إمبراطورية الأسود

البارت 127

ملاحظة : إسلام إيليانا ماكانش غير هاكاك .. اول حاجة دخلات للإسلام حيت نتوما عارفين كنت قلت المرا عندهم كاتكون ظل للراجل و كاتسمع غير للراجل يعني حاجة طبيعية غاتفكر غير شنو يقربها من راجلها حيت فاش زوجوها ليه مافكروش واش يبغيها ولا تبغيه داكشي لاش كان عليها تفكر فالحاجة لي تصلاح ليها و نعاود نذكركم راه الصهاينة و اليهود حتى هما عندهم حرام يعاشرو شخص من غير دينهم " المعاشرة الزوجية " ... ثاني حاجة إيليانا كان ساهل تدخل للاسلام حيت عايشة مع اسوار فنفس الغرفة و كاتشوفو كايصلي فالفجر و اوقات خرا زائد ماعندهاش شي شخصية لي صعب تتزعزع .. كان بإبمكاني نخلي ايتان ولا اديرة ولا واحد من الاعمام هو لي يسلم مي مادرتهاش حيت هادو كلهم شادين فدينهم بسنانهم تقدرو تقولو هادوك من الاشخاص لي صعيييب يدخلو للإسلام هادي نقطة .. ثاني نقطة اسلام إيليانا عندو دور فالقصة فالاحداث الجاية
- قرار ارسلان بلي هو ماباغيش يكون عندو الولاد مع العلم راه هو خاص يكون عندو صبي باش يشد بلاصتو ناتج على 2 حوايج
¹ 50% بسبب انه عاارف بلي فدينو ماشي حرام تتزوج ريماس بولدها و هادشي علاش هو ماباغيهاش تدخل لدينو و ماباغيهاش تولد ولد لي غادي يخليه ديما شاك فحنانها و عطفها لولدها انه غير طبيعي .. علاش غايشك؟ هاني غانقولكم علاش
² بسبب هوسو ليها و الحب لي فات كاع المقاييس حتى فكرة انه غايكون واحد من جنس الذكور قريب ليها بزز منو ماتقبلهاش .. وا هو حتى فموتها قالها غادي يتدفنو فقبر واحد باش يضمن ماغايكونش شي راجل من العائلة مدفون حداها 😂 كي بغيتوه يتقبل ولدو ... هادشي علاش ريماس كاتلعب على هاد النقطة حيت عارفاه مامتقبلش قضية زواج المحارم

