إمبراطورية الأسود

البارت 164

ﺭﻳﻤﺎﺱ : ﺃﺵ ﺑﺎﻥ ﻟﻚ ﻧﺘﻜﻠﻔﻮ ﺑﺮﺣﻠﺔ ﺧﺎﺻﺔ ﻷﺳﻮﺍﺭ ﻭ ﺇﻳﻠﻴﻨﺎ ﻟﻤﺪﺓ ﺷﻬﺮ ﻓﺸﻲ ﺑﻼﺻﺔ ﻳﻜﻮﻧﻮ ﻓﻴﻬﺎ ﻏﻴﺮ ﻫﻤﺎ ﺑﺠﻮﺝ ﻫﺎﻛﺎ ﻏﺎﻳﺰﻳﺪﻭ ﻳﺘﻘﺮﺑﻮ ﻣﻦ ﺑﻌﻀﻴﺎﺗﻬﻢ
ﺃﺭﺳﻼﻥ : ﻋﻼﺵ ﻏﺎﻧﺪﻳﺮ ﻫﺎﺩﺷﻲ !.
ﺭﻳﻤﺎﺱ : ﺑﺎﺵ ﻳﺘﻘﺮﺏ ﻣﻦ ﻣﺮﺗﻮ
ﺃﺭﺳﻼﻥ : ﻫﻮ ﻭ ﻣﺮﺗﻮ ﻭ ﺍﻧﺎ ﻣﺎﻟﻲ !. ؟
ﺭﻳﻤﺎﺱ : ﺻﺎﻓﻲ ﻣﺎﺑﻐﻴﺘﻴﺶ ﺍﻧﺎ ﻏﺎﻧﺘﻜﻠﻒ
ﺃﺭﺳﻼﻥ : ‏( ﺯﻳﺮ ﻋﻠﻴﻬﺎ ‏) ﺣﻴﺪﻱ ﻣﻨﻚ ﻫﺎﺩ ﺍﻟﻌﺼﺒﻴﺔ .. ﻏﺎﻧﻬﻀﺮ ﻣﻊ ﻣﺎﻟﻚ ﻳﺘﻜﻠﻒ
ﺭﻳﻤﺎﺱ : ﻣﺎﻛﺎﻧﺘﻌﺼﺒﺶ ﺍ ﺃﺭﺳﻼﻧﻲ
ﺃﺭﺳﻼﻥ : ﺃﺵ ﺧﻼﻙ ﺗﻔﻜﺮﻱ ﻓﻴﻬﻢ
ﺭﻳﻤﺎﺱ : ﻭﺍﻟﻮ ﻏﻴﺮ ﺷﻔﺖ ﺑﻠﻲ ﻏﺎﻳﻜﻮﻥ ﻣﺰﻳﺎﻥ ﻟﻴﻬﻢ ﻳﺪﻭﺯﻭ ﻭﺍﺣﺪ ﺍﻟﻮﻗﻴﺘﺔ ﻣﻊ ﺑﻌﻀﻴﺎﺗﻬﻢ ﻭ ﻳﺘﻼﻫﺎ ﻣﻊ ﻣﺮﺗﻮ ﻭ ﻭﻟﺪﻭ ﻭ ﻳﻨﺴﺎﻧﺎ
ﺃﺭﺳﻼﻥ : ﻫﻤﻢ
ﺭﻳﻤﺎﺱ : ﻛﻨﺖ ﻗﺎﺩﺭﺓ ﻧﺘﺼﺮﻑ ﺑﻼ ﻣﺎﻧﺸﺎﻭﺭﻙ ﻭﻟﻜﻦ ﻗﻠﺖ ﻏﺎﻳﻜﻮﻥ ﻣﻦ ﺍﻷﺣﺴﻦ ﺗﻌﺮﻑ ﺣﺘﻰ ﻧﺘﺎ ﻭ ﺑﻼﺿﺔ ﻣﺎﻧﻬﻀﺮ ﻣﻌﺎﻩ ﺍﻧﺎ ﺗﻬﻀﺮ ﻣﻌﺎﻩ ﻧﺘﺎ
ﺃﺭﺳﻼﻥ : ﺳﺎﻟﻴﺘﻲ ﺧﺪﻣﺘﻚ !.
ﺭﻳﻤﺎﺱ : ﻳﻼﻩ ﻃﻠﻴﺖ ﻋﻠﻴﻬﺎ ﻣﻦ ﻣﻮﺭ ﺍﻟﻮﻳﻜﺎﻧﺪ ﻏﺎ ﻧﻤﻀﻲ ﻟﻠﺸﺮﻛﺔ ﺇﻥ ﺷﺎﺀ ﺍﻟﻠﻪ
ﺃﺭﺳﻼﻥ : ﻣﺰﺍﻝ ﺧﺎﺻﺎﻙ ﺍﻟﺮﺍﺣﺔ
ﺭﻳﻤﺎﺱ : ﺭﺗﺎﺣﻴﺖ ﺷﻬﺮ ﺣﺘﻰ ﻏﻤﺎﻟﻴﺖ
•• ﻋﻨﺪ ﺟﻮﻟﻴﺎﻧﺎ
ﺃﺩﻳﺮﺓ : ﻫﻀﺮﺗﻲ ﻣﻊ ﺭﻳﻤﺎﺱ؟؟
ﺟﻮﻟﻴﺎﻧﺎ : ﻫﻀﺮﺕ ﻣﻌﺎﻫﺎ ﺃ ﻣﺎﻣﺎ ﻭﻟﻜﻦ ﻧﺘﻲ ﻋﺎﺭﻓﺔ ﺑﻠﻲ ﻫﻲ ﻣﺎﻋﻨﺪﻫﺎ ﺣﺘﻰ ﺫﻧﺐ ﻓﻬﺎﺩﺷﻲ
ﺃﺩﻳﺮﺓ : ﺃﻧﺎ ﻣﺎﺷﻲ ﺿﺪﻫﺎ .. ﻣﺮﺕ ﻭﻟﺪﻱ ﻋﺰﻳﺰﺓ ﻋﻠﻴﺎ ﻫﺎﺩﺷﻲ ﻟﻲ ﻛﺎﻧﺪﻳﺮ ﻟﻤﺼﻠﺤﺔ ﻭﻻﺩﻱ ﺑﺠﻮﺝ
ﺟﻮﻟﻴﺎﻧﺎ : ﻛﻴﻔﺎﺵ ﺍ ﻣﺎﻣﺎ ﻋﺰﻳﺰﺓ ﻋﻠﻴﻚ ﻭ ﻧﺘﻲ ﻛﺎﺗﺮﺟﻌﻲ ﻟﻬﺎ ﺍﻟﻠﻮﻣﺔ ﻋﻠﻰ ﺷﻲ ﺣﺎﺟﺔ ﻫﻲ ﻣﺎﺩﺍﺭﺗﻬﺎﺵ .. ﻣﺮﺓ ﻛﺎﺗﻜﻮﻧﻲ ﻓﺼﻔﻬﺎ ﻣﺮﺓ ﺿﺪﻫﺎ
ﺃﺩﻳﺮﺓ : ﻭﺍﺵ ﻏﺎﻧﻨﻜﺮﻭ ﺑﻠﻲ ﻫﻲ ﺍﻟﺴﺒﺐ ﺩﻳﺎﻝ ﻫﺎﺩﺷﻲ ﻟﻲ ﻭﻗﻊ ﻭ ﻫﺎﺩﺷﻲ ﻟﻲ ﻛﺎﻳﻮﻗﻊ ﻭ ﻟﻲ ﻏﺎﻳﻮﻗﻊ ﻛﻮﻥ ﻣﺎﺩﺧﻼﺗﺶ ﻓﻌﻼﻗﺔ ﻣﻊ ﺧﻮﻙ ﺃﺳﻮﺍﺭ ﻭ ﻭﻫﻤﺎﺗﻮ ﺑﺎﻟﺤﺐ ﻓﺎﻟﻠﻮﻝ ﻛﺎﻉ ﻣﺎﻳﺒﻨﻲ ﺃﻣﺎﻝ ﻋﻠﻴﻬﺎ ﻭ ﻛﺎﻉ ﻣﺎﻳﻔﻜﺮ ﻳﺘﻘﺮﺏ ﻣﻨﻬﺎ .. ﻫﻲ ﻟﻲ ﻋﻄﺎﺗﻮ ﺍﻹﺷﺎﺭﺓ ﺍﻟﺨﻀﺮﺍ ﺑﺎﺵ ﻳﺘﻘﺮﺏ ﻣﻨﻬﺎ ﻭ ﺧﻼﺗﻮ ﺣﺘﻰ ﺑﻐﺎﻫﺎ ﻋﺎﺩ ﺻﺪﻣﺎﺗﻮ ﺑﺎﻟﺘﺨﻠﻲ ﺩﻳﺎﻟﻬﺎ ﻋﻠﻴﻪ ﻭ ﺗﺰﻭﺟﺎﺕ ﺑﺨﻮﻩ .. ﻛﻲ ﺑﻐﻴﺘﻴﻪ ﻳﻨﺴﺎﻫﺎ ﻭ ﻫﻮ ﻛﺎﻳﺸﻮﻓﻬﺎ ﻛﻞ ﺻﺒﺎﺡ ﻛﺎﻳﺸﻮﻓﻬﺎ ﻛﻞ ﻋﺸﻴﺔ؟ ﻋﺎﻳﺸﻴﻦ ﻓﺪﺍﺭ ﻭﺣﺪﺓ .. ﻋﻼﺵ ﻛﺎﺗﺮﺟﻌﻮ ﺩﻳﻤﺎ ﺍﻟﻠﻮﻣﺔ ﻟﻮﻟﺪﻱ ﺃﺳﻮﺍﺭ
