"ရိပေါ်လေးအားမနာနဲ့နော်။ များများထည့်စား။"ကျန့်ကောပြောသလိုပဲ အခုလိုပွေ့ချီလာတာကို ကြိုက်ပုံမရတဲ့မိသားစုက ထမင်းဝိုင်းမှာ ပုံမှန်ထက် မျက်နှာတွေမတည်မငြိမ်ဖြစ်နေခဲ့ရင်း
ဒေါ်လေးကတော့ သူ့ပန်းကန်လုံးထဲ အသားနဲ့အရွက်ကြော်ကို ခပ်များများထည့်ပေးလာသည်။"ဟွားဟွား....ရိပေါ်လေးကြိုက်မယ်ထင်တာတွေ နင်လဲထည့်ပေးလိုက်အုံးလေ။ "
"ဟုတ် မား။ "
"အားနာစရာမရှိဘူး ရိပေါ်။ ဦးလေးတို့အိမ်မှာ အကုန်လုံးကို မိသားစုဝင်လိုဆက်ဆံပြီးနေ။ ဟုတ်ပြီလား။ "
"ဟုတ်ကဲ့ပါ။ "
ရိပေါ် ခေါင်းငြိမ့်ပြပြီးသည်နှင့် ရှောင်းကျန့်ဘက်လှည့်လိုက်သည်။ ထမင်းစားပွဲမှာ ကိုယ်စီပန်းကန်လုံးနဲ့ရှိနေပေမဲ့ ရှောင်းကျန့်ရှေ့မှာတော့ ဘာမှရှိမနေ။ ပြီးတော့ အမြင်အာရုံပျောက်ဆုံးနေတဲ့ ရှောင်းကျန့်အတွက် ထမင်းစားဖို့ကို သူပိုစိုးရိမ်သည်။ အရင်နေ့တွေက ဘယ်လိုနေထိုင်ခဲ့လဲမသိပေမဲ့ အခုသူရှိလာမဲ့အချိန်တွေမှာ ရှောင်းကျန့်အတွက် အနည်းအကျဥ်းဒုက္ခလေးတောင် မရစေချင်တော့တာပါ။
"ကျန့်ကော...ကျွန်တော် ခွံ့ကျွေးရမလား။ "
မျက်နှာပျက်သွားတဲ့ ဒေါ်လေးကိုတော့ ရိပေါ်မမြင်လိုက်ရပဲ ရှောင်းကျန့်အတွက်သာ သူ့အတွေးကအလုပ်လုပ်နေခဲ့သည်။
"မ...မလိုဘူး ရိပေါ်။ ကောက မားနဲ့အတူ စားနေကျပါ။ မင်းသာ လွတ်လွတ်လပ်လပ်စား။
ကောကို စိတ်မပူနဲ့။""ဟုတ်တယ် ရိပေါ်။ ဒေါ်လေးက ကျန့်ကျန့်ကိုခွံ့ကျွေးနေကျမို့ ရိပေါ်လေးသာ ဝအောင်စားပါ။ "
သူမ ထမင်းလုတ်ကို ရှောင်းကျန့်ပါးစပ်နား တက်တက်ကြွကြွနဲ့ တေ့ပေးလိုက်သည်။ သို့ပေမဲ့လဲ အရင်နေ့တွေဆို အားရပါးရဖွင့်ဟစားပေးတတ်တဲ့ ရှောင်းကျန့်က ဒီနေ့မှာတော့ တုံနှေးနှေးနဲ့ ဖြစ်နေခဲ့သည်။
ရိပေါ်ကတော့ သူ့ရှေ့ဂရုတစိုက်ပြုမူပြနေတဲ့ သားအမိပုံရိပ်ကိုကြည့်ရင်း သက်ပြင်းလေးခိုးချကာ သူ့ထမင်းပန်းကန်လုံးကိုသာ ကောက်ကိုင်လိုက်သည်။ ရှောင်းကျန့်ဟာ အခုချိန်မှာ ဒုက္ခိတဖြစ်နေလို့ တစ်ခြားတစ်ယောက်ရဲ့ ဒီလိုပြုစုခံရတာဟာမထူးဆန်းပေမဲ့ သူ့စိတ်ထဲမတင်မကျဖြစ်မိနေသည်ကတော့ ဆိုးသည်။
YOU ARE READING
တယောကြိုးလေးထက်ရစ်ပတ်နှောင်ဖွဲ့သည်(Completed)
Fanfiction' ကျွန်တော်က ကောအတွက် ချိုသာတဲ့ချစ်ခြင်းသံစဉ်တွေသာ ထုတ်လွှတ်ပေးမဲ့ တယောကြိုးလေး '