ကုတင်အောက်ဘေးနား တုံးလုံးလှဲကျနေတဲ့ကိုယ်လေးကို ရိပေါ်စိုးရိမ်တကြီးနဲ့ ဆွဲထူမလိုက်သည်နှင့်တစ်ပြိုင်နက်။"မား...မားလားဟင် ?"
ထိတ်လန့်စွာ မေးလာသောမေးခွန်းတစ်ခုနဲ့ ဟွားဟွားရဲ့အကိုဖြစ်သူဟာ သူ့လက်တွေကို အတင်းဆုတ်ကိုင်လာကြသည်။ တစ်ချိန်ထဲမှာပဲ အလန့်တကြားနဲ့ သူ့လက်တွေကို လွှတ်ချသွားပြန်တယ်။
အဲ့ဒီလိုပဲ ရိပေါ် ဟာ သူ့ဒူးတွေက ပျော့ခွေတော့မတတ် ယိုင်နဲ့သွားခဲ့ကြသည်။ ခပ်အုပ်အုပ်ဆံပင်တွေက နဖူးမှာအလေအလွင့်ရှိနေကြရင်း သူ့ဘက်လှည့်ကြည့်လာတဲ့ မျက်ဝန်းတွေဟာ သာမန်မဟုတ်သောအကြည့်တွေနဲ့။ အဲ့ဒီအကြည့်တွေက ရေရာမှုလည်းမရှိ။
"ဘယ်သူလဲ ? ငါ့အခန်းထဲ ဘယ်သူဝင်လာတာလဲ ? "
ထူးထူးဆန်းဆန်းပြုမူနေတဲ့ ဒီလူတစ်ယောက်ဟာ သေချာပေါက် သူ့ရဲ့တစ်ဦးတည်းသော တွယ်တာခဲ့ရာလေးဖြစ်နေခဲ့လေသလား။
"ကျန့်...ကျန့်ကော ? "
ရိပေါ်ရဲ့တိုးတိမ်လွန်းစွာ ထွက်ကျသွားတဲ့နာမ်စားလေးကို တစ်ဖက်လူဟာမကြားနိုင်ခဲ့ဘူး။ မျက်ရည်တွေသာ တစ်ပေါက်ပေါက်ကျလာရင်း ရိပေါ် ရှေ့တိုးကာ ရှောင်းကျန့်ရဲ့လက်ကလေးကို ဆွဲယူမိလိုက်သည်။
"ဘယ်သူလဲလို့ ငါမေးနေတယ်လေ!! "
ကတုန်ကယင်နဲ့ သူ့လက်တွေကို တွန်းလွှတ်နေတဲ့ ရှောင်းကျန့်ဟာ အတော်လေးစိုးရွံ့နေရှာသည်။
"တကယ်ပဲ ကျန့်ကောလား ? "
" ......"
အနည်းငယ်ပြူးကျယ်သွားတဲ့ မျက်ဝန်းတွေဟာ ကျီးကန်းတောင်းမှောက် ဟိုကြည့်ဒီကြည့်နဲ့ ဖြစ်သွားရင်း ခန္ဓာကိုယ်လှုပ်ရှားမှုကတော့ ငြိမ်သက်သွားသည်။
ဒီလူတစ်ယောက်ရဲ့ မျက်ဝန်းအခြေနေတွေကိုကြည့်ပြီး ရိပေါ်အဖြေတစ်ခုကိုတော့ သေချာသိနေပြီ။ ပြီးတော့ မလှမ်းမကမ်းမှာချထားတဲ့ ဝှီးချဲ။ လှဲကျထားတဲ့ ဟွားဟွားရဲ့အကိုဆိုသူက ကြမ်းပြင်ပေါ်ဖင်သာရွေ့သွားပြီး သူ့ခြေထောက်တွေက နည်းနည်းလေးတောင် မလှုပ်ရှားခဲ့ဘူး။
![](https://img.wattpad.com/cover/206431873-288-k720876.jpg)
YOU ARE READING
တယောကြိုးလေးထက်ရစ်ပတ်နှောင်ဖွဲ့သည်(Completed)
Fanfiction' ကျွန်တော်က ကောအတွက် ချိုသာတဲ့ချစ်ခြင်းသံစဉ်တွေသာ ထုတ်လွှတ်ပေးမဲ့ တယောကြိုးလေး '