إمبراطورية الأسود

البارت 156

ﺷﺪ ﻃﺮﻳﻖ ﻟﻮﺍﺣﺪ ﺭﻳﺴﻄﻮ ﻭ ﻋﻴﻂ ﻟﻤﺎﻟﻚ ﻗﺎﻟﻴﻪ ﺍﺵ ﻳﺠﻴﺐ ﻭ ﻗﻄﻊ ... ﺍﻟﻐﻮﺍﺕ ﻭ ﺍﻟﺒﻜﺎ ﺩﻳﺎﻝ ﺍﻟﺪﺭﻱ ﺍﻟﺼﻐﻴﺮ ﻣﺎﺣﺒﺴﺶ ﺑﺴﺒﺐ ﺍﻻﻡ ﺍﻟﺤﺮﻳﻖ ﺭﻳﻤﺎﺱ ﺑﻘﺎ ﻓﻴﻬﺎ ﺑﻼ ﻗﻴﺎﺱ ﻣﺮﺓ ﻛﺎﺗﺸﻮﻑ ﻓﻴﻪ ﻣﺮﺓ ﻛﺎﺗﺸﻮﻑ ﻓﺄﺭﺳﻼﻥ
ﺭﻳﻤﺎﺱ : ﺍﺭﺳﻼﻥ ﺧﻠﻴﻨﺎ ﻧﺪﻳﻮﻩ ﻟﻠﻜﻠﻴﻨﻴﻚ ﺩﻏﻴﺎ ﺭﺍﻩ ﺑﺎﻗﻲ ﺻﻐﻴﺮ ﻭ ﻣﺎﻏﺎﻳﺘﺤﻤﻠﺶ ﻫﺎﺩ ﺍﻟﺤﺮﻗﺔ ﻭﺍﺵ ﻣﺎﺑﻘﺎﺵ ﻓﻴﻚ ﺷﻮﻑ ﻛﻲ ﻛﺎﻳﺒﻜﻲ ... ﺧﺮﺝ ﻳﺪﻳﻪ ﻣﻦ ﺍﻟﺸﺮﺟﻢ ﻭ ﺑﻘﺎ ﻛﺎﻳﺸﻮﻑ ﻓﺎﻟﻤﺮﺍﻳﺔ ﺍﻟﻘﺪﺍﻣﻴﺔ ﻓﻴﻦ ﻛﺎﻥ ﻛﺎﻳﺒﺎﻥ ﺍﻻﻧﻌﻜﺎﺱ ﺩﻳﺎﻝ ﺍﻟﻤﻮﻟﻮﺩ
ﺃﺭﺳﻼﻥ : ﺩﺍﺑﺎ ﻳﺴﻜﺖ
ﺭﻳﻤﺎﺱ : ﺍﻳﻤﺘﺎ ﻏﺎﻳﺴﻜﺖ؟ ﺣﺘﻰ ﻳﺴﻜﺖ ﻟﻴﻪ ﻓﻤﺮﺓ ‏( ﺑﺠﺪﻳﺔ ‏) ﻣﺎﻛﺎﻳﻬﻤﻨﻴﺶ ﺍﻳﻼ ﺑﻘﺎ ﻓﻴﻚ ﻭﻻ ﻣﺎﺑﻘﺎﺵ ﻓﻴﻚ ﺍﻧﺎ ﻏﺎﻧﺴﻜﺘﻮ ... ﺿﺎﺭﺕ ﺑﺎﺵ ﺗﻬﺰﻭ ﻭ ﺭﺟﻊ ﺟﻠﺴﻬﺎ ﺑﻌﻨﻒ
ﺃﺭﺳﻼﻥ : ﻋﺎﻭﺩﻱ ﻗﺮﺑﻲ ﻟﻴﻪ
