إمبراطورية الأسود

البارت 122

جابو لها الثلاجة و ستفوهم ليها فيها .. دوزات النهار ممل ولات كاتحس براسها بحال ديك تلفازة الخاسرة ماكاتتحركش و فيها غير الصورة اما الصوت والو اما بالنسبة لأرسلان ماعاودش جا لعندها و مارجعش للقصر .. تعشات و شللات فمها بالدوا ... بقات جالسة فبلاصتها ماجاهاش النعاس وصلات 2:00 ديال الليل و باقا فايقة شوية سمعات طيلي كايصوني حلات المجر و جبداتو لقاتو هو لي مصوني .. قطعات عليه و لاحت طيلي فالمجر .. عاود صونا و عاودات قطعات عليه .. دازو دقائق و وصلها ميساج عرفاتو بلي غايكون من عندو و فعلا كان من عندو كتب لها فيه باش تجاوبو غير عرفها حلات الميساج صونا عليها
ريماس : الصمت
أرسلان : طفي داك الضو و نعسي .. دارت راسها مصدومة و بقات كاتلفت زعما راها ماعارفاهش مراقبها شوية ناضت زعما باش تطل من لاطيراس و تعرف منين عرف بلي راها مزال مانعسات
أرسلان : رجعي لبلاصتك و عطي الراحة لديك الرجل .. توجهات لجهة الباب باش تحلها و تشوف الرجال زعما
أرسلان : غير رجعي لبلاصتك .. رجعات لبلاصتها و حيدات طيلي من ودنيها كتبات ليه ميساج "" باش عرفتيني مزال فايقة؟؟؟ ""
أرسلان : عيني عليك فينما كنتي ... عاودات كتبات ليه ميساج "" مخلي رجالك يراقبو حتى واش نعست ولا مانعستش؟؟؟ .. ماقدرتيش تجي و تتأكد نتا ياك؟؟؟؟ حيت عارف راسك اش درتي و مابقاش عندك الوجه باش تجي """
أرسلان : غانرجع للقصر بعد غدا حاولي ديري عقلك و مانجيش و نلقا مشاكل جديدة ... "" علاش فينك ""
أرسلان : مسافر ... "" أحسن حاجة درتيها حيت كون جيتي كنتي غاتشوف شي حاجة ماغاتعجبكش ""
أرسلان : باقا كاتهددي؟! ... "" ماشي حيت لساني تجرح مؤقتا بسببك هادشي كايعني غادي نسكت ""
أرسلان : توحشت صوتك ... "" تسنا يرجع .. المهم بونوي بغيت ننعس
أرسلان : خلي المكالمة دايزة و نعسي "" ماغاتسمع والو اصلا و غير تهنا ماكانشخرش بالليل و طيلي قريب يديشارجا و مافيا مانشارجيه ""
أرسلان : صوت انفاسك كافيني ... ماجاوباتوش .. طفات الضو و حطات طيلي فوق المخدة لي فجنبها و نعسات
♚ بقا كايسمع صوت انفاسها حتى ديشارجا لها طيلي .. خشا طيلي فجيبو و طلع للطيارة لي كانت كاتتسناه و تبعو أبراهام
أرسلان : شحال من واحد خليتيه قدام بيتها
أبراهام : خليت 4 ا ميستر ارسلان و 4 خرين فالدخلة ديال الطابق
أرسلان : مانحتاجش نفكرك ايلا عرفت شي حد دخل لعندها اش غاندير فيك
أبراهام : لا ا ميستر ارسلان اكدت عليهم باش مايخليو حتى شي راجل يدخل عندها للبيت
أرسلان : درتي داكشي لي قلت لك؟!
أبراهام : وي ميستر ارسلان و راني قلت لهم بلي غاتعقد اجتماع معاهم غدا على ود بلاصتك فمخابرات الموساد
أرسلان : و شي لاخر.!
أبراهام : حتى هما هضرت معاهم و غايكون اجتماعهم بالضبط من مور داك الاجتماع .. و بالنسبة للمخابرات الأمريكية اجتماعهم غايكون فالصباح و حتى هما علمتهم بلي باغي تنساحب .. دابا باقي خاص غير حضورك
أرسلان : مزيان .. ناض ابراهام من حدا ارسلان و خلاه ملهي فالبيسي
♔ اصبحنا و اصبح الملك الله
فاقت على صوت زطمات .. لقات طيلي ديشارجا و مع قلبات وجهها للجهة لاخرا لقات الخدامة كاتحط لها الفطور و الفرملية واقفة و فيديها الدوا .. ناضت و مشات طرفات و دارت الروتين الصباحي و عاودات رجعات لبلاصتها عطاتها الفرملية باش تشلل فمها فطرات و عطاتها دوا .. هزات الدفتر و كتبات فيه اش بغات و مداتو للممرضة """ بغيت بلاستيكات باش نغطي جبيرة حيت باغا ندوش """
الممرضة : واخا ا مدام ...