တစ်ဦးကိုတစ်ဦး ကြင်နာယုယစွာ နမ်းရှိုက်နေသော ကောင်လေးနှစ်ယောက်။ လှုပ်ရှားမှုပုံရိပ်တွေက ချစ်ခြင်းများစွာနဲ့ အသက်ဝင်လှသည်။အကြည့်တွေက အစ အချစ်မှာပျော်ဝင်နေကြတဲ့ မျက်ဝန်းတွေ။
" တကယ် နမ်းတာပဲ "
ဒါဟာ ဇာတ်ကားမှန်းသိပေမယ့် ဝန်းကသူမဟုတ်တဲ့ တခြားသူနဲ့ နမ်းနေတာကိုကြည့်ရတာ ဝမ်းနည်းသည်။ဝန်းက အမြဲတမ်း နမ်းတဲ့အခန်းတွေဆို ငြင်းပြီး အနမ်းအတုတွေနဲ့သာ ရိုက်နေကြ ။
ဇာတ်ကားမကြည့်ဘူးလို့ ပြောလိုက်တော့ ဝန်း စိတ်မကောင်းဖြစ်သွားတယ်ထင်လို့ ကြည့်လိုက်ကာမှ ဝန်းကို စိတ်ဆိုးချင်သွားပြန်ပြီ။
မကြည့်လိုက်ရင် ပိုကောင်းသား။" တီ...တီ...တီ....တီ "
သေချာပေါက် နှစ်ယောက်မရှိတဲ့ ဝန်းငယ် ဖုန်းဆက်လာသည်။ဝန်းလည်း ဇာတ်ကား ကြည့်နေတယ်ထင်ပါ့။ဒီအခန်းပါမယ်ဆိုတာ မပြောပြထားဘဲ အခုမှ လာချော့တော့မယ်။အချော့ခံ
ကြည့်တာပေါ့ ဟက်!။" ဟယ်လ... "
" အစ်ကို လွှား လွှား သတိရလာပြီ "
ထပ်ပြီး သစ်ခက်လွှားပဲလား။
ဝန်း အသံက တုန်တုန်ရီရီပင် ။ ပျော်လွန်းလို့ထင်ပါရဲ့။ ဘာပဲဖြစ်ဖြစ် တော်ပါသေးတယ်။ ဟိုကောင်လေးသတိရလာလို့ ရန်းလည်း ဝန်းနဲ့ထပ်တူ ဝမ်းသာပါတယ် ။သူသာ သတိရမလာရင် ဝန်း ရူးသွားလိမ့်မယ်ထင်တယ်။" သူ အဆင်ပြေတယ်မလား "
" ဟုတ် အဆင်ပြေတယ် "
" မင်းရော "
" ကျွန်တော်လား "
" အင်း "
" အဟင်း! အစ်ကိုဘာလုပ်နေတာလဲ "
" ဘာမှမလုပ်ဘူး "
ပျော်နေတဲ့အချိန်မှာ ရန်းကြောင့် စိတ်မရှုပ်စေချင်ဘူး။ဒီအချိန်က စိတ်ကောက်စရာအချိန်မှမဟုတ်တာ။အချော့ခံချင်ရမယ့်အချိန်လည်း မဟုတ်ဘူးနေမယ်။
" ကျွန်တော် အစ်ကို့ဆီအရင်ဆက်လိုက်တာ လွှား သတိရလာတာကိုပြောပြချင်လို့ "
ငါလည်း သူသတိရလာတာကို ကြားချင်နေတဲ့ လူတစ်ယောက်ပါ။
" ဒါဆို သူတို့က ပြန်တော့မှာလား "