မျက်ခုံးထူထူ မျက်စံနက်နက်တွေနဲ့ မျက်ဝန်းအစုံဟာ အကြည့်ချင်းမဆုံရဲအောင်ပင် အရှိန်အဝါတစ်ခုကို သယ်ပိုးထားသည်။ မေးရိုးကားကား က အံကြိတ်ထား၍ထင် ပို၍ထင်းထွက်နေသည်။ တင်းရင်းနေသောမျက်နှာပြင်က ဒေါသစိတ်ကြောင့် ခက်ထန်တဲ့အသွင်ကို ဆောင်နေသည်။သေချာပုံသွင်းထားပုံမပေါ်သော်လည်း သပ်ရပ်စွာဖြီးသင်ထားသော ဆံပင်တိုတိုထံမှာ အဖြူရောင်သန်းနေသော ဆံဖြူတွေ တစ်စနှစ်စ တွယ်ကပ်နေပြီ။ အားလုံးကိုပေါင်းစည်းကြည့်လိုက်မည်ဆိုလျှင် ထိုသူ၏အသွင်အပြင်သည် သြဇာတိက္ကမနှင့်ပြည့်စုံသော လူကြီးလူကောင်းတစ်ဦးပေ။ ထိုသူသည် သစ်ခက်လွှား၏
ဖေကြီး ဦးတည်ကြည်နိုင်ပင်။
တဖက်တွင်လည်း မြင်လိုက်သည်နှင့် အေးချမ်းသွားသည့် ဥပဓိကိုပိုင်ဆိုင်ထားသော အမျိုးသားတစ်ဦးရှိနေသေးသည်။ မာန်မာနမရှိဘဲ ကြည်လင်နေသော မျက်နှာပြင်က အနည်းငယ်တော့ ညှိုးနွမ်းဖျော့တော့ နေသည်။ ထိုသူကတော့ သစ်ခက်လွှား၏ဖေဖေ
ဦးရိုးရှင်းသွင် ဖြစ်ပေသည်။
အသက်လေးဆယ်ကျော်အရွယ်အမျိုးသားနှစ်ဦး၏အပြင်ပန်းသဏ္ဍန်သည်ဘနုပျိုဆဲ ၊ တင့်တယ်ဆဲပင်။
မြင်တွေ့နေရသော အသွင်အပြင်တွေဟာ ကွဲပြားခြားနားကာ ဆန့်ကျင်ဘက် ဖြစ်နေသော်လည်း ထိုမတူညီမှုနှစ်ခုပေါင်းစပ်ထားခြင်းဟာ လွန်စွာလိုက်ဖက်ပြီး ပနံသင့်နေလေသည်။
" ခွပ်! "
အသက်လေးဆယ်ကျော်အရွယ် အမျိုးသားတစ်ဦးရဲ့ အားသည် ဝန်း ရဲ့ခေါင်းတစ်ခုလုံးကို လည်ထွက်သွားစေသည်။နှုတ်ခမ်းထောင့်မှစီးကျလာသော သွေးစကို လက်မဖြင့် ရှင်းလင်းဖယ်ထုတ်လိုက်ကာ ထပ်မံကျရောက်လာမည့် ထိုးချက်ကို မျက်လုံးစုံမှိတ်ရင်း ခံယူရန် အသင့်ပြင်ထားလိုက်သည်။
" ဖေကြီး! "
အရှေ့ကကောင်လေးအား ထိုးရန်ရွယ်နေသော ဦးတည်ကြည်ခန့် ကို
ဦးရိုးရှင်းသွင် ဟန့်တားလိုက်သည်။
အထိုးခံရလောက်သည်အထိ ထိုကောင်လေးမှာ အပြစ်မှ မရှိတာပဲလေ။
လူအများရှေ့မှာ ထိုးခံလိုက်ရတဲ့ နိုင်ငံကျော်မင်းသားတစ်ဦးက ရှက်ရွံခြင်းတွေ သိက္ခာကျဆင်းခြင်းတွေကို ဂရုမထားနိုင်ဘဲ ထိုးခံသင့်တဲ့လူလို့
ကိုယ့်ကိုယ်ကို သတ်မှတ်ထားလေသလား။