ﺭﻳﻤﺎﺱ : ﺑﺪﻳﻨﺎ ﻓﺎﻟﻬﺒﺎﻝ؟؟؟ ﻭﺍﺵ ﻏﺎﺗﻐﻴﺮ ﻣﻦ ﻭﺍﺣﺪ ﻧﺘﺎ ﻣﺎﻋﺎﺭﻓﺶ ﺣﺘﻰ ﻭﺍﺵ ﺑﻨﺖ ﻭﻻ ﻭﻟﺪ .. ﻏﺎﺗﻐﻴﺮ ﻣﻦ ﻭﺍﺣﺪ ﺑﺎﻗﻲ ﺻﻐﻴﺮ؟؟؟؟؟ ﺣﺘﻰ ﻣﻼﻣﺤﻮ ﻣﺰﺍﻝ ﻣﺎﺗﻔﺮﺯﻭ .. ﺍﺭﺳﻼﻥ ﺭﺍﻩ ﻏﺎﻳﻤﻮﺕ ﺍﻳﻼ ﻣﺎﻋﺘﻘﻨﺎﻫﺶ ﺷﻜﻮﻥ ﻗﺎﻟﻚ ﺍﻧﺎ ﺑﺎﻏﺎ ﻧﺎﻛﻞ؟؟؟؟ ﻣﺎﺑﺎﻏﺎﺍﺵ .. ﺑﻐﻴﺖ ﻧﻌﺘﻘﻮﻩ ، ﺷﺎﻓﺖ ﺣﺘﻰ ﻋﻴﺎﺕ ﻣﺎﺟﺎﻭﺑﻬﺎﺵ ﻭ ﻧﺎﺿﺖ ﺑﻐﻀﺐ ﺧﺒﻄﺎﺕ ﺍﻟﺒﺎﺏ ﺩﺍﺯﺕ ﻟﻠﺠﻬﺔ ﻻﺧﺮﺍ ﺑﺎﺵ ﺗﻬﺰ ﺍﻟﻤﻮﻟﻮﺩ ﻭ ﻫﻲ ﺗﻮﺻﻠﻮ ﻟﻠﻜﻠﻴﻨﻴﻚ ﻭﻟﻜﻦ ﻗﺒﻞ ﻣﺎﺗﺤﻞ ﺍﻟﺒﺎﺏ ﺍﻟﻠﻮﺭﺍﻧﻴﺔ ﻟﻘﺎﺗﻮ ﺳﺪﻫﺎ ﻭ ﺧﺒﻄﻬﺎ ﻣﻌﺎﻫﺎ
ﺃﺭﺳﻼﻥ : ﺭﻳﻤﺎﺱ ﺭﺟﻌﻲ ﻟﻠﻄﻮﻣﻮﺑﻴﻞ
ﺭﻳﻤﺎﺱ : ‏( ﺑﻌﺼﺒﻴﺔ ‏) ﺍﺵ ﺭﻳﻤﺎﺱ ﺍﺵ؟؟؟؟؟ ﺩﺭﻱ ﻛﺎﻳﻤﻮﺕ ﺑﻴﻦ ﻳﺪﻳﻨﺎ ﻭﺍﺵ ﻭﺍﻋﻲ ﻋﻠﻰ ﺭﺍﺳﻚ ﻭﻻ ﻻ؟؟؟؟ ﻭﺍﺵ ﺷﻔﺘﻴﻪ ﻭﻻ ﻣﺎﺷﻔﺘﻴﻬﺶ؟ ﺣﺘﻰ ﻣﻦ ﻣﻼﻣﺤﻮ ﻣﺎﻣﻔﺮﺯﻳﻨﺶ ﻣﺰﺍﻝ ﻳﻼﻩ ﻋﻨﺪ ﺍﻳﺎﻡ ﺑﺎﺵ ﺟﺎ ﻟﻠﺪﻧﻴﺎ ﻭ ﺑﺎﻏﻴﻪ ﻳﻤﻮﺕ ‏( ﻫﺰﺍﺕ ﺻﺒﻌﻬﺎ ﺑﺘﻬﺪﻳﺪ ‏) ﻛﺎﻧﻘﺴﻢ ﻟﻚ ﺑﺎﻟﻠﻪ ﻭ ﺗﻮﻗﻊ ﻟﻮ ﺷﻲ ﺣﺎﺟﺔ ﻋﻤﺮﻧﻲ ﻧﺴﻤﺢ ﻟﻚ .. ﺿﺮﺏ ﻳﺪﻳﻪ ﻣﻊ ﺍﻟﻄﻮﻣﻮﺑﻴﻞ
