إمبراطورية الأسود

البارت 160

ﻣﺎﺩﺍﻣﺶ ﻗﻠﻘﻬﺎ ﺑﺰﺍﻑ .. ﻳﻼﻩ ﺿﺮﺑﺎﺗﻮ ﺍﻟﻄﺒﻴﺒﺔ 2 ﺿﺮﺑﺎﺕ ﻭ ﺗﻠﻘﺎﺋﻴﺎ ﺗﺴﻤﻊ ﺻﻮﺕ ﺩﻳﺎﻝ ﺍﻟﺒﻜﺎ ﺍﻟﺸﻴﺊ ﻟﻲ ﺧﻼ ﺭﻳﻤﺎﺱ ﺗﺮﺗﺎﺡ
ﺍﻟﻄﺒﻴﺒﺔ : ‏( ﺑﺈﺑﺘﺴﺎﻣﺔ ‏) ﻣﺒﺮﻭﻙ ﺍ ﻣﺪﺍﻡ ﺭﻳﻤﺎﺱ ﺍﻟﺼﺒﻲ ﻳﺘﺮﺑﻰ ﻓﻌﺰﻛﻢ ... ﻣﺪﺍﺕ ﻳﺪﻳﻬﺎ ﻟﻴﻬﻢ ﺑﺎﺵ ﻳﻌﻄﻴﻮﻩ ﻟﻬﺎ .. ﻏﻴﺮ ﺗﺤﻂ ﻓﻴﺪﻳﻬﺎ ﺣﺴﺎﺕ ﺑﻮﺍﺣﺪ ﺍﻻﺣﺴﺎﺱ ﻓﺸﻜﻞ ﺣﺴﺎﺕ ﺑﻠﻲ ﺷﺎﺩﺓ ﻓﻴﺪﻳﻬﺎ ﻃﺮﻑ ﻣﻨﻬﺎ .. ﺍﻧﺴﺎﻥ ﺻﻐﻴﺮ ﺟﺎ ﺑﻔﻀﻠﻬﺎ ﺑﻌﺪ ﻓﻀﻞ ﺍﻟﻠﻪ ﻟﻠﺪﻧﻴﺎ .. ﺑﺎﺳﺘﻮ ﻭ ﺣﻄﺎﺗﻮ ﻓﻮﻕ ﺻﺪﺭﻫﺎ ﻓﺮﺣﺎﻧﺔ ﺑﻴﻪ ﻭ ﻣﺎ ﻫﻲ ﺍﻻ ﻟﺤﻈﺎﺕ ﺣﺘﻰ ﺗﺤﻼﺕ ﺍﻟﺒﺎﺏ ﻭ ﺩﺧﻞ ﺃﺭﺳﻼﻥ ﻣﻦ ﻣﻮﺭ ﻣﺎﺳﻤﻊ ﺻﻮﺕ ﺍﻟﺒﻜﺎ ﺩﻳﺎﻝ ﺩﺭﺍﺭﻱ ﺻﻐﺎﺭ ، ﻣﺸﺎ ﻧﻴﺸﺎﻥ ﻋﻨﺪ ﺭﻳﻤﺎﺱ ﻟﻲ ﻛﺎﻥ ﺑﺎﻳﻦ ﻋﻠﻴﻬﺎ ﺍﻟﺘﻌﺐ ﻭ ﺍﻻﺭﻫﺎﻕ ﺣﻂ ﻳﺪﻳﻪ ﻋﻠﻰ ﺟﺒﻬﺘﻬﺎ ﻛﺎﻳﺘﺄﻛﺪ ﻣﻦ ﺻﺤﺘﻬﺎ ﻟﻲ ﻛﺎﻧﺖ ﻋﻨﺪﻭ ﺃﻫﻢ ﻣﻦ ﺃﻱ ﺣﺎﺟﺔ ﺧﺮﺍ ﺗﺤﺪﺭ ﻟﻌﻨﺪﻫﺎ ﻭ ﺑﺎﺱ ﺟﺒﻬﺘﻬﺎ ﻟﻲ ﻛﺎﻧﺖ ﻋﺮﻗﺎﻧﺔ
ﺃﺭﺳﻼﻥ : ‏( ﺟﻤﻊ ﺣﺠﺒﺎﻧﻮ ‏) ﻟﺒﺆﺗﻲ ﺗﻌﺪﺑﺎﺕ
ﺭﻳﻤﺎﺱ : ‏( ﺑﺼﻮﺕ ﻏﺎﻟﺐ ﻋﻠﻴﻪ ﺍﻹﺭﻫﺎﻕ ‏) ﺃﻫﻢ ﺣﺎﺟﺔ ﺛﻤﺮﺓ ﺯﻭﺍﺟﻨﺎ ﺗﺰﺍﺩ ﻭ ﺑﺼﺤﺘﻮ ﺍﻟﻜﺎﻣﻠﺔ ﻣﺎ ﻓﻴﻪ ﻭﺍﻟﻮ ... ﻧﺰﻝ ﻋﻴﻨﻴﻪ ﻟﺠﻬﺔ ﺻﺪﺭﻫﺎ ﻓﻴﻦ ﻛﺎﻥ ﻧﺎﻋﺲ ﺍﻟﻤﻮﻟﻮﺩ
ﺃﺭﺳﻼﻥ : ﻭﻟﺪ؟
ﺭﻳﻤﺎﺱ : ﻣﺎﺷﻲ ﻏﻴﺮ ﻭﻟﺪ ﻫﺪﺍ ﻭﻟﺪﻧﺎ ﺍ ﺃﺭﺳﻼﻧﻲ ﺷﻮﻑ ﺷﺤﺎﻝ ﺻﻐﻴﻮﺭ ‏( ﻗﺮﺑﺎﺕ ﻳﺪﻳﻬﺎ ﺑﺸﻮﻳﺔ ﻟﻴﻪ ‏) ﻫﺎﻙ ﻫﺰﻭ ﻭ ﻏﻴﺮ ﺑﺸﻮﻳﺔ ﻋﻠﻴﻪ ﺍﻧﺎ ﻣﺘﺄﻛﺪﺓ ﻏﺎﻳﻌﺠﺒﻚ ﺍﻟﺤﺎﻝ .. ﻣﺎﻃﻮﻟﺶ ﻓﻴﻪ ﺍﻟﺸﻮﻓﺔ ﻭ ﺷﺎﻑ ﻓﻴﻬﺎ ﻭ ﺍﺷﺎﺭ ﻟﻠﻄﺒﻴﺒﺔ ﺑﺎﺵ ﺗﺠﻲ ﻟﻌﻨﺪﻭ
ﺃﺭﺳﻼﻥ : ﺩﻳﻪ ﺗﻜﻠﻔﻲ ﺑﻴﻪ ﻳﺨﻠﻲ ﻣﺮﺗﻲ ﺗﺮﺗﺎﺡ ... ﺑﻐﺎﺕ ﺿﻮﺭ ﻓﻴﻪ ﺿﻮﺭﺓ ﺷﺮﺍﻧﻴﺔ ﻋﻠﻰ ﻫﺎﺩ ﺍﻟﺘﺼﺮﻑ ﻣﺎﺭﺿﺎﺵ ﺣﺘﻰ ﻳﻬﺰﻭ ﻻ ﻭ ﻣﺎﺷﻲ ﻏﻴﺮ ﻫﺎﺩﺷﻲ ﻣﺎﺑﻐﺎﺵ ﻳﺨﻠﻴﻪ ﺣﺘﻰ ﻋﻨﺪﻫﺎ ﻭ ﺩﻏﻴﺎ ﺩﺍﺭ ﻟﻴﻪ ﺍﻟﺘﺼﺪﻳﺮ ﻣﻊ ﺍﻟﻄﺒﻴﺒﺔ .. ﺑﻐﺎﺕ ﺗﻮﺑﺨﻮ ﻭﻟﻜﻦ ﺍﻟﺠﻬﺪ ﻓﺎﻟﻮﻗﺖ ﺍﻟﺤﺎﻟﻲ ﻣﺎﻛﺎﻳﻨﺶ ﺣﺪﻫﺎ ﺯﻳﺮﺍﺕ ﻋﻠﻴﻪ ﻓﺼﺪﺭﻫﺎ ﻭ ﺷﺎﻓﺖ ﻓﺎﻟﻄﺒﻴﺒﺔ ﺑﻨﻈﺮﺓ ﻗﺎﺗﻠﺔ
