إمبراطورية الأسود

البارت 154

ﺭﺟﻌﺎﺕ ﺩﺍﻙ ﺍﻟﺠﻨﺎﺡ ﻣﻌﺸﺒﺔ ﻭ ﻟﻲ ﺣﺘﺎﺟﺘﻬﺎ ﻛﺎﻳﺠﻴﺒﻮﻫﺎ ﻟﻬﺎ .. ﺍﺭﺳﻼﻥ ﻓﻌﻼ ﻣﺎﻛﺎﻳﺄﻣﻨﺶ ﺑﺎﻟﺴﺤﺮ ﺑﺎﻟﺤﻖ ﻓﻘﻀﻴﺔ ﺍﻟﻄﺐ ﺍﻟﺒﺪﻳﻞ ﻭ ﺍﻻﻋﺸﺎﺏ ﺍﻟﻄﺒﻴﻌﻴﺔ ﻋﺎﺭﻑ ﺑﻠﻲ ﺭﺍﻩ ﻓﻌﻼ ﻛﺎﻳﺪﺍﻭﻳﻮ ﻭ ﻫﺎﺩﻱ ﺣﺎﺟﺔ ﻃﺒﻴﻌﻴﺔ ﺣﻴﺖ ﻋﻨﺪﻭ ﺷﺮﻛﺎﺕ ﺩﻳﺎﻝ ﺍﻷﺩﻭﻳﺔ ﻭ ﺍﻻﺩﻭﻳﺔ ﻓﺎﻟﻐﺎﻟﺐ ﻛﺎﺗﻜﻮﻥ ﻣﺼﻨﻮﻋﺔ ﻣﻦ ﻧﺒﺎﺗﺎﺕ ﻭﻻ ﺍﻋﺸﺎﺏ ﻣﻌﻴﻨﺔ ... ﺣﻴﺪﺍﺕ ﻟﺮﻳﻤﺎﺱ ﺣﻮﺍﻳﺠﻬﺎ ﻭ ﺣﻄﺎﺕ ﻟﻬﺎ ﺍﻟﻨﺒﺘﺔ ﻟﻲ ﻛﺎﻧﺖ ﺭﻗﺪﺍﺗﻬﺎ ﻓﻮﻕ ﺫﺍﺗﻬﺎ ﺑﺎﺵ ﺗﺤﺎﻓﺾ ﻟﻬﺎ ﻋﻠﻰ ﺍﻟﺒﺮﻭﺩﺓ ﺩﻳﺎﻝ ﺍﻟﺠﺴﻢ ﻣﺆﻗﺘﺎ ﺑﺎﺵ ﻣﺎﻳﺘﻤﺼﺶ ﺍﻟﺠﺴﻢ ﺍﻟﺴﻮﺍﺋﻞ ﺑﺰﺍﻑ .. ﻋﺎﻭﺩﺍﺕ ﻫﺰﺍﺕ ﻭﺍﺣﺪ ﺍﻟﻌﺸﺒﺔ ﺭﻳﺤﺘﻬﺎ ﻣﺠﻬﺪﺓ ﺑﺰﺍﻑ ﻭ ﺧﺎﻧﺰﺓ ﺣﻄﺎﺗﻬﺎ ﺣﺪﺍ ﻧﻴﻒ ﺭﻳﻤﺎﺱ ﺑﺎﺵ ﺗﻔﻴﻖ .. ﺑﺪﺍﺕ ﻛﺎﺗﺨﺼﺮ ﺳﻴﻔﺘﻬﺎ ﺑﺸﻮﻳﺔ ﻭ ﻛﺎﺗﺒﻌﺪ ﻭﺟﻬﻬﺎ ﻭ ﻫﻲ ﻣﻐﻤﻀﺔ ﻋﻴﻨﻴﻬﺎ ﺑﺎﺵ ﻣﺎﺗﺸﻤﺶ ﺩﻳﻚ ﺍﻟﺮﻳﺤﺔ .. ﻫﻲ ﻛﺎﺗﻘﻠﺐ ﻭﺟﻬﻬﺎ ﻭ ﺍﻻﻓﺮﻳﻘﻴﺔ ﻛﺎﺗﻘﺮﺏ ﻟﻬﺎ ﺍﻟﻨﺒﺘﺔ ﺣﺘﻰ ﺑﺪﺍﺕ ﻛﺎﺗﺤﻞ ﻋﻴﻨﻴﻬﺎ ﻭ ﻛﺎﺗﻬﺰ ﻳﺪﻳﻬﺎ ﺑﺒﻄﺊ ﺑﺎﺵ ﺗﺒﻌﺪ ﺩﺍﻛﺸﻲ ﻣﻦ ﺣﺪﺍ ﻧﻴﻔﻬﺎ .. ﻏﻴﺮ ﺷﺎﻓﺘﻬﺎ ﺣﺮﻛﺎﺕ ﻳﺪﻳﻬﺎ ﻭ ﻫﻲ ﺗﻨﻮﺽ ﻛﺎﺗﺠﺮﻱ ﺟﺎﺑﺖ ﻭﺍﺣﺪ ﺍﻟﺰﻻﻓﺔ ﻭ ﻭﺍﺣﺪ ﺍﻟﭙﻴﻜﻮﺭﺍ ﻋﻤﺮﺍﺗﻬﺎ ﺑﺎﻟﺰﻳﺖ ﺩﻳﺎﻝ ﻭﺍﺣﺪ ﺍﻟﻌﺸﺒﺔ .. ﻫﺰﺍﺕ ﻟﻬﺎ ﺭﺍﺳﻬﺎ ﺑﺎﺵ ﺗﺸﺮﺑﻬﺎ ﻭﻟﻜﻦ ﻓﻮﻗﻤﺎ ﻛﺎﺗﺒﻐﻲ ﺗﺸﺮﺑﻬﺎ ﻛﺎﺗﻘﻠﺐ ﺭﻳﻤﺎﺱ ﻭﺟﻬﻬﺎ