ﺃﺭﺳﻼﻥ : ‏( ﺑﺤﺪﺓ ‏) ﺑﻐﻴﺘﻲ ﺗﻌﺎﻟﺠﻴﻪ ﻭﺍﺧﺎ ﻭﻟﻜﻦ ﺑﻘﻮﺍﻋﺪﻱ
ﺭﻳﻤﺎﺱ : ﺍﻳﻨﺎ ﻗﻮﺍﻋﺪ؟؟؟؟
ﺃﺭﺳﻼﻥ : ﻏﺎﻳﺘﻌﺎﻟﺞ ﻭ ﻳﻤﺸﻲ ﻟﻠﺨﻴﺮﻳﺔ
ﺭﻳﻤﺎﺱ : ﻳﺎﻙ ﺍ ﺳﻴﺪﻱ .. ﺣﻨﺎ ﻧﻴﺘﻤﻮﻩ ﻭ ﻧﺴﻴﻔﻄﻮﻩ ﻟﻠﺨﻴﺮﻳﺔ .. ﺷﺘﻲ ﻓﻬﺎﺩ ﺍﻟﻠﺤﻈﺔ ﺍﻧﺎ ﻟﻲ ﻣﺎﺗﺎﻳﻘﺎﺵ ﻓﻴﻚ ﻭ ﻋﺎﺭﻓﺎﻙ ﻣﺰﻳﺎﻥ ﻏﺎﺗﻘﺘﻠﻮ ﺑﻼ ﺧﺒﺎﺭﻱ
ﺃﺭﺳﻼﻥ : ‏( ﺭﺟﻊ ﺍﻟﻠﻮﺭ ﻭ ﺟﺎﻭﺏ ﺑﺒﺮﻭﺩ ‏) ﺧﻠﻴﻪ ﻳﺘﺒﻊ ﻣﻮ ﻭ ﺑﺎﻩ ... ﺷﺪﺍﺕ ﻓﺮﺍﺳﻬﺎ ﻭ ﺿﺎﺭﺕ ﻟﺠﻬﺔ ﺍﻟﻠﻮﻃﻮ ﺻﻮﺕ ﺍﻟﺒﻜﺎ ﺩﻳﺎﻟﻮ ﻏﻴﺮ ﻣﺎﻛﺎﻳﺰﻳﺪ ﻳﻀﺮﻫﺎ .. ﺿﺎﺭﺕ ﻟﻌﻨﺪﻭ ﻭ ﺳﻮﻻﺗﻮ ﺑﺠﻤﻮﺩ
ﺭﻳﻤﺎﺱ : ﻭ ﺍﻳﻼ ﻛﺎﻥ ﺑﻨﺖ ﻏﺎﺗﺨﻠﻴﻪ ﻣﻌﺎﻧﺎ؟ .. ﺷﺎﻑ ﻓﻴﻬﺎ ﻣﻄﻮﻻ
ﺃﺭﺳﻼﻥ : ﻣﻊ ﺍﻟﺨﺪﺍﻣﺎ
ﺭﻳﻤﺎﺱ : ﻗﺪﺍﻡ ﻋﻴﻨﻲ
ﺃﺭﺳﻼﻥ : ‏( ﺧﺸﺎ ﻳﺪﻳﻪ ﻓﺠﻴﺒﻮ ‏) ﺍﻳﻼ ﻃﻠﻊ ﻭﻟﺪ ﻣﺎﺗﺘﺪﺧﻠﻴﺶ
ﺭﻳﻤﺎﺱ : ﻣﺎﻏﺎﻧﺘﺪﺧﻠﺶ ﻓﺎﻟﺒﻼﺻﺔ ﻟﻲ ﻏﺎﻳﻜﻮﻥ ﻓﻴﻬﺎ ﻣﺎﺷﻲ ﻓﻨﺨﻠﻴﻚ ﺗﻘﺘﻠﻮ