ﺭﻳﻤﺎﺱ : ﺧﻠﻴﻚ ﻓﺒﻼﺻﺘﻚ .. ﻭﻟﺪﻱ ﺍﻧﺎ ﻟﻲ ﻏﺎﻧﺘﻜﻠﻒ ﺑﻴﻪ
ﺃﺭﺳﻼﻥ : ﺧﻠﻴﻬﺎ ﺗﺪﻳﻪ ﺑﺎﺵ ﻳﻜﻤﻠﻮ ﻟﻚ ﺍﺵ ﺑﺎﻗﻲ ﻭ ﺗﺮﺗﺎﺣﻲ
ﺭﻳﻤﺎﺱ : ‏( ﻏﻤﻀﺎﺕ ﻋﻴﻨﻴﻬﺎ ‏) ﺃﺭﺳﻼﻥ ﺧﺮﺝ ﻋﻠﻴﺎ ... ﺷﺎﻑ ﻓﻴﻬﺎ ﺑﻨﻈﺮﺍﺕ ﺇﺳﺘﻐﺮﺍﺏ ﻣﻦ ﻫﻀﺮﺗﻬﺎ ﻭ ﻏﻴﺮ ﻣﻦ ﻫﺎﺩ ﺍﻟﺘﺼﺮﻑ ﺍﻟﺼﻐﻴﺮ ﺣﺲ ﺑﺤﺎﻻ ﻓﻀﻼﺕ ﺗﺒﻘﺎ ﻣﻊ ﻭﻟﺪﻫﺎ ﻟﻲ ﻳﻼﻩ ﻋﻨﺪﻭ ﺭﺑﻊ ﺳﺎﻋﺔ ﻓﺎﻟﺪﻧﻴﺎ ﻭ ﺑﺎﻏﺎ ﺗﺒﻘﺎ ﻣﻌﺎﻩ ﻭ ﻣﺎﺗﺒﻘﺎﺵ ﻣﻊ ﺍﺭﺳﻼﻥ .. ﺧﺮﺝ ﻟﺒﺮﺍ ﻭ ﻋﻴﻂ ﻟﻠﻄﺒﻴﺒﺔ ﺗﺒﻌﺎﺗﻮ ﻭﺻﺎﻫﺎ ﺑﺎﺵ ﺗﻬﺘﻢ ﺑﺮﻳﻤﺎﺱ ﻭ ﺍﻟﻮﻟﺪ ﺗﺤﻮﻟﻮ ﻟﺸﻮﻣﺒﺮ ﺧﺮﺍ ﺩﻳﺎﻝ ﺩﺭﺍﺭﻱ ﺍﻟﺼﻐﺎﺭ .. ﻏﻴﺮ ﺩﺧﻼﺕ ﻭ ﻫﻤﺎ ﻳﻘﺮﺏ ﻣﻦ ﻋﻨﺪﻭ ﺍﻳﺜﺎﻥ
ﺇﻳﺜﺎﻥ : ‏( ﺑﻔﺮﺣﺔ ‏) ﻭﻟﺪﺍﺕ ﻭﻟﺪ؟
ﺃﺩﻳﺮﺓ : ﻭﻟﺪﻱ ﻭﺍﺵ ﻧﻘﺪﺭ ﻧﺪﺧﻞ ﻧﺸﻮﻓﻬﺎ
ﺃﺭﺳﻼﻥ : ﺑﻮﺣﺪﻙ
ﺇﻳﺜﺎﻥ : ﻭ ﺍﻧﺎ
ﺃﺭﺳﻼﻥ : ﻫﻤﻚ ﺍﻟﺤﻔﻴﺪ ﺍﺷﻤﻦ ﺷﻐﻞ ﻋﻨﺪﻙ ﻣﻊ ﻣﺮﺗﻲ !.
