﻟﻲ ﻭ ﻧﻌﻴﻂ ﻟﻚ ﺭﺩﻱ ﺍﻟﺒﺎﻝ ﻟﻔﻴﻦ ﻛﺎﺗﺰﻃﻤﻲ ﻻﻃﻴﺤﻲ ... ﺩﺧﻠﻮ ﻟﺪﺍﺧﻞ
ﺃﺭﺳﻼﻥ : ﺧﺎﺻﻨﻲ ﻧﻬﻀﺮ ﻣﻌﺎﻩ
ﺭﻳﻤﺎﺱ : ﻣﺎﻏﺎﺗﻬﻀﺮﺵ ﻣﻌﺎﻩ ﺍﻳﻼ ﻛﻨﺘﻲ ﻏﻴﺮ ﻏﺎﺗﻌﺎﻗﺒﻮ ﺍﻟﻤﻬﻢ ﻓﻴﻦ ﻛﻨﺘﻮ ﺍﻟﻴﻮﻡ؟؟ ﻣﺎﺗﻘﻮﻟﻴﺎﺵ ﻋﺎﻭﺗﺎﻧﻲ ﺧﻠﻴﺘﻴﻬﺎ ﺗﺤﻀﺮ ﻣﻌﺎﻙ ﻟﺸﻲ ﺣﺎﺟﺔ ﻛﺎﺗﺨﺺ ﺧﺪﻣﺘﻚ
ﺃﺭﺳﻼﻥ : ﻋﺎﺭﻓﺔ ﺍﻟﺠﻮﺍﺏ ﺍ ﻟﺒﺆﺗﻲ ﻭ ﻛﺎﺗﺴﻮﻟﻴﻨﻲ
ﺭﻳﻤﺎﺱ : ﻏﺎﻃﻠﻊ ﻟﺒﺎﺑﺎﻫﺎ ﻧﻴﺸﺎﻥ ... ﺑﻘﺎﻭ ﻏﺎﺩﻳﻴﻦ ﻭ ﻫﻀﺮﺓ ﻛﺎﺗﺠﺒﺪ ﻫﻀﺮﺓ ﺑﺨﺼﻮﺹ ﻭﻻﺩﻫﻢ ﺍﻛﻴﺪ ﻣﺎﻓﻬﻤﺘﻮﺵ ﺑﺰﺍﻑ .. ﻏﺎﻧﺪﻭﺯﻭ ﻟﻮﺍﺣﺪ ﺍﻟﻔﻼﺵ ﺑﺎﻙ ﺻﻐﻴﺮ
# Flash_Back
ﺩﺍﺯﺕ 8 ﺳﻨﻮﺍﺕ ﻗﺮﺍﺑﺔ ﺍﻟﻌﻘﺪ .. ﻓﻬﺎﺩ 8 ﺳﻨﻴﻦ ﺗﺒﺪﻟﻮ ﺑﺰﺍﻑ ﺩﻳﺎﻝ ﺍﻟﺤﻮﺍﻳﺞ ﻣﻦ ﺑﻴﻦ ﻫﺎﺩ ﺍﻟﺤﻮﺍﻳﺞ ﺍﻟﻌﻼﻗﺎﺕ ... ﺍﻷﻓﺮﺍﺩ ﻟﻲ ﺗﺰﺍﺩﻭ ﻓﺎﻟﻌﺎﺋﻠﺔ ... ﺍﻟﺴﻦ ﺩﻳﺎﻝ ﺍﻷﻓﺮﺍﺩ ... ﺍﻟﻤﺸﺎﻋﺮ ﻭﻟﻜﻦ 2 ﺣﻮﺍﻳﺞ ﻟﻲ ﻣﺎﺗﺒﺪﻟﻮﺵ .. ﺃﺭﺳﻼﻥ ﻟﻲ ﺑﺎﻗﻲ ﻫﻮ ﻫﻮ ﻭ ﺭﻳﻤﺎﺱ ﻭﻟﻜﻦ ﻋﺎﺋﻠﺘﻬﻢ ﺍﻟﺼﻐﻴﺮﺓ ﻛﺒﺮﺍﺕ ﻭ ﻣﺎﺑﻘﺎﺗﺶ ﻛﺎﺗﺘﻜﻮﻥ ﻏﻴﺮ ﻣﻦ 3 ﺃﺷﺨﺎﺹ .. ﻻ ..
ﺗﺰﺍﺩﻭ ﻟﻴﻬﺎ 3 ﺃﺷﺨﺎﺹ ﺧﺮﻳﻦ ﺑﺤﻴﺚ ﻣﻦ ﻣﻮﺭ ﻋﺎﻣﻴﻦ ﻣﺒﺎﺷﺮﺓ ﻭﻟﺪﺍﺕ ﺭﻳﻤﺎﺱ ﺑﻨﺖ ﻛﻴﻔﻤﺎ ﻛﺎﻥ ﻛﺎﻳﺘﻤﻨﻰ ﺃﺭﺳﻼﻥ ﻭ ﺳﻤﺎﻫﺎ ﺍﻟﺴﻤﻴﺔ ﻟﻲ ﻛﺎﻥ ﺑﺎﻏﻲ " ﻣﻴﺎﺱ " .. ﺍﻟﺒﻨﺖ ﻟﻲ ﻓﺎﺵ ﺗﺰﺍﺩﺕ ﺧﺪﺍﺕ ﺇﻫﺘﻤﺎﻡ ﺃﺭﺳﻼﻥ ﺑﺎﻟﻜﺎﻣﻞ ﻟﺪﺭﺟﺔ ﺩﺍﺭ ﻟﻴﻬﺎ 2 ﻣﻦ ﺃﻋﻈﻢ ﺍﻟﺤﻔﻼﺕ ﻓﺎﻟﺴﺒﻊ ﺃﻳﺎﻡ ﺩﻳﺎﻟﻬﺎ ﻭﺣﺪﺓ ﻛﺎﻧﺖ ﻓﺎﻟﻘﺼﺮ ﺣﻀﺮﻭ ﻟﻬﺎ ﻓﻘﻂ ﺍﻟﻄﺒﻘﺔ ﺍﻟﻐﻨﻴﺔ ﻭ ﺍﻟﻌﺎﺋﻠﺘﻴﻦ ﻭ ﺍﻟﺜﺎﻧﻴﺔ ﺣﻀﺮﻭ ﻓﻴﻬﺎ ﺍﻟﻌﺎﻣﺔ ﺣﻴﺖ ﻣﺎﻳﻤﻜﻨﺶ ﻳﺨﻠﻲ ﻟﻲ ﻛﺎﻥ ﻳﺪﺧﻞ ﻟﻠﻘﺼﺮ .. ﺍﻟﻤﺠﻴﺊ ﺩﻳﺎﻝ ﻣﻴﺎﺱ ﻟﺤﻴﺎﺗﻬﻢ ﻛﺎﻥ ﻓﺮﺣﺔ ﺑﺎﻟﻨﺴﺒﺔ ﻟﻠﺠﻤﻴﻊ ﺣﺘﻰ ﺍﻟﻌﺎﺋﻠﺔ ﻭ ﺧﺎﺻﺔ ﺣﻴﺖ ﺷﺎﻓﻮ ﺑﻠﻲ ﺃﺭﺳﻼﻥ ﻛﺎﻳﻌﻠﻤﻬﺎ ﺍﻟﻌﺒﺮﻳﺔ ﺑﻨﻔﺴﻮ .. ﻛﺎﻥ ﻏﻴﺮ ﻛﺎﻳﻬﺰﻫﺎ ﻛﺎﺗﺴﻜﺖ ﻟﻴﻪ ﻓﻴﺪﻳﻪ ﻭﻟﻜﻦ ﻫﺎﺩﺷﻲ ﺗﺴﺒﺐ ﻓﻮﺍﺣﺪ ﺍﻟﺤﺎﺟﺔ ﻟﻲ ﻫﻲ ﺇﻫﻤﺎﻟﻮ ﻟﻔﺨﺮ ﺍﻹﺳﻼﻡ .. ﺭﻳﻤﺎﺱ ﻛﺎﻧﺖ ﻣﻼﺣﻈﺔ ﻫﺎﺩﺷﻲ ﻭ ﻛﺎﻧﺖ ﻛﺎﺗﺤﺎﻭﻝ ﻣﺎ ﺃﻣﻜﻦ ﺗﻌﻤﺮ ﺩﺍﻙ ﺍﻟﻔﺮﺍﻍ .. ﺩﺍﺯﺕ 3 ﺳﻨﻴﻦ ﺧﺮﺍ ﻭ ﺗﺰﺍﺩ ﻋﻨﺪﻫﻢ ﺗﻮﺃﻡ ﺭﻭﺳﻴﻞ ﻭ ﺭﻭﺳﻠﻴﻦ ﻭﻟﺪ ﻭ ﺑﻨﺖ ﻫﻨﺎ ﺗﺰﺍﺩ ﺇﻫﻤﺎﻟﻮ ﻟﻔﺨﺮ ﺍﻹﺳﻼﻡ .. ﻭ ﺯﺍﺩﺕ ﺭﻳﻤﺎﺱ ﺷﺎﻓﺖ ﺍﻟﻔﺮﻕ ﻓﺘﻌﺎﻣﻠﻮ ﻣﻊ ﻭﻻﺩﻭ ﺩﺍﻛﺸﻲ ﻻﺵ ﺿﻄﺮﺍﺕ ﺗﺰﻳﺪ ﺗﺘﻘﺮﺏ ﻣﻦ ﻓﺨﺮ ﺍﻹﺳﻼﻡ ﻛﺘﺮ ﻣﻦ ﻭﻻﺩﻫﺎ ﻻﺧﺮﻳﻦ ﺑﺎﺵ ﻣﺎﻳﺤﺴﺶ ﺑﺪﺍﻙ ﺍﻟﺘﻤﻴﻴﺰ ﻣﺎﻛﺎﻧﺶ ﻓﺨﺒﺎﺭﻫﺎ ﺑﻠﻲ ﻗﺪ ﻣﺎ ﻗﺮﺑﺎﺕ ﻟﻮ ﻛﺘﺮ ﻏﺎﻳﺰﻳﺪ ﺇﻫﻤﺎﻝ ﺃﺭﺳﻼﻥ ﻟﻴﻪ ﻭ ﻣﻤﻜﻦ ﻳﺴﻮﺀ ﺍﻟﻮﺿﻊ .. ﺍﻟﻤﻬﻢ ﻭ ﻣﻊ ﻛﻞ ﻫﺬﺍ ﻛﺎﻧﻮ ﻛﺎﻳﺒﺎﻧﻮ ﺍﻟﻌﺎﺋﻠﺔ ﺍﻟﻤﺜﺎﻟﻴﺔ ﻓﻨﻈﺮ ﺍﻟﺠﻤﻴﻊ ﻭ ﺧﺎﺻﺔ ﻓﻨﻈﺮ ﻋﻴﻮﻥ ﻭﺍﺣﺪ ﺍﻟﺸﺨﺺ ﻟﻲ ﻛﺎﻥ ﻛﺎﻳﺮﺍﻗﺒﻬﻢ ﺑﻌﻴﻮﻥ ﺩﺍﻣﻌﺔ ﻭ ﻗﻠﺐ ﻣﻨﻜﺴﺮ ﻛﺎﻥ ﻛﺎﻳﺮﺍﻗﺐ ﻓﺮﺣﺘﻬﻢ ﻟﻤﺪﺓ 3 ﺳﻨﻮﺍﺕ ﻓﻜﻞ ﻣﺮﺓ ﻛﺎﻳﻜﻮﻧﻮ ﻓﻴﻪ ﻓﺠﻮ ﻋﺎﺋﻠﻲ .. ﻓﻜﻞ ﻣﺮﺓ ﻛﺎﻳﻜﻮﻧﻮ ﻣﺠﻤﻮﻋﻴﻦ ...
ﻛﻴﻤﺎ ﻗﻠﺖ ﺍﻟﺘﻐﻴﻴﺮ ﻟﻲ ﻃﺮﺍ .. ﻣﺎﻛﺎﻧﺶ ﻓﻘﻂ ﻋﻠﻰ ﺭﻳﻤﺎﺱ ﻭ ﺃﺭﺳﻼﻥ ﻓﻬﺎﺩ ﺍﻟﺴﻨﻴﻦ ﻭ ﻣﺎﻛﺎﻧﺶ ﻏﻴﺮ ﻋﻠﻰ ﺍﻷﻓﺮﺍﺩ ﻟﻲ ﺗﺰﺍﺩﻭ ﺑﻞ ﻛﺎﻥ ﻋﻠﻰ ﺍﻟﻌﺎﺋﻠﺔ ﺑﺼﻔﺔ ﻋﺎﻣﺔ .. ﻣﻦ ﺑﻴﻨﻬﻢ ﺃﺳﻮﺍﺭ ﻟﻲ ﻣﻦ ﻣﻮﺭ ﻣﺎ ﺣﺬﺭﻭ ﺃﺭﺳﻼﻥ ﻫﺎﺩﻱ 8 ﺳﻨﻴﻦ .. ﻛﺎﻥ ﺩﺍﻙ ﺍﻟﺘﺤﺬﻳﺮ ﺑﺤﺎﻝ ﺍﻟﺼﻔﻌﺔ ﻟﻴﻪ .. ﺍﻟﺼﻔﻌﺔ ﻟﻲ ﺧﻼﺗﻮ ﻳﺸﻮﻑ ﻗﻴﻤﺔ ﺷﻨﻮ ﻋﻨﺪﻭ ﻭ ﺷﻨﻮ ﻛﺎﻥ ﻏﺎﻳﺨﺴﺮ ﺑﺴﺒﺐ ﺣﺒﻮ ﻟﻮﺍﺣﺪ ﺍﻟﻤﺮﺍ ﻟﻲ ﻫﻮ ﻋﺎﺭﻑ ﻣﺰﻳﺎﻥ ﻣﺎﻋﻤﺮﻫﺎ ﻏﺎﺗﻜﻮﻥ ﺩﻳﺎﻟﻮ .. ﺩﺍﻙ ﺍﻟﺸﻬﺮ ﻟﻲ ﺳﺎﻓﺮﻭ ﻓﻴﻪ ﻛﺎﻥ ﻟﻴﻪ ﺗﺄﺛﻴﺮ ﺇﺟﺎﺑﻲ ﻋﻠﻰ ﻋﻼﻗﺘﻮ ﺑﺈﻳﻠﻴﻨﺎ ﻭ ﺯﺍﺩﻭ ﺗﻘﺮﺑﻮ ﻣﻦ ﺑﻌﻀﻴﺎﺗﻬﻢ ﻭ ﻣﻊ ﺍﻟﺴﻨﻴﻦ ﻟﻲ ﺩﺍﺯﻭ ﺷﻮﻳﺔ ﺑﺸﻮﻳﺔ ﻋﺮﻑ ﻗﻴﻤﺔ ﺷﻨﻮ ﻛﺎﻥ ﻏﺎﻳﺨﺴﺮ ﻣﺮﺍ ﻟﻲ ﺻﺒﺮﺍﺕ ﻋﻠﻴﻪ ﺑﺰﺍﺍﻑ ﻭﺍﺧﺎ ﻋﺎﺭﻓﺎﻩ ﻛﺎﻳﺒﻐﻲ ﻣﺮﺍ ﺧﺮﺍ .. ﻓﺎﺵ ﻗﺎﺭﻥ ﺭﻳﻤﺎﺱ ﺑﺈﻳﻠﻴﻨﺎ ﻭ ﺍﺧﻴﺮﺍ ﻟﻘﺎ ﻭﺍﺣﺪ ﺍﻟﺤﺎﺟﺔ ﻟﻲ ﻣﺎﻛﺎﻳﻨﺎﺵ ﻓﺮﻳﻤﺎﺱ ﻭﻟﻜﻦ ﻛﺎﻳﻨﺎ ﻓﻤﺮﺗﻮ .. ﻭ ﻫﻲ ﺍﻟﺼﺒﺮ ﻋﻠﻰ ﻗﻀﻴﺔ ﺑﺤﺎﻝ ﻫﺎﺩﻱ ﻭ ﺍﻟﺘﻀﺤﻴﺔ ﻋﻠﻰ ﺣﺎﺟﺔ ﺑﺤﺎﻝ ﻫﺎﺩﻱ .. ﻛﺎﻳﻌﺘﺎﺭﻑ ﺑﻠﻲ ﻓﻴﻬﺎ ﺣﻮﺍﻳﺞ ﻣﻤﻴﺰﻳﻦ ﻭﻟﻜﻦ ﺟﺎ ﺍﻟﻮﻗﺖ ﻟﻲ ﻳﻔﻜﺮ ﻓﻴﻪ ﻓﺪﺍﻛﺸﻲ ﻟﻲ ﻋﻨﺪﻭ ﻭ ﻓﻌﻼ ﻓﻬﺎﺩ ﺍﻟﺴﻨﻴﻦ ﺷﻮﻳﺔ ﺑﺸﻮﻳﺔ ﺣﺘﻰ ﻭﻻ ﻛﺎﻳﺒﻐﻲ ﻣﺮﺗﻮ ﺇﻳﻠﻴﻨﺎ ﻭ ﺗﺼﻠﺤﺎﺕ ﻋﻼﻗﺘﻮ ﺑﺨﻮﻩ ﺍﻣﺎ ﺑﺎﻟﻨﺴﺒﺔ ﻟﻮﻟﺪﻭ ﺃﺳﻮﺍﺭ ﻛﺎﻥ ﻛﺎﻳﻤﻴﻞ ﺑﺰﺍﺍﻑ ﻷﺭﺳﻼﻥ ﻭ ﻓﺎﺵ ﻛﺎﻳﻜﻮﻥ ﻛﺎﻳﻬﻀﺮ ﻛﺎﻳﺘﺴﻨﻂ ﻟﻴﻪ ﻭ ﺣﺘﻰ ﺃﺭﺳﻼﻥ ﻓﺎﺵ ﻛﺎﻥ ﻛﺎﻳﻜﻮﻥ ﺷﻲ ﺇﺟﺘﻤﺎﻉ ﺩﻳﺎﻝ ﺍﻟﻌﺎﺋﻠﺔ ﻛﺎﻳﺪﺧﻞ ﻟﻴﻪ ﺣﺘﻰ ﻣﻴﺎﺱ ﻭ ﺃﺭﻛﺎﻥ ... ﺩﺍﺑﺎ ﻏﺎﺗﻜﻮﻧﻮ ﻛﺎﺗﺴﻮﻟﻮ ﻋﻠﻰ ﺍﻟﻜﺒﺎﺭ ﺩﻳﺎﻝ ﺍﻟﻌﺎﺋﻠﺔ ﻛﻲ ﺑﻘﺎﻭ ﻣﻦ ﻣﻮﺭ ﺍﻟﻤﺠﺰﺭﺓ ﻟﻲ ﺩﺍﺭ ﻟﻬﻢ ﺃﺭﺳﻼﻥ .. ﻣﻦ ﺩﺍﻙ ﺍﻟﻮﻗﺖ ﻭ ﻏﺎﺑﺮﻳﺎﻝ ﻭ ﺇﻳﻼﻥ ﻭ ﺃﺭﻭﻥ ﺑﻘﺎﻭ ﻣﻘﻌﺪﻳﻦ ﻣﺎﻛﺎﻳﻘﺪﺭﻭﺵ ﻳﺘﻤﺸﺎﻭ .. ﻳﺪﻳﻬﻢ ﺑﺮﺍﻭ ﻭﻟﻜﻦ ﺍﻟﺮﺟﻠﻴﻦ ﻻ .. ﻛﻠﺸﻲ ﻭﻻ ﻓﻜﺮﺳﻲ ﻣﺘﺤﺮﻙ ﺑﺤﺎﻝ ﻣﺮﺕ ﻏﺎﺑﺮﻳﺎﻝ .. ﺟﻮﻟﻴﺎﻧﺎ ﻭ ﺃﺑﺮﺍﻫﺎﻡ ﻣﺰﺍﻝ ﻣﺎﺳﻬﻞ ﻋﻠﻴﻬﻢ ﺭﺑﻲ ﻓﺸﻲ ﻭﻟﻴﺪ ... ﺍﻣﺎ ﺑﺨﺼﻮﺹ ﺍﻟﻄﺎﺑﻖ ﻟﻲ ﻓﻴﻪ ﺟﻨﺎﺡ ﺃﺭﺳﻼﻥ .. ﺯﺍﺩﻭ ﻓﻴﻪ 2 ﻏﺮﻑ ﺧﺮﻳﻦ ﻭﺣﺪﺓ ﻟﻤﻴﺎﺱ ﻭ ﺍﻟﺜﺎﻧﻴﺔ ﻟﺮﻭﺳﻴﻞ ﻭ ﺭﻭﺳﻠﻴﻦ ﻓﺈﻧﺘﻈﺎﺭ ﺣﺘﻰ ﻳﻜﺒﺮﻭ ﻭ ﻳﻔﺮﻗﻮ ﻟﻬﻢ ﺍﻟﻐﺮﻑ ﺩﻳﺎﻟﻬﻢ .. ﻭ ﻫﺎﺩﻭ ﻫﻤﺎ ﺍﻟﺘﻐﻴﻴﺮﺍﺕ ﻟﻲ ﻛﺎﻧﻮ
# End_Of_The_Flash_Back
ﻭﺟﺪﺍﺕ ﻟﻬﻢ ﺃﺵ ﻳﺎﻛﻠﻮ ﻭ ﺟﻠﺴﺎﺕ .. ﺗﻔﻜﻴﺮﻫﺎ ﻛﺎﻣﻞ ﻛﺎﻥ ﻓﺤﺎﺟﺔ ﻭﺣﺪﺓ .. ﻋﻼﻗﺔ ﺃﺭﺳﻼﻥ ﺑﻮﺍﻟﻴﺪﻳﻪ ﻟﻲ ﻣﺰﺍﻝ ﻣﺎﺗﻘﺎﺩﺍﺕ ﻭ ﺑﺎﻗﺎ ﻫﻲ ﻫﻲ ﻭﺍﺧﺎ ﻫﺎﺩ ﺍﻟﺴﻨﻴﻦ ﻛﺎﻣﻠﻴﻦ ﻣﺎﺗﺒﺪﻝ ﻭﺍﻟﻮ ﻋﻠﻰ ﺍﻷﻗﻞ ﻭﺍﺧﺎ ﻏﻴﺮ ﻣﻊ ﺍﻷﻡ ﺩﻳﺎﻟﻮ .. ﻓﻜﺮﺍﺕ ﻓﻮﺍﺣﺪ ﺍﻟﺒﻼﻥ ﻳﻘﺪﺭ ﻳﻘﺮﺏ ﺍﻷﻡ ﻣﻦ ﻭﻟﺪﻫﺎ .. ﻫﺰﺍﺕ ﺭﺍﺳﻬﺎ ﻟﻠﺴﻘﻒ ﻭ ﺗﻨﻬﺪﺍﺕ
ﺃﺭﺳﻼﻥ : ﺍﺷﻤﻦ ﺑﻼﻥ ﻃﺎﺡ ﻋﻠﻴﻚ ﻫﺎﺩ ﺍﻟﻤﺮﺓ ... ﻫﺪﺍ ﻛﺎﻥ ﺃﻧﺴﺐ ﻭﻗﺖ ﺑﺎﺵ ﺗﻘﻮﻟﻬﺎ ﻟﻴﻪ
ﺭﻳﻤﺎﺱ : ﻋﻨﺪﻱ ﻭﺍﺣﺪ ﺍﻟﺴﻔﺮ
ﺃﺭﺳﻼﻥ : ﻭ ﻓﻴﻦ . ؟
ﺭﻳﻤﺎﺱ : ﻏﻴﺮ ﻋﻠﻰ ﻭﺩ ﻭﺍﺣﺪ ﺍﻟﺼﻔﻘﺔ
ﺃﺭﺳﻼﻥ : ‏( ﺿﺤﻚ ﺿﺤﻜﺔ ﺧﻔﻴﻔﺔ ‏) ﻋﻼﺵ ﻛﺎﺗﻜﺪﺑﻲ؟ !