ﺟﻮﻟﻴﺎﻧﺎ : ﺣﺘﻰ ﻭﺍﺣﺪ ﻓﻴﻨﺎ ﻣﺎﻋﺎﺭﻑ ﺍﺵ ﻭﻗﻊ ﺑﻴﻨﺎﺗﻬﻢ ﺑﺎﻟﻀﺒﻂ ﺍ ﻣﺎﻣﺎ .. ﻭﺍﺵ ﻫﻲ ﻟﻲ ﺗﻘﺮﺑﺎﺕ ﻣﻨﻮ ﻭﻻ ﻫﻮ ﻟﻲ ﻓﺮﺽ ﺭﺍﺳﻮ ﻋﻠﻴﻬﺎ .. ﻭﻻ ﻭﺍﺵ ﻛﺎﻧﻮ ﻛﺎﻳﺒﻐﻴﻮ ﺑﻌﻀﻴﺎﺗﻬﻢ ﻭ ﺟﺎ ﺧﻮﻳﺎ ﺃﺭﺳﻼﻥ ﻭ ﻓﺎﺭﻗﻬﻢ ﻭ ﺣﻴﺪﻫﺎ ﻟﻴﻪ ﺍﻳﻼ ﻛﻨﺎ ﻏﺎﻧﻘﻮﻟﻮ ﺑﻠﻲ ﻫﻲ ﻏﺎﻟﻄﺔ ﺣﻴﺖ ﺗﺰﻭﺟﺎﺕ ﺑﺄﺭﺳﻼﻥ ﻭ ﻋﻄﺎﺕ ﻭﻋﻮﺩ ﻛﺎﺫﺑﺔ ﻷﺳﻮﺍﺭ ﻏﺎﺩﻱ ﻳﺨﺼﻨﺎ ﻧﻠﻮﻣﻮ ﺣﺘﻰ ﺧﻮﻳﺎ ﺃﺳﻮﺍﺭ ﻛﻴﻔﺎﺵ ﺑﺎﻗﻲ ﻛﺎﻳﻔﻜﺮ ﻓﻴﻬﺎ ﻭ ﻫﻮ ﺣﺎﻟﻴﺎ ﻋﻨﺪﻭ ﻣﺮﺗﻮ ﻭ ﻭﻟﺪﻭ ﻭ ﻋﺎﺭﻑ ﺑﻠﻲ ﺭﻳﻤﺎﺱ ﻭﻻﺕ ﻣﺮﺕ ﺧﻮﻩ ﻭ ﻭﻻ ﻋﻨﺪﻫﺎ ﻭﻟﺪ؟؟ ﻭﺍﺵ ﺍﻟﺮﻳﺢ ﻟﻲ ﺟﺎ ﻳﺪﻳﻪ ﺻﺎﻓﻲ ﺩﻏﻴﺎ ﺑﻐﺎﻫﺎ ﻭ ﻣﺎﻗﺪﺭﺵ ﻳﻨﺴﺎﻫﺎ ﻭ ﻏﺎﻳﺨﺼﻨﺎ ﻧﻔﻮﻣﻮ ﺣﺘﻰ ﺧﻮﻳﺎ ﺃﺭﺳﻼﻥ ﺣﻴﺖ ﻣﻨﻴﻦ ﻋﺎﺭﻑ ﺑﻠﻲ ﺃﺳﻮﺍﺭ ﻛﺎﻳﺒﻐﻴﻬﺎ ﻻﺵ ﺗﺰﻭﺝ ﺑﻴﻬﺎ؟؟
ﺃﺩﻳﺮﺓ : ﻫﻲ ﺍﻟﻮﺣﻴﺪﺓ ﻟﻲ ﻏﺎﻟﻄﺔ ﺣﻴﺖ ﻟﻌﺒﺎﺕ ﺑﻮﻻﺩﻱ ﺑﺠﻮﺝ ﻛﻮﻥ ﻣﺎﺑﺎﻧﺘﺶ ﻓﺤﻴﺎﺗﻨﺎ ﻛﺎﻉ ﻣﺎﻳﻮﻗﻊ ﻫﺎﺩﺷﻲ
ﺟﻮﻟﻴﺎﻧﺎ : ﻣﺎﻛﺎﻳﻌﻠﻢ ﺑﺎﻟﻐﻴﺐ ﺍﻻ ﺍﻟﻠﻪ ﺍ ﻣﺎﻣﺎ ﻭ ﻣﺎﻛﺎﻧﻈﻨﺶ ﻛﺎﻧﺖ ﻏﺎﺩﺧﻞ ﻟﺤﻴﺎﺗﻬﻢ ﻛﻮﻥ ﻋﺮﻓﺎﺕ ﺑﻠﻲ ﻫﺎﺩﺿﻲ ﻛﺎﻣﻞ ﻏﺎﻳﻮﻗﻊ ﻭ ﻧﺘﻲ ﻋﺎﺭﻓﺔ ﺍﻟﻘﻠﺐ ﻣﺎﻛﺎﻳﺘﺤﻜﻢ ﻓﻴﻪ ﺣﺪ .. ﻛﺎﻥ ﻏﺎﻳﺒﻐﻴﻬﺎ ﺳﻮﺍﺀ ﻋﻄﺎﺗﻮ ﺍﻟﻔﺮﺻﺔ ﻭﻻ ﻻ .. ﺑﻔﻔﻔﻔﻒ ﻗﺼﺤﺖ ﻣﻌﺎﻫﺎ ﺍﻟﻬﻀﺮﺓ ﺍﻧﺎ ﻣﺘﺄﻛﺪﺓ ﻏﺎﺗﺎﺧﺪ ﻣﻨﻲ ﻣﻮﻗﻒ
ﺃﺩﻳﺮﺓ : ﻭﺍﺵ ﻣﺘﺄﻛﺪﺓ ﻏﺎﺗﻬﻀﺮ ﻣﻌﺎﻩ؟؟
ﺟﻮﻟﻴﺎﻧﺎ : ﻣﺘﺄﻛﺪﺓ ﻏﺎﺗﻬﻀﺮ ﻣﻌﺎﻩ ﻭﻟﻜﻦ ﻟﻲ ﻣﺎﻣﺘﺄﻛﺪﺍﺵ ﻣﻨﻮ ﻫﻮ ﻭﺍﺵ ﻫﺎﺩ ﺍﻟﻘﺮﺍﺭ ﻭﺍﺵ ﺑﺼﺢ ﻏﺎﻳﻨﻔﻊ ﻭﻻ ﻏﺎﻳﺮﺟﻊ ﺑﺎﻟﻀﺮﺭ
ﺃﺩﻳﺮﺓ : ﻛﻠﺸﻲ ﻏﺎﻳﺪﻭﺯ ﺑﻴﺨﻴﺮ .. ﺍﻳﻮﺍ ﻭ ﻧﺘﻲ ﻛﻲ ﻏﺎﺩﻳﺎ ﻋﻼﻗﺘﻚ ﻣﻊ ﺭﺍﺟﻠﻚ
ﺟﻮﻟﻴﺎﻧﺎ : ﻣﻌﻴﺸﻨﻲ ﻓﺎﻟﺴﻌﺎﺩﺓ ﻏﻴﺮ ﺗﻬﻨﺎﻱ ﺍ ﻣﺎﻣﺎ
ﺃﺩﻳﺮﺓ : ﻣﺰﺍﻝ ﻣﺎﻛﺎﻳﻦ ﻻ ﻣﻮﻟﻮﺩ ﻻ ﻣﻮﻟﻮﺩﺓ؟
ﺟﻮﻟﻴﺎﻧﺎ : ﻛﺎﻳﻨﻴﻦ ﻏﻴﺮ ﺣﻨﺎ ... ﻛﻤﻔﻮ ﻫﻀﺮﺗﻬﻢ ﻭ ﺑﻘﺎﺕ ﺃﺩﻳﺮﺓ ﻛﺎﺗﻌﻄﻴﻬﺎ ﻓﺎﻟﻨﺼﺎﺋﺢ ﻭ ﺑﻠﻲ ﺧﺎﺻﻬﺎ ﺗﺸﻮﻑ ﺣﻔﺎﺩﻫﺎ ﺑﻴﻨﻤﺎ ﺃﺭﺳﻼﻥ ﻭ ﺭﻳﻤﺎﺱ ﻛﺎﻧﻮ ﻋﺎﻳﺸﻴﻦ ﺍﻟﺮﻭﻣﺎﻧﺴﻴﺔ ﻭ ﻓﺎﻟﺠﻬﺔ ﺍﻟﺜﺎﻧﻴﺔ ﻣﻦ ﻣﻮﺭ ﺍﻟﺒﺎﺏ ﻛﺎﻥ ﻭﺍﻗﻒ ﺃﺳﻮﺍﺭ ﻟﻲ ﻛﺎﻳﺤﺎﻭﻝ ﻳﺴﻤﻊ ﺻﻮﺕ ﺭﻳﻤﺎﺱ ﻭﻟﻜﻦ ﻣﺎﺳﻤﻊ ﻭﺍﻟﻮ ﺑﻘﺎ ﺗﻤﺎ ﺣﺘﻰ ﻣﻞ ﻭ ﻫﺒﻂ ... ﻭﺻﻞ ﺍﻟﻠﻴﻞ ﺗﻌﺸﺎﻭ ﻭ ﻛﻞ ﻭﺍﺣﺪ ﻣﺸﺎ ﻳﻨﻌﺲ ﻓﺈﻧﺘﻈﺎﺭ ﻳﺼﺒﺢ ﺻﺒﺎﺡ ﺟﺪﻳﺪ
_ ﻛﺎﻥ ﺍﻟﺴﻜﺎﺕ ﻭ ﺣﺘﻰ ﻭﺍﺣﺪ ﻣﺎﻓﺎﻳﻖ ﺻﻮﺕ ﺍﻟﺪﺑﺎﻧﺔ ﻣﺎﻛﺎﺗﺰﻧﺰﻥ ﺣﺘﻰ ﻭﺻﻼﺕ 3:00 ﺩﻳﺎﻝ ﺍﻟﺼﺒﺎﺡ ﺑﺪﺍ ﻓﺨﺮ ﻛﺎﻳﺒﻜﻲ ﻛﺎﻥ ﺃﻭﻝ ﻭﺍﺣﺪ ﻳﺴﻤﻌﻮ ﻫﻮ ﺃﺭﺳﻼﻥ .. ﻣﻊ ﺍﻟﺒﻜﻴﺔ ﺍﻟﻠﻮﻟﺔ ﺣﻞ ﻋﻴﻨﻴﻪ ﺿﻮﺭ ﻋﻴﻨﻴﻪ ﻟﺠﻬﺘﻮ ﻟﻘﺎﻩ ﻛﺎﻳﺒﻜﻲ .. ﺷﺎﻑ ﻓﺎﻟﺴﻘﻒ ﻭ ﻧﺎﺽ ﻟﻴﻪ ﺑﺎﻟﺰﺭﺑﺔ ﻗﺒﻞ ﻣﺎﺗﻔﻴﻖ ﺭﻳﻤﺎﺱ ﺑﺎﺵ ﺗﺮﺿﻌﻮ .. ﺧﺮﺟﻮ ﻣﻦ ﺗﻤﺎ ﻟﻠﺸﻮﻣﺒﺮ ﺩﻳﺎﻟﻮ ﻭ ﺳﺪ ﺍﻟﺒﺎﺏ ﺣﻄﻮ ﻓﺒﻼﺻﺘﻮ ﻭ ﺭﺟﻊ ﻟﻠﺠﻨﺎﺡ ﻫﺰ ﺍﻟﺒﻴﺒﻐﻮ ﻛﺎﻧﺖ ﺑﺎﺭﺩﺓ ﺣﻄﻬﺎ ﻭ ﻋﺎﻭﺩ ﺧﺮﺝ ﺻﻮﻧﺎ ﻷﺑﺮﺍﻫﺎﻡ ﻭﻟﻜﻦ ﻟﻘﺎ ﻃﻴﻠﻲ ﻃﺎﻓﻲ ﻋﺎﺩ ﺗﻔﻜﺮ ﺑﻠﻲ ﺑﺎﻝ ﻷﺑﺮﺍﻫﺎﻡ ﻏﺎﻳﻮﻇﻔﻮ ﻓﺤﺎﺟﺔ ﺧﺮﺍ .. ﻋﺎﻭﺩ ﺩﻭﺯ ﺭﻗﻢ ﻣﺎﻟﻚ ﺑﻘﺎ ﺷﺤﺎﻝ ﻛﺎﻳﺼﻮﻧﻲ ﺣﺘﻰ ﻛﺎﻥ ﻏﺎﻳﺘﻘﻄﻊ ﻋﺎﺩ ﺟﺎﻭﺑﻮ
ﻣﺎﻟﻚ : ‏( ﺑﺼﻮﺕ ﻧﺎﻋﺲ ‏) ﻭﻱ
ﺃﺭﺳﻼﻥ : ﻋﺎﻡ ﺑﺎﺵ ﺗﺠﺎﻭﺏ ... ﻧﺎﺽ ﻗﺎﻓﺰ ﻣﻦ ﺑﻼﺻﺘﻮ
ﻣﺎﻟﻚ : ﺳﻤﺢ ﻟﻲ ﺍ ﻣﻴﺴﺘﺮ ﺃﺭﺳﻼﻥ ﻭﻟﻜﻦ ﺍﻟﺘﻴﻠﻴﻔﻮﻥ ﻛﺎﻥ ﺑﻌﻴﺪ ﻋﻠﻴﺎ ﻭ ﺃﻧﺎ ﻛﻨﺖ ..
ﺃﺭﺳﻼﻥ : ﻓﻴﻨﻚ ﺩﺍﺑﺎ !!. .. ﺷﺎﻑ ﻓﻔﺨﺮ ﻟﻲ ﻛﺴﺮ ﺍﻟﺪﻧﻴﺎ ﺑﻐﻮﺍﺗﻮ ﻭ ﺑﻘﺎ ﻛﺎﻳﺤﺎﻭﻝ ﻳﺴﻜﺘﻮ ﺑﻴﺪﻳﻪ
ﻣﺎﻟﻚ : ﻟﺘﺤﺖ ﺃ ﻣﻴﺴﺘﺮ ﺃﺭﺳﻼﻥ ﻭﺍﺵ ﻣﺤﺘﺎﺝ ﺷﻲ ﺣﺎﺟﺔ
ﺃﺭﺳﻼﻥ : ﻃﻠﻊ ﻟﻌﻨﺪﻱ ﺩﺍﺑﺎ
ﻣﺎﻟﻚ : ﺻﺎﻓﻲ ﻋﺮﻓﺖ ﺍ ﻣﻴﺴﺘﺮ ﺃﺭﺳﻼﻥ ﺍﺵ ﺧﺎﺹ
ﺃﺭﺳﻼﻥ : ﻣﺎﺗﺘﻌﻄﻠﺶ .. ﻗﻄﻊ ﻋﻠﻴﻪ ﻭ ﻫﺰ ﻓﺨﺮ ﺑﻘﺎ ﻏﺎﺩﻱ ﺟﺎﻱ ﺑﻴﻪ ﻟﻌﻞ ﻭ ﻋﺴﻰ ﻳﺴﻜﺖ ﺣﺘﻰ ﺗﺤﻞ ﺍﻟﺒﺎﺏ ﻭ ﺩﺧﻞ ﻣﺎﻟﻚ ﻓﻴﺪﻳﻪ ﻭﺍﺣﺪ ﺍﻟﺼﺎﻙ ﺻﻐﻴﺮ
ﻣﺎﻟﻚ : ﻣﻴﺴﺘﺮ ﺃﺭﺳﻼﻥ ﻫﻨﺎ ﻛﺎﻳﻦ ﻟﻴﻜﻮﺵ ﻭ ﺍﻟﺤﻠﻴﺐ ﻭ ﻛﺎﻉ ﻟﻲ ﺗﺤﺘﺎﺝ .. ﻣﺪ ﻟﻴﻪ ﺍﻟﺒﻴﺒﻐﻮ ﺷﺪﻫﺎ ﻭ ﺑﺪﺍ ﻛﺎﻳﺤﺎﻭﻝ ﻳﺨﻠﻲ ﻓﺨﺮ ﻳﺸﺮﺏ ﻣﻨﻬﺎ ﻋﻴﺎ ﻣﻌﺎﻩ ﻭ ﻭﺍﻟﻮ ﺣﻠﻒ ﻻﺷﺪﻫﺎ
ﺃﺭﺳﻼﻥ : ﻫﺪﺍ ﻧﻔﺴﻮ ﺍﻟﺤﻠﻴﺐ ﺩﻳﺎﻝ ﺍﻟﺒﺎﺭﺡ !.
ﻣﺎﻟﻚ : ﻭﻱ ﻣﻴﺴﺘﺮ ﺃﺭﺳﻼﻥ ﻫﻮ ﻧﻔﺴﻮ ﻭ ﺍﻟﺒﺎﺭﺡ ﺳﻴﻔﻄﺖ ﻟﻲ ﻳﺰﻳﺪ ﻟﻴﻨﺎ ﻣﻨﻮ .. ﻭﻟﻜﻦ ﻳﻘﺪﺭ ﻳﻜﻮﻥ ﻣﺎﺑﺎﻏﻴﺶ ﻳﺸﺮﺏ ﺍﻟﺤﻠﻴﺐ .. ﻳﻘﺪﺭ ﻳﻜﻮﻥ ﺑﺎﻏﻲ ﻟﻲ ﻳﻠﻌﺐ ﻣﻌﺎﻩ ﻭﻻ ﺷﻲ ﺣﺎﺟﺔ ﺧﺮﺍ ... ﺣﻂ ﺍﻟﺒﻴﺒﻐﻮ ﻭ ﺷﺎﻑ ﻓﻔﺨﺮ ﻛﺄﻧﻮ ﺗﻔﻜﺮ ﺷﻲ ﺣﺎﺟﺔ .. ﻫﺰﻭ ﻟﻠﻔﻮﻕ ﻭ ﻗﺮﺏ ﻧﻴﻔﻮ ﻟﻴﻪ ﻣﺎ ﺃﻥ ﺷﻢ ﺍﻟﺮﻳﺤﺔ ﺣﺘﻰ ﻋﺎﻭﺩ ﻗﻠﺐ ﻭﺟﻬﻮ ﻟﻠﺠﻬﺔ ﻻﺧﺮﺍ
ﺃﺭﺳﻼﻥ : ﺟﺒﺘﻲ ﻟﻴﻜﻮﺵ !. ...
ﻣﺎﻟﻚ : ‏( ﺑﺼﺪﻣﺔ ‏) ﻭﺍﺵ ﻧﺘﺎ ﻟﻲ ﻏﺎﺗﺒﺪﻝ ﻟﻴﻪ ﺍ ﻣﻴﺴﺘﺮ ﺃﺭﺳﻼﻥ ؟
ﺃﺭﺳﻼﻥ : ‏( ﻣﺪ ﻳﺪﻳﻪ ‏) ﺍﺭﺍ ﻟﻴﻜﻮﺵ
ﻣﺎﻟﻚ : ﻣﻴﺴﺘﺮ ﺃﺭﺳﻼﻥ ﺑﻼ ﻣﺎﺗﻌﺪﺏ ﺭﺍﺳﻚ ﺍﻧﺎ ﻧﺘﻜﻠﻒ ﻭ ﻧﺒﺪﻝ ﻟﻴﻪ ... ﻛﺎﻥ ﻣﺎﻟﻚ ﻣﺎﺷﻲ ﻏﻴﺮ ﻣﺴﺘﻐﺮﺏ ﻭ ﺇﻧﻤﺎ ﻣﺼﺪﻭﻡ ﺣﻴﺖ ﻫﻮ ﻋﺎﺭﻑ ﺑﻠﻲ ﺃﺭﺳﻼﻥ ﻛﺎﻳﻌﻴﻒ .. ﺷﺨﺺ ﻣﻌﻴﺎﻑ ﻣﻦ ﺍﻟﺪﺭﺟﺔ ﺍﻷﻭﻟﻰ ﻭﻟﻜﻦ ﻟﻠﻤﺮﺓ ﺍﻷﻟﻒ ﻫﺎ ﻫﻮ ﻛﺎﻳﺒﺪﻝ ﻃﺒﻊ ﻣﻦ ﻃﺒﺎﻋﻮ ﺑﺴﺒﺐ ﺣﺎﺟﺔ ﺟﺎﻳﺔ ﻣﻦ ﺭﻳﻤﺎﺱ ... ﺣﻂ ﻟﻴﻪ ﻟﻴﻜﻮﺵ ﺣﺪﺍﻩ ﻭ ﺑﻘﺎ ﻣﻘﺎﺑﻠﻮ ﺑﻌﻴﻨﻴﻪ ﺃﺵ ﻛﺎﻳﺪﻳﺮ
ﺃﺭﺳﻼﻥ : ﺳﺪ ﺷﺮﺍﺟﻢ
ﻣﺎﻟﻚ : ﻭﺍﺧﺎ ﺃ ﻣﻴﺴﺘﺮ ﺃﺭﺳﻼﻥ .. ﺗﺴﻨﺎ ﺍﺭﺳﻼﻥ ﺣﺘﻰ ﺳﺪ ﺷﺮﺍﺟﻢ ﻭ ﺍﻟﺒﺎﺏ ﺑﺎﺵ ﻣﺎﻳﻀﺮﺑﻮﺵ ﺍﻟﺒﺮﺩ ﻋﺎﺩ ﺣﻴﺪ ﻟﻔﺨﺮ ﺣﻮﺍﻳﺠﻮ ﻭﺻﻞ ﻟﻠﻴﻜﻮﺵ ﻭ ﺷﺎﻑ ﻓﻤﺎﻟﻚ
ﺃﺭﺳﻼﻥ : ﺃﺭﺍ ﻟﻴﻜﺎﺕ .. ﻋﻄﺎﻩ 2 ﻟﻲݣﺍﺕ ﺑﻮﻳﺾ ﻟﺒﺴﻬﻢ ﻓﻴﺪﻳﻪ ﻋﺎﺩ ﺣﻴﺪ ﻟﻴﻪ ﻟﻴﻜﻮﺵ ﻭ ﻋﻄﺎﻩ ﻟﻤﺎﻟﻚ ﺑﺎﺵ ﻳﻠﻮﺣﻮ ﻫﻮ ﻭ ﺩﻭﻙ ﺍﻟﻠﻴﻜﺎﺕ ﺑﺪﺍ ﻛﺎﻳﺴﻜﺖ ﻟﻴﻪ ﻓﻴﺪﻳﻪ ﺑﺸﻮﻳﺔ ﺑﺸﻮﻳﺔ .. ﻫﺰ ﻓﺨﺮ ﻭ ﺩﺍﻩ ﻟﻠﺪﻭﺵ ﻃﻠﻖ ﺍﻟﻤﺎ ﻭ ﺑﻘﺎ ﻛﺎﻳﺘﺴﻨﺎﻩ ﻳﻮﻟﻲ ﻓﺎﻟﺪﻓﺊ ﺍﻟﻤﻨﺎﺳﺐ ﻋﺎﺩ ﻫﺰ ﻓﻮﻃﺔ ﻧﺎﻋﻤﺔ ﻓﺰﻛﻬﺎ ﺑﺎﻟﻤﺎ ﻭ ﺑﺪﺍ ﻛﺎﻳﻤﺴﺢ ﻟﻴﻪ ﺣﺘﻰ ﻧﻘﺎﻩ ﻣﺰﻳﺎﻥ ﻭ ﻫﺰ ﻓﻮﻃﺔ ﺧﺮﺍ ﻟﻮﺍﻩ ﻓﻴﻬﺎ ﻭ ﺭﺟﻌﻮ ﻟﻠﻜﻨﺒﺔ ﺣﻄﻮ ﻭ ﺑﺪﺍ ﻛﺎﻳﻨﺸﻒ ﻟﻴﻪ .. ﺩﻫﻦ ﻟﻴﻪ ﻭﺍﺣﺪ ﺍﻟﻜﺮﻳﻢ ﺩﻳﺎﻝ ﺩﺭﺍﺭﻱ ﺍﻟﺼﻐﺎﺭ ﻭ ﺑﺪﺍ ﻛﺎﻳﻘﺎﺩ ﻟﻴﻪ ﻟﻴﻜﻮﺵ .. ﻟﺒﺲ ﻟﻴﻪ ﺣﻮﺍﻳﺞ ﺩﺍﻓﺊ ﻭ ﻫﺰ ﺍﻟﺒﻴﺒﻐﻮ ﻋﻄﺎﻫﺎ ﻟﻴﻪ ﺧﻼﻩ ﻛﺎﻳﺸﺮﺏ ﺍﻟﺤﻠﻴﺐ