ﺃﺭﺳﻼﻥ : ﺗﺄﻛﺪﻱ ... ﺣﻼﺕ ﺍﻟﺒﺎﺏ ﻭ ﺩﺧﻼﺕ ﺑﻐﺎ ﺗﺸﻮﻑ ﻭﺍﺵ ﺑﻨﺖ ﻭﻻ ﻭﻟﺪ ﻭ ﻫﻲ ﻛﺎﺗﺪﻋﻲ ﻓﺨﺎﻃﺮﻫﺎ ﺗﻜﻮﻥ ﺑﻨﺖ ﺑﺎﺵ ﺗﻀﻤﻦ ﻣﺎﻳﻮﻗﻊ ﻟﻬﺎ ﻭﺍﻟﻮ ﻭ ﻣﺎ ﻫﻲ ﺍﻻ ﻟﺤﻈﺎﺕ ﺣﺘﻰ ﺧﺮﺟﺎﺕ ﻟﻌﻨﺪﻭ ﻭ ﻣﻼﻣﺢ ﺍﻟﺴﻌﺎﺩﺓ ﺑﺎﻳﻨﻴﻦ ﻓﻮﺟﻬﻬﺎ ﻗﺒﻞ ﻣﺎﺗﺠﺎﻭﺏ ﻋﺮﻑ ﺑﻠﻲ ﻓﺮﺣﺘﻬﺎ ﻏﺎﺗﻜﻮﻥ ﺣﻴﺖ ﺍﻟﻤﻮﻟﻮﺩ ﺑﻨﺖ
ﺃﺭﺳﻼﻥ : ﻃﻠﻌﻲ ... ﻃﻠﻌﻮ ﻟﻠﻮﻃﻮ ﻭ ﻗﺒﻞ ﻣﺎﻳﺘﺤﺮﻛﻮ ﺟﺎ ﻣﺎﻟﻚ ﻟﻲ ﻛﺎﻥ ﻣﺮﺍﻗﺒﻬﻢ ﻣﻦ ﺑﻌﻴﺪ ﻭ ﻣﺎﺑﻐﺎﺵ ﻳﺘﺪﺧﻞ .. ﻋﻄﺎﻫﻢ ﺍﻟﺴﺨﺮﺓ ﻭ ﺗﺤﺮﻛﻮ ﻧﻴﺸﺎﻥ ﻟﻠﻜﻠﻴﻨﻴﻚ .. ﻫﺰﺍﺗﻬﺎ ﻓﺤﺠﺮﻫﺎ ﻭ ﺑﺪﺍﺕ ﻛﺎﺗﺴﻜﺖ ﻓﻴﻬﺎ
ﺭﻳﻤﺎﺱ : ﻓﻴﻬﺎ ﺍﻟﺠﻮﻉ
ﺃﺭﺳﻼﻥ : ﺗﺤﻤﻠﻲ ﻣﺴﺆﻟﻴﺘﻚ
ﺭﻳﻤﺎﺱ : ﻭﺍ ﺭﺍﻫﺎ ﺑﻨﺖ ﻣﺎﺷﻲ ﻭﻟﺪ ... ﻣﺎﺟﺎﻭﺑﻬﺎﺵ ﻭﻟﻜﻦ ﻧﻮﻋﺎ ﻣﺎ ﺣﺲ ﺑﺸﻮﻳﺔ ﺩﻳﺎﻝ ﺍﻟﺮﺿﻰ ﺍﻭﻻ ﺣﻴﺖ ﺍﻟﻨﺴﻞ ﺩﻳﺎﻝ ﺭﻭﻛﻔﻠﺮ ﻛﺎﻥ ﺧﺎﺹ ﻳﺒﻘﻰ ﻭﻟﺪ ﺑﺎﺵ ﻋﺎﺩ ﻳﺮﺟﻊ ﻣﻦ ﺟﺪﻳﺪ ﻭﻟﻜﻦ ﺩﺍﺑﺎ ﻟﻲ ﺑﻘﺎﺕ ﺣﻴﺔ ﻓﻴﻬﻢ ﺑﻨﺖ ﻭ ﺛﺎﻧﻴﺎ ﺣﻴﺖ ﻣﺎﻏﺎﻳﺤﺮﻗﺶ ﺩﻣﻮ ﻋﻠﻰ ﻭﺩ ﺫﻛﺮ .. ﻓﻴﻪ ﻣﺎﻳﺤﻴﺪﻫﺎ ﻟﻬﺎ ﻣﻦ ﻳﺪﻳﻬﺎ ﻭ ﻳﻘﺘﻠﻬﺎ ﻗﺪﺍﻡ ﻋﻴﻨﻴﻬﺎ ﻭﻟﻜﻦ ﻫﺪﺍ ﻏﺎﻳﻜﻮﻥ ﺗﺼﺮﻑ ﻏﺒﻲ ﻣﻨﻮ ﺣﻴﺖ ﻣﻮﺣﺎﻝ ﺗﻨﺴﺎﻫﺎ .. ﻫﺎﺩ ﺍﻟﻤﺮﺓ ﻭﻻﺕ ﻫﻲ ﻟﻲ ﻛﺎﺗﻘﻮﻟﻮ ﻳﺰﻳﺪ ﻓﺎﻟﺴﺮﻋﺔ ﻭ ﻳﺰﻳﺪ ﻳﻜﺴﻴﺮﻱ ﺑﺎﺵ ﻳﻮﺻﻠﻮ ﺩﻏﻴﺎ ﻭ ﻣﺎ ﻫﻲ ﺍﻻ ﺩﻗﺎﺋﻖ ﺣﺘﻰ ﻭﺻﻠﻮ ﻗﺪﺍﻡ ﺍﻟﻜﻠﻴﻨﻴﻚ ﻣﻊ ﻭﻗﻒ ﺑﻐﺎﺕ ﺗﺨﺮﺝ ﻭ ﻫﻮ ﻳﺮﺟﻌﻬﺎ
ﺃﺭﺳﻼﻥ : ﺣﻴﺪﻱ ﻣﻨﻚ ﻫﺎﺩ ﺍﻟﺨﻔﺔ ... ﻃﻠﻖ ﻣﻨﻬﺎ ﻭ ﺧﺮﺝ ﺗﺴﻨﺎﻫﺎ ﺣﺘﻰ ﺧﺮﺟﺎﺗﻮ ﻭ ﺿﻮﺭ ﻳﺪﻳﻪ ﻋﻠﻴﻬﺎ ﻋﺎﺩ ﺩﺧﻠﻮ ﻟﻠﻜﻠﻴﻨﻴﻚ ...
ﺷﺪﻭ ﻣﻦ ﻋﻨﺪﻫﻢ ﺍﻻﻃﺒﺎﺀ ﺍﻟﺒﻨﺖ ﻭ ﺩﺧﻠﻮﻫﺎ ﺑﺰﺭﺑﺔ
ﺭﻳﻤﺎﺱ : ‏( ﺑﻘﻠﻖ ‏) ﺧﺎﻳﻔﺔ ﺗﻮﻗﻊ ﻟﻬﺎ ﺷﻲ ﺣﺎﺟﺔ ﻣﺰﺍﻝ ﺻﻐﻴﺮﺓ ﻭ ﻣﺎﻋﺮﻓﺘﺶ ... ﻣﺎﻋﺮﻓﺘﺶ ﺍﺵ ﻏﺎﻳﺪﻳﺮﻭ ﻟﻬﺎ ﻓﺎﻟﺤﺮﻗﺔ ﺭﺍﻫﺎ ﻣﺎﻏﺎﺗﺘﺤﻤﻠﺶ
ﺃﺭﺳﻼﻥ : ﻏﺎﻳﻌﻘﻤﻮﻫﺎ
ﺭﻳﻤﺎﺱ : ﻭ ﻣﺎﻏﺎﻳﺪﻳﺮﻭﺵ ﻟﻬﺎ ﺷﻲ ﺣﺎﺟﺔ ﺗﺤﻴﺪ ﻟﻬﺎ ﺍﻟﺤﺮﻗﺔ ... ﻋﻤﻠﻴﺔ ﺗﺠﻤﻴﻞ ﻭﻻ ﺍﻱ ﺣﺎﺟﺔ
ﺃﺭﺳﻼﻥ : ﺑﺎﻗﺎ ﺻﻐﻴﺮﺓ ﻋﻠﻰ ﺍﻟﺒﻨﺞ ﻭ ﺍﻟﻌﻤﻠﻴﺎﺕ ... ﺗﻜﺎﺕ ﻋﻠﻰ ﺍﻟﺤﻴﻂ ﻭ ﺭﺟﻌﺎﺕ ﺭﺍﺳﻬﺎ ﺍﻟﻠﻮﺭ ﺣﺴﺎﺕ ﺑﺮﺍﺳﻬﺎ ﻫﻲ ﺍﻟﺴﺒﺐ ﻭ ﺑﺪﺍﺕ ﻛﺎﺗﻠﻮﻡ ﺭﺍﺳﻬﺎ
