ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၁၂

အပိုင်း ၁၂ စာဖိုမှူး အစည်းအရုံးမှ ဖိတ်ကြားလွှာ

ယွမ့်ထန်းက တိုက်ရိုက်ထုတ်လွှင့်မှုကို ပိတ်လိုက်ခြင်းက မြန်ဆန်လွန်းလှပေသည်။သို့သော် သူက  အခြားသူတွေနှင့် စကားဆက်မပြောချင်တော့၍ မဟုတ်လေဘဲ အလင်းဦးနှောက်ထံ ဖုန်းဝင်လာ၍ ဖြစ်သည်။

နံပါတ်က မရင်းနှီးသည့်အတွက် ယွမ့်ထန်း တုန့်ဆိုင်းသွားသည်။သို့သော် သူ လက်ခံ လိုက်၏။

" ဟယ်လို"

" ဟယ်လို လူကြီးမင်း ယွမ့်ထန်းပါလား"
တဖက်မှ ချိုမြိန်သည့် အမျိုးသမီးတစ်ယောက်၏ အသံ ထွက်လာသည်။

ယွမ့်ထန်း: "ဟုတ်ပါတယ် "

" ဟယ်လို လူကြီးမင်း ယွမ်ထန်း။ ကျွန်မက ဝမ်ရှားပါ။ ကျွန်မက ကျင်းကျန်း တိုက်ရိုက် ထုတ်လွှင့်မှု ပလက်ဖောင်းက ဝန်ထန်းပါ။ကျွန်မရဲ့ ဝန်ထမ်းနံပါတ်က ၂၄၇၄၅၄ပါ"

" ဒီလိုပါ။ စာဖိုမှူး အစည်းအရုံးက ရှင်နဲ့ အဆက်အသွယ်ရဖို့ အကူအညီ တောင်းခံလာပါတယ်။ ဒါပေမယ့် ရှင်က ကျွန်မတို့ ပလက်ဖောင်းနဲ့ စာချုပ် ချုပ်ဆိုထားတာဆိုတော့ ရှင့်ဆန္ဒမပါဘဲ အခြားတဖက်ကို ရှင့်ရဲ့ အချက်အလက်တွေ ပို့ပေးလို့ အဆင်မပြေပါဘူး။ ဒါကြောင့် ၇ှင်ရဲ့ ခွင့်ပြုချက်ကို တောင်းခံတာပါ"

ဝမ်၇ှားက သူမတို့ဘက်မှ အခြေအနေကို ပြောပြသည်။
" ရှင့်ရဲ့ ကိုယ်ပိုင် ဖုန်းနံပါတ်ကို တဖက်သူကို ပေးစေချင်ပါသလား"

" ဟုတ်ကဲ့ ဒါပေမယ့် ဖုန်းနံပါတ်က လွဲပြီး ကျန်တဲ့ ကိုယ်ရေး အချက်အလက်တွေကိုတော့ ပလက်ဖောင်းက မထုတ်ဖော်ဖို့ မျှော်လင့်ပါတယ်"

ယွမ့်ထန်း ဖုန်းချပြီး ငါးမိနစ်တောင် မကြာသေးခင်အချိန်တွင် စာဖိုမှူး အစည်းအရုံးမှ ဖုန်းဝင်လာလေသည်။

" ဟယ်လို ကျွန်တော်က စာဖိုမှူး အစည်းအရုံးက ကျောက်ပင်းပါ။ကျွန်တော်တို့ လူကြီးမင်းရဲ့ ကျင်းကျန်း ပလက်ဖောင်းပေါ်က တိုက်ရိုက် ထုတ်လွှင့်မှုတွေကတဆင့် လူကြီးမင်းရဲ့ ထူးချွန်ပြောင်မြောက်တဲ့ ချက်ပြုတ်တဲ့ နည်းစနစ်တွေကို သိခဲ့ရပါတယ်။ လူကြီးမင်းကို ကျွန်တော်တို့ရဲ့ ဥက္ကဌက အများကြီး သဘောကျနေပါတယ်။ ဒါကြောင့် လူကြီးမင်းကို စာဖိုမှူး အစည်းအရုံးထဲ ဝင်ဖို့ ဖိတ်ခေါ်ချင်လို့ပါ။ လူကြီးမင်းမှာ လက်မှတ် မ၇ှိသေးရင်တော့ အရင် ယူထားစေချင်ပါတယ်"