ﻣﺎﻟﻚ : ﻣﻴﺴﺘﺮ ﺃﺭﺳﻼﻥ ﻭﺍﺵ ﺑﺎﻗﻲ ﻣﺤﺘﺎﺝ ﺷﻲ ﺣﺎﺟﺔ
ﺃﺭﺳﻼﻥ : ﺧﺮﺝ ﻭ ﺳﺪ ﺍﻟﺒﺎﺏ ﻣﻮﺭﺍﻙ
ﻣﺎﻟﻚ : ﻭﺍﺧﺎ ﺍ ﻣﻴﺴﺘﺮ ﺃﺭﺳﻼﻥ .. ﺧﺮﺝ ﻭ ﺧﻼﻫﻢ ... ﺗﻜﺎ ﻋﻠﻰ ﺍﻟﻜﻨﺒﺔ ﻭ ﻃﻠﻖ ﺭﺟﻠﻴﻪ ﻭ ﺗﻜﺎ ﻓﺨﺮ ﻋﻠﻰ ﺻﺪﺭﻭ ﻣﻦ ﻣﻮﺭ ﻣﺎ ﺳﺎﻻ ﺍﻟﺤﻠﻴﺐ .. ﺑﺪﺍ ﻛﺎﻳﺪﻭﺯ ﻳﺪﻳﻪ ﻋﻠﻴﻪ ﻳﺪﻳﻪ ﺑﺎﺵ ﻳﻨﻌﺲ ﺣﺘﻰ ﻏﻔﺎ ﻭ ﻧﻌﺴﻮ ﺑﺠﻮﺝ
♔ ﺑﺪﺍﺕ ﻛﺎﺗﺤﻞ ﻋﻴﻨﻴﻬﺎ ﺿﺎﺭﺕ ﻟﺠﻬﺔ ﺃﺭﺳﻼﻥ ﻣﺎﻟﻘﺎﺗﻮﺵ .. ﻧﺎﺿﺖ ﻭ ﻣﺸﺎﺕ ﻟﻠﻜﻮﻧﺔ ﺩﻳﺎﻝ ﻓﺨﺮ ﻭ ﺣﺘﻰ ﻫﻮ ﻣﺎﻟﻘﺎﺗﻮﺵ ﺑﺮﺩ ﻟﻬﺎ ﺍﻟﻤﺎ ﻓﺎﻟﺮﻛﺎﺑﻲ ﻭ ﺑﺪﺍ ﺩﻣﻬﺎ ﻛﺎﻳﻐﻠﻲ ﻣﻨﻴﻦ ﺗﻔﻜﺮﺍﺕ ﺃﺧﺮ ﻣﺮﺓ ﻓﺎﺵ ﻣﺎﻟﻘﺎﺗﻮﺵ ﺣﻴﺖ ﺩﺍﻭﻩ ﺑﺎﺵ ﻳﻌﻤﺪﻭﻩ ﻭ ﻫﺎﺩﺷﻲ ﻟﻲ ﻃﺎﺡ ﻓﺒﺎﻟﻬﺎ ﺩﺍﺑﺎ .. ﻏﻴﺮ ﻋﺎﻭﺩﻭ ﺩﺍﻭﻩ ﻟﺸﻲ ﻗﻨﺖ .. ﻫﺰﺍﺕ ﺗﻴﻠﻴﻔﻮﻥ ﻛﺎﺗﻌﻴﻂ ﻷﺭﺳﻼﻥ ﻭ ﺧﺮﺟﺎﺕ ﻛﺎﺗﺠﺮﻱ ﻟﻠﺸﻮﻣﺒﺮ ﻟﻲ ﻗﺎﺩﻭ ﻟﻔﺨﺮ ﻭ ﻛﺎﺗﺘﻤﻨﻰ ﻏﻴﺮ ﺗﻠﻘﺎﻩ .. ﺣﻼﺕ ﺍﻟﺒﺎﺏ ﺑﺠﻬﺪ ﻭ ﺑﻘﺎﺕ ﻛﺎﺗﻘﻠﺐ ﻋﻠﻴﻬﻢ ﺑﻌﻴﻨﻴﻬﺎ .. ﺣﺒﺴﻮ ﻧﻈﺮﺍﺗﻬﺎ ﻓﺠﻬﺔ ﻭﺣﺪﺓ ﻭ ﺗﺮﺳﻤﺎﺕ ﻋﻠﻰ ﻭﺟﻬﻬﺎ ﺇﺑﺘﺴﺎﻣﺔ ﺻﻐﻴﺮﺓ ﺷﻴﺌﺎ ﻓﺸﻴﺌﺎ ﺗﺤﻮﻻﺕ ﻹﺑﺘﺴﺎﻣﺔ ﺳﻌﺎﺩﺓ ﻣﻨﻴﻦ ﺷﺎﻓﺖ ﺩﺍﻙ ﺍﻟﻤﻨﻈﺮ ﺩﻳﺎﻟﻬﻢ .. ﻣﻨﻈﺮ ﺍﻷﺏ ﻭ ﻭﻟﺪﻭ .. ﻣﻨﻈﺮ ﺍﻷﺳﺪ ﻭ ﺍﻟﺸﺒﻞ ﺩﻳﺎﻟﻮ ﻛﺎﻥ ﻓﺨﺮ ﻧﺎﻋﺲ ﻣﻦ ﻓﻮﻕ ﺻﺪﺭ ﺃﺭﺳﻼﻥ .. ﺣﻴﺪﺍﺕ ﺍﻟﺘﻴﻠﻴﻔﻮﻥ ﻣﻦ ﻭﺩﻧﻴﻬﺎ .. ﻣﺎﺳﺨﺎﺗﺶ ﺑﻬﺎﺩ ﺍﻟﻠﺤﻈﺔ ﻭ ﺑﻐﺎﺗﻬﺎ ﺗﺒﻘﻰ ﻋﻨﺪﻫﺎ ، ﻫﺰﺍﺕ ﻃﻴﻠﻲ ﻭ ﺻﻮﺭﺍﺗﻬﻢ ﺩﺍﺭﺕ ﻃﻮﻑ ﺩﻳﺎﻟﻬﻢ ﻓﺎﻟﻔﻮﻧﺪ ﺩﻳﻜﻐﻮ ﻭ ﻗﺮﺑﺎﺕ ﻟﻌﻨﺪﻫﻢ .. ﺟﻠﺴﺎﺕ ﺟﻠﺴﺔ ﺍﻟﻘﺮﻓﺼﺎﺀ ﻭ ﺩﻭﺯﺍﺕ ﻳﺪﻳﻬﺎ ﻋﻠﻰ ﻓﺨﺮ ﻭ ﻋﺎﻭﺩﺍﺕ ﺩﻭﺯﺍﺗﻬﺎ ﻭﺟﻪ ﻋﻠﻰ ﺃﺭﺳﻼﻥ
ﺭﻳﻤﺎﺱ : ﺭﺍﻧﻲ ﻋﺎﺭﻓﺎﻙ ﻓﺎﻳﻖ ﺍ ﺃﺭﺳﻼﻧﻲ ﻏﻴﺮ ﺣﻞ ﻋﻴﻨﻴﻚ
ﺃﺭﺳﻼﻥ : ‏( ﺣﻞ ﻋﻴﻨﻴﻪ ‏) ﻭﻟﻴﺘﻲ ﻣﻄﻮﺭﺓ ﺍ ﻟﺒﺆﺗﻲ
ﺭﻳﻤﺎﺱ : ﺻﺒﺎﺡ ﺍﻟﻨﻮﺭ
ﺃﺭﺳﻼﻥ : ﻓﻴﻦ ﻓﻄﻮﺭﻱ .. ﺯﺍﺩﺕ ﻗﺮﺑﺎﺕ ﻟﻌﻨﺪﻭ ﻭ ﺑﺎﺳﺘﻮ
ﺭﻳﻤﺎﺱ : ﺑﺎﻥ ﻟﻴﺎ ﻓﻘﺘﻲ ﻗﺒﻞ ﻣﻨﻲ .. ﻣﺎﺳﻤﻌﺘﺶ ﺍﻟﺒﻜﺎ ﺩﻳﺎﻟﻮ ﺍﻟﺒﺎﺭﺡ
ﺃﺭﺳﻼﻥ : ﻣﺎﺧﻠﻴﺘﻮﺵ ﻳﺒﻜﻲ ﺑﺰﺍﻑ
ﺭﻳﻤﺎﺱ : ﻧﺘﺎ ﻟﻲ ﻧﻌﺴﺘﻴﻪ؟ ﺑﺎﻥ ﻟﻴﺎ ﺑﺪﺍ ﻳﻮﺍﻟﻒ ﺍﻟﺮﺿﺎﻋﺔ
ﺃﺭﺳﻼﻥ : ﻛﺎﻥ ﺧﺎﺹ ﻧﺒﺪﻝ ﻟﻴﻪ
ﺭﻳﻤﺎﺱ : ‏( ﺑﺼﺪﻣﺔ ‏) ﻧﺘﺎ ﻟﻲ ﺑﺪﻟﺘﻲ ﻟﻴﻪ؟؟
ﺃﺭﺳﻼﻥ : ﻣﺎﻛﺎﻧﺘﺶ ﺣﺎﺟﺔ ﺻﻌﻴﺒﺔ
ﺭﻳﻤﺎﺱ : ‏( ﺷﺪﺍﺗﻬﺎ ﺍﻟﻀﺤﻜﺔ ‏) ﺟﺎﺗﻨﻲ ﻓﺸﻜﻞ ‏( ﻫﺰﺍﺗﻮ ﻣﻦ ﻋﻨﺪﻭ ‏) ﺃﺟﻴﻲ ﺍ ﺣﺒﻴﺐ ﺍﻟﻤﺎﻣﺎ
ﺃﺭﺳﻼﻥ : ﺍﺵ ﻏﺎﺩﻳﺮﻱ ﻟﻴﻪ؟ !
ﺭﻳﻤﺎﺱ : ﻏﺎﻧﺪﻭﺵ ﻟﻴﻪ ﻭ ﻧﺪﺧﻞ ﻧﺪﻭﺵ ﻣﻌﺎﻩ
ﺃﺭﺳﻼﻥ : ﺑﺎﻗﻲ ﺻﻐﻴﺮ ﻋﻠﻰ ﺍﻟﻤﺎ
ﺭﻳﻤﺎﺱ : ﻋﻼﺵ ﻭﺍﺵ ﻧﺘﺎ ﺍﻟﺒﺎﺭﺡ ﻣﺎﺩﻭﺷﺘﻴﺶ ﻟﻴﻪ؟؟
ﺃﺭﺳﻼﻥ : ﻻ
ﺭﻳﻤﺎﺱ : ﺣﺴﻦ .. ﺍﻟﻤﻬﻢ ﺭﺍﻩ ﻣﺎﺷﻲ ﺻﻐﻴﺮ ﻋﻠﻰ ﺍﻟﻤﺎ ﻭﻟﻜﻦ ﺧﺎﺹ ﻳﻜﻮﻥ ﺍﻟﻤﺎ ﺩﺍﻓﻲ ﻭ ﻳﻐﺴﻞ ﺑﺸﻮﻣﺒﻮﺍﻥ ﺩﻳﺎﻟﻮ ﻭ ﻣﺎﻳﺒﻘﺎﺵ ﻋﺮﻳﺎﻥ ﺑﺰﺍﻑ ﺑﺎﺵ ﻣﺎﻳﻀﺮﺑﻮﺵ ﺍﻟﺒﺮﺩ ﻭ ﻛﺎﻧﻐﺴﻞ ﻟﻴﻪ ﻏﻴﺮ ﺑﻴﺪﻱ ﺑﺎﺵ ﻣﺎﻳﺘﺤﺮﺩﺵ ﻟﺤﻤﻮ ﻭ ﺍﻟﻔﻮﻃﺔ ﺗﻜﻮﻥ ﺭﻃﺒﺔ ﻭ ﺯﻳﺪ ﻭ ﺯﻳﺪ ﺍﻟﻤﻬﻢ ﻫﺎﻧﻲ ﺩﺍﺧﻠﺔ ﻧﺪﻭﺵ ﻟﻴﻪ
ﺃﺭﺳﻼﻥ : ﺯﻳﺪﻱ
ﺭﻳﻤﺎﺱ : ﻭ ﻧﺘﺎ ﻓﻴﻦ ﺩﺍﺧﻞ
ﺃﺭﺳﻼﻥ : ﻏﺎﻧﺪﺧﻞ ﻧﺪﻭﺵ ﻣﻊ ﻣﺮﺗﻲ ﻭ ﻭﻟﺪﻱ
ﺭﻳﻤﺎﺱ : ﻻ ﻻ ﻻ ﺍﻳﻼ ﺩﺧﻠﺘﻲ ﻣﺎﻏﺎﺗﺨﻠﻴﻨﻴﺶ ﻧﺮﻛﺰ ﻭ ﻏﺎﻧﺒﻘﺎﻭ ﺗﻤﺎ ﺣﺘﻰ ﻳﻀﺮﺑﻮ ﺍﻟﺒﺮﺩ
ﺃﺭﺳﻼﻥ : ﻛﺎﺗﻌﺘﺎﺭﻓﻲ ﺑﻲ ﻛﺎﻧﺸﺘﺖ ﻟﻚ ﺍﻹﻧﺘﺒﺎﻩ
ﺭﻳﻤﺎﺱ : ﻻ ﻏﻴﺮ ﻣﺎﻛﺎﺗﺨﻠﻴﻨﻴﺶ ﻧﺮﻛﺰ
ﺃﺭﺳﻼﻥ : ﻭ ﺷﻨﻮ ﺍﻟﻔﺮﻕ
ﺭﻳﻤﺎﺱ : ﺑﻔﻔﻔﻒ ﺻﺎﻓﻲ ﺩﺧﻞ ﺩﺧﻞ ﻭﻟﻜﻦ ﺑﺸﺮﻁ
ﺃﺭﺳﻼﻥ : ﺗﺸﺮﻃﻲ ﺍ ﻟﺒﺆﺗﻲ