ﺍﻻﻓﺮﻳﻘﻴﺔ : ﺣﻠﻲ ﻓﻤﻚ ﺑﺎﺵ ﺗﺒﺮﺍﻱ ﺩﻏﻴﺎ ... ﻗﻠﺒﺎﺕ ﻭﺟﻬﻬﺎ ﻟﺠﻬﺔ ﺍﺭﺳﻼﻥ ﺣﺘﻰ ﻣﻦ ﻗﺪﺭﺓ ﺍﻟﻬﻀﺮﺓ ﻣﺎﺑﻘﺎﺗﺶ ﻋﻨﺪﻫﺎ .. ﺣﻴﺪ ﻟﻬﺎ ﺩﻳﻚ ﺍﻟﭙﻴﻜﻮﺭﺓ
ﺃﺭﺳﻼﻥ : ﺑﻌﺪﻱ
ﺍﻻﻓﺮﻳﻘﻴﺔ : ﺭﺍﻩ ﺧﺎﺻﻬﺎ ﺿﺮﻭﺭﻱ ﺗﺸﺮﺏ ﻣﻨﻮ ﻣﺎﺑﻘﺎﺵ ﺍﻟﻮﻗﺖ ﺑﺰﺍﻑ .. ﺣﺎﻟﺘﻬﺎ ﻣﺎﻛﺎﻃﻤﻨﺶ ﻭ ﻧﻘﺪﺭﻭ ﻧﺨﺴﺮﻭﻫﺎ ﺍﻳﻼ ﺑﻘﺎ ﻫﺎﻛﺎ .. ﻣﺸﺎﺕ ﺑﺎﺵ ﺗﻮﺟﺪ ﺍﻻﻋﺸﺎﺏ ﻻﺧﺮﻳﻦ ﻭ ﺧﻼﺕ ﺍﺭﺳﻼﻥ ﻛﺎﻳﺤﺎﻭﻝ ﻣﻊ ﺭﻳﻤﺎﺱ ﺑﺎﺵ ﺗﺠﻠﺲ ﻭﻻ ﻋﻠﻰ ﺍﻻﻗﻞ ﻳﺘﻜﻴﻬﺎ ﻋﻠﻰ ﻛﺘﻔﻮ .. ﻗﺎﺩ ﻟﻬﺎ ﺍﻟﻤﺨﺎﺩ ﻭ ﺗﻜﺎﻫﺎ
ﺍﺭﺳﻼﻥ : ‏( ﺑﻨﺒﺮﺓ ﻣﻨﺨﻔﻀﺔ ‏) ﻟﺒﺆﺗﻲ ﺣﻠﻲ ﻓﻤﻚ
ﺭﻳﻤﺎﺱ : ﺍﻟﺼﻤﺖ .. ﻗﻠﺒﺎﺕ ﻭﺟﻬﻬﺎ ﻟﻠﺠﻬﺔ ﺍﻟﺜﺎﻧﻴﺔ .. ﻣﺎﺯﺍﺩﺵ ﻫﻀﺮ ﻣﻌﺎﻫﺎ ﻗﺼﻮﺣﻴﺔ ﺭﺍﺳﻬﺎ ﻭ ﻋﻨﺎﺩﻫﺎ ﺩﺍﻳﺰ ﻟﻬﺎ ﻓﺎﻟﺪﻡ ﺳﻮﺍﺀ ﻣﺮﻳﻀﺔ ﺳﻮﺍﺀ ﺑﺼﺤﺘﻬﺎ ﺳﻮﺍﺀ ﺑﺸﺨﺼﻴﺘﻬﺎ ﺳﻮﺍﺀ ﺑﺸﺨﺼﻴﺔ ﺧﺮﺍ .. ﺣﻞ ﻟﻬﺎ ﻓﻤﻬﺎ ﺑﺰﺯ ﻭ ﺧﻮﺍ ﻛﺎﻉ ﺩﺍﻛﺸﻲ ﻟﻲ ﻛﺎﻥ ﻓﺎﻟﺒﻴﻜﻮﺭﺓ ﻭ ﻋﺎﻭﺩ ﺳﺪ ﻟﻬﺎ ﻓﻤﻬﺎ ﺑﺎﺵ ﻣﺎﺗﺪﻓﻠﻮﺵ
ﺃﺭﺳﻼﻥ : ﺳﺮﻃﻲ ... ﺑﻐﺎﺕ ﺗﺮﺩﻭ ﻭﻟﻜﻦ ﻣﺎﺧﻼﻫﺎﺵ .. ﻣﺎﻃﻠﻖ ﻣﻦ ﻓﻤﻬﺎ ﺣﺘﻰ ﻋﺮﻓﻬﺎ ﺳﺮﻃﺎﺗﻮ .. ﻋﺎﻭﺩﺍﺕ ﺟﺎﺕ ﺩﻳﻚ ﺍﻻﻓﺮﻳﻘﻴﺔ ﻭ ﺩﻫﻨﺎﺕ ﻟﻬﺎ ﻭﺍﺣﺪ ﺍﻟﺨﻠﻴﻂ ﺍﺧﺮ ... ﺑﻘﺎﻭ ﻋﻠﻰ ﻫﺎﺩ ﺍﻟﺤﺎﻝ ﺍﻟﻠﻴﻞ ﻛﺎﻣﻞ ﺣﺘﻰ ﺻﺒﺎﺡ ﺍﻟﺤﺎﻝ .. ﻓﻴﻨﻤﺎ ﻛﺎﻧﺖ ﺷﻲ ﻋﺸﺒﺔ ﺟﺮﺑﻮﻫﺎ ﻟﻬﺎ .. ﻫﻮ ﻛﺎﻥ ﺭﺍﺩ ﺍﻟﺒﺎﻝ ﻟﻠﺴﺎﻋﺔ ﺍﻳﻤﺘﺎ ﺗﻜﻤﻞ 24 ﺳﺎﻋﺔ ﺑﺎﺵ ﻳﺸﻮﻑ ﻭﺍﺵ ﻏﺎﻃﺮﺍ ﻟﻴﻬﺎ ﺷﻲ ﺣﺎﺟﺔ ﻭ ﻭﺍﺵ ﺍﻟﺪﻭﺍ ﻋﻄﺎ ﺷﻲ ﻧﺘﻴﺠﺔ ﻭ ﺍﻻﻓﺮﻳﻘﻴﺔ ﻛﺎﻃﻠﺐ ﺍﻟﻠﻪ ﻏﻴﺮ ﻣﺎﺗﻜﻤﻠﺶ ﺣﻴﺖ ﻫﻲ ﻋﺎﺭﻓﺔ ﺭﺍﺳﻬﺎ ﻣﺒﺘﺪﺋﺔ ﻭ ﺗﻘﺪﺭ ﺗﻤﻮﺕ ﺭﻳﻤﺎﺱ ﻭ ﻳﺘﺒﻌﻬﺎ ﻟﻴﻬﺎ ﻭ ﻫﺎﺩ ﺍﻟﺴﺒﺐ ﺑﺎﻟﻀﺒﻂ ﻫﻮ ﻟﻲ ﺧﻼﻫﺎ ﺗﻜﻮﻥ ﺍﻛﺜﺮ ﺣﺬﺭ ﻭ ﺗﻜﻮﻥ ﺭﺍﺩﺓ ﺍﻟﺒﺎﻝ ﻟﺮﻳﻤﺎﺱ ﺍﻣﺎ ﺑﺎﻟﻨﺴﺒﺔ ﻟﺮﻳﻤﺎﺱ ﻣﺎﻛﺎﻧﺶ ﺷﻲ ﺗﺤﺴﻦ ﻣﻦ ﻏﻴﺮ ﻓﺎﺵ ﺣﺮﺍﺭﺓ ﺟﺴﻤﻬﺎ ﻟﻲ ﻛﺎﺗﻄﻠﻊ ﺑﺴﺒﺐ ﺍﻻﻋﺸﺎﺏ ﻭ ﻛﺎﻳﻌﺎﻭﺩﻭ ﻳﻬﺒﻄﻮﻫﺎ ﺑﺎﺵ ﺍﻟﺠﺴﻢ ﻣﺎﻳﻤﺘﺼﺶ ﺍﻟﺴﻮﺍﺋﻞ ﻛﺘﺮ ﻣﻦ ﺍﻟﻘﻴﺎﺱ .. ﺍﻟﻄﺒﻴﺒﺎﺕ ﻣﺎﻋﺎﻭﺩﻭﺵ ﺩﺧﻠﻮ ﺑﺎﺵ ﻣﺎﻳﺸﺘﺘﻮﺵ ﺍﻻﻧﺘﺒﺎﻩ ﺩﻳﺎﻝ ﺍﻟﻤﺮﺍ .. ﺿﺮﺑﺎﺕ 12 ﺩﻳﺎﻝ ﻧﻬﺎﺭ ﻭ ﺍﻟﻤﺮﺍ ﺑﺪﺍﺕ ﻛﺎﺗﺤﺲ ﺑﺎﻟﻌﻴﺎ ﻛﻮﻥ ﻣﺎﺷﻲ ﺍﻟﻜﻠﻴﻤﺎ ﻛﻮﻥ ﺭﺍﻩ ﺧﺪﻣﺘﻬﺎ ﺗﻀﻮﺑﻼﺕ .. ﻣﺎﺑﻐﺎﺗﺶ ﺗﻌﻄﻴﻬﺎ ﺗﺸﺮﺏ ﺍﻟﻤﺎ ﺣﺘﻰ ﺗﻤﺘﺺ ﺍﻟﺴﻢ ﻟﻲ ﻓﺬﺍﺗﻬﺎ ... ﺩﻫﻨﺎﺕ ﻟﻬﺎ ﻋﺸﺒﺔ ﺧﺮﺍ ﻋﻠﻰ ﻟﺤﻤﻬﺎ ﻛﺎﻣﻞ ﻭ ﺑﻘﺎﺕ ﺣﺎﺿﻴﺔ ﺍﻟﻮﻗﺖ
ﺍﻻﻓﺮﻳﻘﻴﺔ : ﺍﻟﻤﺪﺍﻡ ﺧﺎﺻﻬﺎ ﺗﺪﻭﺵ ﺩﺍﺑﺎ ﺑﺎﺵ ﻧﻌﺎﻭﺩ ﻧﺒﺮﺩ ﻟﻬﺎ ﺍﻟﺤﺮﺍﺭﺓ ... ﻫﺰ ﺗﻴﻠﻴﻔﻮﻥ ﺻﻮﻧﺎ ﻋﻠﻰ ﻣﺎﻟﻚ ﺑﺎﺵ ﻳﺠﻴﺒﻮ ﻟﻬﺎ ﻣﺎ ﺗﺎﻛﻞ ﻣﺎﺷﻲ ﺭﺣﻤﺔ ﻣﻨﻪ ﻭﻟﻜﻦ ﻏﻴﺮ ﺑﺎﺵ ﺗﻮﺍﻛﺾ ﻣﻌﺎﻩ ﻭ ﻣﺎﺗﻐﻠﻄﺶ ﻓﺸﻲ ﺣﺎﺟﺔ ﻟﻲ ﺗﻜﻮﻥ ﻧﺘﻴﺠﺘﻬﺎ ﻓﻘﺪﺍﻥ ﺭﻳﻤﺎﺱ ... ﺣﻴﺪ ﻟﻬﺎ ﺍﻟﺨﻴﻮﻁ ﻣﻦ ﻳﺪﻳﻬﺎ ﻭ ﻟﻮﺍﻫﺎ ﻓﻠﻴﺰﺍﺭ ﻭ ﻫﺰﻫﺎ ﻭ ﺩﺧﻞ ﺑﺎﺵ ﻳﺪﻭﺵ ﻟﻬﺎ ﺑﺎﻟﻤﺎ ﺑﺎﺭﺩ .. ﺍﻟﻬﺪﻭﺀ ﻟﻲ ﻫﻮ ﻓﻴﻪ ﻭ ﺍﻟﺪﻗﺔ ﻟﻲ ﻣﺰﺍﻝ ﻣﺎ ﻓﺪﺍﻫﺎ ﻣﺎﻛﺎﻧﺶ ﻫﺎﺩﺷﻲ ﻛﺎﻳﻌﻨﻲ ﺑﻠﻲ ﺭﺍﻩ ﻣﻠﻬﻲ ﻏﻴﺮ ﻣﻊ ﺭﻳﻤﺎﺱ ﻭ ﻧﺎﺳﻲ ﻟﻲ ﻛﺎﻧﻮ ﺍﻟﺴﺒﺐ ﺩﻳﺎﻝ ﺭﻳﻤﺎﺱ ﺑﺎﺵ ﺗﻮﺻﻞ ﻟﻬﺎﺩ ﺍﻟﺤﺎﻟﺔ .. ﺍﻟﻀﻐﻂ ﻛﺎﻳﻮﻟﺪ ﺍﻻﻧﻔﺠﺎﺭ ﻭ ﻫﺎﺩﺷﻲ ﻟﻲ ﻭﺍﻗﻊ ﺩﺍﺑﺎ .. ﺍﻋﺼﺎﺑﻮ ﻭ ﻏﺮﻳﺰﺗﻮ ﻓﺎﻟﻘﺘﻞ ﺷﺎﺩﻫﻢ ﺑﺎﻟﺴﻼﺳﻞ ﻭﻟﻜﻦ ﺍﺵ ﻏﺎﻳﻮﻗﻊ ﻓﺎﺵ ﻏﺎﻳﻨﻮﺽ .. ﺳﺎﻻ ﻟﻬﺎ ﺗﺪﻭﺍﺵ ﻭ ﻟﺒﺲ ﻟﻬﺎ ﺑﻴﻨﻮﺍﺭ ﻭ ﺧﺮﺝ ﻛﺎﻧﺖ ﺍﻟﻤﺮﺍ ﻛﺎﺗﻔﻄﺮ ﻏﻴﺮ ﺷﺎﻓﺘﻮ ﺟﺎ ﻭ ﻫﻲ ﺗﺠﻤﻊ ﺩﺍﻛﺸﻲ ﻭ ﻧﺎﺿﺖ ﻟﻌﻨﺪ ﺭﻳﻤﺎﺱ ﻋﺎﻭﺩﺍﺕ ﺣﻄﺎﺕ ﻟﻬﺎ ﺍﻟﻌﺸﺒﺔ ﺑﺎﺵ ﺗﺤﺎﻓﺾ ﻋﻠﻰ ﺍﻟﺒﺮﻭﺩﺓ .. ﺳﺎﻋﺔ ﻋﻠﻰ ﺳﺎﻋﺔ ﻭ ﻛﺎﺗﻘﺮﺏ ﻧﻬﺎﻳﺔ 24 ﺳﺎﻋﺔ ﺑﺎﺵ ﻳﺸﻮﻓﻮ ﺍﻟﻨﺘﻴﺠﺔ .. ﺑﻘﺎﻭ ﺩﻗﺎﺋﻖ ﻣﻌﺪﻭﺩﺓ ﻛﺎﻧﻮ ﺑﺤﺎﻝ ﺍﻟﻌﺪ ﺍﻟﻌﻜﺴﻲ ﻟﻴﻬﻢ .. ﻋﻴﻨﻴﻬﻢ ﻣﺮﺍﻗﺒﻴﻦ ﺗﺨﻄﻴﻂ ﺍﻟﻘﻠﺐ ‏( ﻗﻠﺖ ﻟﻜﻢ ﺑﻠﻲ ﺍﻟﺠﻨﺎﺡ ﺟﻬﺰﻭﻩ ﺑﺤﺎﻝ ﺷﻮﻣﺒﺮ ﻓﺎﻟﻜﻠﻴﻨﻴﻚ ‏) .. ﺗﺴﺎﻻﻭ ﺍﻟﺪﻗﺎﺋﻖ ﻭ ﻛﺎﻧﺖ ﺍﻟﻨﺘﻴﺠﺔ ﺍﻥ ﺍﻟﺨﻂ ﺩﻳﺎﻝ ﺍﻟﻘﻠﺐ ﺑﺎﻗﻲ ﻫﻮ ﻫﻮ ﻳﻌﻨﻲ ﺭﻳﻤﺎﺱ ﻓﻌﻼ ﻛﺎﺗﺴﺘﺎﺟﺐ ﻟﻼﻋﺸﺎﺏ ﻣﺴﻜﻴﻨﺔ ﺍﻟﻤﺮﺍ ﺗﻨﻔﺴﺎﺕ ﺍﻟﺼﻌﺪﺍﺀ ﻓﺎﺵ ﻋﺮﻓﺎﺕ ﺑﻠﻲ ﻣﺎﺧﻔﻘﺎﺗﺶ .. ﻓﺮﺣﺘﻬﺎ ﺑﺄﻥ ﺍﻭﻝ ﺗﺠﺮﺑﺔ ﻟﻴﻬﺎ ﻧﺠﺤﺎﺕ ﻛﺎﻧﺖ ﺍﻛﺒﺮ ﻣﻦ ﻓﺮﺣﺘﻬﺎ ﺑﺄﻥ ﺭﻳﻤﺎﺱ ﻣﺎﻭﻗﻊ ﻟﻬﺎ ﻭﺍﻟﻮ ﺍﻣﺎ ﺍﺭﺳﻼﻥ ﻣﺎﻛﺎﻧﺶ ﺭﺍﺿﻲ ﻟﺪﺭﺟﺔ ﻛﺒﻴﺮﺓ ﺣﻴﺖ ﺑﺎﻟﻨﺴﺒﺔ ﻟﻴﻪ ﺍﻟﻨﺘﻴﺠﺔ ﻫﻲ ﺍﻻﻫﻢ .. ﺩﺍﺯﺕ ﻳﻮﻣﻴﻦ ﺑﺎﻟﻀﺒﻂ ﻭ ﻓﻬﺎﺩ ﺍﻟﻴﻮﻣﻴﻦ ﻛﺎﻧﺖ ﺣﺮﺍﺭﺓ ﺭﻳﻤﺎﺱ ﻛﺎﺗﺰﻳﺪ ﺗﺮﺗﺎﻓﻊ ﻛﺘﺮ ﻭ ﻛﺘﺮ ﻛﺪﻟﻴﻞ ﺑﻠﻲ ﺍﻟﺠﺴﻢ ﻟﻘﺎ ﺍﻟﺴﻮﺍﺋﻞ ﻟﻲ ﻳﻤﺘﺼﻬﻢ .. ﻣﺎﺑﻘﺎﻭﺵ ﻛﺎﻳﻌﻄﻴﻮﻫﺎ ﻏﻴﺮ ﺍﻟﺴﻮﺍﺋﻞ ﻭﻻﻭ ﻛﺎﻳﻌﻄﻴﻮﻫﺎ ﺍﻟﻤﺎ ﻭ ﺍﻟﺤﻠﻴﺐ ﻣﻄﺤﻮﻥ ﻣﻊ ﺍﻟﻤﻜﺴﺮﺍﺕ ﻭ ﺍﻟﺘﻤﺮ ﺑﻴﺎﻥ ﺳﻴﻎ ﻛﻠﺸﻲ ﺑﺎﻟﺒﻴﻜﻮﺭﺓ ﻭ ﻭﺍﺧﺎ ﻛﺎﻣﻞ ﻛﺎﻧﺖ ﺭﻳﻤﺎﺱ ﻣﺰﺍﻝ ﻣﺎﻣﻮﺍﻛﻀﺔ ﻭ ﻣﺎﻛﺎﺗﻬﻀﺮ ﻣﺎﻛﺎﺗﺘﺤﺮﻙ ﺩﺍﻛﺸﻲ ﻻﺵ ﻛﺎﻥ ﺍﺭﺳﻼﻥ ﻟﻲ ﻣﻜﻠﻒ ﺑﻜﻠﺸﻲ ﺩﻳﺎﻟﻬﺎ .. ﺗﺪﻭﺍﺵ ﺩﻳﺎﻟﻬﺎ .. ﺍﻟﻤﺎﻛﻠﺔ ﺩﻳﺎﻟﻬﺎ .. ﻭ ﺣﺘﻰ ﺍﻟﻄﻮﺍﻟﻴﻂ ﻛﺎﻳﺪﻳﻬﺎ ﻟﻴﻪ ﺣﺘﻰ ﻟﻠﻨﻬﺎﺭ ﺍﻟﺜﺎﻟﺚ ﻛﺎﻧﺖ ﻭﺍﺣﺪ ﺍﻟﻨﺘﻴﺠﺔ ﻛﺎﺗﺒﺸﺮ ﺑﺎﻟﺨﻴﺮ
ﻛﺎﻥ ﻣﺘﻜﻲ ﺭﺍﺳﻬﺎ ﻋﻠﻰ ﺻﺪﺭﻭ ﻭ ﻣﻐﻤﺾ ﻋﻴﻨﻴﻪ ﻭ ﻓﺎﻟﺠﻬﺔ ﺍﻟﺘﺎﻧﻴﺔ ﻛﺎﻧﺖ ﺍﻻﻓﺮﻳﻘﻴﺔ ﻧﺎﻋﺴﺔ ﻓﻮﻕ ﺍﻟﻔﻮﻃﻮﻱ ﻛﺎﺗﺮﺗﺎﺡ .. ﺣﺘﻰ ﻟﻮﺍﺣﺪ ﺍﻟﻠﺤﻈﺔ ﺣﺲ ﺑﺎﻟﺤﺮﻛﺔ ﺣﻞ ﻋﻴﻨﻴﻪ ﻟﻘﺎﻫﺎ ﻛﺎﺗﺤﻴﺪ ﺍﻟﻐﻄﺎ ﻋﻠﻴﻬﺎ ﺑﻴﺪﻳﻬﺎ ﻭ ﻫﻲ ﻣﻐﻤﻀﺔ ﻋﻴﻨﻴﻬﺎ .. ﺟﺎﻫﺎ ﺍﻟﺼﻬﺪ ﻭ ﻫﺎﺩ ﺍﻟﻤﺮﺓ ﺣﺮﻛﺘﻬﺎ ﻛﺎﻥ ﺍﺍﺍﺕ ﻗﻮﻳﺔ ﺷﻮﻳﺔ ﻋﻠﻰ ﺍﻟﻤﺮﺓ ﺍﻟﻔﺎﻳﺘﺔ ﻫﺰ ﻳﺪﻭ ﺩﻓﻊ ﻟﻬﺎ ﺍﻟﻐﻄﺎ ﻟﻠﺠﻬﺔ ﻻﺧﺮﺍ ﻭ ﺣﻂ ﻳﺪﻳﻪ ﻋﻠﻰ ﻭﺟﻬﻬﺎ .. ﻣﺎﺩﺍﻣﺶ ﻫﺎﺩ ﺍﻟﺼﻤﺖ ﺣﻴﺖ ﻛﺴﺮﺍﺗﻮ ﺑﺼﻮﺗﻬﺎ
ﺭﻳﻤﺎﺱ : ‏( ﺑﺼﻮﺕ ﺿﻌﻴﻒ ‏) ﺍ ﺭ ﺱ ﻻﻥ
ﺃﺭﺳﻼﻥ : ‏( ﺑﻨﺒﺮﺓ ﻓﻴﻬﺎ ﺷﻴﺊ ﻣﻦ ﺍﻟﺤﻨﺎﻥ ‏) ﻟﺒﺆﺗﻲ ﻓﻘﺘﻲ
ﺭﻳﻤﺎﺱ : ﺏ ﻏﻲ ﺕ ﺍﻝ ﻣﺎ ... ﻫﺎﺩﻱ ﻛﺎﻧﺖ ﺍﻭﻝ ﻣﺮﺓ ﻣﺮﺓ ﻏﺎﺗﻄﻠﺐ ﻓﻴﻪ ﻫﻲ ﺗﺸﺮﺏ ﺑﻼ ﻣﺎﻳﺒﺰﺯﻭ ﻋﻠﻴﻬﺎ ﻭ ﻫﺎﺩﺷﻲ ﻓﺮﺡ ﺍﺭﺳﻼﻥ ﺣﻴﺖ ﺩﺍﺑﺎ ﻏﺎﺗﻮﻟﻲ ﻛﺎﺗﺘﻮﺍﻛﺾ ﻣﺎﺩﺍﻡ ﺣﺴﺎﺕ ﺑﺎﻟﻌﻄﺶ ﻭ ﻏﺎﺩﻱ ﺗﻮﻟﻲ ﻛﺎﺗﺪﺧﻞ ﺍﻟﺴﻮﺍﺋﻞ ﺑﺎﻟﺰﺍﻳﺪ ﻟﻠﺠﺴﻢ ﺩﻳﺎﻟﻬﺎ ﻋﻜﺲ ﻓﺎﺵ ﻛﺎﻧﻮ ﻛﺎﻳﺪﺍﻭﻳﻮﻫﺎ .. ﺗﻜﺎﻫﺎ ﻭ ﻋﻄﺎﻫﺎ ﻛﺎﺱ ﺩﻳﺎﻝ ﺍﻟﻤﺎ ﺷﺮﺑﺎﺗﻮ ﻭ ﺯﺍﺩﻫﺎ ﻭﺣﺪﺍﺧﺮ ﻣﺴﺢ ﻟﻬﺎ ﻓﻤﻬﺎ ﻭ ﺗﻜﺎﻫﺎ