ﺇﻳﺜﺎﻥ : ﻭﺍﺧﺎ ﻧﻘﺪﺭ ﻧﺸﻮﻑ ﺣﻔﻴﺪﻱ
ﺃﺭﺳﻼﻥ : ﻓﺎﺵ ﻳﺪﻳﻮﻩ ﺷﻮﻓﻮ ﻣﻦ ﺍﻟﺰﺍﺝ
ﺃﺳﻮﺍﺭ : ﻣﺒﺮﻭﻙ ﻣﺎ ﺗﺰﺍﺩ ﻋﻨﺪﻛﻢ ... ﻃﻠﻌﻮ ﻭ ﻫﺒﻄﻮ ﺑﻨﻈﺮﺓ ﺍﺳﺘﻬﺰﺍﺀ ﻭ ﻣﺸﺎ ﺧﻼﻫﻢ ﻋﻴﻂ ﻷﺑﺮﺍﻫﺎﻡ ﻟﻲ ﻛﺎﻥ ﺭﺟﻊ ﺻﺤﺘﻮ ﻓﻬﺎﺩ 9 ﺷﻬﻮﺭ ﻭﺻﺎﻩ ﺑﺎﺵ ﻳﺒﻘﺎ ﻭﺍﻗﻒ ﺣﺪﺍ ﺷﻮﻣﺒﺮ ﺩﻳﺎﻝ ﺭﻳﻤﺎﺱ ﻫﻮ ﻭ ﺍﻟﻜﺎﺭﺩ ﻣﺎﻳﺨﻠﻴﻮ ﺣﺪ ﻳﺪﺧﻞ ﻭ ﻳﺠﻴﺒﻮ ﻟﻬﺎ ﺍﻟﻤﺎﻛﻠﺔ ﻓﺎﺵ ﺗﻔﻴﻖ ﺑﺎﺵ ﺗﺮﺩ ﺍﻟﺠﻬﺪ ﻭ ﻋﺎﻭﺩ ﻭﺻﺎ ﺭﺟﺎﻝ ﺧﺮﻳﻦ ﺑﺎﺵ ﻳﺒﻘﺎﻭ ﺣﺪﺍ ﺷﻮﻣﺒﺮ ﺩﻳﺎﻝ ﻭﻟﺪﻭ ﺍﻣﺎ ﻣﺎﻟﻚ ﻣﺸﺎ ﻣﻌﺎﻩ
♔ ﻣﺎﻋﺠﺒﻬﺎﺵ ﺭﺩ ﻓﻌﻞ ﺍﺭﺳﻼﻥ ﻛﺎﻧﺖ ﻣﺘﻮﻗﻌﺔ ﻏﻴﺮ ﻳﺸﻮﻑ ﺛﻤﺮﺓ ﺣﺒﻬﻢ ﻏﺎﺩﻱ ﻳﺘﺒﺪﻝ ﻗﺮﺍﺭﻭ ﻭﻟﻜﻦ ﻭﻗﻊ ﺍﻟﻌﻜﺲ ﺑﻘﺎ ﻫﻮ ﻫﻮ ﺑﻞ ﺣﺘﻰ ﺍﻟﺸﻮﻓﺔ ﻣﺎﺭﺿﺎﺵ ﻳﻄﻮﻟﻬﺎ ﻓﻴﻪ ﻫﻲ ﺣﺴﺎﺑﺘﻬﺎ ﺑﻠﻲ ﺭﺍﻩ ﻛﺎﻳﺸﻚ ﻓﻴﻬﺎ ﺣﺘﻰ ﻣﻦ ﻭﻟﺪﻫﺎ ﻭ ﻛﺎﻳﻘﻮﻝ ﻣﻤﻜﻦ ﻳﺠﻲ ﺷﻲ ﻧﻬﺎﺭ ﺗﻐﺪﺭﻭ ﻣﻊ ﻭﻟﺪﻫﺎ ... ﻭ ﻫﻮ ﺣﺴﺒﻬﺎ ﻓﺸﻜﻞ ﺍﺧﺮ ﻣﺎﺑﻘﺎﺵ ﻫﻮ ﺍﻟﺮﺍﺟﻞ ﺍﻟﻮﺣﻴﺪ ﻓﺤﻴﺎﺗﻬﺎ ﻭ ﺩﺍﺑﺎ ﺟﺎ ﻟﻲ ﻳﺸﺎﺭﻛﻮ ﻓﻴﻬﺎ ﻭ ﺟﺎ ﻟﻲ ﻓﺎﺵ ﻳﻜﺒﺮ ﺗﻮﻟﻲ ﺗﺤﻂ ﻋﻠﻴﻪ ﺍﻟﺮﺍﺱ ﻭ ﺗﻘﺴﻢ ﺍﻟﻮﻗﺖ ﺩﻳﺎﻟﻬﺎ ﺑﻴﻨﻮ ﻭ ﺑﻴﻦ ﻭﻟﺪﻭ ﻳﻌﻨﻲ ﺑﺎﻟﺨﻼﺻﺔ ﻫﻮ ﺑﺎﻏﻲ ﺍﻟﻮﻗﺖ ﺩﻳﺎﻟﻬﺎ ﻭ ﺣﻴﺎﺗﻬﺎ ﺗﻜﻮﻥ ﻏﻴﺮ ﻟﻴﻪ ﻣﺎﻓﻜﺮﺵ ﺑﻠﻲ ﻛﻮﻥ ﺗﻘﺒﻞ ﺍﻟﻮﻟﺪ ﻋﺎﺩﻱ ﺩﻳﻚ ﺍﻟﺴﺎﻋﺔ ﺑﻼﺻﺔ ﻣﺎﻏﺎﻳﺘﻘﺴﻢ ﺍﻟﻮﻗﺖ ﻭ ﻳﻘﻼﻟﻮ ﺍﻟﻠﺤﻈﺎﺕ ﺍﻟﺤﻤﻴﻤﻴﺔ ﺑﻴﻨﺎﺗﻬﻢ ﻏﺎﻳﻮﻗﻊ ﺍﻟﻌﻜﺲ ﻭ ﺩﺍﻙ ﺍﻟﺼﺒﻲ ﻏﺎﻳﻜﻮﻥ ﺍﻟﺴﺒﺐ ﻓﺄﻧﻬﻢ ﺯﺍﺩﻭ ﺗﻘﺮﺑﻮ ﻣﻦ ﺑﻌﻀﻴﺎﺗﻬﻢ ﻭ ﻏﺎﻳﻜﻮﻥ ﺍﻟﺮﺍﺑﻂ ﻟﻲ ﺭﺍﺑﻄﻬﻢ ﻣﺪﻯ ﺍﻟﺤﻴﺎﺓ ﻣﻦ ﺑﻌﺪ ﻋﻘﻮﺩ ﺍﻟﺰﻭﺍﺝ ﻟﻲ ﺩﺍﺭﻫﻢ ﻓﺎﻟﺪﻭﻟﺘﻴﻦ
_ ﻧﻔﻀﺎﺕ ﺗﻔﻜﻴﺮﻫﺎ ﻣﻨﻮ ﻭ ﺧﻼﺕ ﺗﻔﻜﻴﺮﻫﺎ ﻏﻴﺮ ﻣﻊ ﻭﻟﺪﻫﺎ ﻟﻲ ﻛﺎﻥ ﺍﻛﺒﺮ ﻓﺤﻴﺎﺗﻬﺎ .. ﺟﺎﺕ ﺍﻟﻤﻤﺮﺿﺔ ﻭﺭﺍﺗﻬﺎ ﻛﻴﻔﺎﺵ ﺗﺮﺿﻌﻮ ﻭ ﺭﺿﻌﺎﺗﻮ ﺷﻴﺌﺎ ﻓﺸﻴﺌﺎ ﺑﺪﺍﺕ ﻛﺎﺗﺤﺲ ﺑﺮﺍﺳﻬﺎ ﻛﺎﺗﺘﺮﺧﺎ ﻭ ﺟﺎﻳﻬﺎ ﺍﻟﻨﻌﺎﺱ .. ﺑﻐﺎﺕ ﺗﻨﻌﺴﻮ ﺣﺪﺍﻫﺎ ﻭﻟﻜﻦ ﻣﺎﺧﻼﻭﻫﺎﺵ ﺑﺎﺵ ﻣﺎﺗﺘﻘﻠﺒﺶ ﻋﻠﻴﻪ ﻭ ﻧﻴﺖ ﺑﺎﺵ ﻳﺘﻜﻠﻔﻮ ﺑﻴﻪ ﻫﻤﺎ .. ﻋﻴﻨﻴﻬﺎ ﻛﺎﺗﺪﻳﻬﺎ ﺑﺴﺒﺐ ﺍﻟﻤﺨﺪﺭ ﻭ ﻓﻔﻤﻬﺎ ﺟﻤﻠﺔ ﻭﺣﺪﺓ " ﺧﻠﻴﻮ ﻭﻟﺪﻱ ﻏﻴﺮ ﺣﺪﺍﻳﺎ " ... ﺑﻘﺎﺕ ﻫﺎﻛﺎﻙ ﺣﺘﻰ ﻧﻌﺴﺎﺕ ، ﺧﺮﺟﺎﺕ ﺍﻟﻤﻤﺮﺿﺔ ﻭ ﻓﻴﺪﻳﻬﺎ ﺍﻟﺼﺒﻲ ﻣﻊ ﺍﻟﺨﺮﺟﺔ ﻟﻘﺎﺕ ﻛﻠﺸﻲ ﻋﻠﻰ ﺑﺮﺍ
ﺳﻲ ﺇﻳﺜﺎﻥ : ﻋﻄﻴﻨﻲ ﺣﻔﻴﺪﻱ ﻧﺸﻮﻓﻮ
ﺃﺩﻳﺮﺓ : ‏( ﺑﺪﻣﻮﻉ ﺍﻟﻔﺮﺡ ‏) ﻋﺎﻓﺎﻙ ﺧﻠﻴﻨﻲ ﻧﻬﺰ ﺣﻔﻴﺪﻱ .. ﺍﻳﺜﺎﻥ ﺷﻮﻑ ﻭﻟﺪ ﺍﺭﺳﻼﻥ
ﺃﺑﺮﺍﻫﺎﻡ : ﺳﻲ ﺍﻳﺜﺎﻥ ﻛﺎﻧﻌﺘﺎﺫﺭ ﻭﻟﻜﻦ ﻛﺎﻧﺖ ﺗﻌﻠﻴﻤﺎﺕ ﻣﻴﺴﺘﺮ ﺍﺭﺳﻼﻥ ﺗﺸﻮﻓﻮﻩ ﻣﻦ ﻣﻮﺭ ﺍﻟﺰﺍﺝ ... ﻫﻀﺮ ﻣﻊ ﺍﻟﻜﺎﺭﺩ ﺑﺎﻟﻌﻴﻨﻴﻦ ﺑﺎﺵ ﻳﻤﺸﻴﻮ ﻣﻊ ﺍﻟﻤﻤﺮﺿﺔ ﻭ ﻫﻮ ﺑﻘﺎ ﻭﺍﻗﻒ ﺣﺪﺍ ﺍﻟﺸﻮﻣﺒﺮ .. ﻣﺎﻋﺠﺒﻬﻤﺶ ﺍﻟﺤﺎﻝ ﻋﻠﻰ ﻫﺎﺩ ﺍﻟﺘﺼﺮﻑ ....