♔ صونات لها الساعة مع ل5:00 ناضت طرفات و لبسات سورفيط كحلة ديال Puma .. و جمعات شعرها كوت شوفال حتى وصلات ل5:40 عاد سالات و مشات لجناح أرسلان دخلات لقاتو جالس فالضلام شاد كارو فيديه و كاس ديال القهوة فاليد الثانية و كايشوف فجهة وحدة لي يشوفو يقول راه ساهي
أرسلان : صباح النور
ريماس : صباح الخير .. شعلات الضو
أرسلان : تعطلتي
ريماس : كنت كانلبس ناوية فاش نساليو نخرج نجري فالغابة عجباتني ( قربات لعندو حيدات ليه الكارو من يديه و طفاتو فطفاية ) مؤخرا وليتي كاتكمي بزاف
أرسلان : ماشي شي حاجة جديدة
ريماس : عارفو مامزيانش لصحتك و باقي كاتكميه؟؟؟
أرسلان : نفس الشي معاك .. عارفة الطريق لي تبعتي عوجة و باقا غادا فيها
ريماس : على اساس الدين لي كنت متبعة كان صحيح
أرسلان : كان حسن من العيشة لي وليتي عايشاها
ريماس : علاش مالها عيشتي؟؟؟ .. حط الكاس و ضار لعندها
أرسلان : نبداو؟!
ريماس : انا ديما مستعدة .. بدا كايسولها اسئلة و هي كاتجاوب عليهم و كاتتلاعب بالإجابات
ريماس : دابا نوبتي نسولك حيت باغا حجج
أرسلان : سولي
ريماس : علاش الاسلام و المسيحية حرمو الزواج ديال المحارم بحال مثلا نتزوج ولدي ولا خويا ولا بابا و فدينك حلال؟؟
أرسلان : ( ببرود ) بسبب الجينات المتوارثة
ريماس : جوابك مافهمتوش حيت انا سولتك على حاجة دينية ماشي صحية و طبية
أرسلان : باغا جواب منطقي.!
ريماس : هداك هو علاياش كانقلب
أرسلان : عطيتو لك
ريماس : و منين هادشي عارفو .. علاش دينك واخا هادشي حلل زواج المحارم ياك هادشي ماشي فالمصلحة؟ بففففف شفتي علاش تبعت الالحاد دابا؟؟ على الاقل دابا عايشة فحاجة مافيهاش التناقض .. و لأول مرة ارسلان مالقاش جواب لسؤالها حيت جواب وحيد لي كاين هو حللو زواج المحارم على ود التكاثر .. بقا ساكت مدة عاد جاوب
أرسلان : جنسنا قليل .. هادي حاجة ماتحتاجش للتفكير باش يقدر يكون عندنا يهود صهاينة دمهم صافي
ريماس : منين نتوما دايرين هادشي على ود التكاثر علاش لي محللين القتل و نتوما عارفين بلي القتل هو العدو الاول للتكاثر
أرسلان : قتل البرانيين ماشي اليهود
ريماس : اممم فهمت .. دابا عندي سؤال فحالة قتانعت بدينك و مابغيتش نرجع للاسلام حيت الصراحة ماناوياش .. ايلا وقعات لك شي حاجة و كان عندي منك ولد .. عادي نتزوج بيه فاش يوصل ل16 هاكا نضمن السلالة غات..
أرسلان : ( بحدة ) ريـمـاس
ريماس : مالي اش قلت؟ انا كانهضر لك بناء على الهضرة لي كاتقول نتا فاش غلطت
أرسلان : ( عينيه فعينيها ) نهار غانمشي لقبري غانخشيك معايا فنفس القبر .. ماتحلميش نخليك حية مورايا
ريماس : ههههه واخا ديرها
أرسلان : ( بنفس النظرات ) ماكانضحكش
ريماس : نفس القبر كاع؟
أرسلان : فنفس القبر غانتدفنو انا وياك فنفس النهار و فنفس الوقت .. شافت فملامحو لي ماكانش باين فيهم بلي كايضحك بل كانة كايبان فيه كايهضر بجدية و قاصد كلامو انو غادي يتدفنو فقبر واحد الحاجة لي عمرها كانت
ريماس : و ولادنا
أرسلان : ( بنبرة غير طبيعية ) ماشي ولادنا .. بناتنا
ريماس : واش كاتهضر من نيتك ولا كاضحك؟
أرسلان : موالف نضحك.!
ريماس : داكشي ماشي حنا لي كانتحكمو فيه
أرسلان : لا ... انا لي غانتحكم فيه ( هز يدو دوزها على حناكها و نطق بهدوء ) ماغانخليكش تولدي ولد لي يشاركني فيك .. حيدي فكرة تولدي ولد من بالك ... لا دابا تأكدات بلي العقل لي كان عندو طار ليه مع موت جدو
ريماس : انا لي غانحمل بيهم ماشي نتا
أرسلان : و انا لي غانقرر واش يعيشو ولا..
ريماس : وياااااااااك تفكر ديرها مستقبلا .. نقتلك و مانحنش ، الا ولادي و خوتي
أرسلان : زربانة على الولاد.!!
ريماس : انا قلتها لك من دابا
أرسلان : كاتسناي مني نخليك تولدي ذكر يشاركني فيك؟!! .. يكبر فكرشك وسط منك و يولي طرف منك.!! ... ترضعيه قدامي و تخليه قريب منك قدامي تحت حجة انه ولدك؟! ...