Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
PUMASOK kami sa isang malaking room dito sa 18th floor ng Stargame at parehas kami ni Renshi na manghang-mangha sa mga nakikita namin. May isang space sa gilid na puro green screen at nakaupo doon ang Host (same host noong nag-interview sa Black Dragon) na mukhang nagbabasa ng script para sa interview.
"Renshi, picture-an mo ako doon." Bulong ni Oli kay Renshi at itinuro ang magandang spot sa lugar.
"Hindi ko sure If they will interview me pa ba or sinama lang ako para maging taga-picture mo?" reklamo ni Renshi sa kanya.
"Ang arte mo magsalita. Pa-picture na lang ako mamaya." Mahina akong natawa sa sinabi ni Oli.
In-orient kami ni Cherry sa mangyayaring live in 15 minutes.
"So, huwag kayong kabahan sa live mamaya. Chill-chill lang kayo with Hanz and everything. Parang normal kuwentuhan lang pero si Hanz ang barko ng chikahan tapos may camera lang." Paliwanag sa amin ni Cherry at tumango-tango kami. "Sunod kayo sa akin, ipakikilala ko kayo kay Hanz."
Nakakasilaw ang lightings dito sa studio.
"Nakakapogi 'yong ilaw nila dito." Sabi ni Axel at napailing na lang ako.
Napatigil sa pagbabasa ng script 'yong host at nakangiting tumayo noong makita kami. Sa tingin ko ay nasa early 20's lang siya at magkasingtangkad lang sila ni Dion, he is wearing a round eyeglasses at mayroon siyang braces.
Cherry introduced us to one another pero noong napatingin siya sa aming dalawa ni Dion ay mas lumapad ang ngiti niya. I know that smile, ngiti ng mga mai-issue na tao. Oh God, dati ay si Kuya London lang ang ma-issue sa buhay ko pero ngayon ay parang napapaligiran na ako ng maraming Kuya London dito sa Pro league.
Nalaman ko rin na isang kilalang Shout caster si Hanz ng mga tournament kung kaya't familiar siya sa lahat ng team na nage-e-exist sa game.
"Nice meeting you, guys, especially you, Milan. Iba na talaga ang takbo ng mundo... May mga babae na ngayon sa pro league which is a good change pagdating sa gaming world." Paliwanag ni Hanz at napangiti naman ako sa kanyang sinabi.
"Guys, relax lang kayo mamaya sa interview. Na-review ninyo naman 'yong set of questions. Huwag kayong mag-alala, as a host ay hindi ko kayo hahayaan na magmukhang tanga sa live. Ba-backup-an ko lagi ang mga ipinapaliwanag ninyo so chill lang tayo rito." Sabi ni Hanz at umupo na kami sa mahabang couch para sa interview.
Napapaligiran lang ng green screen ang studio pero kapag tiningnan mo ang screen ng TV ay para bang may maganda kaming background na related sa gaming (#Amazeako). May tatlong camera din sa paligid, ang isa ay nakatutok sa amin, ang isa ay kay Hamz, at ang isa ay nakukuhanan ang buong setting and may isang TV din dito sa set na kung saan may ipa-flash lang silang mga question na mababasa ng mga live viewers.
