ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၇

I always published both Zawgyi and Unicode.So every parts'll  have both of this.Thanks lovelys❤️

အပိုင်း ၇ ကျော်ကြားမှုက မိုးထိုးပြီ

ပါဆယ် သုံးခု ပို့ခိုင်းပြီးသည်နှင့် ယွမ့်ထန်း အပျင်းကြောဆန့်လိုက်သည်။ သူ အာလူးနှင့် ဝက်ဗိုက်သားခေါက်ဆွဲကို ခပ်အေးအေး စားပြီးသည်နှင့် ပိုက်ဆံကို ရေကာ အကောင့်ထဲ ဖြည့်သည်။

ပိုက်ဆံ ပမာဏ များပြားလာခြင်းက အရသာ၇ှိသည့် ဟင်းလျာတွေကို ပိုပြီး အရသာ၇ှိအောင် လုပ်နိုင်လာစေသည်။

ယွမ့်ထန်းက အားလပ်သည့်အခါ အင်တာနက်ပေါ် ကြည့်လေ့မ၇ှိပေ။ ထို့အပြင် သူ့ခန္ဓာကိုယ်က အားနည်းကာ အနားယူရန် လိုအပ်သည့်အတွက ်အိပ်ယာ စောစောဝင်လိုက်လေသည်။ထို့ကြောင့် သူနှင့်ပက်သတ်ပြီး ဖြစ်ပျက်သွားခဲ့သည့် ဖြစ်ရပ်တွေကို လွဲသွားတော့ပေသည်။

ည ၇နာရီဆိုတာဟာ ကြယ်နက်ဝေါ့တွင် လူအရှုပ်ဆုံး အချိန်ဖြစ်သည်။

ထိုအခိုက် ပိုစ့်အသစ်တစ်ခုက ပြည်သူပြည်သားတွေ၏ အာရုံကို ဆွဲဆောင်သွားသည်။

"@ ရှားမီ v နတ်ဘုရားမက ပိုစ့်အသစ် တင်လိုက်ပြီ"

ချုံလင်းသည် အစားအသောက် အလွန်ရွေးကာ ကြီးကျယ်သည့်သူမျိုး ဖြစ်သည်။ သူမ၏ မိသားစုက အနည်းငယ် ချမ်းသာရုံမျှသာ ဖြစ်လေကာ သူမသည်လည်း အားဖြည့် ဆေးရည်တွေ သောက်ရသည်။ သို့တိုင်အောင် သူမ၏ စားစရာတွေအပေါ် ထားသည့် စိတ်ဆန္ဒကိုမူ မပြည့်ဝစေပေ။ အရသာမဲ့ အားဖြည့် ဆေးရည်တွေနှင့် သဘာ၀ စားဖွယ်တွေ၏ ကွာခြားချက်က နှိုင်းယှဉ်လို့ပင် မရပေ။ ပလက်ဖောင်းရှိ တိုက်ရိုက် ထုတ်လွင့်မှုတွေက သူမကို ပိုက်ဆံ မကုန်စေဘဲ အရသာတိုင်းကို အလကားမြည်းခွင့် ရစေသည်။ထို့နောက်တွင်မူ သဘာ၀ စားဖွယ်တွေ၏ ပရိတ်သတ်စစ်စစ်ဖြစ်သွားကာ ကျရှုံးသွားတော့လေသည်။

သူမက အစားအသောက် တင်ဆက်သူများစွာကို followထားပြီး ကြယ်အဆင့်မြင့် စားသောက်ဆိုင်ကြီးတွေတွင်လည်း မြည်းစမ်းကြည့်လေ့ရှိပေသည်။သူမက သုံးဖက်မြင် ဖန်သားပြင် ပုံရိပ်မှသာ ကြည့်ခြင်းဖြစ်သည့်တိုင် သဘာဝစားဖွယ်၏ ကျွမ်းကျင်ပညာရှင်တစ်ယောက် ဖြစ်လုနီးနီး အဆင့်ကို ရောက်လာခဲ့သည်။ သူမ မည်သို့သော အစားအသောက်တွေကို စားပါပစေ မည်မျှ နာမည်ကြီးသော ဆိုင်တွေကို သွားပါပစေ တစ်စုံတစ်ရာက လိုအပ်နေသည်ဟု ခံစားနေခဲ့၇ပေသည်။