ﺭﻳﻤﺎﺱ : ﻣﻤﻨﻮﻉ ﺍﻟﻠﻤﺲ ﻭ ﺍﻟﻘﺒﻼﺕ ﻭ ﺍﻷﺣﻀﺎﻥ
ﺃﺭﺳﻼﻥ : ﻻ
ﺭﻳﻤﺎﺱ : ﻻ؟
ﺃﺭﺳﻼﻥ : ﺑﺎﻏﻲ ﻧﻌﻨﻖ ﻣﺮﺗﻲ ﻋﻨﺪﻙ ﺷﻲ ﺇﺷﻜﺎﻝ؟ ! ... ﺿﻮﺭﺍﺕ ﺭﺍﺳﻬﺎ ﻟﺠﻮﺝ ﺟﻮﺍﻳﻪ ﺑﻤﻌﻨﻰ ﻻ ﺣﻮﻝ ﻭ ﺩﺧﻼﺕ .. ﺗﺒﻌﻬﺎ ﻭ ﺩﺍﻛﺸﻲ ﻟﻲ ﻗﺎﻟﺖ ﻟﻴﻪ ﻣﺎﻳﻜﻮﻧﺶ ﻫﻮ ﻟﻲ ﻛﺎﻥ ﻣﺎﻳﻤﺸﻴﺶ ﺑﺎﻟﻜﻢ ﺑﻌﻴﺪ ﺩﺍﻛﺸﻲ ﻛﺎﻥ ﻓﺈﻃﺎﺭ ﺍﻟﻘﺒﻼﺕ ﻭ ﺍﻷﺣﻀﺎﻥ ﻓﻘﻂ ﺣﻴﺖ ﻫﻮ ﻣﺤﺘﺮﻡ ﻓﺘﺮﺓ ﺍﻟﻨﻔﺎﺱ ... ﺧﺮﺟﻮ ﻣﻦ ﺍﻟﺪﻭﺵ ﻻﺑﺴﻴﻦ ﺑﻴﻨﻮﺍﺭﺍﺕ ﻭ ﺭﻳﻤﺎﺱ ﺩﺍﻳﺮﺓ ﻓﻮﻃﺔ ﻋﻠﻰ ﺷﻌﺮﻫﺎ ﺣﺘﻰ ﻣﻦ ﻓﺨﺮ ﻛﺎﻧﻮ ﻣﻠﺒﺴﻴﺘﻮ ﺑﻴﻨﻮﺍﺭ ﺻﻐﻴﺮ ﺑﻴﺾ
ﺭﻳﻤﺎﺱ : ﻭﺍ ﺯﻋﻤﺎ ﻫﺎﺩﺷﻲ ﻏﻴﺮ ﻫﻀﺮﻧﺎ ﺷﻮﻑ ﺍﻟﻄﺎﺑﻊ ﻟﻲ ﺧﻠﻴﺘﻲ .. ﻭﺭﺍﺗﻮ ﻋﻨﻘﻬﺎ ﻛﺎﻥ ﻓﻴﻪ ﻃﺒﻌﺔ ﺯﺭﻗﺔ
ﺃﺭﺳﻼﻥ : ﻭﺭﻳﻨﻲ ﺍﻟﺠﻬﺔ ﻻﺧﺮﺍ
ﺭﻳﻤﺎﺱ : ﻫﺎﻧﺘﺎ ﺷﻔﺘﻲ ﺍﻟﻔﺮﻕ؟ ... ﻏﻔﻠﻬﺎ ﺑﻌﻀﺔ
ﺃﺭﺳﻼﻥ : ﻣﻴﺒﻘﺎﺵ ﻓﻴﻚ ﺍﻟﺤﺎﻝ ﻫﺎ ﻫﻤﺎ ﻭﻻﻭ ﻓﻴﻚ 2 ﺑﻼﺻﺔ ﻭﺣﺪﺓ ... ﻛﺎﻧﻮ ﻏﺎﻓﻠﻴﻦ ﻋﻠﻰ ﻋﻴﻮﻥ ﺃﺳﻮﺍﺭ ﻟﻲ ﺣﺎﺿﻴﻬﻢ ﺃﻭﻝ ﺑﺎﻷﺣﺮﻯ ﻏﻴﺮ ﺭﻳﻤﺎﺱ ﻟﻲ ﻛﺎﻧﺖ ﻏﺎﻓﻠﺔ ﻋﻠﻴﻬﻢ
ﺃﺳﻮﺍﺭ : ﺃﺣﻢ ﺃﺣﻢ .. ﻃﻠﻌﺖ ﻏﻴﺮ ﺑﺎﺵ ﻧﻘﻮﻟﻜﻢ ﻭﺍﺵ ﻏﺎﺗﻔﻄﺮﻭ ﻫﺎﻧﻲ ﻏﺎﺩﻱ .. ﻛﺎﻥ ﻏﺎﺩﻱ ﺣﺘﻰ ﻭﻗﻔﻮ ﺃﺭﺳﻼﻥ ﺑﻬﻀﺮﺗﻮ
ﺃﺭﺳﻼﻥ : ﺗﺴﻨﺎ ‏( ﺷﺎﻑ ﻓﺮﻳﻤﺎﺱ ‏) ﺳﻴﺮﻱ ﻟﻠﺠﻨﺎﺡ ﻟﺒﺴﻲ ﺣﻮﺍﻳﺠﻚ
ﺭﻳﻤﺎﺱ : ‏( ﺑﺼﻮﺕ ﻣﻨﺨﻔﺾ ﺣﺪﺍ ﻭﺩﻧﻴﻪ ‏) ﻣﺎﺗﻘﺼﺤﺶ ﻣﻌﺎﻩ ﺍﻟﻬﻀﺮﺓ ﺭﺍﻩ ﻛﺎﻳﺒﻘﺎ ﺧﻮﻙ
ﺃﺭﺳﻼﻥ : ﺳﻴﺮﻱ ﺑﺪﻟﻲ
ﻣﺸﺎﺕ ﺭﻳﻤﺎﺱ ﻟﻠﺠﻨﺎﺡ ﻭ ﺑﻘﺎ ﺃﺭﺳﻼﻥ ﻭ ﺃﺳﻮﺍﺭ ﻓﺎﻟﺸﻮﻣﺒﺮ ﺩﻳﺎﻝ ﻓﺨﺮ .. ﺭﺟﻊ ﺟﻠﺲ ﻓﻮﻕ ﺍﻟﻜﻨﺒﺔ ﻭ ﺣﻂ ﺭﺟﻠﻴﻪ ﻣﻦ ﻓﻮﻕ ﺍﻟﻄﺒﻠﺔ ﻫﺰ ﻋﻴﻨﻮ ﻓﻴﻪ ﻟﻘﺎﻩ ﻣﺘﺒﻌﻮ ﻭ ﻛﺎﻳﺘﺴﻨﺎﻩ ﺃﺵ ﻏﺎﻳﻘﻮﻝ
ﺃﺭﺳﻼﻥ : ﺷﺤﺎﻝ ﻭ ﻧﺘﺎ ﻣﺰﻭﺝ ﺑﺈﻳﻠﻴﻨﺎ
ﺃﺳﻮﺍﺭ : ﺗﻘﺮﻳﺒﺎ 3 ﺳﻨﻴﻦ ﻋﻼﺵ ﻫﺎﺩ ﺍﻟﺴﺆﺍﻝ
ﺃﺭﺳﻼﻥ : ﻣﺎﻛﺎﺗﺤﺲ ﻣﻦ ﺟﻬﺘﻬﺎ ﻭﺍﻟﻮ !.