ﺭﻳﻤﺎﺱ : ﺍﻧﺎ ﺍﻟﺴﺒﺐ .. ﻛﻮﻥ ﺭﺩﻳﺖ ﺍﻟﺒﺎﻝ ﻛﺎﻉ ﻣﺎﻛﺎﻥ ﻏﺎﻳﻮﻗﻊ ﻫﺎﺩﺷﻲ .. ﻛﺎﻉ ﻣﺎﻛﺎﻧﻮ ﻏﺎﻳﻤﻮﺗﻮ ﻛﺎﻉ ﻫﺎﺩ ﺍﻟﻨﺎﺱ .. ﻛﺎﻉ ﻣﺎﻛﺎﻧﺖ ﻏﺎﺗﻴﺘﻢ ﺍﻟﺒﻨﺖ ﻭ ﺗﻮﺻﻞ ﻟﻬﺎﺩ ﺍﻟﺤﺎﻟﺔ ‏( ﺗﻨﻬﺪﺍﺕ ﺗﻨﻬﻴﺪﺓ ﻃﻮﻳﻠﺔ ‏) ﺍﻧﺎ ﺍﻟﺴﺒﺐ .. ﻗﺮﺏ ﻟﻌﻨﺪﻫﺎ ﻭ ﻋﻨﻘﻬﺎ ﻭ ﺿﻮﺭﺍﺕ ﻳﺪﻳﻬﺎ ﻋﻠﻴﻪ
ﺃﺭﺳﻼﻥ : ﺷﺸﺶ ﻣﺎﺗﻠﻮﻣﻴﺶ ﺭﺍﺳﻚ .. ﻫﺪﺍ ﺟﺰﺍﺀ ﺍﻟﺨﻴﺎﻧﺔ
ﺭﻳﻤﺎﺱ : ﻛﻨﺘﻲ ﺗﺨﻠﻴﻬﻢ ﻣﻨﻬﻢ ﻟﻲ ﺧﻠﻘﻬﻢ .. ﻋﻼﺵ ﺩﺭﺗﻴﻬﺎ ﻭﺍﺵ ﻧﺘﺎ ﻧﺎﻗﺼﻚ ﺩﻧﻮﺏ .. ﻋﺎﺭﻑ ﺭﺍﺳﻚ ﻗﺎﺗﻞ ﻣﺌﺎﺕ ﺍﻻﺭﻭﺍﺡ ﻭ ﺑﺎﻗﻲ ﻛﺎﺗﻘﺘﻞ
ﺃﺭﺳﻼﻥ : ﺩﺍﺭﻭ ﻋﻼﺵ
ﺭﻳﻤﺎﺱ : ﻛﺎﻳﻦ ﺭﺑﻲ ﻟﻲ ﻏﺎﻳﻌﺎﻗﺒﻬﻢ ... ﺑﻌﺪﻫﺎ ﻋﻠﻴﻪ ﻭ ﺷﺎﻑ ﻓﻴﻬﺎ ﺑﻨﻈﺮﺍﺕ ﺑﺎﺭﺩﺓ
ﺃﺭﺳﻼﻥ : ﻣﺎﺗﺴﻨﺎﻳﺶ ﻣﻨﻲ ﻧﺮﺣﻢ ﻟﻲ ﻳﺄﺫﻳﻚ
ﺭﻳﻤﺎﺱ : ﻗﺘﻠﺘﻲ 2 ﻋﺎﺋﻼﺕ ﻋﻠﻰ ﻏﻠﻄﺔ ﺩﺍﺭﻭﻫﺎ ﺍﺷﺨﺎﺹ ﻣﺤﺪﺩﻳﻦ؟؟ ﻫﺪﺍ ﻣﺎﺟﺎﻛﺶ ﻇﻠﻢ ﺍ ﺍﺭﺳﻼﻥ
ﺍﺭﺳﻼﻥ : ﻛﺎﻳﻦ ﺍﺳﺒﺎﺏ ﻛﺒﺎﺭ ﻋﻠﻴﻚ
