Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
TANDANG-TANDA ko pa na saktong alas-otso kagabi noong pinost sa page ng Battle Cry ang pag-alis ni Axel sa grupo. It actually made a buzz in gaming community.
Maraming fans ang naghayag ng kalungkutan nila (which is normal) sa pag-alis ni Captain. Sabi din ni Oli ay naging trending din si Axel sa twitter.
Kung may mga fans na nalungkot, mayroon din namang mga speculation na kumalat online na kaya aalis si Axel ay dahil lilipat siya sa Black Dragon. Hindi ko nga alam kung sino ang nagpapakalat nang ganoong klaseng fake news, pero infairness, ang dami niyang napaniwala.
"Tuloy na tuloy ka na talaga, Captain?" tanong ko kay Axel na nakaupo sa sala habang bitbit ang maleta niya at duffle bag.
"Former Captain. Future Attorney." he wiggled his right brow and smirked. "Kayo na ang bahala kanila Oli. Palagi lang silang nakangiti at nakatawa pero fragile din ang mga batang 'yan. Give them extra attention." bilin niya.
"Pansin ko nga." sagot ko.
He checked his phone. "Malapit na 'yong grab ko." sabi niya at isinukbit ang kanyang duffle bag at hinila ang kanyang maleta.
"Coach, Sir Greg! Alis na po ako!" Axel shouted at mabilis na nagtipon-tipon ang lahat sa tapat ng pinto.
Coach and Sir Greg tapped his back. "Mag-iingat ka, Axel. Ang laki nang naitulong mo sa buong team." nakangiting sabi ni Coach Robert.
Ngumiti si Axel sa aming lahat at isa-isa noya kaming tiningnan sa mata. Yumuko si Axel. "Maraming salamat sa lahat!" sabi niya.
"Battle Cry!" Kendrix shouted. It is really a new start.
"Maraming salamat, Captain!" Malakas naming sigaw lahat at nag-bow din pabalik kay Axel.
Ilang linggo ko lang nakasama si Axel pero ang dami niyang itinuro sa akin na napakikinabangan ko ngayon sa game. His opinion in every matches really helped me to improved.
May tumawag na sa cellphone niya at mukhang iyon na ang driver niya.
Umayos na muli kami nang pagkakatayo at ngumiti kay Axel.
"Oli 'wag kang iiyak, big boy ka na." narinig kong mahinang bulong ni Oli sa kanyang sarili habang nagpo-focus na huwag bumagsak ang kanyang luha.
Si Axel ang nag-alaga at humubog kay Oli sa professional league. Malaking tao para kay Oli si Axel kung kaya't naiintindihan ko naman kung bakit sobra siyang apektado sa pag-alis ni Axel.
Naglakad na si Axel papalabas ng boothcamp bitbit ang kanyang mga gamit at sumakay sa itim na sasakyan na nakahinto sa tapat ng boothcamp.
"Umalis na talaga si Axel. Parang ngayon pa lang nagsi-sink in sa akin lahat." sabi ni Dion at uminom ng energy drink.
Nagkanya-kanya na kaming balik sa aming ginagawa noong marinig namin ang palakpak ni Sir Greg para makuha ang atensiyon naming lahat.
"Guys, paki-check ang announcement board natin at nandoon ang listahan ng mga members na kakausapin ko ngayong araw for the contract renewal. Kapag wala ang pangalan ninyo, free day ninyo ngayon at puwede ninyo gawin kung ano ang gusto ninyong gawin, okay?" paliwanag ni Sir Greg.