ﺃﺳﻮﺍﺭ : ﻋﻼﺵ ﻫﺎﺩ ﺍﻷﺳﺌﻠﺔ؟؟
ﺃﺭﺳﻼﻥ : ﺑﻐﻴﺖ ﻧﻌﺮﻑ ﺧﻮﻳﺎ ﻭﺍﺵ ﻣﺮﺗﺎﺡ
ﺃﺳﻮﺍﺭ : ﻣﺎﻛﺎﻧﺒﻐﻴﻬﺎﺵ ﻭ ﻧﺘﺎ ﻋﺎﺭﻑ ﺗﺰﻭﺟﺘﻬﺎ ﺑﺎﺵ ﻧﺪﻳﺮ ﻟﺨﺎﻃﺮ ﻟﺠﺪﻱ
ﺃﺭﺳﻼﻥ : ﺟﺪﻱ ﻣﺎﺕ ﻛﺘﺮ ﻣﻦ ﻋﺎﻡ ﻋﻼﺵ ﺑﺎﻗﻲ ﻣﺰﻭﺝ ﺑﻴﻬﺎ ... ﺑﻘﺎ ﺃﺳﻮﺍﺭ ﺳﺎﻛﺖ ﻟﻤﺪﺓ
ﺃﺳﻮﺍﺭ : ﻣﺎﺑﻐﻴﺘﺶ ﻧﻀﻴﻊ ﻟﻬﺎ ﺳﻌﺎﺩﺗﻬﺎ
ﺃﺭﺳﻼﻥ : ﻛﺎﺗﺒﻐﻴﻬﺎ ﻭﻻ ﻣﺎﻛﺎﺗﺒﻐﻴﻬﺎﺵ
ﺃﺳﻮﺍﺭ : ﻣﺎﻛﺎﻧﺒﻐﻴﻬﺎﺵ
ﺃﺭﺳﻼﻥ : ‏( ﺑﺒﺮﻭﺩ ‏) ﻃﻠﻘﻬﺎ
ﺃﺳﻮﺍﺭ : ﻋﻼﺵ ﻏﺎﻧﻄﻠﻘﻬﺎ؟؟
ﺃﺭﺳﻼﻥ : ﻃﻠﻘﻬﺎ ﻭ ﺍﻧﺎ ﻏﺎﻧﺰﻭﺟﻬﺎ ﺑﺎﻟﺮﺍﺟﻞ ﻟﻲ ﻏﺎﻳﺨﻠﻴﻬﺎ ﻓﺮﺣﺎﻧﺔ ﻓﺤﻴﺎﺗﻬﺎ
ﺃﺳﻮﺍﺭ : ﺷﻜﻮﻥ ﻫﺪﺍ؟؟؟
ﺃﺭﺳﻼﻥ : ﻣﺎﻟﻚ
ﺃﺳﻮﺍﺭ : ﺍﺵ ﺟﺎﺑﻮ ﻫﻮ ﻟﻠﻬﻀﺮﺓ؟؟؟ ﻭ ﺍﺵ ﺑﻴﻨﻮ ﻭ ﺑﻴﻨﻬﺎ
ﺃﺭﺳﻼﻥ : ﺣﺎﻟﻴﺎ ﻣﺎ ﺑﻴﻨﺎﺗﻬﻢ ﻭﺍﻟﻮ .. ﻫﻮ ﻃﻠﺐ ﻣﻨﻲ ﺑﺎﺵ ﻳﺘﺰﻭﺝ ﻭ ﺍﻧﺎ ﻟﻘﻴﺖ ﻟﻮ ﺍﻟﻤﺮﺍ
ﺃﺳﻮﺍﺭ : ﻭﻟﻴﺘﻲ ﺧﺪﺍﻡ ﺳﻤﺴﺎﺭ؟؟؟؟ ﻛﻴﻔﺎﺵ ﻛﺎﺗﺴﻤﺴﺮ ﻓﻤﺮﺍﺗﻲ ﻭ ﻫﻲ ﺑﺎﻗﺎ ﻓﺎﻟﺬﻣﺔ ﺩﻳﺎﻟﻲ
ﺃﺭﺳﻼﻥ : ﻣﺎﻛﺎﺗﺒﻐﻴﻬﺎﺵ
ﺃﺳﻮﺍﺭ : ﺭﺍﻫﺎ ﺑﺎﻗﺎ ﻣﺮﺗﻲ
ﺃﺭﺳﻼﻥ : ﻣﺎﻏﺎﺗﺒﻘﺎﺵ
ﺃﺳﻮﺍﺭ : ﻭﺍﺵ ﺑﺎﻏﻲ ﺗﺘﺤﻜﻢ ﻟﻲ ﻓﺤﻴﺎﺗﻲ ﺭﺍﻩ ﺑﻴﻨﻲ ﻭ ﺑﻴﻨﻬﺎ ﻭﻟﺪ
ﺃﺭﺳﻼﻥ : ﻏﺎﺗﺒﻘﺎ ﻛﺎﺗﺸﻮﻑ ﻭﻟﺪﻙ ﻣﺎﻏﺎﻳﺒﻌﺪﺵ ﻋﻠﻴﻚ
ﺃﺳﻮﺍﺭ : ﻟﻲ ﺑﺎﻏﻲ ﻗﻠﺒﻲ ﻣﺎﺑﻘﺎﺗﺶ ﺩﻳﺎﻟﻲ ﺧﺪﻳﺘﻴﻬﺎ ﻣﻨﻲ ﻭ ﺩﺍﺑﺎ ﺑﺎﻏﻲ ﺗﻄﻠﻘﻨﻲ ﺣﺘﻰ ﻣﻦ ﺃﻡ ﻭﻟﺪﻳﻲ ... ﻭﺍﺵ ﺷﻜﻴﺖ ﻋﻠﻴﻚ ﺑﺎﻏﻲ ﻧﺘﻄﻠﻖ
ﺃﺭﺳﻼﻥ : ﺑﺎﻥ ﻟﻴﺎ ﻣﺰﺍﻝ ﻣﺎﻋﺎﺭﻓﺶ ﺍﺵ ﺑﺎﻏﻲ ‏( ﻧﺎﺽ ﻟﺠﻬﺘﻮ ﻭ ﺣﻂ ﻳﺪﻳﻪ ﻣﻦ ﻛﺘﻔﻮ ‏) ﻋﻨﺪﻙ ﺷﻬﺮ .. ﺷﻬﺮ ﻭﺍﺣﺪ ﻏﺎﺩﻭﺯﻭ ﻧﺘﺎ ﻭ ﻣﺮﺗﻚ ﻭ ﻭﻟﺪﻙ ﺑﻮﺣﺪﻛﻢ ﺑﻌﺎﺩ ﻋﻠﻰ ﺍﻟﻘﺼﺮ .. ﻓﺎﺵ ﻏﺎﺗﺮﺟﻌﻮ ﻏﺎﻧﺴﻮﻟﻬﺎ ﻭ ﺩﻳﺮ ﻓﺒﺎﻟﻚ ﺍﻳﻼ ﺳﻤﻌﺖ ﺷﻜﻮﻯ ﻭﺣﺪﺓ ﻣﻨﻬﺎ ﻣﺎﺑﺎﻗﻴﺶ ﺗﺤﻠﻢ ﺑﻴﻬﻢ ﻭ ﺿﻤﻦ ﻃﻼﻗﻚ ﻣﻨﻬﺎ ﻭ ﻭﻟﺪﻙ ﺍﻧﺎ ﻟﻲ ﻏﺎﻧﺮﺑﻴﻪ .. ﺭﺗﺐ ﻟﻴﻪ ﻋﻠﻰ ﻛﺘﻔﻮ ﻭ ﺧﺮﺝ ﻣﻦ ﺍﻟﺸﻮﻣﺒﺮ ﻓﺈﺗﺠﺎﻩ ﺍﻟﺠﻨﺎﺡ ﻳﺸﻮﻑ ﻟﺒﺆﺗﻮ .. ﺧﻼ ﺃﺳﻮﺍﺭ ﺿﺎﻳﺮﺓ ﺑﻴﻪ ﺍﻟﺪﻧﻴﺎ ﻭ ﻫﻮ ﻛﺎﻳﺸﻮﻑ ﺭﺍﺳﻮ ﻏﺎﻳﺨﺴﺮ ﻛﻠﺸﻲ .. ﻭ ﻋﺎﺋﻠﺘﻮ ﺍﻟﺼﻐﻴﺮﺓ ﻟﻲ ﻣﺎﻛﺎﻧﺶ ﻋﺎﻃﻴﻬﺎ ﻗﻴﻤﺔ ﻗﺮﻳﺐ ﻳﺨﺴﺮﻫﺎ ﻭ ﻳﺒﻘﻰ ﺑﻮﺣﺪﻭ ... ﻫﺒﻄﻮ ﻛﻠﻬﻢ ﻳﻔﻄﺮﻭ ﻭ ﻣﻮﺭﺍﻫﺎ ﺃﺳﻮﺍﺭ ﻭﺻﻠﻮﻩ 3 ﺗﺬﺍﻛﺮ ﻟﻬﻮﻧﻎ ﻛﻮﻧﻎ ﻭ ﻋﻨﻮﺍﻥ ﺍﻟﻔﻴﻼ ﻟﻲ ﻏﺎﻳﺠﻠﺴﻮ ﻓﻴﻬﺎ ﺑﺎﺵ ﻳﻤﺸﻲ ﻫﻮ ﻭ ﻣﺮﺗﻮ ﻭ ﻭﻟﺪﻭ ﺍﻣﺎ ﺃﺑﺮﺍﻫﺎﻡ ﻏﻴﺮ ﺳﺎﻻ ﻓﻄﻮﺭﻭ ﻣﻊ ﺍﻟﻌﺎﺋﻠﺔ ﻣﺸﺎ ﻣﻊ ﺃﺭﺳﻼﻥ ﺑﺎﺵ ﻳﻮﺭﻳﻪ ﺍﻟﻤﻨﺼﺐ ﺩﻳﺎﻟﻮ ﺍﻟﺠﺪﻳﺪ .. ﻛﻠﻔﻮ ﺃﺭﺳﻼﻥ ﻳﺘﻜﻠﻒ ﺑﻮﺣﺪﺓ ﻣﻦ ﺷﺮﻛﺎﺗﻮ ﻭ ﻳﺴﻴﺮﻫﺎ ﻣﺪﺍﻡ ﺍﻧﻪ ﻭﻻ ﻭﺍﺣﺪ ﻣﻦ ﺍﻟﻌﺎﺋﻠﺔ ...