ﺃﺭﺳﻼﻥ : ﻟﺒﺆﺗﻲ ﻓﻴﻚ ﺍﻟﺠﻮﻉ؟ .. ﺃﻭﻣﺄﺕ ﺑﺮﺍﺳﻬﺎ ﺑﻼ ﻭ ﺭﺟﻌﺎﺕ ﺗﻨﻌﺲ .. ﻭ ﻫﺎﺩ ﺍﻟﻨﺘﻴﺠﺔ ﻫﻲ ﻟﻲ ﺧﻼﺗﻮ ﻳﺤﺲ ﺑﺎﻟﺮﺿﻰ ﺣﻴﺖ ﺍﻟﺘﻌﺐ ﺩﻳﺎﻟﻬﺎ ﻧﺎﺗﺞ ﻣﻦ ﺍﻟﻤﺮﺽ .. ﻧﻌﺴﺎﺕ ﻭ ﻻﺣﺖ ﻳﺪﻳﻬﺎ ﻋﻠﻰ ﻛﺮﺷﻮ ﻋﻨﻘﺎﺗﻮ .. ﺭﺟﻊ ﺭﺍﺳﻮ ﺍﻟﻠﻮﺭ ﻭ ﺗﻨﻬﺪ ﺑﺈﺭﺗﻴﺎﺡ ﻣﻦ ﺟﻬﺘﻬﺎ ﺭﺟﻊ ﻏﻤﺾ ﻋﻴﻨﻴﻪ ... ﺩﺍﺯﺕ 3 ﺍﻳﺎﻡ ﺧﺮﺍ ﻭ ﻓﻬﺎﺩ ﺍﻟﺜﻼﺙ ﺍﻳﺎﻡ ﻛﺎﻧﺖ ﺭﻳﻤﺎﺱ ﻛﺎﻃﻠﺐ ﺣﺎﺟﺔ ﻭﺣﺪﺓ ﻫﻲ ﺍﻟﻤﺎ ﺣﻴﺖ ﻛﺎﻧﺖ ﻛﺎﺗﺤﺲ ﺑﺮﺍﺳﻬﺎ ﺑﺤﺎﻻ ﻓﺸﻲ ﺻﺤﺮﺀ ﻗﺎﺣﻠﺔ ﻛﻞ ﺷﻮﻳﺔ ﻛﺎﺗﻔﻴﻖ ﺑﺎﺵ ﺗﺸﺮﺏ .. ﺍﻣﺎ ﺍﻟﻤﺎﻛﻠﺔ ﻛﺎﻧﻮ ﻛﺎﻳﻄﺤﻨﻮﻫﺎ ﻟﻬﺎ ﻭ ﻛﺎﻳﻮﻛﻠﻬﺎ ﻟﻬﺎ ﺑﺰﺯ ﺑﺎﺵ ﺗﺰﻳﺪ ﺗﺴﺘﻔﺎﺩ .. ﺍﻟﺘﺤﺴﻦ ﻭﻻ ﻛﺎﻳﺒﺎﻥ ﻭ ﺣﺮﻛﺘﻬﺎ ﺑﺪﺍﺕ ﻛﺎﺗﻘﻮﺍ .. ﻭ ﺣﺘﻰ ﻧﺒﺮﺓ ﺻﻮﺗﻬﺎ ﺑﺪﺍﺕ ﻛﺎﺗﺘﻘﺎﺩ ﻭ ﺷﻮﻳﺔ ﺑﺸﻮﻳﺔ ﻣﺎﺑﻘﺎﺗﺶ ﻛﺎﺗﻨﻌﺲ ﺑﺰﺍﻑ ﻛﺎﺗﺒﻘﺎ ﻣﺘﻜﻴﺔ ﻭ ﺣﺎﻟﺔ ﻋﻴﻨﻴﻬﺎ ﻛﺎﺗﺸﻮﻑ ﻏﻴﺮ ﻓﺄﺭﺳﻼﻥ ﻭ ﺍﻫﺘﻤﺎﻣﻮ ﺑﻴﻬﺎ ﺣﺘﻰ ﻛﺎﺗﺤﺲ ﺑﺎﻟﻌﻄﺶ ﻋﺎﺩ ﻛﺎﺗﻬﻀﺮ .. ﺩﺍﺯﻭ 2 ﺳﻴﻤﺎﻧﺎﺕ ﻋﻠﻰ ﺗﻮﺍﺟﺪﻫﻢ ﻓﺄﻭﻏﺎﻧﺪﺍ ﺑﺴﺮﻋﺔ ﺍﻟﺒﺮﻕ ﻭ ﻓﻬﺎﺩ 2 ﺳﻴﻤﺎﻧﺎﺕ ﻛﺎﻥ ﺍﻟﻔﺮﻕ ﻭﺍﺿﺢ ﺑﻴﻦ ﺩﺍﺑﺎ ﻭ ﺍﻭﻝ ﻣﺮﺓ ﺟﺎﺕ
♚ ﻛﺎﻥ ﻣﻐﻤﺾ ﻋﻴﻨﻴﻪ ﻭ ﻛﺎﻟﻌﺎﺩﺓ ﻓﻮﻕ ﺍﻟﻨﺎﻣﻮﺳﻴﺔ ﺣﺘﻰ ﺑﺪﺍ ﻛﺎﻳﺤﺲ ﺑﻠﻤﺴﺎﺕ ﻳﺪﻳﻦ ﺣﻨﺎﻥ ﻋﻠﻰ ﻟﺤﻴﺘﻮ ﺣﻞ ﻋﻴﻨﻴﻪ ﻟﻘﺎﻫﺎ ﻣﺘﻜﻴﺔ ﻭ ﻛﺎﺗﺸﻮﻑ ﻓﻴﻪ ﻭ ﻛﺎﺩﻭﺯ ﻳﺪﻳﻬﺎ .. ﺷﺪ ﻳﺪﻳﻬﺎ ﻟﻲ ﻛﺎﻧﺖ ﻛﺎﺩﻭﺯ ﺑﻴﻬﺎ ﻋﻠﻴﻪ ﻭ ﺑﺎﺱ ﺍﻟﻜﻒ ﺩﻳﺎﻟﻬﺎ
ﺃﺭﺳﻼﻥ : ﻟﺒﺆﺗﻲ ﺭﺟﻌﺘﻲ ﻟﻴﺎ .. ﺣﻮﻻﺕ ﻧﻈﺮﻫﺎ ﻟﻴﺪﻳﻬﺎ ﻻﺣﻈﺎﺕ ﺍﻟﺮﻕ ﻟﻲ ﻭﺻﻼﺕ ﻟﻴﻪ ﻋﺎﻭﺩﺍﺕ ﻗﺎﺳﺖ ﻭﺟﻬﻬﺎ ﻟﻘﺎﺕ ﺣﻨﺎﻛﻬﺎ ﺩﺍﺧﻠﻴﻦ .. ﺗﻘﻠﺒﺎﺕ ﻟﻠﺠﻬﺔ ﺍﻟﺜﺎﻧﻴﺔ ﺑﻼ ﻣﺎﺗﻬﻀﺮ ﻣﻌﺎﻩ ﻣﺎﺑﻐﺎﺗﻮﺵ ﻳﺸﻮﻓﻬﺎ ﺑﻬﺎﺩ ﺍﻟﻤﻨﻈﺮ .. ﻓﻬﻤﻬﺎ ﺑﻠﻲ ﻣﺎﺑﻐﺎﺗﻮﺵ ﻳﺸﻮﻓﻬﺎ ﻭ ﻋﺎﻭﺩ ﺿﻮﺭﻫﺎ ﻟﻌﻨﺪﻭ .. ﻏﻄﺎﺕ ﻭﺟﻬﻬﺎ ﺑﻴﺪﻳﻬﺎ ﻭ ﻋﺎﻭﺩ ﺣﻴﺪﻫﻢ ﻟﻴﻬﺎ
ﺭﻳﻤﺎﺱ : ﻣﺎﺗﺸﻮﻓﺶ ﻓﻴﺎ ﻫﻜﺎﻙ ﺍﻧﺎ ﻋﺎﺭﻓﺔ ﺭﺍﺳﻲ ﻭﻟﻴﺖ ﺧﺎﻳﺒﺔ
ﺃﺭﺳﻼﻥ : ﻣﺎﻧﻌﺎﻭﺩﺵ ﻧﺴﻤﻊ ﻫﺎﺩ ﺍﻟﻬﻀﺮﺓ ﻣﻨﻚ
ﺭﻳﻤﺎﺱ : ﻭ ﻗﺎﺩﺭ ﺗﺒﻘﺎ ﺗﺸﻮﻑ ﻓﻴﺎ ﻭ ﺍﻧﺎ ﻫﺎﻛﺎ
ﺃﺭﺳﻼﻥ : ‏( ﺑﺈﺑﺘﺴﺎﻣﺔ ﺻﻐﻴﺮﺓ ‏) ﻧﺘﻲ ﺍﺟﻤﻞ ﻭﺣﺪﺓ ﺷﺎﻓﺘﻬﺎ ﻋﻴﻨﻲ ﻓﺠﻤﻴﻊ ﺍﻟﺤﺎﻻﺕ .. ﺑﻘﺎﺕ ﻛﺎﺗﺸﻮﻑ ﻓﻴﻪ ﻣﺪﺓ ﻓﻜﺮﺍﺕ ﻓﻠﻮﻛﺎﻥ ﺗﺰﻭﺟﺎﺕ ﺷﻲ ﺣﺪ ﺍﺧﺮ ﻓﺒﻼﺻﺘﻮ ﻭﺍﺵ ﻛﺎﻥ ﻣﻤﻜﻦ ﻳﺪﻭﺭ ﺑﻴﻬﺎ ﻣﻦ ﻗﻨﺖ ﻟﻘﻨﺖ ﺑﺎﺵ ﻳﺪﺍﻭﻳﻬﺎ ﻭ ﻳﺒﻘﺎ ﻣﻌﺎﻫﺎ ﻭﺍﺧﺎ ﻭﺻﻼﺕ ﻟﻬﺎﺩ ﺍﻟﺤﺎﻟﺔ ﻭ ﻳﺒﻘﺎ ﻛﺎﻳﻌﺸﻘﻬﺎ ﻭ ﻫﻲ ﻓﺄﺳﻮﺀ ﺣﺎﻻﺗﻬﺎ .. ﻭ ﺑﺪﻭﻥ ﺍﻱ ﺳﺎﺑﻖ ﺍﻧﺬﺍﺭ ﻋﻨﻘﺎﺗﻮ ﻭ ﺯﻳﺮﺍﺕ ﻋﻠﻴﻪ ﺑﺪﺍﻙ ﺷﻮﻳﺔ ﺩﻳﺎﻝ ﺍﻟﺠﻬﺪ ﻟﻲ ﻋﻨﺪﻫﺎ
ﺭﻳﻤﺎﺱ : ﻛﺎﻧﺒﻐﻴﻚ ﺑﺰﺍﻑ ﺍ ﺃﺭﺳﻼﻥ ... ﺑﺎﺩﻟﻬﺎ ﺍﻟﻌﻨﺎﻕ ﻭﻟﻜﻦ ﻣﺎﺯﻳﺮﺵ ﻋﻠﻴﻬﺎ ﺣﻴﺖ ﻋﺎﺭﻓﻬﺎ ﺣﺎﻟﻴﺎ ﺻﺤﺘﻬﺎ ﻋﻠﻰ ﻗﺪ ﺍﻟﺤﺎﻝ .. ﺑﻌﺪﻫﺎ ﻋﻠﻴﻪ ﻭ ﺷﺪ ﻟﻬﺎ ﻭﺟﻬﻬﺎ ﻓﻴﺪﻳﻪ
