တင်းတင်းကြပ်ကြပ်ဆုပ်ကိုင်ထားတဲ့လက်တွေကို ဖာသာက ပြုံးပြုံးလေးသာကြည့်နေသည်။ရှောင်းကျန့်မှာတော့ချွေးစေးတွေကပ်ငြိတွယ်နေခဲ့ရင်း ကောင်လေးရဲ့လက်ကို ပိုပြီးညစ်ကိုင်ထားမိသည်။ ဒီတော့ သူ့လက်တွေကို နောက်လက်တစ်ဖက်နဲ့ အုပ်ကိုင်ပေးလာတဲ့ ရိပေါ်ရဲ့လက်ဖဝါးနွေးနွေး။
တကယ်ဆို သူကိုယ်တိုင်က ဖာသာကိုယုံကြည်လွန်းပါတယ်ဆိုပြီး အခုလိုလာဖွင့်ပြောခဲ့တာမှန်ပေမဲ့ လက်တွေ့မှာ ထင်သလောက်တော့ မလွယ်ဘူး။ ရိပေါ်လောက်တောင် သူကမတည်ငြိမ်ဖြစ်နေခဲ့တာ။
မဝံ့မရဲဖြစ်နေတဲ့ရှောင်းကျန့်ရှေ့ မျက်နှာချင်းဆိုင်မှာထိုင်နေတဲ့ ဖာသာကတော့ ကြောက်ရွံ့နေတဲ့ကလေးတစ်ယောက်ကို နှစ်သိမ့်ချော့မြူသလိုအကြည့်တွေနဲ့ ကြည့်နေသည်။
"မင်းကြည့်ရတာ စိတ်တွေသိပ်လှုပ်ရှားနေသလိုပဲ ရှောင်းကျန့်။ "
"ကျန့်ကောက အိမ်မှာထဲက စိုးရိမ်နေခဲ့တာ။ ဘယ်သူ့ကိုမှအသိမပေးပဲ လက်ထပ်လိုက်တာကြောင့် ဖာသာစိတ်ဆိုးမှာလဲ ကြောက်နေတာပါ။ "
ကြားဝင်ဖြေလိုက်သော ရိပေါ်ကြောင့် သူရိပေါ်ဘက်ခေါင်းလေးလှည့်လိုက်ရင်း ကြောင်အအနဲ့။
"အိမ်တောင်ခွဲနေကြပြီလို့ ပြောခဲ့တယ်မလား။
ဒါက လက်ထပ်လိုက်တာနဲ့ ဘာကွာအုံးမှာလဲ။
စိုးရိမ်စရာမရှိတာကို စိုးရိမ်နေတာပဲ ရှောင်းကျန့်ရယ်။ ""ဖာသာအပေါ် အသိမပေးမိတာကို ကျွန်တော်စိတ်ထဲတစ်မျိုးဖြစ်မိလို့ပါ။ "
"တကယ်ဆို ဖာသာကိုစိုးရိမ်ရမှာမဟုတ်ဘူး။
ဖာသာက မင်းတို့နှစ်ယောက်ကို လွတ်လွတ်လပ်လပ်နဲ့ကို သဘောတူခဲ့ပြီးသားလေ။ အဓိကက မိဘတွေကို ပထမဆုံးအသိပေးရမှာ။ မိဘတွေအနေနဲ့ သူတို့ကနောက်မှသိသွားရင် ဒါကပြဿနာရှိလာနိုင်တယ်။ "ရှောင်းကျန့် ခေါင်းငုံ့ချကာ တိတ်ဆိတ်သွားသည်။ ရိပေါ်မားမားက သူတို့ကိုခါးခါးသီးသီးဖြစ်နေတာသိရက်နဲ့ အခုလိုလုပ်လိုက်တာက ဒေါသကို ပိုဆွပေးလိုက်တာနဲ့အတူတူပဲမလား။
![](https://img.wattpad.com/cover/206431873-288-k720876.jpg)
YOU ARE READING
တယောကြိုးလေးထက်ရစ်ပတ်နှောင်ဖွဲ့သည်(Completed)
Fanfiction' ကျွန်တော်က ကောအတွက် ချိုသာတဲ့ချစ်ခြင်းသံစဉ်တွေသာ ထုတ်လွှတ်ပေးမဲ့ တယောကြိုးလေး '