ﺭﻳﻤﺎﺱ : ﻭﺍ ﺻﺎﻓﻲ ﺍ ﺃﺭﺳﻼﻥ ﻭﺍﺣﺪ ﺍﻟﻐﺮﺽ ﺿﺮﺭﺭﻱ ﺧﺎﺻﻨﻲ ﻧﺴﺎﻓﺮ ﻋﻠﻰ ﻭﺩﻭ
ﺃﺭﺳﻼﻥ : ﻣﺎﺷﻲ ﻣﺸﻜﻴﻞ .. ﺣﺘﻰ ﺩﺭﺍﺭﻱ ﺧﺎﺻﻬﻢ ﻳﺒﺪﻟﻮ ﺍﻟﺠﻮ
ﺭﻳﻤﺎﺱ : ﻏﺎﻳﻤﺸﻴﻮ ﻣﻌﺎﻳﺎ؟؟ ‏( ﻗﺒﻞ ﻣﺎﻳﺠﺎﻭﺏ ﺯﺭﺑﺎﺕ ﻋﻠﻴﻪ ‏) ﺍﻧﺎ ﻛﻨﺖ ﻗﻠﺖ ﻳﺒﻘﺎﻭ ﻣﻌﺎﻙ ﺣﻴﺖ ﺃﻏﻠﺐ ﺍﻟﻮﻗﺖ ﻛﺎﻳﺪﻭﺯﻭﻩ ﻣﻌﺎﻳﺎ ﻭ ﻧﺘﺎ ﻗﻠﻴﻴﻞ ﺣﺪﻙ ﻛﺎﺗﺒﻘﺎ ﻣﻌﺎﻙ ﻣﻴﺎﺱ ﻭ ..
ﺃﺭﺳﻼﻥ : ‏( ﻗﺎﻃﻌﻬﺎ ‏) ﺍﻟﺴﻔﺮ ﺑﻮﺣﺪﻙ ﻣﺎﻛﺎﻳﻨﺶ .. ﻳﺎ ﺗﺴﺎﻓﺮﻱ ﻭ ﺍﻧﺎ ﻣﻌﺎﻙ
ﺭﻳﻤﺎﺱ : ﻳﺎ ﻣﺎﻛﺎﻳﻦ ﺳﻔﺮ ﻳﺎﻙ؟؟؟
ﺃﺭﺳﻼﻥ : ﻓﻴﻦ ﺑﺎﻏﺎ ﺗﻤﺸﻲ؟ !
ﺭﻳﻤﺎﺱ : ﺃﺭﺳﻼﻥ ﺭﺍﻧﻲ ﻋﻴﻴﺖ ﺑﺎﻏﺎ ﻧﺮﺗﺎﺡ ﻭﺍﺧﺎ ﻏﻴﺮ 3 ﺃﻳﺎﻡ .. ﺑﻼﺻﺔ ﻟﻲ ﻣﺎﻧﺸﻮﻑ ﻓﻴﻬﺎ ﺣﺪ ﻣﺎﻧﺴﻤﻊ ﻓﻴﻬﺎ ﺻﺪﺍﻉ ﺑﺎﺵ ﻧﺮﺗﺐ ﺃﻓﻜﺎﺭﻱ
ﺃﺭﺳﻼﻥ : ﺑﺎﻏﺎ ﺗﺒﻘﺎﻱ ﺑﻮﺣﺪﻙ !.
ﺭﻳﻤﺎﺱ : ﻭﻱ ﺑﺎﻏﺎ ﻧﺒﻘﺎ ﺑﻮﺣﺪﻱ ﻟﻮﺍﺣﺪ ﺍﻟﻔﺘﺮﺓ
ﺃﺭﺳﻼﻥ : 3 ﺃﻳﺎﻡ ﻛﺎﻓﻴﺎﻙ؟ !
ﺭﻳﻤﺎﺱ : ﻭﻱ ﻛﺎﻓﻴﺎﻧﻲ
ﺃﺭﺳﻼﻥ : ﻏﺪﺍ ﻧﻮﺻﻠﻚ ﻟﻠﻜﻮﺥ ﻟﻲ ﻓﺎﻟﺠﻬﺔ ﺍﻟﺜﺎﻧﻴﺔ ﻣﻦ ﺍﻟﺠﺰﻳﺮﺓ ﻣﺎﻏﺎﻳﺪﻳﺮﻭﻧﺠﻴﻚ ﺣﺪ ... ﻧﺎﺿﺖ ﺑﺎﺳﺘﻮ
ﺭﻳﻤﺎﺱ : ﻏﻴﺮ ﻓﻬﻤﻨﻲ ﺭﺍﻙ ﻋﺎﺭﻑ ﺑﻨﺎﺩﻡ ﻛﺎﻳﺨﺼﻮ ﻓﺘﺮﺓ ﻳﺮﺗﺎﺡ ﻓﻴﻬﺎ ﻣﺎﺷﻲ ﻛﺎﺩﻳﺮﻭﻧﺠﻴﻨﻲ ﻧﺘﺎ ﻭ ﻭﻻﺩﻧﺎ
ﺃﺭﺳﻼﻥ : ﺳﻴﺮﻱ ﺟﻤﻌﻲ ﺃﺵ ﻏﺎﺗﺤﺘﺎﺟﻲ .. ﻃﻠﻘﺎﺕ ﻣﻨﻮ ﻭ ﻃﻠﻌﺎﺕ ﻟﻠﺠﻨﺎﺡ .. ﻋﺎﺭﻓﺎﻩ ﻏﺎﻳﺘﻘﻠﻖ ﻣﻦ ﺗﺼﺮﻓﻬﺎ ﻭﻟﻜﻦ ﻫﺎﺩﺷﻲ ﻟﻲ ﻃﺎﺡ ﻓﺒﺎﻟﻬﺎ ﻫﺎﺩ ﺍﻟﺴﺎﻋﺔ ... ﺧﺎﺻﻬﺎ ﺗﺒﻌﺪ ﺷﻲ ﻳﺎﻣﺎﺕ ﻭ ﺗﺨﻠﻲ ﻟﻴﻪ ﺩﺭﺍﺭﻱ ﻭ ﺗﻨﺒﻬﻮ ﻣﺎﻳﻜﻮﻧﻮﺵ ﻻ ﻣﺮﺑﻴﺎﺕ ﻻ ﺣﺘﻰ ﻭﺍﺣﺪ ﻳﻌﻨﻲ ﺍﻟﻮﻻﺩ ﻳﺘﻜﻠﻒ ﺑﻴﻬﻢ ﻫﻮ ﻭ ﻫﺎﻛﺎ ﺿﺮﻭﺭﻱ ﻣﺎﻏﺎﻳﻠﺠﺊ ﻟﺸﺨﺺ ﻭﺍﺣﺪ ﻟﻲ ﻫﻲ ﺃﺩﻳﺮﺓ ﺣﻴﺖ ﻣﺎﻏﺎﻳﻘﺪﺭﺵ ﻋﻠﻰ 4 ﺩﻳﺎﻝ ﺩﺭﺍﺭﻱ ... ﻃﻠﻌﺎﺕ ﻃﻼﺕ ﻋﻠﻰ ﺭﻭﺳﻴﻞ ﻭ ﺭﻭﺳﻠﻴﻦ ﺑﺎﺳﺘﻬﻢ ﻭ ﻭﺟﺪﺍﺕ ﺣﻮﺍﻳﺠﻬﺎ .. ﻣﺎﺑﺎﻏﺎﺵ ﺗﺒﻌﺪ ﻋﻠﻰ ﻭﻻﺩﻫﺎ ﻟﻤﺪﺓ 3 ﺍﻳﺎﻡ ﻛﺎﻣﻠﺔ ﻭﻟﻜﻦ ﻓﻨﻔﺲ ﺍﻟﻮﻗﺖ ﻛﺎﺗﺸﻮﻑ ﺑﻠﻲ ﻣﺎﻳﻤﻜﻨﺶ ﻳﺒﻘﻰ ﻫﺎﻛﺎ ﻣﻊ ﻣﻮ .. ﺳﺎﻻﺕ ﺟﻤﻴﻊ ﺣﻮﺍﻳﺠﻬﺎ ﻭ ﻣﺸﺎﺕ ﻟﻠﺸﻮﻣﺒﺮ ﺩﻳﺎﻝ ﻓﺨﺮ ﻟﻘﺎﺗﻮ ﻛﺎﻳﺘﺴﻨﺎﻫﺎ ﺗﻨﻌﺴﻮ .. ﻧﻌﺴﺎﺗﻮ ﻭ ﻣﺸﺎﺕ ﻟﻠﺸﻮﻣﺒﺮ ﺩﻳﺎﻝ ﻣﻴﺎﺱ ﻟﻘﺎﺕ ﺃﺭﺳﻼﻥ ﻧﻌﺴﻬﺎ ﺑﺎﺳﺘﻬﺎ ﻭ ﻣﺸﺎﺕ ﻟﻠﺠﻨﺎﺡ ﺑﺎﺵ ﺗﻨﻌﺲ ﺣﺘﻰ ﺣﺴﺎﺕ ﺑﻴﺪﻳﻪ ﻣﺤﺎﻭﻃﻴﻨﻬﺎ ﻣﻦ ﺍﻟﻠﻮﺭ ﻭ ﺍﻧﻔﺎﺳﻮ ﺣﺪﺍ ﻭﺩﻧﻴﻬﺎ
ﺃﺭﺳﻼﻥ : ﻧﺨﻠﻴﻮ ﺍﻟﻮﻻﺩ ﻣﻊ ﺟﻮﻟﻴﺎﻧﺎ ﻭ ﺧﺘﻚ ﻭ ﻧﻤﺸﻴﻮ ﺍﻧﺎ ﻭﻳﺎﻙ .. ﺿﺎﺭﺕ ﻟﻌﻨﺪﻭ ﻭ ﺷﺪﺍﺕ ﻭﺟﻬﻮ ﺑﻴﺪﻳﻬﺎ
ﺭﻳﻤﺎﺱ : ﻣﺎﻛﺎﻧﺘﻴﻘﺶ ﻧﺨﻠﻴﻬﻢ ﺑﻮﺣﺪﻫﻢ ﻣﻦ ﺍﻷﺣﺴﻦ ﺗﺒﻘﺎ ﻧﺘﺎ ﻣﻌﺎﻫﻢ
ﺃﺭﺳﻼﻥ : ﻟﻲ ﻋﺠﺒﻚ .. ﻋﻨﻘﺎﺗﻮ ﻭ ﻧﻌﺴﺎﺕ ...
ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ
ﻭﺟﺪﺍﺕ ﺣﻮﺍﻳﺠﻬﺎ ﻭ ﻣﺸﺎﺕ ﻟﻌﻨﺪ ﻓﺨﺮ ﻟﺒﻴﺘﻮ ﻏﻴﺮ ﺷﺎﻓﻬﺎ ﺟﺎ ﻛﺎﻳﺠﺮﻱ ﻋﻨﻘﻬﺎ ﺗﺨﺒﻊ ﻓﻴﻬﺎ ﺣﺎﺑﺲ ﺩﻣﻮﻋﻮ ﺑﺎﺵ ﻣﺎﻳﺒﻜﻴﺶ ﺣﻴﺖ ﻏﺎﺗﻤﺸﻲ ﻭ ﺗﺨﻠﻴﻪ ﻣﻊ ﺃﺭﺳﻼﻥ .. ﻫﺒﻄﺎﺕ ﻋﻠﻰ ﺭﻛﺎﺑﻴﻬﺎ ﻭ ﺷﺪﺍﺕ ﻟﻴﻪ ﻭﺟﻬﻮ ﺑﺎﺵ ﺗﻬﻀﺮ ﻣﻌﺎﻩ ﻭ ﻋﺎﻭﺩ ﺗﺨﺸﺎ ﻓﻴﻬﺎ ﻭ ﺷﺪ ﻓﻴﻬﺎ ﻗﻄﻊ ﻟﻬﺎ ﻓﻘﻠﺒﻬﺎ
ﻓﺨﺮ : ﻣﺎﻣﺎ ﺩﻳﻨﻲ ﻣﻌﺎﻙ
ﺭﻳﻤﺎﺱ : ﻭﻟﺪﻱ ﻣﺎﻏﺎﻧﺘﻌﻄﻠﺶ ﻏﺎﺗﺴﺪ ﻋﻴﻨﻴﻚ ﻭ ﺗﻌﺎﻭﺩ ﺗﺤﻠﻬﻢ 3 ﺩﻳﺎﻝ ﺍﻟﻤﺮﺍﺕ ﻭ ﻏﺎﺗﻠﻘﺎﻧﻲ ﺟﻴﺖ
ﻓﺨﺮ : ﻣﺎﻣﺎ ﻋﻼﺵ ﺑﺎﺑﺎ ﻣﺎﻛﺎﻳﺒﻐﻴﻨﻴﺶ
ﺭﻳﻤﺎﺱ : ﺑﺎﺑﺎﻙ ﻛﺎﻳﺒﻐﻴﻚ ﺍ ﻭﻟﺪﻱ ﺷﻜﻮﻥ ﻗﺎﻟﻚ ﻣﺎﻛﺎﻳﺒﻐﻴﻜﺶ
ﻓﺨﺮ : ﻻ ﻫﻮ ﻣﺎﻛﺎﻳﺒﻐﻴﻴﻨﻴﺶ ﺍ ﻣﺎﻣﺎ ﻫﻮ ﻛﺎﻳﻜﺮﻫﻨﻴﻲ
ﺭﻳﻤﺎﺱ : ﻭﻟﺪﻱ ﻳﺎﻙ ﺍﻧﺎ ﻛﺎﻧﺒﻐﻴﻚ؟؟ ﺇﺫﺍ ﺣﺘﻰ ﺑﺎﺑﺎﻙ ﻛﺎﻳﺒﻐﻴﻚ
ﻓﺨﺮ : ﻻ ﺑﺎﺑﺎ ﻣﺎﻛﺎﻳﺒﻐﻴﻨﻴﺶ ﺍ ﻣﺎﻣﺎ ﻗﺎﻟﺖ ﻟﻲ ﻣﺮﺕ ﻋﻤﻲ ﻏﺎﺑﺮﻳﺎﻝ ﺑﺎﺑﺎ ﻣﺎﻛﻴﺒﻐﻴﻨﻴﺶ ﻛﺎﻳﺒﻐﻴﻚ ﻏﻴﺮ ﻧﺘﻲ ﻭ ﻣﻴﺎﺱ ﻭ ﺭﻭﺳﻴﻞ ﻭ ﺭﻭﺳﻠﻴﻦ
ﺭﻳﻤﺎﺱ : ‏( ﺑﻌﺪﺍﺗﻮ ﻋﻠﻴﻬﺎ ﻭ ﻋﻘﺪﺍﺕ ﺣﺠﺒﺎﻧﻬﺎ ‏) ﺑﻼﺗﻲ ﻋﺎﻭﺩ ﺍﺵ ﻗﻠﺘﻲ ﺍ ﻓﺨﺮ ﺷﻨﻮ ﻗﺎﻟﺖ ﻟﻚ؟؟