ﺭﻳﻤﺎﺱ : ﻓﻌﻤﺮﻱ 23 ﻭﺍﺧﺎ ﺍﻟﻌﻤﺮ ﻋﻤﺮﻭ ﻛﺎﻥ ﻣﻘﻴﺎﺱ ﻟﺴﺮﻋﺔ ﺍﻟﻔﻬﻢ ﻭ ﺍﻟﺬﻛﺎﺀ ﺩﻳﺎﻝ ﺑﻨﺎﺩﻡ
ﺃﺭﺳﻼﻥ : ﺍﻟﻴﻮﻡ ﻣﺎﻛﻠﻴﺘﻴﺶ ﻣﺰﻳﺎﻥ .. ﻋﻼﻳﺎﺵ ﻭﺻﻴﺘﻚ؟ ﻭﺻﻴﺘﻚ ﺗﺮﺩﻱ ﺍﻟﺒﺎﻝ ﻟﺮﺍﺳﻚ
ﺭﻳﻤﺎﺱ : ﻗﻮﻟﻴﺎ ﺍﻻﺳﺒﺎﺏ ﻭ ﻣﺎﺗﺒﺪﻟﺶ ﺍﻟﻤﻮﺿﻮﻉ .. ﺑﻐﻴﺖ ﻧﻔﻬﻢ ﺍﺵ ﻛﺎﻳﻦ ﻭ ﻣﻦ ﺣﻘﻲ ... ﺣﺎﻭﻻﺕ ﻣﻌﺎﻩ ﻳﻬﻀﺮ ﺑﺠﻤﻴﻊ ﺍﻟﻄﺮﻕ ﻭﻟﻜﻦ ﻓﻜﻞ ﻣﺮﺓ ﻛﺎﻥ ﻛﺎﻳﺴﺪ ﺍﻟﻤﻮﺿﻮﻉ ﻣﺸﺎﻭ ﻟﻠﻜﺎﻓﻲ ﻟﻲ ﻓﺎﻟﻜﻠﻴﻨﻴﻚ ﻭ ﺟﻠﺴﻮ ﺑﺎﺵ ﺗﺸﺮﺏ ﺭﻳﻤﺎﺱ ﺍﻟﺪﻭﺍ ﻭ ﺗﺎﻛﻞ ﻓﺤﻴﻦ ﺍﺭﺳﻼﻥ ﻛﺎﻥ ﻣﻘﺎﺑﻠﻬﺎ ﻭ ﻋﺎﻭﺩ ﻋﻴﻂ ﻟﻤﺎﻟﻚ ﺑﺎﺵ ﻳﻤﺸﻲ ﻟﺸﻲ ﺭﻳﺴﻄﻮ ﻭ ﻳﺰﻳﺪ ﻟﻬﺎ ﺍﻟﻤﺎﻛﻠﺔ
ﺭﻳﻤﺎﺱ : ﺻﺎﻓﻲ ﺷﺒﻌﺖ ﺧﻠﻴﻨﺎ ﻧﻤﺸﻴﻮ ﻧﺸﻮﻓﻮ ﺍﻟﺒﻨﺖ ... ﺭﺟﻌﻬﺎ ﻟﺒﻼﺻﺘﻬﺎ
ﺃﺭﺳﻼﻥ : ﻛﻤﻠﻲ ﻣﺎﻛﻠﺘﻚ
ﺭﻳﻤﺎﺱ : ﻣﺎﻓﻴﺎﺵ ﻣﺎﺑﻘﻴﺘﺶ ﻗﺎﺩﺭﺓ ﻧﺰﻳﺪ ... ﻧﺎﺿﻮ ﻣﻦ ﺗﻤﺎ ﻭ ﻣﺸﺎﻭ ﻟﺠﻬﺔ ﻓﻴﻦ ﺧﻼﻭ ﺍﻟﺒﻨﺖ ﻟﻘﺎﻭ ﺍﻟﻄﺒﻴﺐ ﺧﺮﺝ ﺷﺮﺡ ﻷﺭﺳﻼﻥ ﺣﺎﻟﺔ ﺍﻟﻤﻮﻟﻮﺩﺓ ﻭ ﺍﻳﻤﺘﺎ ﻳﻘﺪﺭﻭ ﻳﺪﻳﺮﻭ ﻟﻬﺎ ﺍﻟﻌﻤﻠﻴﺔ .. ﻭﺻﻠﻬﻢ ﻟﻔﻴﻦ ﻛﺎﻳﻨﺎ ﻭ ﻣﺸﺎ .. ﻛﺎﻧﺖ ﻓﻐﺮﻓﺔ ﺩﻳﺎﻝ ﺩﺭﺍﺭﻱ ﺻﻐﺎﺭ ﻭ ﻧﺎﻋﺴﺔ ﻭ ﺍﻟﻨﺺ ﺩﻳﺎﻝ ﻭﺟﻬﻬﺎ ﻣﻐﻄﻴﻴﻨﻮ ﺑﺎﻟﻔﺎﺻﻤﺔ
ﺭﻳﻤﺎﺱ : ﻏﺎﺗﻌﻴﺶ ﻣﻌﺎﻧﺎ ﻓﺎﻟﻘﺼﺮ ﻳﺎﻙ؟؟؟ ﻋﻄﻴﺘﻴﻨﻲ ﺍﻟﻜﻠﻤﺔ
ﺃﺭﺳﻼﻥ : ﻣﻊ ﺍﻟﺨﺪﺍﻣﺎ
ﺭﻳﻤﺎﺱ : ﻋﻼﺵ ﻣﻊ ﺍﻟﺨﺪﺍﻣﺎﺕ؟؟؟ ﺭﺍﻩ ﻣﺎﺷﻲ ﻫﻲ ﻟﻲ ﻏﻠﻄﺎﺕ ﻭ .. ... ﺑﺪﺍﺕ ﻛﺎﺗﺤﺲ ﺑﺎﻟﺒﺮﻭﺩﺓ ﻃﺎﻟﻌﺔ ﻣﻌﺎﻫﺎ ﻭ ﺍﻟﺪﻧﻴﺎ ﻛﺎﺿﻼﻡ ﻛﻮﻥ ﻣﺎﺷﺪﻫﺎﺵ ﻛﻮﻥ ﺟﺎﺕ ﻣﺰﺩﻭﺣﺔ ﻓﺎﻻﺭﺽ .. ﺣﻂ ﻳﺪﻭ ﻋﻠﻰ ﺟﺒﻬﺘﻬﺎ ﺑﻘﻠﻖ
ﺃﺭﺳﻼﻥ : ‏( ﺑﻘﻠﻖ ‏) ﻟﺒﺆﺗﻲ ﺍﺵ ﻭﻗﻊ ﻟﻚ
ﺭﻳﻤﺎﺱ : ‏( ﺷﺎﺩﺓ ﻓﺮﺍﺳﻬﺎ ‏) ﻭﺍﻟﻮ ﻏﻴﺮ ﺣﻴﺖ ﺗﺤﺮﻛﺖ ﺑﺰﺍﻑ ﻫﺎﺩ ﺍﻟﻨﻬﺎﺭ ﻳﻤﻜﻦ
ﺃﺭﺳﻼﻥ : ﺩﻭﺯﻱ ﻧﺸﻮﻓﻮ ﺍﻟﻄﺒﻴﺒﺔ
ﺭﻳﻤﺎﺱ : ﻻ ﻏﻴﺮ ﺧﻠﻴﻨﻲ ﺭﺍﻩ ﻣﺎﻛﺎﻳﻦ ﻻﺵ ﺍﺻﻼ ﺭﺍﻩ ﻋﺎﺩﻱ .. ﺻﻮﻧﺎ ﻟﻴﻪ ﻃﻴﻠﻲ ﻃﻔﺎﻩ ﻭ ﺭﺟﻌﻮ ﻟﺠﻴﺒﻮ
ﺃﺭﺳﻼﻥ : ﻏﺎﻧﺮﺟﻌﻚ ﻟﻠﻘﺼﺮ ﻏﺪﺍ ﻭ ﺭﺟﻌﻲ ﻟﻬﺎ .. ﺷﺎﻓﺖ ﻓﻴﻬﺎ ﺍﺧﺮ ﺷﻮﻓﺔ ﻭ ﺷﺪﺍﺕ ﻓﻴﺪﻳﻪ ﻭ ﺭﺟﻌﻮ ﻟﻠﻘﺼﺮ