Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
"DION, hindi ba ikaw ang naka-assign na maghugas ngayong umaga?" Tanong ko pagkapasok ko sa playroom kung saan naglalaro sila ng Tekken ni Larkin. Sa boothcamp kasi ay may rotational kami na gawain, tulong man lang sa mga kasambahay namin dahil ang laki nitong boothcamp (that was my idea).
"Oo na, mamaya, gagawin ko din." Sagot ni Dion pero focus siya sa nilalaro nila ni Larkin. "Maghintay ka lang, bawi ako sa round 2." Sagot niya kay Larkin.
"Gagawin mo o ipapa-lock ko kay Sir Theo itong game room para pare-parehas kayong walang matambayan?" Humarang ako sa TV at tinaasan siya ng kilay.
"Gagawin ko naman pagkata—" he sighed. "Heto na, gagawin na. Boss Madam na Boss Madam ka." Ibinababa niya ang controller at naglakad papalabas.
Naging kami man ni Dion ay hindi naman nabago ang pagtatalo namin sa maliliit na bagay (hello! Malaking bagay ang paghuhugas ng pinggan). Siguro medyo naging sweet kami sa isa't isa pero kapag tungkol sa mga gawain dito sa Boothcamp, aba! Mahigpit ako doon. If I will failed to maintain the cleanliness here in boothcamp, baka mapagalitan ako ni Coach at ni Sir Theo.
Napatingin sa akin si Larkin. He awkwardly smile. "Tekken tayo—"
"Isa ka pa, pinag-iisip kita ng strategy para mabilis tayong makapagpa-level, inuna mo pang mag-Tekken."
"H-Heto na nga po, gagawin na, Captain." Larkin said at pinatay ang PS4. Tuwing weekends lang ako nandito sa Boothcamp pero sumasakit na ang ulo ko sa kanila. Paano pa si Coach, sobrang hands down na ako sa patience ni Coach Russel.
Lumabas ako ng Play room at pumunta sa sala. Sakto naman na nakita ko si Callie na mukhang problemado. As soon as he saw me, pinaupo niya ako. "Anong problema mo?" Natatawa kong tanong.
"Sa tingin mo, bakit ako sinusungitan ni Aisha? Sineen niya lang 'yong chat ko sa kaniya." Callie looked so puzzled. Ngayon ko lang nakita ng ganito si Callie dahil kapag sa tungkol sa Hunter Online, may plano si Callie, alam niya ang gagawin niya. But now, he looked so confuse.
"Ano bang sinabi mo?"
"Ang sabi ko sa kaniya sa chat," he showed me their convo. Hindi ko nga alam kung matatawag siyang conversation dahil wala talagang reply si Aisha. Kahit isa. "Good morning, I know I am the best player in Hunter Online pero 'wag mo akong isipin masyado sa umaga." Pagbasa niya sa chat niya.
"Ah, kaya naman pala." Bagot kong sabi at tiningnan ang kuko ko.
"Anong kaya naman pala? Bakit? Did I say something wrong? I even said good morning to brighten up her day."
"Hanggang chat ramdam ko ang kayabangan mo Callie. Nananapak ng mayabang si Aisha." I tapped his back. "Maglaro ka na lang muna, focus ka sa game."
"Pangit mo magpayo." Reklamo niya. "Mag-be-break din kayo ni Dion."
Pabiro akong umirap at bahagyang natawa. "Talk to Aisha normally kasi, huwag kang nagyayabang. Baka kahit papaano ay kausapin ka niya."
"May naisip na akong paraan para kausapin niya ako." Callie smile like he already have a plan running in his mind. "Pupunta ako sa Boothcamp ng Battle Cry."