ﻓﺨﺮ : ﻗﺎﻟﺖ ﻟﻲ ﺑﺎﺑﺎ ﻣﺎﻛﺎﻳﺒﻐﻴﻨﻴﺶ ﻭ ﻛﺎﻳﻜﺮﻫﻨﻲ ﺑﺰﺍﻑ ﻭﻟﻜﻦ ﺍ ﻣﺎﻣﺎ ﺍﻧﺎ ﻣﺎﻛﺎﻧﻜﺮﻫﻮﺵ ﻭ ﻛﺎﻧﺒﻐﻴﻪ ﻭ ﻛﺎﻧﺒﻐﻲ ﺧﻮﺗﻲ ﻋﻼﺵ ﻫﻮ ﻛﺎﻳﻜﺮﻫﻨﻲ ... ﺷﺎﻓﺖ ﻋﻴﻨﻴﻪ ﻟﻲ ﺩﻣﻌﻮ
ﺭﻳﻤﺎﺱ : ‏( ﺑﺼﺮﺍﻣﺔ ‏) ﻣﺎﺗﺒﻜﻴﺶ ﺍ ﻓﺨﺮ ﻣﺴﺢ ﺩﻣﻮﻋﻚ ﻭ ﻣﺎﺗﺨﻠﻴﻬﻤﺶ ﻳﻬﺒﻄﻮ .. ﻫﺰ ﻳﺪﻳﻪ ﻛﺎﻳﺤﺒﺲ ﺍﻟﺪﻣﻮﻉ ﺑﺎﺵ ﻣﺎﻳﻬﺒﻄﻮﺵ ﻟﻴﻪ
ﻓﺨﺮ : ﻣﺎﻣﺎ ﻣﺎﺗﺨﻠﻴﻨﻴﺶ ﻫﻨﺎ ﺣﺘﻰ ﻭﺍﺣﺪ ﻣﺎﻛﺎﻳﺒﻐﻴﻨﻲ ﻣﻦ ﻏﻴﺮﻙ ﻧﺘﻲ ﻭ ﺧﺘﻲ ﻣﻴﺎﺱ ... ﺣﺴﺎﺕ ﺑﺠﻮﺝ ﻳﺪﻳﻦ ﺻﻐﺎﺭ ﻋﻨﻘﻮﻫﺎ ﻣﻦ ﺍﻟﻠﻮﺭ
ﻣﻴﺎﺱ : ﻣﺎﻣﺎ ﻣﺎﺗﻌﻄﻠﻴﺶ ﻋﻠﻴﻨﺎ ﺑﺰﺍﻑ ﺍﻧﺎ ﻏﺎﻧﺒﻘﺎ ﻣﻊ ﺧﻮﻳﺎ ‏( ﻋﺎﻭﺩﺍﺕ ﺿﺎﺭﺕ ﻋﻨﺪ ﺧﻮﻫﺎ ﻭ ﻋﻨﻘﺎﺗﻮ ‏) ﻧﺘﺎ ﻗﻮﻱ ﺍ ﺧﻮﻳﺎ ﻭ ﻣﺎﻛﺎﺗﺒﻜﻴﺶ
ﺭﻳﻤﺎﺱ : ﻣﺎﻏﺎﻧﺘﻌﻄﻠﺶ ﻋﻠﻴﻜﻢ ﺍﻟﻤﻼﺋﻜﺔ ﺩﻳﺎﻟﻲ .. ﺧﻠﻲ ﻋﻨﺪﻙ ﻫﺎﺩ ﺗﻴﻠﻴﻔﻮﻥ ﻓﺎﺵ ﺗﺘﻮﺣﺸﻨﻲ ﻋﻴﻂ ﻟﻲ ﻭ ﻏﺎﻧﺒﻘﺎ ﻧﻌﻴﻂ ﻟﻜﻢ ﻣﻨﻮ ﻛﻞ ﻟﻴﻠﺔ ... ﺷﺪﻭ ﻣﻦ ﻋﻨﺪﻫﺎ ﻭ ﺧﺒﻌﻮ
ﻓﺨﺮ : ﻣﺎﻣﺎ ﻳﺎﻙ ﻏﻴﺮ 3 ﺍﻳﺎﻡ ﻭ ﺗﺮﺟﻌﻲ
ﺭﻳﻤﺎﺱ : ﻭﻱ ﺍ ﻭﻟﺪﻱ ﻏﻴﺮ 3 ﺍﻳﺎﻡ ﻭ ﻧﺮﺟﻊ ﻟﻌﻨﺪﻛﻢ .. ﻋﻨﻘﺎﺗﻬﻢ ﻭ ﻣﺸﺎﺕ ﻟﺒﻴﺖ ﺭﻭﺳﻴﻞ ﻭ ﺭﻭﺳﻠﻴﻦ ﺑﺎﺳﺘﻬﻢ ﻋﺎﻭﺩﻭ ﺗﺒﻌﻮﻫﺎ ﻭ ﻋﻨﻘﻮﻫﺎ .. ﻫﺰﺍﺕ ﺣﻮﺍﻳﺠﻬﺎ ﻭ ﻫﺒﻄﺎﺕ ﻟﻘﺎﺕ ﺃﺭﺳﻼﻥ ﻛﺎﻳﺘﺴﻨﺎﻫﺎ ﻟﺘﺤﺖ ﺭﻛﺒﺎﺕ ﻭ ﻛﺴﻴﺮﺍ ﻛﺎﻥ ﺑﺎﻳﻦ ﻓﻴﻪ ﻣﺎﻋﺎﺟﺒﻮﺵ ﺍﻟﺤﺎﻝ ﺣﻴﺖ ﻏﺎﺗﻤﺸﻲ
ﺃﺭﺳﻼﻥ : ﺷﻨﻮ ﺳﺒﺐ ﻫﺎﺩ ﺍﻟﻘﺮﺍﺭ ﺍﻟﻤﻔﺎﺟﺊ
ﺭﻳﻤﺎﺱ : ‏( ﺑﺪﻻﺕ ﺍﻟﻤﻮﺿﻮﻉ ﻭ ﻫﻀﺮﺍﺕ ﺑﺠﺪﻳﺔ ‏) ﻓﺨﺮ ﺍ ﺃﺭﺳﻼﻥ ﻣﺎﺗﻌﺎﻗﺒﻮﺵ ﻭ ﺍﻳﻼ ﻛﻨﺘﻲ ﻏﺎﺩﻱ ﺗﻘﻮﻟﻴﻪ ﺷﻲ ﻫﻀﺮﺓ ﺗﺄﺛﺮ ﻋﻠﻴﻪ ﻭ ﻫﻮ ﻓﻬﺎﺩ ﺍﻟﺴﻦ ﻧﺪﻳﻪ ﻣﻌﺎﻳﺎ ﺣﺴﻦ .. ﻣﺎﺗﻨﺴﺎﺵ ﺭﺍﻩ ﺑﺎﻗﻲ ﻋﺎﺩ ﻋﻨﺪﻭ 8 ﺳﻨﻴﻦ ﻣﺎﺷﻲ ﺷﻲ ﻭﺍﺣﺪ ﻛﺒﻴﺮ ﻭ ﺃﻱ ﺣﺎﺟﺔ ﻏﺎﺗﺄﺛﺮ ﻋﻠﻴﻪ ﺑﺎﻟﺴﻠﺐ
ﺃﺭﺳﻼﻥ : ﻫﻮ ﺗﺪﻳﻪ ﻣﻌﺎﻙ ﻣﺎﻏﺎﻳﺪﻳﺮﻭﻧﺠﻴﻜﺶ ﻭ ﺍﻧﺎ ﻏﺎﻧﺪﻳﺮﻭﻧﺠﻴﻚ؟ !!
