إمبراطورية الأسود

البارت 115

ماتحكموش على ريماس على هادشي لي كادير فيه فقرارها بالزواج من ارسلان حيت من عندي انا راه عندها الحق و بغيت نوضح لكم واحد القضية فهاد البارت .. فقضية التملك و الحرمان من الحرية لي نتاشرات مؤخرا بزاف فالقصص فهاد البارت بغيت نوضح لكم بلي الحرمان من الحرية و التملك عمرهم كانو حاجة زوينة و مابغيتش نزوقهم لكم و نكدب عليكم بحال القصص السابقة حيت ببساطة هادشي ماكايدلش على الحب .. عموما فشي قضايا غاتلقاوهم فالقصة غادي تلقاوني موضفة فيهم الواقعية .. حاجة خرا مهمة بزاف عمركم تفكرو بلي قضية البطل يبزز زواج على البطلة هادشي رومانسي حيت تيقو بيا لوكان تحطو راسكم فمكان البطلة و يتبزز عليكم زواج من شي حد ماكاتحملوهش ولا ماكاتعرفوهش .. غاتكرهو راسكم ..

بقات ريماس كاتفكر فهضرة أديرة ماشي حيت شاكة فدينها و إنما حيت طاحت فبالها واحد الفكرة و بقات كاتتشاور مع راسها واش قرارها هاد المرة صحيح؟؟؟ شنو غاتكون ردة فعل أرسلان فيه؟؟ .. لا هي ولات متأكدة بلي هاد القرار هو الحل الأخير لي بقا لها باش تدخل أرسلان للإسلام و عاد زيد عليها شروطها
ريماس : ( بإبتسامة خفيفة ) غانفكر
أديرة : وا هاكاك ا بنتي و يرضي عليك حاولي ماتبقايش تشوفي أرسلان و احم مايعاودش يقرب لك راك عارفة ا بنتي العادات و التقاليد
ريماس : دابا نهضر معاه فهادشي
أديرة : يلاه ا بنتي رتاحي و شوية نسيفط لك الدكتور
ريماس : لا بلاش ا خالتي راني بيخير
أديرة : كيفاش ا بنتي بيخير و نتي كلك مهرسة
ريماس : راه عادي بلا ماتكبرو الموضوع تهريسة و تجبرات
أديرة : اويلي على تهريسة و تجبرات تسناي هاني غانسيفطو لك داااابا
أرسلان : ( ببرود ) بلاش
أديرة : ( بإبتسامة حنونة ) ولدي كي داز نهارك؟؟
أرسلان : عادي ( شافت فيه ريماس و قلبات وجهها بغضب لاحظ الغضب ديالها و عدم الرضى عرفها ماعجبهاش الحال ) و نتي كي داز نهارك؟
أديرة : ( بفرح ) داز مزيان ا ولدي منين شفتك واش فيك الجوع نقول للخدامات يحطو العشا دابا؟؟؟
أرسلان : واخا
أديرة : هاني غانمشي دابا نيت .. خرجات من الغرفة من مور ماوجهات لريماس نظرة شكر و إمتنان .. بتاسمات ريماس ابتسامة خفيفة و هي كاتشوف فأرسلان
ريماس : كي دوزتي نهارك؟
ارسلان : جلسي ماتنوضيش ها الطبيبة جات لي تحيد لك داك العفن لي داروه
ريماس : إينا عفن؟؟؟
أرسلان : لي مجبرة بيه رجليك
ريماس : و علاش؟؟؟؟ ... قرب لعندها شوية و شد وجهو بين يديها
أرسلان : كاتهمني صحة مرتي .. ماكانتيقش فالسبيطارات العمومية ... دخلو 2 دكتورات مع طاقم طبي كااامل باش يفحصو رجليها و يديها شافتهم و بقات كاتشوف فأرسلان بإستغراب
ريماس : راني غير مهرسة ماشي غاندخل ندير عملية
أرسلان : لبؤتي غاتسمع الهضرة هاد المرة و تخليهم يديرو شغلهم ياك
ريماس : على حسب واش هدا أمر ولا طلب
أرسلان : طلب
ريماس : واخا ايلا كان هاكا غانخليهم ولكن واش ماشي بزاف؟؟؟
أرسلان : درتي حادثة .. خاص نتأكد ماواقع لك والو
ريماس : كاتخاف عليا؟؟ ... قرب لودنيها و همس
أرسلان : كانخاف عليك من الهوا لي كايدوز من حداك
ريماس : لهاد الدرجة؟؟
أرسلان : خليهم يشوفو خدمتهم .. قربو لها الدكتورات بالمعدات ديالهم ماهضرو معاها ماتكلمو معاها حيت قبل مايجيو حذرهم أبراهام يشاركو معاها الهضرة أو يقيسو فمناطق خاااصة سينو غايتيري فيهم و يجيب غيرهم .. حيدو لها جبيرة و فحصوها بمعدات حديثة بقاو خدامين ساعة باش جبرو لها رجليها و يديها
الدكتورة : سي أرسلان المدام فعلا عندها كسر فالرجل و اليد ولكن كسور خفيفة بالنسبة للأعضاء الاخرين حتى واحد فيهم ماتضرر .. غادي يخصها هاد البومادا باش تحيد لها سيكاتريس لي فوجهها و فركابيها و عكاز حيت غاتحتاجو
أرسلان : ايمتا غاترجع صحتها؟!
الدكتورة : ماغاتبقاش بزاف و هي فهاد الحالة الموضوع خاصو شهر و غاترجع بحال اللول ولكن لي نوصيها بيه هو ماتحاولش دير مجهود بالأعضاء لي عندها فيهم كسر و انا غانبقا نطلع نعاينها كل يومين
أرسلان : خرجي .. جمعات المعدات ديالها هي و لي معاها و ستأذنو و خرجو
ريماس : دابا انا غانبقا كانتسنا شهر باش نرجع كيف كنت؟؟؟ واش من نيتها هادي
أرسلان : فهاد الشهر ممنوع ديري جهد كتر منك
ريماس : مانعرفت
أرسلان : دابا تعرفي .. تفكرات شي حاجة و سولاتو
ريماس : بغيت نسولك و بغيت الحقيقة
أرسلان : سولي
ريماس : الطبيب لي جبر لي و السائق ماقتلتيهمش ياك؟؟؟
أرسلان : ماقتلتهومش ( تنهدات براحة قبل مايكمل بهضرتو ) عجلت أجلهم لا غير
ريماس : يعني قتلتيهم؟؟؟؟؟
أرسلان : ( بشبه إبتسامة ) ديري فبالك جوج حوايج .. ماعزيزش عليا لي يحط يديه على حاجتي .. ماعزيزش عليا لي يأذي زغبة من مرتي ... خاصك تولفي
ريماس : علاااااش قتلتيهم؟؟؟؟؟؟ السيد راه عاونني ا ارسلان راه هو لي وصلني للسبيطار .. هو لي كان كايجري معايا و قلت لك راه عتاااذر واش غاتبقا كاتقتل فعباد الله غير هاكا؟؟؟؟؟
أرسلان : ايلا تطلب الأمر ماغانفكرش
ريماس : فاش ماغاتفكرش؟؟؟
أرسلان : ماغانفكرش جوج مرات باش نلخص ليه حياتو ...