ﺃﺭﺳﻼﻥ : ﺗﺒﻐﻲ ﺗﻔﻄﺮﻱ
ﺭﻳﻤﺎﺱ : ‏( ﺑﺈﺑﺘﺴﺎﻣﺔ ﻣﺘﻌﺒﺔ ‏) ﺑﺸﺮﻁ ﺗﻔﻄﺮ ﻣﻌﺎﻳﺎ
ﺃﺭﺳﻼﻥ : ﺟﻌﺘﻲ ! ... ‏( ﻋﻴﻂ ﻟﻬﻢ ﺑﺎﺵ ﻳﺠﻴﺒﻮ ﻟﻬﻢ ﺍﻟﻔﻄﻮﺭ ‏)
ﺭﻳﻤﺎﺱ : ﻛﺎﻧﺤﺲ ﺑﺮﺍﺳﻲ ﻣﺎﻛﻠﻴﺖ ﺷﻬﺮ ... ﻟﻮﺍﺕ ﻋﻠﻴﻬﺎ ﻟﻴﺰﺍﺭ ﻭ ﺗﻜﺎﺕ ﻋﻠﻰ ﺍﻟﻤﺨﺎﺩ ﻟﻲ ﻗﺎﺩﻫﻢ ﻟﻬﺎ ﺷﻮﻳﺔ ﺑﺪﺍﺕ ﻛﺎﺗﺸﻢ ﻭﺍﺣﺪ ﺍﻟﺮﻳﺤﺔ ﺧﺎﻳﺒﺔ ﻫﺰﺍﺕ ﻳﺪﻳﻬﺎ ﻟﻘﺎﺗﻬﺎ ﺧﺎﺭﺟﺔ ﻣﻨﻬﺎ ﻣﻦ ﺩﺍﻛﺸﻲ ﻟﻲ ﺩﻫﻨﺎﺕ ﻟﻴﻬﺎ ﺍﻟﻤﺮﺍ ﻣﻊ ﺑﻐﺎﺕ ﺗﻘﺐ ﻭﺟﻬﻬﺎ ﻟﻠﺠﻬﺔ ﻻﺧﺮﺍ ﻭ ﻫﻲ ﺗﻠﻤﺤﻬﺎ ﺟﺎﻟﺴﺔ
ﺭﻳﻤﺎﺱ : ﺷﻜﻮﻥ ﻫﺎﺩﻳﻚ ﻟﻲ ﻟﻬﻴﻪ
ﺃﺭﺳﻼﻥ : ﺍﻟﻤﺮﺍ ﻟﻲ ﻋﺎﻟﺠﺎﺗﻚ
ﺭﻳﻤﺎﺱ : ‏( ﺗﻨﻬﺪﺍﺕ ﺑﺘﻌﺐ ‏) ﺑﻐﻴﺖ ﻧﺪﻭﺵ .. ﺑﻐﺎ ﻳﻬﺰﻫﺎ ﻭ ﺣﺎﻭﻻﺕ ﺗﻤﻨﻌﻮ ﻭﻟﻜﻦ ﻣﺎﺩﺍﻫﺎﺵ ﻓﻴﻬﺎ ﻫﺰﻫﺎ ﻭ ﺣﻄﻬﺎ ﻓﺎﻟﺠﺎﻛﻮﺯﻱ .. ﺑﻘﺎ ﻛﺎﻳﺪﻭﺵ ﻟﻬﺎ ﻭ ﻛﺎﻳﺤﺎﻭﻝ ﻳﺠﺒﺪ ﻟﻬﺎ ﻟﺴﺎﻧﻬﺎ ﻋﻠﻰ ﻭﺍﺵ ﺷﺎﻛﺔ ﻓﺸﻲ ﺣﺪ ﻭﺍﺵ ﻫﺪﺩﻫﺎ ﺷﻲ ﺣﺪ ﻭﺍﺵ ﻋﻄﺎﻫﺎ ﺷﻲ ﺣﺪ ﺷﻲ ﺣﺎﺟﺔ ﻭ ﻣﺎ ﺍﻟﻰ ﺫﻟﻚ ﺑﺎﺵ ﻳﻌﺮﻑ ﺷﻜﻮﻥ ﺍﺧﺮ ﻣﺸﺎﺭﻙ ﻓﻬﺎﺩﺷﻲ .. ﻛﺎﻥ ﻛﺎﻳﻈﻦ ﺑﻠﻲ ﻏﺎﺩﻱ ﻳﺠﺒﺪ ﻣﻨﻬﺎ ﺷﻲ ﺣﺎﺟﺔ ﻣﺎﺩﺍﻡ ﻣﺰﺍﻝ ﻣﺎﺗﻮﺍﻛﻀﺎﺕ ﻣﺰﻳﺎﻥ ﻭﻟﻜﻦ ﻣﺎﺩﺍ ﻣﻨﻬﺎ ﺣﺘﻰ ﺣﺎﺟﺔ ﺳﺎﻻ ﻭ ﺧﺮﺟﻬﺎ ﺣﻄﻬﺎ ﻓﻮﻕ ﺍﻟﻨﺎﻣﻮﺳﻴﺔ ﺑﻐﺎ ﻳﻠﺒﺲ ﻟﻬﺎ ﺍﻟﺤﻮﺍﻳﺞ ﻭﻟﻜﻦ ﻣﻨﻌﺎﺗﻮ ﻭ ﺍﺻﺮﺍﺕ ﺗﻠﺒﺲ ﺑﻮﺣﺪﻫﺎ .. ﻛﺎﻥ ﺑﻘﺎ ﻏﻴﺮ ﺍﻟﺸﻌﺮ ﻧﺸﻔﻮ ﻟﻬﺎ ...