ﺭﻳﻤﺎﺱ : ﻭﺍﺵ ﻭﻟﺪ 8 ﺳﻨﻴﻦ ﺍ ﺃﺭﺳﻼﻥ ﺑﺎﻗﻲ ﻛﺎﺗﻐﻴﺮ ﻣﻨﻮ ﺭﺍﻩ ﻗﻠﺖ ﻟﻚ ﻓﺎﻹﺳﻼﻡ ﻣﺎﻳﻤﻜﻨﺶ ﺍﻷﻡ ﺗﺸﻮﻑ ﻓﻮﻟﺪﻫﺎ ﻭ ﻣﺎﻳﻤﻜﻨﺶ ﺍﻟﻮﻟﺪ ﻳﺸﻮﻑ ﻓﻤﻮ ﺭﺍﻩ ﻫﺪﺍﻙ ﻭﻟﺪﻱ ﻭ ﺣﺎﺟﺔ ﻃﺒﻴﻌﻴﺔ ﻳﻜﻮﻥ ﻗﺮﻳﺐ ﻣﻨﻲ
ﺃﺭﺳﻼﻥ : ﻗﺮﻳﺐ ﻣﻨﻚ ﻛﺘﺮ ﻣﻦ ﺧﻮﺗﻮ؟ !
ﺭﻳﻤﺎﺱ : ﻭﻱ ﺣﻴﺖ ﻧﺘﺎ ﺍﻟﺴﺒﺐ ﻛﻮﻥ ﻛﻨﺘﻲ ﻛﺎﺗﺤﺴﺴﻮ ﺑﻠﻲ ﺭﺍﻙ ﺃﺏ ﺩﻳﺎﻟﻮ ﻛﻮﻥ ﻛﺎﻉ ﻣﺎﻧﻀﻄﺮ ﻧﻌﻮﺽ ﺑﻼﺻﺘﻚ ﻟﻴﻪ ﻭﺍﺵ ﺍﻟﻮﻟﺪ ﻛﺎﻳﺴﺤﺎﺑﻠﻮ ﻛﺎﺗﻜﺮﻫﻮ ﺍ ﺍﺭﺳﻼﻥ
ﺃﺭﺳﻼﻥ : ﻣﺎﻏﺎﻧﻜﺮﻫﺶ ﻭﻟﺪﻱ
ﺭﻳﻤﺎﺱ : ﻭ ﻋﻼﺵ ﻛﺎﺗﺤﻜﺮ ﻋﻠﻰ ﺗﺼﺮﻓﺎﺗﻮ ﻭ ﺩﻳﻤﺎ ﻛﺎﺗﻐﻲ ﺗﻌﺎﻗﺒﻮ ﻭﺍﺵ ﺑﺎﻏﻲ ﺗﻌﻘﺪ ﺩﺭﻱ
ﺃﺭﺳﻼﻥ : ﻛﺎﻳﺪﻳﺮ ﻋﻼﺵ ﺍ ﺭﻳﻤﺎﺱ
ﺭﻳﻤﺎﺱ : ﺑﺎﻏﻲ ﺗﺤﻤﻘﻨﻲ؟؟؟؟ ﻭﻟﺪ ﺻﻐﻴﺮ ﻋﻨﺪﻭ 8 ﺳﻨﻴﻦ ﺭﺍﻩ ﻋﻘﻠﻮ ﻣﺰﺍﻝ ﻣﺎﻣﻜﺘﺎﻣﻞ ﻃﺒﻴﻴﻴﻌﻲ ﻳﻜﻮﻥ ﻣﺸﺎﻏﺐ ﻭﻟﻜﻦ ﻟﻲ ﻣﺎﻃﺎﺑﻴﻌﻴﺶ ﻫﻮ ﻛﻴﻔﺎﺵ ﻛﺎﺗﻬﻤﻠﻮ
ﺃﺭﺳﻼﻥ : ﺑﻌﺪﻳﻪ ﻋﻠﻴﻚ ﻭ ﻣﺎﻏﺎﻧﻬﻤﻠﻮﺵ
ﺭﻳﻤﺎﺱ : ﺃﺭﺳﻼﻥ ﻭﺍﺵ ﻛﺎﺗﻔﻼ ﻋﻠﻴﺎ ﺩﺍﺑﺎ؟؟؟ ... ﺩﻳﺮ ﻓﺒﺎﻟﻚ ﺍﻳﻼ ﻋﺮﻓﺘﻚ ﻋﺎﻗﺒﺘﻴﻪ ﻭ ﺍﻧﺎ ﻣﺎﻛﺎﻳﻨﺎﺵ ﻣﺎﻏﺎﻧﺴﻤﺢ ﻟﻚ ﺣﺘﻰ ﻳﺴﻤﺢ ﻟﻚ ﻓﺨﺮ
ﺃﺭﺳﻼﻥ : ﺯﻳﺪﻱ ﻋﻘﺪﻱ ﺍﻷﻣﻮﺭ
ﺭﻳﻤﺎﺱ : ﻣﺎﻛﺎﻧﻌﻘﺪ ﻭﺍﻟﻮ .. ﺭﺍﺳﻲ ﻏﺎﻳﺘﻔﺮﻛﻊ ﻋﻠﻴﺎ ﻣﺎﻋﺮﻓﺖ ﺷﻨﻮ ﻧﺸﺪ ﻭﺍﺵ ﻣﺸﺎﻛﻞ ﺍﻟﺨﺪﻣﺔ ﻭﺍﺵ ﻓﻌﺎﻳﻠﻚ ﻣﻊ ﻓﺨﺮ ﻭﺍﺵ ﻧﻌﻮﺽ ﻟﻔﺨﺮ ﺣﻨﺎﻧﻚ ﻭﺍﺵ ﻧﺸﻮﻑ ﺩﻳﻚ ﺍﻟﻠﻔﻌﺔ ﺩﻳﺎﻝ ﻣﺮﺕ ﻋﻤﻚ ﻟﻲ ﻛﺎﺗﺤﺮﺷﻮ ﻭﻻ ﺍﺵ ﻧﺸﺪ ﺑﺎﻟﻀﺒﻂ
ﺃﺭﺳﻼﻥ : ﻓﺎﺵ ﻧﺮﺟﻊ ﻟﻠﻘﺼﺮ ﻏﺎﻧﺘﺤﺎﺳﺐ ﻣﻌﺎﻫﺎ
ﺭﻳﻤﺎﺱ : ﻭ ﻋﺎﺭﻓﻬﺎ ﺑﻌﺪﺍ ﺍﺵ ﻛﺎﺩﻳﺮ ... ﺑﻼﺻﺎ ﺍﻟﻠﻮﻃﻮ ﺣﺪﺍ ﺍﻟﻜﻮﺥ ﻭ ﺗﻜﺎ ﻋﻠﻰ ﺍﻟﻜﻮﺳﺎﻥ
ﺃﺭﺳﻼﻥ : ﺩﺍﺑﺎ ﺷﻨﻮ ﺍﻟﻤﺸﻜﻞ ﺑﺎﻟﻀﺒﻂ
