وقفات كاتشوف فيه بصدمة و علامات الاستغراب عتلاو وجهها .. ياك عاد شافتو كايصلي هاد الصباح؟؟ ... شنو كيفاش دابا واش صلا بلا شهادة و كيفاش واش هو مزال ماسلم .. رجعات اللور بخطوة و هي كاتشوف اش كانت غادير هاد الليلة و هو مزال ما سلم .. ولكن الاهم هو بغا يسلم و قتانع بالاسلام و قرر يسلم على يديها .. حتى بغات تقوليه موافقة تخليه ينطق الشهادتين و هي تتفكر بلي هي فنظرو ملحدة ماجات فين تنطق حتى وقفها بيديه بحالا كان عارفها اش غاتقول
أرسلان : هسس ماتزيديش تكدبي ا ريماس و خلي هاد الليلة دوز على خير .. حلات عينيها فيه بصدمة واش عاق بيها؟؟؟؟ ايمتا عاااق و ايمتا عرفها كاتكدب
ريماس : و علاش غانكدب؟ .. شبك صبعانو و شاف فعينيها
أرسلان : من ايمتا و نتي كاتبدلي حوايجك فالدوش
ريماس : كيفاش؟
أرسلان : ماتزيديش تكدبي
ريماس : ماكدبتش و ماعنديش علاش نكدب ... وقف من بلاصتو و تمشا بخطوات بطيئة و طل على الجردة عاطي ريماس بالضهر
أرسلان : ريماس يا ريماس .. كاملة مكمولة و المرا المثالية لي تصلاح تكون مرتي يعني فيك جميع صفات الكمال .. ولكن فيك ديفو واحد ( ضار لعندها ) الكدوب ... تقابلات معاه ، هي ماموالفاش تتخبع و ماموالفاش تخبع فعايلها حيت كلهم مقتانعة بيهم
ريماس : وي كدبت عليك .. عرفتي علاش؟ حيت نتا ماكاتبغيش تقتانع و ماكنتيش راضي حتى تقلب و ديما كاتسد الموضوع اش كنتي بغيتيني ندير؟ هدا هو الحل لي كان عندي .. شاف فيها مطولا و قلب وجهو للجهة لاخرا كايكره شي حاجة سميتها الكدوب و كايبغي بنادم يكون صريح .. اليوم و بالصدفة عرف بلي هاد تمثيلية ديال الالحاد كلها كانت كدوب فقط من موقف بسيط و هو فاش جلسو هاد الصباح على طبلة الفطور سمع ريماس قالت بسم الله قبل ماتبدا الماكلة قالتها بصوت خافت .. و هنا بدا كايرجع السينتة اللور .. شحال هادي قبل مايركب الكاميرات كان فاش كايدخل لبيتها مرة مرة على غفلة كايلقاها كاتبدل غير فالبيت ماشي فالدوش ولكن من نهار ركب الكاميرات ولات كاتبدل حوايجها فالدوش .. تشبثها بالدين شحال هادي كان كايبين بلي مستحيل تخرج من دينها ولكن بين ليلة و ضحاها لقاها ولات ملحدة .. سخط بالمعقول و خصوصا فاش عرف بلي كانت كاتعصبو بلعاني باش مايميزش نبرة الكذوب فصوتها يعني بحالا كانت كاتلاعب بيه ولكن كالعادة عصبيتو منها كاتمشي في مهب الريح فاش كايشوف فعينيها
أرسلان : هاد المرة دازت .. المرة الجاية لي نشم ريحة الكدوب فيك مانضمنش لك اش غادي يوقع
ريماس : واش حتى هاد الليلة غانقلبوها غوات و صداع صافي بلا.. ... سدات فمها و قلبات وجهها للجهة لاخرا باش ماتزيدش تصعب المأمورية
ارسلان : قربي .. ( قربات لعندو و جرها كتر ) هاد الموضوع داز .. مانبغيهش يتكرر ا ريماس .. وليتي مرتي و شريكة حياتي خلي يكون بيناتنا الصفا
ريماس : اوك ان شاء الله .. بعدها عليه شوية باش مايزيدش يتزير
أرسلان : ماناوياش تدخليني لدينك
ريماس : ( بإبتسامة ) ديننا بجوج .. جلس هو وياها و قالت ليه يهز اصبع السبابة ديال اليد اليمنى و هزها
ريماس : اشهد ان لا إله الا الله
أرسلان : اشهد ان لا اله الا الله
ريماس : و اشهد ان محمد رسول الله
ارسلان : و اشهد ان محمد رسول الله
ريماس : و اشهد ان عيسى عبد الله و رسوله و كلمته ألقاها إلى مريم و روح منه
أرسلان : و اشهد ان عيسى عبد الله و رسوله و كلمته ألقاها إلى مريم و روح منه
ريماس : و الجنة حق و النار حق و النبيون حق
أرسلان : و الجنة حق و النار حق و النبيون حق ( كمل هادي بوحدو ) و أن الله يبعث من في القبور
ريماس : ( بإبتسامة خفيفة ) فرحت لك بزااف و..
أرسلان : نوضي نصليو
ريماس : مزال شوية الحال و..
أرسلان : ( بإبتسامة جانبية ) مزال الحال عليك ماشي عليا .. نوضها و فرش الصلاية
ريماس : بلاتي بلاتي .. عارف بعدا هاد الصلاة كي غاتكون
أرسلان : فبحال هاد الامور ماخاصش يكون عندك شك .. هي نواتها على الصلاة و هو كان قصدو الصلاة ديال العروسين حيت قرا منافعها داكشي لاش تعلمها .. وقف و وقفات موراه بعبايتها و الشال لي قاداتو .. بداو كايصليو و هي كاتشوف فضهرو و لحد الساعة الفرحة طاغية عليها كيف لا و حبيب قلبها راجلها ولا مسلم على يديها و اي حاجة غايديروها دابا غاتكون حلال طيب .. سالاو و دارو الدعاء و ضار لعندها باس لها راسها
أرسلان : كنتي بغيتي الحلال و اليوم غايكون كلشي حلال .. شافت فيه و بتاسمات و ناضت .. سبقاتو حيدات الشال و مع جات باش تحيد العباية حسات بأنفاسو من مور عنقها و يديه من فوق كتافها كايحيدو العباية
YOU ARE READING
إمبراطورية الأسود
Teen Fiction♚♚♔🇯🇴🇲🇦 #حــــصــــريــــــــــــا 🇲🇦🇯🇴♔♚♚ ♚🔞 #العميل_صهيوني_والجاسوسة_المغربية 🔞 ♚ بقلم✍ : ♔♚ كاپيطوسة المغربية ♚♔ قصة حصرية و مختالفة على القصص لي قريتو فيها عناصر جداد __ أحداث جداد __ أبطال جداد __ كاتشمل من كل فن طرب ======= #الحقد...
