Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
NATATAWA ako habang nagbabasa ng GC namin na Orient Crown dahil kung mag-chat sila ay parang hindi na kami magkikita-kita. Hello, three weeks lang ang ibinigay na break sa amin pagkatapos noon ay babalik na kami sa Boothcamp para mag-training para sa nalalapit na Season 4 tournament.
Binababaybay namin ang NLEX at nakatanaw lamang ako sa labas ng bintana. Malakas na tumutugtog sa kotse ang mga kanta ni Zack Tabudlo kung kaya't ang chill lang ng vibes. I can say na nag-a-upgrade na ang mga OPM songs natin ngayon, may certain flavor na sila when it comes to music na sa OPM mo lang din mahahanap.
Natutulog si Dion sa balikat ko na hinayaan ko lang dahil sa mga members ng Orient Crown ay sila talaga nila Larkin at Callie ang madalas may interview at mga photoshoot. Sila din kasi ang may pinakamalalaking fanbase sa amin when it comes to Hunter Online Community.
"Napanood namin 'yong laban ninyo ng Battle Cry," kuwento ni Kuya London sa akin. "Kasama namin sila Mom at Dad, matatawa ka sa reaksiyon nila. Akala mo talaga sila ang fan ng Esports ng tatlong taon, eh."
Bahagya akong natawa dahil ngayon lang din nagka-interes sila Mom sa hobby namin (buhay noong nakanood sila ng match sa Pampanga at noong Summer Cup). "May video ka Kuya?"
"Nasa cellphone ni Brooklyn, ipapanood ko sa 'yo mamaya. Matatawa ka, napapatayo pa sila sa intensed ng laban." Nangingising kuwento ni Kuya London sa akin.
"Sinong team ang sinusuportahan naman nila."
"Unluckily, hindi kayo. They are loyal sa Battle Cry." sabi naman ni Kuya Brooklyn at nawala ang ngiti ko. "I guessed Oli won sa pagoging paboritong anak."
"Kaya nga, eh. Dapat na talagang itumba si Oli sa pagiging sabit sa pamilya natin." Paliwanag ko na ikinatawa nila. Pinicture-an ko si Dion habang natutulog sa balikat ko at nilagay ko sa my day sa IG. As usual, iba ang hatak ng Cutie player ng Nueva Ecija dahil ang daming reacts noon kahit wala pang dalawang minuto.
"Pero Milan, ikaw talaga ang highlight noong laban ninyo ng Battle Cry." kuwento ni Kuya Brooklyn habang focus na nagda-drive.
"Si Callie."
"Ikaw." Sabat ni Kuya London. "Kung mga casual viewers, siguro sasabihin si Callie ang nagdala kasi ang dami niya kill. Pero mga bobo sila, malamang core si Callie kaya trabaho niya 'yon. But true gamer will know how amazing your tactics in the last part of the game. Madaling maging core habang mahirap maging magaling na support."
"Ang bolero ninyo!"
"Alam mo kung bakit?" Natatawang sabi ni Kuya London. My brows crunched. "Ikaw kasi magbabayad ng gas natin mamaya sa gas station."
"Hoy!" Reklamo ko.
"Sinundo ka namin. Ang layo-layo at ang trapik sa EDSA. Ikaw naman ngayon sa gas, sinusuwerte ka naman masyado." Napairap ako sa ere dahil wala ako talagang makukuhang sagot kay Kuya London.