ﺭﻳﻤﺎﺱ : ﻓﺨﺮ ﺍﻻﺳﻼﻡ ﻣﺎﺑﻐﻴﺘﻜﺶ ﺗﻌﺎﻗﺒﻮ ﻭﻻ ﺗﻘﻮﻟﻴﻪ ﺷﻲ ﻫﻀﺮﺓ ﺗﻀﺮﻭ
ﺃﺭﺳﻼﻥ : ﻣﺎﻏﺎﻧﻀﻮﺭﺵ ﺑﻴﻪ
ﺭﻳﻤﺎﺱ : ﻫﺎﻛﺎ ﺣﺴﻦ .. ﻧﺰﻻﺕ ﻣﻌﺼﺒﺔ ﺑﺪﺍﺕ ﻛﺎﺗﺘﻘﺎﺗﻞ ﻣﻊ ﺍﻟﻜﻮﻓﺮ ﺗﺤﻠﻮ ﺑﺎﺵ ﺗﺠﺒﺪ ﺣﻮﺍﻳﺠﻬﺎ ﺣﺘﻰ ﺟﺎ ﻫﻮ ﻋﺎﺩ ﺣﻠﻮ ﻟﻬﺎ ﺟﺒﺪ ﻟﻬﺎ ﺍﻟﻔﺎﻟﻴﺰﺍ ﺩﻳﺎﻟﻬﺎ ﺑﻐﺎﺕ ﺗﻬﺰﻫﺎ ﻭ ﺗﻤﺸﻲ ﻭﻟﻜﻦ ﻣﻨﻌﻬﺎ .. ﺣﻴﺪ ﻟﻬﺎ ﺍﻟﻔﺎﻟﻴﺰﺍ ﻭ ﺷﺪ ﻟﻬﺎ ﻳﺪﻳﻬﺎ ﺑﺠﻮﺝ
ﺃﺭﺳﻼﻥ : ﺗﻜﺎﻟﻤﺎﻱ
ﺭﻳﻤﺎﺱ : ﻣﻜﺎﻟﻤﻴﺎ ... ﺟﺮﻫﺎ ﻟﻌﻨﺪﻭ ﻋﻨﻘﻬﺎ
ﺃﺭﺳﻼﻥ : ﻣﺎﻳﻤﻜﻨﺶ ﻧﻜﺮﻩ ﺷﻲ ﺣﺎﺟﺔ ﺟﺎﻳﺔ ﻣﻦ ﻋﻨﺪ ﻟﺒﺆﺗﻲ
ﺭﻳﻤﺎﺱ : ﻏﻴﺮ ﻃﻠﻖ ﻣﻨﻲ ﺩﺍﺑﺎ ﻣﺎﻋﻨﺪﻳﺶ ﺍﻟﻜﺎﻧﺔ ﻟﻠﻬﻀﺮﺓ
ﺃﺭﺳﻼﻥ : ﻏﺎﺗﺒﻘﺎﻱ ﻣﻘﻠﻘﺔ !.
ﺭﻳﻤﺎﺱ : ﻣﺎﺑﻐﻴﺘﻮﺵ ﻳﺘﻌﻘﺪ ﺍ ﺃﺭﺳﻼﻥ ﺭﺍﻩ ﺑﺎﻗﻲ ﺻﻐﻴﺮ ﻭ ﺍﻧﺎ ﻓﺎﺵ ﻛﻨﺖ ﻗﺪﻭ ﻛﻨﺖ ﻛﺎﻧﺪﻳﺮ ﻣﺎﻛﺘﺮ ﻭ ﺣﺘﻰ ﻧﺘﺎ ﻓﺎﺵ ﻛﻨﺘﻲ ﺻﻐﺮ ﻣﻨﻮ ﻛﻨﺘﻲ ﺗﻌﻠﻤﺘﻲ ﺗﻬﺰ ﺍﻟﻔﺮﺩﻱ ﻣﺎﺗﻨﺴﺎﺵ
ﺃﺭﺳﻼﻥ : ﺷﻨﻮ ﺍﻟﻤﻄﻠﻮﺏ ﺩﺍﺑﺎ ﺍ ﻟﺒﺆﺗﻲ
ﺭﻳﻤﺎﺱ : ﻋﻄﻴﻪ ﻭﻗﺖ ﻛﻴﻔﻤﺎ ﻋﺎﻃﻴﻪ ﻟﺒﻨﺘﻨﺎ ﻣﻴﺎﺱ ﻭ ﺧﻠﻴﻪ ﻳﺪﺧﻞ ﺣﺘﻰ ﻫﻮ ﻟﻺﺟﺘﻤﺎﻋﺎﺕ ﻳﺘﻌﻠﻢ
ﺃﺭﺳﻼﻥ : ﻭﺍﺧﺎ ﺍ ﻟﺒﺆﺗﻲ ... ﻋﻨﻘﺎﺗﻮ
ﺭﻳﻤﺎﺱ : ﻏﺎﻧﺘﻮﺣﺸﻚ
ﺃﺭﺳﻼﻥ : ﺭﺟﻌﻲ ﻣﻌﺎﻳﺎ ﻟﻠﻘﺼﺮ
ﺭﻳﻤﺎﺱ : 3 ﺍﻳﺎﻡ ﻭ ﻫﺎﻧﻲ ﻣﻌﺎﻛﻢ
ﺃﺭﺳﻼﻥ : ﻏﺎﻧﺤﺴﺒﻬﻢ ﺑﺎﻟﺴﻮﺍﻳﻊ ... ﻭﺩﻋﻬﺎ ﻭ ﻣﺸﺎ ﻭ ﻫﻮ ﻣﺎﺳﺎﺧﻴﺶ ﺑﻴﻬﺎ ﻓﺤﻴﻦ ﻫﻲ ﻏﻴﺮ ﺩﺧﻼﺕ ﻫﺰﺍﺕ ﺗﻴﻠﻴﻔﻮﻥ ﺩﻭﺯﺍﺕ ﺍﻟﻨﻤﺮﺓ ﺩﻳﺎﻝ ﺍﻟﺘﻴﻠﻴﻔﻮﻥ ﻟﻲ ﻋﻄﺎﺕ ﻟﻔﺨﺮ ﺟﺎﻭﺑﻬﺎ ﺩﻳﻚ ﺍﻟﺴﺎﻋﺔ .. ﻫﻀﺮﺍﺕ ﻣﻌﺎﻩ ﺷﻮﻳﺔ ﻭ ﻗﻄﻌﺎﺕ ﺩﺧﻼﺕ ﻟﻠﻜﻮﺥ .. ﺑﺪﻻﺕ ﺣﻮﺍﻳﺠﻬﺎ ﻟﺒﺴﺎﺕ ﺳﻮﺭﻓﻴﻂ ﻭ ﻋﺮﺍﺕ ﺷﻌﺮﻫﺎ ﻭ ﺧﺮﺟﺎﺕ ﻟﻠﺠﺰﻳﺮﺓ ﺗﺘﻤﺸﺎ ﻓﻴﻬﺎ ...